Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32011R0954

Regolament (UE) Nru 954/2011 tal-Parlament Ewropew u tal-Kunsill tal- 14 ta’ Settembru 2011 li jemenda r-Regolament (KE) Nru 2006/2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet ta’ protezzjoni tal-konsumaturi Test b’relevanza għaż-ŻEE

ĠU L 259, 4.10.2011, p. 1–4 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 16/01/2020; Impliċitament imħassar minn 32017R2394

ELI: http://data.europa.eu/eli/reg/2011/954/oj

4.10.2011   

MT

Il-Ġurnal Uffiċjali tal-Unjoni Ewropea

L 259/1

REGOLAMENT (UE) Nru 954/2011 TAL-PARLAMENT EWROPEW U TAL-KUNSILL

tal-14 ta’ Settembru 2011

li jemenda r-Regolament (KE) Nru 2006/2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet ta’ protezzjoni tal-konsumaturi

(Test b’relevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b'mod partikulari l-Artikolu 114 tiegħu,

Wara li kkunsidraw il-proposta mill-Kummissjoni Ewropea,

Wara li l-abbozz tal-att leġiżlattiv intbagħat lill-Parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew (1),

Wara li kkonsultaw il-Kumitat tar-Reġjuni,

Filwaqt li jaġixxu skont il-proċedura leġiżlattiva ordinarja (2),

Billi:

(1)

Ir-Regolament (KE) Nru 2006/2004 (3) jistipula l-kundizzjonijiet li huma suġġetti għalihom l-awtoritajiet kompetenti fl-Istati Membri nominati bħala responsabbli mill-infurzar tal-liġijiet li jipproteġu l-interessi tal-konsumaturi biex jikkooperaw flimkien u mal-Kummissjoni sabiex jaċċertaw il-konformità ma’ dawn il-liġijiet u l-funzjonament mingħajr tfixkil tas-suq intern, u sabiex tissaħħaħ il-protezzjoni tal-interessi ekonomiċi tal-konsumaturi.

(2)

Il-punt (a) tal-Artikolu 3 tar-Regolament (KE) Nru 2006/2004 jiddefinixxi “il-liġijiet li jipproteġu l-interessi tal-konsumaturi” bħala d-Direttivi, kif trasposti fl-ordni legali interna tal-Istati Membri, u r-Regolamenti elenkati fl-Anness ta’ dak ir-Regolament (“l-Anness”).

(3)

Wara d-dħul fis-seħħ tar-Regolament (KE) Nru 2006/2004, diversi atti leġiżlattivi elenkati fl-Anness ġew imħassra, u ġiet adottata leġiżlazzjoni ġdida.

(4)

Id-Direttiva 84/450/KEE (4) ġiet imħassra u sostitwita mid-Direttiva 2006/114/KE (5). Għaldaqstant ir-referenza għad-Direttiva 84/450/KEE għandha titneħħa mill-Anness u tiġi sostitwita b'referenza għall-Artikoli speċifiċi tad-Direttiva 2006/114/KE li għandhom l-għan li jħarsu l-interessi tal-konsumaturi.

(5)

Filwaqt li d-Direttiva 87/102/KEE (6) ġiet imħassra u sostitwita bid-Direttiva 2008/48/KE (7), id-Direttiva 2008/48/KE ma tiddikjarax b'mod espress li r-referenzi għad-Direttiva 87/102/KEE mħassra għandhom jiġu mifhuma bħala referenzi għad-Direttiva 2008/48/KE. Għal raġunijiet ta’ ċarezza legali, ir-referenza għad-Direttiva 87/102/KEE fl-Anness għandha għaldaqstant tiġi sostitwita b'referenza għad-Direttiva 2008/48/KE.

(6)

Id-Direttiva 89/552/KEE (8) ġiet irrevokata u sostitwita bid-Direttiva 2010/13/UE (9). Skont it-tieni paragrafu tal-Artikolu 34 tad-Direttiva 2010/13/UE, ir-referenzi għad-Direttiva 89/552/KEE għandhom jinftiehmu bħala referenzi għad-Direttiva 2010/13/UE. Madankollu għall-fini ta’ ċarezza, ir-referenza għad-Direttiva 89/552/KEE fl-Anness għandha tiġi sostitwita b'referenza għall-Artikoli relevanti tad-Direttiva 2010/13/UE.

(7)

Id-Direttiva 93/13/KEE (10) ma kinitx emendata bid-Deċiżjoni tal-2002/995/KE (11) u r-referenza għal dik id-Deċiżjoni għandha titneħħa mill-Anness.

