This document is an excerpt from the EUR-Lex website
Document 32013R0798
Commission Implementing Regulation (EU) No 798/2013 of 21 August 2013 amending Implementing Regulation (EU) No 540/2011 as regards the conditions of approval of the active substance pyrethrins Text with EEA relevance
Regolament ta’ Implimentazzjoni tal-Kummissjoni (UE) Nru 798/2013 tal- 21 ta’ Awwissu 2013 li jemenda r-Regolament ta’ Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva piretrini Test b’relevanza għaż-ŻEE
Regolament ta’ Implimentazzjoni tal-Kummissjoni (UE) Nru 798/2013 tal- 21 ta’ Awwissu 2013 li jemenda r-Regolament ta’ Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva piretrini Test b’relevanza għaż-ŻEE
ĠU L 224, 22.8.2013, p. 9–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
22.8.2013 |
MT |
Il-Ġurnal Uffiċjali tal-Unjoni Ewropea |
L 224/9 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 798/2013
tal-21 ta’ Awwissu 2013
li jemenda r-Regolament ta’ Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva piretrini
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 13(2) tiegħu,
Billi:
(1) |
Is-sustanza attiva piretrini ddaħħlet fl-Anness I tad-Direttiva tal-Kunsill 91/414/KEE (2) bid-Direttiva tal-Kummissjoni 2008/127/KE (3) skont il-proċedura prevista fl-Artikolu 24b tar-Regolament tal-Kummissjoni (KE) Nru 2229/2004 tat-3 ta’ Diċembru 2004 li jistabbilixxi aktar regoli fid-dettall għall-implimentazzjoni tar-raba’ stadju tal-programm ta’ ħidma msemmi fl-Artikolu 8(2) tad-Direttiva tal-Kunsill 91/414/KEE (4). Minn meta d-Direttiva 91/414/KEE nbidlet bir-Regolament (KE) Nru 1107/2009, din is-sustanza bdiet titqies approvata skont dak ir-Regolament u tniżżlet fil-Parti A tal-Anness tar-Regolament tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill fir-rigward tal-lista tas-sustanzi attivi approvati (5). |
(2) |
Skont l-Artikolu 25a tar-Regolament (KE) Nru 2229/2004, fit-12 ta’ Diċembru 2012 l-Awtorità Ewropea dwar is-Sigurtà fl-Ikel, minn hawn il quddiem “l-Awtorità”, tat l-opinjoni tagħha lill-Kummissjoni dwar l-abbozz tar-rapport tal-analiżi għall-piretrini (6). L-Awtorità wasslet l-opinjoni tagħha dwar il-piretrini lin-notifikatur. Il-Kummissjoni stednitu jressaq il-kummenti dwar l-abbozz tar-rapport tal-analiżi għall-piretrini. L-abbozz tar-rapport tal-analiżi u l-opinjoni tal-Awtorità rrivedewhom l-Istati Membri u l-Kummissjoni fil-Kumitat Permanenti dwar il-Katina Alimentari u s-Saħħa tal-Annimali u fis-16 ta’ Lulju 2013 ġew finalizzati fil-format ta’ rapport tal-analiżi tal-Kummissjoni għall-piretrini. |
(3) |
Ġie kkonfermat li s-sustanza attiva piretrini trid titqies li ġiet approvata skont ir-Regolament (KE) Nru 1107/2009. |
(4) |
Skont l-Artikolu 13(2) tar-Regolament (KE) Nru 1107/2009 flimkien mal-Artikolu 6 tiegħu, u fid-dawl tal-għarfien xjentifiku u tekniku attwali, jeħtieġ jiġu emendati l-kundizzjonijiet għall-approvazzjoni tal-piretrini. B’mod partikolari, jixraq li tintalab iktar informazzjoni ta’ konferma. |
(5) |
Għalhekk l-Anness tar-Regolament ta’ Implimentazzjoni (UE) Nru 540/2011 għandu jiġi emendat skont dan. |
(6) |
Għandu jitħalla jgħaddi perjodu raġonevoli ta’ żmien qabel l-applikazzjoni ta’ dan ir-Regolament sabiex l-Istati Membri, in-notifikaturi u d-detenturi tal-awtorizzazzjonijiet tal-prodotti għall-protezzjoni tal-pjanti li fihom il-piretrini jkunu jistgħu jissodisfaw ir-rekwiżiti li jirriżultaw mill-emenda tal-kundizzjonijiet tal-approvazzjoni. |
(7) |
Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Il-Parti A tal-Anness tar-Regolament ta’ Implimentazzjoni (UE) Nru 540/2011 hu emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan għandu jibda japplika mill-1 ta’ Jannar 2014.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta’ Awwissu 2013.
