This document is an excerpt from the EUR-Lex website
Document 32014R1287
Commission Implementing Regulation (EU) No 1287/2014 of 28 November 2014 amending and correcting Regulation (EC) No 1235/2008 laying down detailed rules for implementation of Council Regulation (EC) No 834/2007 as regards the arrangements for imports of organic products from third countries Text with EEA relevance
Regolament ta' Implimentazzjoni tal-Kummissjoni (UE) Nru 1287/2014 tat- 28 ta' Novembru 2014 li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi Test b'rilevanza għaż-ŻEE
Regolament ta' Implimentazzjoni tal-Kummissjoni (UE) Nru 1287/2014 tat- 28 ta' Novembru 2014 li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi Test b'rilevanza għaż-ŻEE
ĠU L 348, 4.12.2014, p. 1–21
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2021; Impliċitament imħassar minn 32021R2306
4.12.2014 |
MT |
Il-Ġurnal Uffiċjali tal-Unjoni Ewropea |
L 348/1 |
REGOLAMENT TA' IMPLIMENTAZZJONI TAL-KUMMISSJONI (UE) Nru 1287/2014
tat-28 ta' Novembru 2014
li jemenda u jikkoreġi r-Regolament tal-Kummissjoni (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 834/2007 tat-28 ta' Ġunju 2007 dwar il-produzzjoni organika u t-tikkettar ta' prodotti organiċi u li jħassar ir-Regolament (KEE) Nru 2092/91 (1), u b'mod partikolari l-Artikolu 33(2) u (3) u l-Artikolu 38(d) tiegħu,
Billi:
(1) |
Ir-Regolament tal-Kummissjoni (KE) Nru 1235/2008 (2) jipprevedi perjodu biex l-entitajiet tal-kontroll u l-awtoritajiet tal-kontroll jissottomettu t-talba tagħhom għal rikonoxximent bi skop ta' konformità skont l-Artikolu 32 tar-Regolament (KE) Nru 834/2007. Peress li l-implimentazzjoni tad-dispożizzjonijiet rigward importazzjoni ta' prodotti konformi għadha qed tiġi evalwata u l-linji gwida, il-mudelli, il-kwestjonarji u s-sistema ta' trażmissjoni elettronika meħtieġa relatati għadhom qed jiġu żviluppati, l-iskadenza għall-preżentazzjoni ta' talbiet mill-korpi ta' kontroll u mill-awtoritajiet ta' kontroll għandha tiġi mtawla. |
(2) |
L-Anness III tar-Regolament (KE) Nru 1235/2008 jistabbilixxi l-lista ta' pajjiżi terzi li s-sistemi tal-produzzjoni u l-miżuri tal-kontroll tagħhom għall-produzzjoni organika ta' prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007. |
(3) |
Skont it-tagħrif ipprovdut mill-Iżrael, l-istandard tal-produzzjoni rilevanti inbidel u r-rikonoxximent ta' wieħed mill-korpi ta' kontroll li kienu rikonoxxuti qabel ġie rtirat. |
(4) |
Skont t-tagħrif ipprovdut mit-Tuneżija, ir-rikonoxximent ta' korp wieħed ta' kontroll, li temm l-attivitajiet tiegħu minħabba fużjoni, ġie rtirat, filwaqt li korp ieħor involut fil-fużjoni ġie miżjud mal-lista ta' korpi ta' kontroll rikonoxxuti mit-Tuneżija. Ir-rikonoxximent ta' żewġ korpi ta' kontroll oħra ġie rtirat. |
(5) |
L-Anness IV għar-Regolament (KE) Nru 1235/2008 fih lista tal-korpi tal-kontroll u tal-awtoritajiet tal-kontroll li huma kompetenti biex iwettqu l-kontrolli u joħorġu ċ-ċertifikati f'pajjiżi terzi għall-iskop ta' ekwivalenza. |
(6) |
Il-Kummissjoni rċeviet u eżaminat talbiet min-naħa tal-korpi tal-kontroll li għandhom jiġu inklużi fil-lista stabbilita fl-Anness IV tar-Regolament (KE) Nru 1235/2008, kif ukoll talbiet li jemendaw l-ispeċifikazzjonijiet tal-korpi ta' kontroll elenkati. |
(7) |
Il-korpi tal-kontroll li għalihom l-eżami sussegwenti tal-informazzjoni mibgħuta kollha li kien sar wassal għall-konklużjoni li huma jikkonformaw mar-rekwiżiti rilevanti għandhom jiġu inklużi fl-Anness IV tar-Regolament (KE) Nru 1235/2008. Għandhom jiġu emendati l-ispeċifikazzjonijiet tal-korpi tal-kontroll elenkati f'dak l-Anness li l-eżami li sar fir-rigward tagħhom tal-informazzjoni kollha riċevuta wassal għall-konklużjoni li r-rekwiżiti rilevanti huma ssodisfati. |