(8)

Id-Direttiva 94/47/KE (12) ġiet imħassra u sostitwita bid-Direttiva 2008/122/KE (13). Skont it-tieni paragrafu tal-Artikolu 18 tad-Direttiva 2008/122/KE, ir-referenzi għad-Direttiva 94/47/KE għandhom jinftiehmu bħala referenzi għad-Direttiva 2008/122/KE. Madankollu għall-fini ta’ ċarezza, ir-referenza għad-Direttiva 94/47/KE fl-Anness għandha tiġi sostitwita b'referenza għad-Direttiva 2008/122/KE.

(9)

Id-Direttiva 97/55/KE (14) hija Direttiva ta’ emenda għad-Direttiva rrevokata 84/450/KEE. Għaldaqstant, ir-referenza għad-Direttiva 97/55/KEE għandha titneħħa mill-Anness.

(10)

L-Anness għandu jiġi emendat kif xieraq.

(11)

Jeħtieġ li ssir evalwazzjoni tal-effikaċja u tal-mekkaniżmi operattivi tar-Regolament (KE) Nru 2006/2004 u li tiġi eżaminata b’mod komprensiv il-possibbiltà li jiġu inklużi fl-Anness liġijiet addizzjonali li jipproteġu l-interessi tal-konsumaturi, bil-ħsieb li dak ir-Regolament jiġi rivedut ħalli l-awtoritajiet pubbliċi tal-infurzar jingħatawlhom mezzi mtejba biex bihom b’mod effikaċi jikxfu, jinvestigaw u jġibu fi tmiemhom jew jipprojbixxu infrazzjonijiet li jmorru kontra l-interessi kollettivi tal-konsumaturi f’sitwazzjonijiet transkonfinali. Għal dan il-għan, il-Kummissjoni għandha tippreżenta rapport lill-Parlament Ewropew u lill-Kunsill, mill-aktar fis u sa mhux aktar tard mill-31 ta’ Diċembru 2014, flimkien ma’ proposta leġiżlattiva, jekk ikun hemm lokha,

ADOTTAW DAN IR-REGOLAMENT:

Artikolu 1

Ir-Regolament (KE) Nru 2006/2004 huwa emendat kif ġej:

(1)

għandu jiddaħħal l-Artikolu li ġej:

“Artikolu 21a

Reviżjoni

Sal-31 ta’ Diċembru 2014, il-Kummissjoni għandha tippreżenta lill-Parlament Ewropew u lill-Kunsill rapport li għandu jivvaluta l-effikaċja u l-mekkaniżmi operattivi ta’ dar-Regolament u jeżamina b’mod komprensiv il-possibbiltà li jiġu inklużi fl-Anness liġijiet addizzjonali li jipproteġu l-interessi tal-konsumaturi. Ir-rapport għandu jkun ibbażat fuq evalwazzjoni esterna u fuq konsultazzjoni estiża tal-partijiet interessati relevanti kollha, u miegħu għandha ssir proposta leġiżlattiva, jekk ikun hemm lokha.”;

(2)

l-Anness qed jiġi emendat skont l-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Strasburgu, l-14 ta’ Settembru 2011.

Għall-Parlament Ewropew

Il-President

J. BUZEK

Għall-Kunsill

Il-President

M. DOWGIELEWICZ

(1)  Opinjoni mressqa fil-5 ta’ Mejju 2011 (ĠU C 218, 23.7.2011, p. 69).

(2)  Pożizzjoni tal-Parlament Ewropew tal-5 ta’ Lulju 2011 (għadha mhijiex ippubblikata fil-Ġurnal Uffiċjali) u d-deċiżjoni tal-Kunsill tas-27 ta’ Lulju 2011.

(3)  Regolament (KE) Nru 2006/2004 tal-Parlament Ewropew u tal-Kunsill tas-27 ta’ Ottubru 2004 dwar il-kooperazzjoni bejn l-awtoritajiet nazzjonali responsabbli għall-infurzar tal-liġijiet tal-protezzjoni tal-konsumaturi (ir-Regolament dwar kooperazzjoni fil-protezzjoni tal-konsumaturi) (ĠU L 364, 9.12.2004, p. 1).

(4)  Id-Direttiva tal-Kunsill 84/450/KEE tal-10 ta’ Settembru 1984 dwar reklamar qarrieqi u komparattiv (ĠU L 250, 19.9.1984, p. 17).

