This document is an excerpt from the EUR-Lex website
Document 32015D0349
Commission Implementing Decision (EU) 2015/349 of 2 March 2015 amending Annex II to Decision 2007/777/EC as regards the entry for the United States in the list of third countries or parts thereof from which the introduction of meat products and treated stomachs, bladders and intestines into the Union is authorised in relation to highly pathogenic avian influenza following outbreaks in the States of Idaho and California (notified under document C(2015) 1315) Text with EEA relevance
Deċiżjoni ta' Implimentazzjoni tal-Kummissjoni (UE) 2015/349 tat- 2 ta' Marzu 2015 li temenda l-Anness II tad-Deċiżjoni 2007/777/KE rigward l-entrata għall-Istati Uniti fil-lista ta' pajjiżi terzi jew partijiet minnhom minn fejn hija awtorizzata l-introduzzjoni fl-Unjoni ta' prodotti tal-laħam u ta' stonkijiet, bżieżaq tal-awrina u msaren ittrattati fir-rigward tal-influwenza tat-tjur b'patoġeniċità għolja wara t-tifqigħat fl-Istat ta' Idaho u California (notifikata bid-dokument C(2015) 1315) Test b'rilevanza għaż-ŻEE
Deċiżjoni ta' Implimentazzjoni tal-Kummissjoni (UE) 2015/349 tat- 2 ta' Marzu 2015 li temenda l-Anness II tad-Deċiżjoni 2007/777/KE rigward l-entrata għall-Istati Uniti fil-lista ta' pajjiżi terzi jew partijiet minnhom minn fejn hija awtorizzata l-introduzzjoni fl-Unjoni ta' prodotti tal-laħam u ta' stonkijiet, bżieżaq tal-awrina u msaren ittrattati fir-rigward tal-influwenza tat-tjur b'patoġeniċità għolja wara t-tifqigħat fl-Istat ta' Idaho u California (notifikata bid-dokument C(2015) 1315) Test b'rilevanza għaż-ŻEE
ĠU L 60, 4.3.2015, p. 68–69
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 20/04/2021; Impliċitament imħassar minn 32020R0692
|
4.3.2015 |
MT |
Il-Ġurnal Uffiċjali tal-Unjoni Ewropea |
L 60/68 |
DEĊIŻJONI TA' IMPLIMENTAZZJONI TAL-KUMMISSJONI (UE) 2015/349
tat-2 ta' Marzu 2015
li temenda l-Anness II tad-Deċiżjoni 2007/777/KE rigward l-entrata għall-Istati Uniti fil-lista ta' pajjiżi terzi jew partijiet minnhom minn fejn hija awtorizzata l-introduzzjoni fl-Unjoni ta' prodotti tal-laħam u ta' stonkijiet, bżieżaq tal-awrina u msaren ittrattati fir-rigward tal-influwenza tat-tjur b'patoġeniċità għolja wara t-tifqigħat fl-Istat ta' Idaho u California
(notifikata bid-dokument C(2015) 1315)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum uman (1), u b'mod partikolari l-frażi introduttorja tal-Artikolu 8, l-ewwel subparagrafu tal-punt 1 tal-Artikolu 8, il-punt 4 tal-Artikolu 8, u l-Artikolu 9(4)(c) tagħha,
Billi:
|
(1) |
Id-Deċiżjoni tal-Kummissjoni 2007/777/KE (2) tistipula r-regoli tas-saħħa tal-annimali u tas-saħħa pubblika għall-importazzjoni fl-Unjoni u t-tranżitu minnha ta' kunsinni ta' prodotti tal-laħam u stonkijiet, bżieżaq tal-awrina u msaren ittrattati (“il-prodotti”). |
|
(2) |
Il-Parti 1 tal-Anness II tad-Deċiżjoni 2007/777/KE tiddeskrivi ż-żoni tal-pajjiżi terzi minn fejn l-introduzzjoni tal-prodotti fl-Unjoni hija ristretta għal raġunijiet ta' saħħa tal-annimali u fejn hija applikata r-reġjonalizzazzjoni. Il-Parti 2 ta' dak l-Anness tistabbilixxi lista' ta' pajjiżi terzi jew ta' partijiet minnhom minn fejn l-inroduzzjoni tal-prodotti fl-Unjoni hija awtorizzata, kemm-il darba l-prodotti jkun sarilhom it-trattament relevanti, kif stipulat fil-Parti 4 ta' dak l-Anness. |
|
(3) |