(8) |
Il-Kummissjoni rċeviet informazzjoni konċiża fil-forma ta' rapporti annwali imressqa sal-31 ta' Marzu 2013 jew it-28 ta' Frar 2014 skont l-Artikolu 12(1)(b) tar-Regolament (KE) Nru 1235/2008 u permezz ta' komunikazzjonijiet mal-korpi ta' kontroll. |
(9) |
Skont l-Artikolu 12(1)(c) tar-Regolament (KE) Nru 1235/2008, il-Kummissjoni tista', fid-dawl tal-informazzjoni riċevuta jew fid-dawl tan-nuqqas ta' informazzjoni meħtieġa, fi kwalunkwe żmien temenda l-ispeċifikazzjonijiet jew tissospendi d-dħul ta' korp ta' kontroll fl-Anness IV ta' dak ir-Regolament. Abbażi ta' dan, għandhom jiġu emendati l-ispeċifikazzjonijiet tal-korpi tal-kontroll li l-eżami li sar fir-rigward tagħhom tal-informazzjoni kollha riċevuta wassal għall-konklużjoni li r-rekwiżiti rilevanti ma kinux għadhom rispettati. |
(10) |
IMOswiss AG, elenkata fl-Anness IV tar- Regolament (KE) Nru 1235/2008, infurmat lill-Kummissjoni fis-17 ta' Ġunju 2014 li kienet temmet l-attività tagħha fiċ-Ċina. Barra minn hekk, tagħrif addizzjonali mogħti minn IMOswiss AG fis-7 ta' Marzu 2014 għar-rapport annwali tal-2012 kien fih id-dikjarazzjoni mill-korp tal-valutazzjoni Swiss Accreditation Service li l-Brażil u s-Surinam ma kinux inklużi fil-valutazzjoni tagħha ta' IMOswiss AG. IMOswiss AG kienet mistiedna mill-Kummissjoni biex tipprovdi rapport ta' valutazzjoni ieħor skont ir-rekwiżiti tar- Regolament (KE) Nru 834/2007, iżda ma weġbitx fi żmien l-iskadenzi stabbiliti. Dawk il-pajjiżi għandhom għalhekk jitneħħew mill-ispeċifikazzjonijiet ta' IMOoswiss AG fl-Anness IV għar-Regolament (KE) Nru 1235/2008 sakemm tingħata informazzjoni sodisfaċenti. |
(11) |
Organic Food Development Center huwa elenkat fl-Anness IV tar-Regulation (KE) Nru 1235/2008 għaċ-Ċina. Il-Kummissjoni talbet iktar informazzjoni dwar ir-rapport annwali ta' Organic Food Development Center fir-rigward tal-attivitajiet ta' kontroll fl-2012. Barra minn hekk, fid-dawl ta' diversi residwi ta' pestiċidi misjuba f'kampjuni ta' prodotti organiċi importati fl-Unjoni miċ-Ċina, il-Kummissjoni talbet lil Organic Food Development Center biex jieħu azzjoni u japplika miżuri ta' kontroll imsaħħa fir-rigward taċ-Ċina. Il-Kummissjoni ma rċeviet ebda risposta għal dawn it-talbiet fi żmien l-iskadenzi stabbiliti. Organic Food Development Center għandu għalhekk jitneħħa mil-lista fl-Anness IV tar-Regolament (KE) Nru 1235/2008 sakemm tingħata informazzjoni sodisfaċenti. |
(12) |
Skont l-informazzjoni li waslet minn IBD Certifications Ltd u Organska Kontrola, elenkati fl-Anness IV tar-Regolament (KE) Nru 1235/2008, l-indirizzi tagħhom inbidlu. |
(13) |
IMO Control Private Limited nnotifikat lill-Kummissjoni bil-bidliet li jikkonċernaw l-indirizz tal-Internet. |
(14) |
L-Istituto Mediterraneo di Certificazione s.r.l. (IMC) u CCPB Srl innotifikaw lill-Kummissjoni li ż-żewġ korpi ta' kontroll għaqqdu l-attivitajiet tagħhom mill-1 ta' Lulju 2014, li l-IMC temmet l-operazzjonijiet tagħha u li s-CCPB Srl ser tkompli l-attivitajiet tagħha. L-Istituto Mediterraneo di Certificazione s.r.l. għandu għalhekk jitneħħa mil-lista fl-Anness IV tar-Regolament (KE) Nru 1235/2008. |
(15) |
Skont l-Artikolu 12(2) tar-Regolament (KE) Nru 1235/2008, il-Kummissjoni tista', f'ċerti każi, tirtira korp ta' kontroll, jew referenza għal kategorija speċifika ta' prodotti jew għal pajjiż terz speċifiku b'rabta ma' dak il-korp tal-kontroll, mil-lista fl-Anness IV ta' dak ir-Regolament. Abbażi ta' dan, għandhom jiġu rtirati minn dik il-lista l-korpi ta' kontroll li għalihom l-eżami sussegwenti tal-informazzjoni riċevuta kollha li sar wassal għall-konklużjoni li huma ma jikkonformawx mar-rekwiżiti rilevanti. |
