This document is an excerpt from the EUR-Lex website
Document 32015D0202
Council Decision (CFSP) 2015/202 of 9 February 2015 amending Decision 2010/656/CFSP renewing the restrictive measures against Côte d'Ivoire
Deċiżjoni tal-Kunsill (PESK) 2015/202 tad- 9 ta' Frar 2015 li temenda d-Deċiżjoni 2010/656/PESK li ġġedded il-miżuri restrittivi kontra l-Côte d'Ivoire
Deċiżjoni tal-Kunsill (PESK) 2015/202 tad- 9 ta' Frar 2015 li temenda d-Deċiżjoni 2010/656/PESK li ġġedded il-miżuri restrittivi kontra l-Côte d'Ivoire
ĠU L 33, 10.2.2015, p. 37–37
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 10/06/2016; Impliċitament imħassar minn 32016D0917
|
10.2.2015 |
MT |
Il-Ġurnal Uffiċjali tal-Unjoni Ewropea |
L 33/37 |
DEĊIŻJONI TAL-KUNSILL (PESK) 2015/202
tad-9 ta' Frar 2015
li temenda d-Deċiżjoni 2010/656/PESK li ġġedded il-miżuri restrittivi kontra l-Côte d'Ivoire
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 29 tiegħu,
Billi:
|
(1) |
Fid-29 ta' Ottubru 2010, il-Kunsill adotta d-Deċiżjoni 2010/656/PESK (1). |
|
(2) |
Deroga mill-projbizzjoni fuq il-bejgħ, il-provvista, it-trasferiment jew l-esportazzjoni ta' tagħmir li jista' jintuża għar-ripressjoni interna għandha tiġi introdotta sabiex tippermetti l-bejgħ, il-provvista, it-trasferiment jew l-esportazzjoni ta' ċerti oġġetti għall-użu ċivili biss fi proġetti ta' tħaffir ta' minjieri jew ta' infrastruttura. |
|
(3) |
Tinħtieġ aktar azzjoni mill-Unjoni sabiex tiġi implimentata dik il-miżura, |
ADOTTA DIN ID-DEĊIŻJONI:
Artikolu 1
Fid-Deċiżjoni 2010/656/PESK, jiddaħħal l-Artikolu li ġej:
“Artikolu 1a
L-Artikolu 1 m'għandux japplika għall-bejgħ, il-provvista, it-trasferiment jew l-esportazzjoni ta' ċertu tagħmir li jista' jintuża għar-ripressjoni interna fejn it-tagħmir jintuża għall-użu ċivili biss fi proġetti ta' tħaffir ta' minjieri jew ta' infrastruttura, soġġett għall-awtorizzazzjoni skont il-każ mill-awtoritajiet kompetenti tal-Istat Membru li qed jesporta.”
Artikolu 2
Din id-Deċiżjoni għandha tidħol fis-seħħ fil-jum ta' wara dak tal-pubblikazzjoni f'Il-Ġurnal Uffiċjali tal-Unjoni Ewropea.
Magħmul fi Brussell, id-9 ta' Frar 2015.
Għall-Kunsill
Il-President
F. MOGHERINI
(1) Id-Deċiżjoni tal-Kunsill 2010/656/PESK tad-29 ta' Ottubru 2010 dwar il-miżuri restrittivi kontra l-Côte d'Ivoire (ĠU L 285, 30.10.2010, p. 28).