Għall-Kummissjoni
Il-President
José Manuel BARROSO
(1) ĠU L 309, 24.11.2009, p. 1.
(2) ĠU L 230, 19.8.1991, p. 1.
(3) ĠU L 344, 20.12.2008, p. 89.
(4) ĠU L 379, 24.12.2004, p. 13.
(5) ĠU L 153, 11.6.2011, p. 1.
(6) L-Awtorità Ewropea dwar is-Sigurtà fl-Ikel; Il-konklużjoni dwar l-evalwazzjoni bejn il-pari tal-valutazzjoni tar-riskju tal-pestiċida tas-sustanza attiva piretrini. The EFSA Journal 2013;11(1):3032. [76 pp.] doi:10.2903/j.efsa.2013.3032. Jista’ jinstab fuq: www.efsa.europa.eu/efsajournal.
ANNESS
Fil-Parti A tal-Anness tar-Regolament ta’ Implimentazzjoni (UE) Nru 540/2011, ir-ringiela 246 dwar is-sustanza attiva piretrini tinbidel b’dan li ġej:
Numru |
Isem Komuni, Numri tal-Identifikazzjoni |
Isem IUPAC |
Purità |
Data tal-approvazzjoni |
Skadenza tal-approvazzjoni |
Dispożizzjonijiet speċifiċi |
||||||||||||
“246 |
Piretrini: 8003-34-7 Nru CIPAC: 32 Estratt A: estrattivi ta’ Chrysanthemum cinerariaefolium: 89997-63-7 Piretrin 1: CAS 121-21-1 Piretrin 2: CAS 121-29-9 Ċinerin 1: CAS 25402-06-6 Ċinerin 2: CAS 121-20-0 Jasmolin 1: CAS 4466-14-2 Jasmolin 2: CAS 1172-63-0 Estratt B: Piretrin 1: CAS 121-21-1 Piretrin 2: CAS 121-29-9 Ċinerin 1: CAS 25402-06-6 Ċinerin 2: CAS 121-20-0 Jasmolin 1: CAS 4466-14-2 Jasmolin 2: CAS 1172-63-0 |
Il-piretrini huma taħlita kumplessa ta’ sustanzi kimiċi. |
Estratt A: ≥ 500 g/kg Piretrini Estratt B: ≥ 480 g/kg Piretrini |
fl-1 ta’ Settembru 2009. |
fil-31 ta’ Awwissu 2019. |
PARTI A Jistgħu jiġu awtorizzati biss użi bħala insettiċida. PARTI B Għall-implimentazzjoni tal-prinċipji uniformi kif jissemmew fl-Artikolu 29(6) tar-Regolament (KE) Nru 1107/2009, għandhom jitqiesu l-konklużjonijiet tar-rapport tal-analiżi għall-piretrini (SANCO/2627/2008) u b’mod partikolari l-Appendiċijiet I u II tiegħu, kif iffinalizzat fil-Kumitat Permanenti dwar il-Katina Alimentari u s-Saħħa tal-Annimali. F’din il-valutazzjoni ġenerali l-Istati Membri għandhom jagħtu każ l-aktar:
Meta jixraq, il-kundizzjonijiet tal-użu għandu jkun fihom l-applikazzjoni ta’ tagħmir adegwat għall-protezzjoni personali u miżuri oħra li jtaffu r-riskju. L-applikant għandu jressaq l-informazzjoni ta’ konferma dwar:
Lill-Kummissjoni, lill-Istati Membri, u lill-Awtorità, l-applikant għandu jressqilhom l-informazzjoni stabbilita fil-punt (1) sal-31 ta’ Marzu 2014 u l-informazzjoni stabbilita fil-punti (2), (3) u (4) tal-31 ta’ Diċembru 2015.” |