(16) |
Bio Latina Certificadora hija elenkat fl-Anness IV tar-Regolament (KE) Nru 1235/2008. Bio Latina Certificadora kienet intalbet mill-Kummissjoni biex tipprovdi r-riżultati tal-investigazzjonijiet tagħha fuq sitt każijiet ta' irregolaritajiet innotifikati mill-Kummissjoni, iżda din ma weġbitx sal-iskadenza ta' żmien mogħtija, u lanqas wara li ġiet imfakkra. Għalhekk, il-pajjiżi u l-kategoriji tal-prodotti kkonċernati għandhom jiġu rtirati mill-kamp ta' applikazzjoni tar-rikonoxximent tagħha kif jistipula l-Anness IV tar-Regolament (KE) Nru 1235/2008. Barra minn hekk, Bio Latina Certificadora nnotifikat lill-Kummissjoni bil-bidliet fl-indirizz tagħha li għandhom ikunu riflessi fl-entrata tagħha f'dak l-Anness. |
(17) |
Australian Certified Organic, BCS Öko-Garantie GmbH, Bioagricert S.r.l., Control Union Certifications u Organic agriculture certification Thailand huma elenkati fl-Anness IV tar-Regolament (KE) Nru 1235/2008 għall-“Burma/Mjanmar”. Skont il-metodoloġija rakkomandata, l-isem li jintuża f'atti tal-Unjoni, “Burma/il-Mjanmar” għandu jiġu sostitwit b' “il-Mjanmar/Burma”. |
(18) |
L-Anness IV tar-Regolament (KE) Nru 1235/2008 kif emendat bir-Regolament ta' Implimentazzjoni tal-Kummissjoni (UE) Nru 355/2014 (3) jelenka lil Bioagricert S.r.l. bħala korp ta' kontroll rikonoxxut għall-kategorija ta' prodotti A. Peress li l-Indja hija elenkata fl-Anness III tar- Regolament (KE) Nru 1235/2008 għall-kategoriji ta' prodotti A u F, Bioagricert S.r.l. ma setgħetx tiġi rikonoxxuta għall-Indja għal dawk il-kategoriji ta' prodotti, skont l- Artikolu 10(2)(b) tar-Regolament (KE) Nru 1235/2008. Ir-rikonoxximent għall-kategorija ta' prodotti A għandu għalhekk jiġi mħassar. Bioagricert S.r.l. ġew mistiedna mill-Kummissjoni biex ma jiċċertifikawx prodotti li jaqgħu fi ħdan il-kategorija A abbażi ta' referenza żbaljata għal dik il-kategorija ta' prodotti. |
(19) |
L-Anness IV tar-Regolament (KE) Nru 1235/2008 kif emendat mir-Regolament ta' Implimentazzjoni tal-Kummissjoni (UE) Nru 829/2014 (4) fih żball b'rabta man-numru tal-kodiċi għaż-Żambja għall-korp ta' kontroll Control Union Certifications. Dak l-iżball għandu jiġi kkorreġut. |
(20) |
Għalhekk, l-Annessi III u IV tar-Regolament (KE) Nru 1235/2008 għandhom jiġu emendati skont dan. |
(21) |
Sabiex tiġi żgurata l-estensjoni tal-iskadenza għat-tressiq ta' talbiet għal rikonoxximent bi skop ta' konformità mal-Artikolu 32 tar- Regolament (KE) Nru 834/2007, dan ir-Regolament għandu jidħol fis-seħħ l-għada tal-pubblikazzjoni tiegħu. Madankollu, sabiex jippermettu lill-operaturi jaddattaw l-emendi magħmula għal-listi fl-Annessi III u IV tar-Regolament (KE) Nru 1235/2008, id-dispożizzjonijiet li jemenda dawn l-Annessi għandhom japplikaw biss wara perjodu ta' żmien raġjonevoli. |
(22) |
Il-miżuri stipulati f'dan ir-Regolament huma skont l-opinjoni tal-Kumitat regolatorju għall-produzzjoni organika, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 1235/2008 huwa emendat kif ġej:
(1) |
Fl-Artikolu 4(1), “il-31 ta' Ottubru 2014” għandha tinbidel b'“il-31 ta' Ottubru 2015”; |
(2) |
L-Anness III huwa emendat skont l-Anness I ta' dan ir-Regolament. |
(3) |
L-Anness IV huwa emendat u kkoreġut skont l-Anness II ta' dan ir-Regolament. |
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Madankollu, il-punti (2) u (3) tal-Artikolu 1 għandhom japplikaw mill-24 ta' Diċembru 2014.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-28 ta' Novembru 2014.
