EUR-Lex Access to European Union law
This document is an excerpt from the EUR-Lex website
Document 32013D0332
2013/332/EU: Council Decision of 10 June 2013 on the conclusion on behalf of the European Union of the Protocol on the implementation of the 1991 Alpine Convention in the field of transport (Transport protocol)
2013/332/UE: Deċiżjoni tal-Kunsill tal- 10 ta' Ġunju 2013 dwar il-konklużjoni f’isem l-Unjoni Ewropea tal-Protokoll dwar l-iplimentazzjoni tal-Konvenzjoni Alpina tal-1991 fil-qasam tat-trasport (Protokoll dwar it-trasport)
2013/332/UE: Deċiżjoni tal-Kunsill tal- 10 ta' Ġunju 2013 dwar il-konklużjoni f’isem l-Unjoni Ewropea tal-Protokoll dwar l-iplimentazzjoni tal-Konvenzjoni Alpina tal-1991 fil-qasam tat-trasport (Protokoll dwar it-trasport)
ĠU L 177, 28.6.2013, p. 13–13
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
ELI: http://data.europa.eu/eli/dec/2013/332/oj
28.6.2013 |
MT |
Il-Ġurnal Uffiċjali tal-Unjoni Ewropea |
L 177/13 |
DEĊIŻJONI TAL-KUNSILL
tal-10 ta' Ġunju 2013
dwar il-konklużjoni f’isem l-Unjoni Ewropea tal-Protokoll dwar l-iplimentazzjoni tal-Konvenzjoni Alpina tal-1991 fil-qasam tat-trasport (Protokoll dwar it-trasport)
(2013/332/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 91 flimkien mal-Artikolu 218(6)(a)(v), u l-ewwel paragrafu tal-Artikolu 218(8) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-kunsens tal-Parlament Ewropew (1),
Billi:
(1) |
Il-Konvenzjoni dwar il-ħarsien tal-Alpi (il-Konvenzjoni Alpina) ġiet konkluża f’isem il-Komunità Ewropea mill-Kunsill bid-Deċiżjoni 96/191/KE (2). |
(2) |
Il-Kunsill iddeċieda dwar l-iffirmar, f’isem il-Komunità, tal-Protokoll dwar l-Implimentazzjoni tal-Konvenzjoni Alpina tal-1991 fil-qasam tat-trasport (il-Protokoll dwar it-trasport) bid-Deċiżjoni 2007/799/KE (3). |
(3) |
Il-Protokoll dwar it-trasport huwa pass importanti fl-implimentazzjoni tal-Konvenzjoni Alpina u l-Unjoni hija impenjata biex jinkisbu l-għanijiet ta' dik il-Konvenzjoni. |
(4) |
Il-problemi transkonfinali ekonomiċi, soċjali u ekoloġiċi tal-Alpi għadhom sfida ewlenija li għandha tiġi indirizzata f'din iż-żona sensittiva ħafna. |
(5) |
Il-Protokoll dwar it-trasport jipprovdi qafas, ibbażat fuq il-prinċipju ta’ prekawzjoni, il-prinċipju ta’ prevenzjoni u l-prinċipju ta’ “min iniġġes, iħallas”, biex jiżgura l-mobbiltà sostenibbli u l-protezzjoni tal-ambjent, fir-rigward tal-mezzi kollha tat-trasport fir-reġjun Alpin fid-dawl tal-Artikolu 2 tal-Konvenzjoni Alpina. |
(6) |
Id-dispożizzjonijiet tal-Protokoll dwar it-trasport huma konformi mal-Politika Komuni tat-Trasport tal-Unjoni u jappoġġaw bis-sħiħ l-approċċ tat-“Trasport iktar Ekoloġiku” tal-Kummissjoni li ġie adottat fl-2008. |
(7) |
Ir-ratifika tal-Protokoll dwar it-trasport issaħħaħ il-kooperazzjoni transkonfinali ma' dawk il-pajjiżi li mhumiex membri tal-Unjoni, jiġifieri l-Liechtenstein, Monako u l-Iżvizzera, li għandu jgħin biex jiġi żgurat li l-objettivi tal-Unjoni ikunu kondiviżi mill-imsieħba reġjonali u li tali inizjattivi ikopru r-reġjun Alpin kollu. |
(8) |
Il-Protokoll dwar it-trasport għandu għalhekk jiġi approvat, |
ADOTTA DIN ID-DEĊIŻJONI:
Artikolu 1
Il-Protokoll dwar l-Implimentazzjoni tal-Konvenzjoni Alpina tal-1991 fil-qasam tat-trasport (il-Protokoll dwar it-trasport) huwa b'dan approvat f’isem l-Unjoni. (4)
Artikolu 2
Il-President tal-Kunsill huwa b’dan awtorizzat li jinnomina l-persuna/i bis-setgħa li tiddepożita/jiddepożitaw, f'isem l-Unjoni, l-istrument tal-approvazzjoni mar-Repubblika tal-Awstrija skont l-Artikolu 24 tal-Protokoll dwar it-trasport u tagħmel/jagħmlu id-dikjarazzjoni li ġejja:
“B’konsegwenza tad-dħul fis-seħħ tat-Trattat ta’ Lisbona fl-1 ta’ Diċembru 2009, l-Unjoni Ewropea ssostitwiet u ssuċċediet lill-Komunità Ewropea u minn dik id-data teżerċita d-drittijiet kollha u tassumi l-obbligi kollha tal-Komunità Ewropea. Għalhekk, referenzi għal "il-Komunità Ewropea" jew għal "il-Komunità" fit-test tal-Protokoll għandhom, fejn xieraq, jinqraw bħala referenzi għal "l-Unjoni Ewropea".”.
Artikolu 3
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fil-Lussemburgu, l-10 ta’ Ġunju 2013.
Għall-Kunsill
Il-President
L. VARADKAR
(1) ĠU C 184 E, 8.7.2010, p. 183 u ĠU C 81 E, 15.3.2011, p. 1.
(2) ĠU L 61, 12.3.1996, p. 31.
(3) ĠU L 323, 8.12.2007, p. 13.
(4) Il-Protokoll ġie ppubblikat fi ĠU L 323, 8.12.2007, p. 15 flimkien mad-deċiżjoni dwar l-iffirmar.