This document is an excerpt from the EUR-Lex website
Document 32013D0491
2013/491/EU: Commission Implementing Decision of 7 October 2013 amending Decision 2009/821/EC as regards the list of border inspection posts (notified under document C(2013) 6383) Text with EEA relevance
2013/491/UE: Deċiżjoni ta’ Implimentazzjoni tal-Kummissjoni tas- 7 ta’ Ottubru 2013 li temenda d-Deċiżjoni 2009/821/KE fir-rigward tal-lista ta’ postijiet ta’ spezzjoni fuq il-fruntiera (notifikata bid-dokument C(2013) 6383) Test b’relevanza għaż-ŻEE
2013/491/UE: Deċiżjoni ta’ Implimentazzjoni tal-Kummissjoni tas- 7 ta’ Ottubru 2013 li temenda d-Deċiżjoni 2009/821/KE fir-rigward tal-lista ta’ postijiet ta’ spezzjoni fuq il-fruntiera (notifikata bid-dokument C(2013) 6383) Test b’relevanza għaż-ŻEE
ĠU L 267, 9.10.2013, p. 3–6
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 13/12/2019; Impliċitament imħassar minn 32019R1014
9.10.2013 |
MT |
Il-Ġurnal Uffiċjali tal-Unjoni Ewropea |
L 267/3 |
DEĊIŻJONI TA’ IMPLIMENTAZZJONI TAL-KUMMISSJONI
tas-7 ta’ Ottubru 2013
li temenda d-Deċiżjoni 2009/821/KE fir-rigward tal-lista ta’ postijiet ta’ spezzjoni fuq il-fruntiera
(notifikata bid-dokument C(2013) 6383)
(Test b’relevanza għaż-ŻEE)
(2013/491/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 90/425/KEE tas-26 ta’ Ġunju 1990 dwar l-iċċekkjar veterinarju u zootekniku applikabbli għall-kummerċ intra-Komunitarju ta’ ċerti annimali ħajjin u prodotti bil-ħsieb tat-tlestija tas-suq intern (1), u b’mod partikolari l-Artikolu 20(1) u (3) tagħha,
Wara li kkunsidrat id-Direttiva tal-Kunsill 91/496/KEE tal-15 ta’ Lulju 1991 li tistabbilixxi l-prinċipji li jirregolaw l-organizzazzjoni ta’ kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (2), u b’mod partikolari t-tieni sentenza tat-tieni subparagrafu tal-Artikolu 6(4) u l-Artikolu 6(5) tagħha,
Wara li kkunsidrat id-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (3), u b mod partikolari l-Artikolu 6(2) tagħha,
Billi:
(1) |
Id-Deċiżjoni tal-Kummissjoni 2009/821/KE (4) tistabbilixxi lista ta’ postijiet ta’ spezzjoni fuq il-fruntiera approvati skont id-Direttivi 91/496/KEE u 97/78/KE. Din il-lista hija stabbilita fl-Anness I ta’ dik id-Deċiżjoni. |
(2) |
Wara komunikazzjoni mid-Danimarka, il-Ġermanja, Spanja, Franza, l-Italja u r-Renju Unit, l-entrati għall-postijiet ta’ spezzjoni fuq il-fruntiera f’dawk l-Istati Membri għandhom jiġu emendati fil-lista stabbilita fl-Anness I tad-Deċiżjoni 2009/821/KE. |
(3) |
Wara li s-servizz ta’ verifika tal-Kummissjoni (formalment magħruf bħala s-servizz ta’ spezzjoni tal-Kummissjoni) u l-Uffiċċju Alimentari u Veterinarju (FVO - Food and Veterinary Office) wettqu verifiki sodisfaċenti, jistgħu jiżdiedu kategoriji addizzjonali tal-approvazzjoni ma’ erba’ postijiet ta’ spezzjoni fuq il-fruntiera fil-Kroazja u għandu jiżdied post ġdid ta’ spezzjoni fuq il-fruntiera f’London-Gateway fir-Renju Unit mal-entrati għal dawk l-Istati Membri fil-lista stabbilita fl-Anness I tad-Deċiżjoni 2009/821/KE. Hekk kif daħal fis-seħħ it-Trattat tal-Adeżjoni tal-Kroazja fl-1 ta’ Lulju 2013 u minħabba l-fatt li l-verifika ta’ hawn fuq twettqet qabel, l-emendi fil-postijiet ta’ spezzjoni fuq il-fruntiera Kroati għandhom ikunu applikabbli retroattivament mill-1 ta’ Lulju 2013 sabiex ikun żgurat li ma jinħolqu l-ebda ostakli għall-kummerċ eżistenti. |
(4) |
Il-Polonja kkomunikat li l-post ta’ spezzjoni fuq il-fruntiera fi Świnoujście għandu jitħassar mil-lista tal-entrati għal dak l-Istat Membru. Għalhekk, il-lista tal-entrati għal dan l-Istat Membru kif stabbilita fl-Anness I tad-Deċiżjoni 2009/821/KE għandha tiġi emendata skont dan. |
(5) |
Għalhekk, id-Deċiżjoni 2009/821/KE għandha tiġi emendata skont dan. |
(6) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
L-Anness I tad-Deċiżjoni 2009/821/KE huwa emendat skont l-Anness ta’ din id-Deċiżjoni.
Artikolu 2
L-emenda stabbilita fil-punt (5) tal-Anness għandha tapplika mill-1 ta’ Lulju 2013.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, is-7 ta’ Ottubru 2013.
Għall-Kummissjoni
Tonio BORG
Membru tal-Kummissjoni
(1) ĠU L 224, 18.8.1990, p. 29.
(2) ĠU L 268, 24.9.1991, p. 56.
(4) Id-Deċiżjoni tal-Kummissjoni 2009/821/KE tat-28 ta’ Settembru 2009 dwar it-tfassil ta’ lista approvata ta’ postijiet ta’ spezzjoni fuq il-fruntiera, li tistabbilixxi ċerti regoli dwar l-ispezzjonijiet imwettqa mill-esperti veterinarji tal-Kummissjoni u tistabbilixxi l-unitajiet veterinarji fi TRACES (ĠU L 296, 12.11.2009, p. 1).
ANNESS
L-Anness I tad-Deċiżjoni 2009/821/KE huwa emendat kif ġej:
(1) |
fil-parti li tikkonċerna lid-Danimarka, l-entrata għall-port f’Esbjerg tinbidel b’li ġej:
|
(2) |
il-parti li tikkonċerna lill-Ġermanja hija emendata kif ġej:
|
(3) |
il-parti li tikkonċerna lil Spanja hija emendata kif ġej:
|
(4) |
il-parti li tikkonċerna lil Franza hija emendata kif ġej:
|
(5) |
il-parti li tikkonċerna lill-Kroazja hija emendata kif ġej:
|
(6) |
fil-parti li tikkonċerna l-Italja, l-entrata għall-port f’Venezia tinbidel b’li ġej:
|
(7) |
fil-parti li tikkonċerna lill-Polonja, l-entrata għall-port f’Świnoujście titħassar. |
(8) |
il-parti li tikkonċerna lir-Renju Unit hija emendata kif ġej:
|