Għall-Kummissjoni
Il-President
Jean-Claude JUNCKER
(1) ĠU L 189, 20.7.2007, p. 1.
(2) Ir-Regolament tal-Kummissjoni (KE) Nru 1235/2008 tat-8 ta' Diċembru 2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi (ĠU L 334, 12.12.2008, p. 25).
(3) Ir-Regolament ta' Implimentazzjoni tal-Kummissjoni (UE) Nru 355/2014 tat-8 ta' April 2014 li jemenda r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi (ĠU L 106, 9.4.2014, p. 15).
(4) Ir-Regolament ta' Implimentazzjoni tal-Kummissjoni (UE) Nru 829/2014 tal-30 ta' Lulju 2014 li jemenda u jikkoreġi r-Regolament (KE) Nru 1235/2008 li jistabbilixxi r-regoli dettaljati għall-implimentazzjoni tar-Regolament tal-Kunsill (KE) Nru 834/2007 dwar l-arranġamenti għall-importazzjonijiet ta' prodotti organiċi minn pajjiżi terzi (ĠU L 228, 31.7.2014, p. 9).
ANNESS I
L-Anness III tar-Regolament (KE) Nru 1235/2008 huwa emendat kif ġej:
(1) |
L-entrata dwar l-Iżrael għandha tiġi emendata kif ġej:
|
(2) |
Fl-entrata li tirrigwardja t-Tuneżija, il-punt 5 jinbidel b'dan li ġej:
|
ANNESS II
L-Anness IV tar-Regolament (KE) Nru 1235/2008 hu emendat u kkoreġut kif ġej::
(1) |
Fl-entrata dwar “Australian Certified Organic”, il-punt 3 għandu jinbidel b'dan li ġej:
|
(2) |
Fl-entrata dwar “BCS Öko-Garantie GmbH”, il-punt 3 għandu jinbidel b'dan li ġej:
|
(3) |
Fit-test li jirrigwardja lil “Bioagricert S.r.l.”, il-punt 3 jinbidel b'dan li ġej:
|
(4) |
L-entrata dwar “Bio Latina Certificadora” għandha tiġi emendata kif ġej:
|
(5) |
Fl-entrata dwar “CCPB Srl”, il-punt 3 għandu jinbidel b'dan li ġej:
|
(6) |
Fl-entrata dwar “CERES Certification of Environmental Standards GmbH”, il-punt 3 għandu jinbidel b'dan li ġej:
|
(7) |
Fl-entrata dwar “Control Union Certifications”, il-punt 3 jinbidel b'dan li ġej:
|
(8) |
Fl-entrata dwar “Ecocert SA”, il-punt 3 għandu jinbidel b'dan li ġej:
|
(9) |
L-entrata dwar “Ecoglobe” għandha tiġi emendata kif ġej:
|
(10) |
Fl-entrata dwar “IBD Certifications Ltd”, il-punt 1 jinbidel b'dan li ġej:
|
(11) |
Fl-entrata dwar “IMOswiss AG”, il-punt 3 għandu jinbidel b'dan li ġej:
|
(12) |
Fl-entrata dwar “BioGro New Zealand Limited”, il-punt 2 għandu jinbidel b'dan li ġej:
|
(13) |
L-entrata dwar l-“Istituto Mediterraneo di Certificazione s.r.l.” hija mħassra. |
(14) |
L-entrata dwar “Letis S.A.” għandha tiġi emendata kif ġej:
|
(15) |
Fl-entrata dwar “Organic agriculture certification Thailand”, il-punt 3 jinbidel b'dan li ġej:
|
(16) |
L-entrata dwar “Organic Food Development Center” hija mħassra. |
(17) |
Fl-entrata dwar “Organska Kontrola”, il-punt 1 għandu jinbidel b'dan li ġej:
|
(*) Din id-deżinjazzjoni hija bla preġudizzju għall-pożizzjonijiet dwar l-istatus, u hija konformi mal-UNSCR 1244 u l-Opinjoni tal-QIĠ dwar id-dikjarazzjoni ta' indipendenza tal-Kosovo.”