L-Istati Uniti hija elenkata fil-Parti 2 tal-Anness II tad-Deċiżjoni 2007/777/KE bħala pajjiż terz li minnu huma awtorizzati l-importazzjoni fl-Unjoni u t-tranżitu minnha ta' kunsinni ta' prodotti miksuba minn pollam, tjur imrobbi għall-kaċċa u tjur tal-kaċċa selvaġġ minn ċerti partijiet tat-territorju tagħhom skont il-preżenza tat-tifqigħat tal-HPAI. Din ir-reġjonalizzazzjoni ġiet rikonoxxuta bid-Deċiżjoni 2007/777/KE, kif emendata bid-Deċiżjoni ta' Implimentazzjoni tal-Kummissjoni (UE) 2015/252 (3), wara tifqigħat tal-HPAI fl-Istati ta' Oregon u Washington. Id-Deċiżjoni 2007/777/KE tipprovdi li dawk il-prodotti miż-żoni milquta tal-Istati ta' Oregon u Washington, jistgħu jiġu awtorizzati għall-introduzzjoni fl-Unjoni wara li jkun sarilhom it-trattament “D” kif stipulat fil-Parti 4 tal-Anness II tad-Deċiżjoni 2007/777/KE (“it-trattament D”). |
|
(4) |
L-Istati Uniti kkonfermaw il-preżenza tas-sottotip H5N2 tal-HPAI f'qatgħa ta' pollam fl-Istat ta' Idaho fl-20 ta' Jannar 2015 u l-preżenza tas-sottotip H5N8 tal-HPAI fl-Istat ta' California fit-23 ta' Jannar 2015. L-awtoritajiet veterinarji tal-Istati Uniti ssospendew minnufih il-ħruġ taċ-ċertifikati veterinarji għall-kunsinni tal-prodotti kkonċernati maħsuba li jiġu introdotti fl-Unjoni minn dawk l-Istati u parti mill-Istat ta' Oregon li tpoġġewlhom ir-restrizzjonijiet marbuta ma' dawn it-tifqigħat il-ġodda. L-Istati Uniti implimentaw ukoll politika ta' qerda biex jikkontrollaw l-HPAI u jillimitaw it-tixrid tagħha. |
|
(5) |
Ftehim bejn l-Unjoni u l-Istati Uniti (4) jipprovdi għar-rikonoxximent reċiproku malajr tal-miżuri ta' reġjonalizzazzjoni fil-każ ta' tifqigħat ta' mard fl-Unjoni jew fl-Istati Uniti (“il-Ftehim”). |
|
(6) |
Minħabba l-preżenza tal-HPAI fl-Istati ta' Idaho u California, il-prodotti miksuba minn pollam, tjur imrobbi għall-kaċċa u tjur tal-kaċċa selvaġġ minn dawk il-partijiet tal-Istati msemmija hawn fuq u mill-parti tal-Istat ta' Oregon li l-awtoritajiet veterinarji tal-Istati Uniti tal-Amerika poġġew taħt restrizzjonijiet, għallinqas għandu jsirilhom it-trattament “D” għall-prevenzjoni tal-introduzzjoni tal-vajrus HPAI fl-Unjoni. |
|
(7) |
Għalhekk, il-Parti 1 tal-Anness II tad-Deċiżjoni 2007/777/KE għandha tiġi emendata skont dan. |
|
(8) |
Għalhekk id-Deċiżjoni 2007/777/KE għandha tiġi emendata skont dan. |
|
(9) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Anness II tad-Deċiżjoni 2007/777/KE huwa emendat skont l-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-2 ta' Marzu 2015.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 18, 23.1.2003, p. 11.
(2) Id-Deċiżjoni tal-Kummissjoni 2007/777/KE tad-29 ta' Novembru 2007 li tistipula l-kundizzjonijiet tas-saħħa tal-annimali u tas-saħħa pubblika kif ukoll il-mudelli taċ-ċertifikati għall-importazzjonijiet ta' ċerti prodotti tal-laħam u tal-istonku, il-bżieżaq tal-awrina u l-imsaren ittrattati għall-konsum mill-bniedem minn pajjiżi terzi u li tirrevoka d-Deċiżjoni 2005/432/KE (ĠU L 312, 30.11.2007, p. 49).
(3) Deċiżjoni ta' Implimentazzjoni tal-Kummissjoni (UE) 2015/252 tat-13 ta' Frar 2015 li temenda l-Anness II tad-Deċiżjoni 2007/777/KE f'dak li għandu x'jaqsam mal-entrata għall-Istati Uniti fil-lista ta' pajjiżi terzi jew partijiet tagħhom, li minnhom huwa awtorizzat id-dħul fl-Unjoni ta' prodotti tal-laħam u ta' stonkijiet, bżieżaq tal-awrina u msaren ittrattati f'dak li għandu x'jaqsam mal-influwenza tat-tjur b'patoġeniċità għolja (ĠU L 41, 17.2.2015, p. 52).
(4) Il-Ftehim bejn il-Komunità Ewropea u l-Gvern tal-Istati Uniti tal-Amerika dwar miżuri sanitarji li jipproteġu s-saħħa pubblika u dik tal-annimali fil-kummerċ ta' annimali ħajjin u prodotti tal-annimali kif approvat f'isem il-Komunità Ewropea bid-Deċiżjoni tal-Kunsill 1998/258/KE (ĠU L 118, 21.4.1998, p. 1).
ANNESS
Fil-Parti 1 tal-Anness II tad-Deċiżjoni 2007/777/KE l-entrata għall-Istati Uniti tinbidel b'dan li ġej:
|
“L-Istati Uniti |
US |
01/2014 |
Il-pajjiż sħiħ |
|||||||
|
US-1 |
01/2014 |
Il-pajjiż sħiħ tal-Istati Uniti, minbarra ż-żona US-2. |
||||||||
|
US-2 |
01/2014 |
Iż-żona tal-Istati Uniti li tikkorrispondi għal:
|