(5)  Id-Direttiva 2006/114/KE tal-Parlament Ewropew u tal-Kunsill tat-12 ta’ Diċembru 2006 dwar reklamar qarrieqi u komparattiv (ĠU L 376, 27.12.2006, p. 21).

(6)  Id-Direttiva tal-Kunsill 87/102/KEE tat-22 ta’ Diċembru 1986 għall-approssimazzjoni tal-liġijiet, regolamenti u dispożizzjonijiet amministrattivi tal-Istati Membri dwar il-kreditu lill-konsumatur (ĠU L 42, 12.2.1987, p. 48).

(7)  Id-Direttiva 2008/48/KE tal-Parlament Ewropew u tal-Kunsill tat-23 ta’ April 2008 dwar ftehim ta’ kreditu għall-konsumatur u li tħassar id-Direttiva tal-Kunsill 87/102/KEE (ĠU L 133, 22.5.2008, p. 66).

(8)  Id-Direttiva 89/552/KEE tal-Parlament Ewropew u tal-Kunsill tat-3 ta’ Ottubru 1989 dwar il-koordinazzjoni ta’ ċerti dispożizzjonijiet stabbiliti bil-liġi, b’regolament jew b’azzjoni amministrattiva fi Stati Membri dwar il-forniment ta’ servizzi tal-media awdjoviżiva (Id-Direttiva dwar is-Servizzi tal-Media Awdjoviżiva) (ĠU L 298, 17.10.1989, p. 23).

(9)  Id-Direttiva 2010/13/UE tal-Parlament Ewropew u tal-Kunsill tal-10 ta’ Marzu 2010 dwar il-koordinazzjoni ta’ ċerti dispożizzjonijiet stabbiliti bil-liġi, b’regolament jew b’azzjoni amministrattiva fi Stati Membri dwar il-forniment ta’ servizzi tal-media awdjoviżiva (Id-Direttiva dwar is-Servizzi tal-Media Awdjoviżiva) (ĠU L 95, 15.4.2010, p. 1).

(10)  Id-Direttiva tal-Kunsill 93/13/KEE tal-5 ta’ April 1993 dwar klawżoli inġusti f'kuntratti mal-konsumatur (ĠU L 95, 21.4.1993, p. 29).

(11)  Id-Deċiżjoni tal-Kummissjoni 2002/995/KE tad-9 ta’ Diċembru 2002 li tistabbilixxi miżuri interim ta’ salvagwardja fir-rigward ta’ l-importazzjoni ta’ prodotti li ġejjin mill-annimali għall-konsum personali (ĠU L 353, 30.12.2002, p. 1).

(12)  Id-Direttiva 94/47/KE tal-Parlament Ewropew u tal-Kunsill tas-26 ta’ Ottubru 1994 dwar il-protezzjoni tax-xerrejja f’dak li għandu x’jaqsam ma’ ċerti aspetti tal-kuntratti li għandhom x’jaqsmu max-xiri tad-dritt għall-użu tal-propjetà immobbli fuq bażi ta’ timeshare. (ĠU L 280, 29.10.1994, p. 83).

(13)  Id-Direttiva 2008/122/KE tal-Parlament Ewropew u tal-Kunsill tal- 14 ta’ Jannar 2009 dwar il-protezzjoni tal-konsumatur rigward ċerti aspetti ta’ kuntratti ta’ timeshare, kuntratti dwar prodotti ta’ vaganza għal perijodu fit-tul, kuntratti ta’ bejgħ mill-ġdid u kuntratti ta’ skambju (ĠU L 33, 3.2.2009, p. 10).

(14)  Id-Direttiva 97/55/KE tal-Parlament Ewropew u tal-Kunsill tas-6 ta’ Ottubru 1997 li temenda d-Direttiva 84/450/KEE dwar reklamar qarrieqi sabiex tinkludi reklamar komparattiv (ĠU L 290, 23.10.1997, p. 18).

ANNESS

L-Anness tar-Regolament (KE) Nru 2006/2004 hu b’dan emendat kif ġej:

(1)

in-nota ta’ qiegħ il-paġna (1) tinbidel b’dan li ġej:

“(1)

Id-Direttivi Nru 6, 8 u 13 fihom dispożizzjonijiet speċifiċi.”;

(2)

il-punt 1 jinbidel b’dan li ġej:

“1.

Id-Direttiva 2006/114/KE tal-Parlament Ewropew u tal-Kunsill tat-12 ta’ Diċembru 2006 dwar reklamar qarrieqi u komparattiv (ĠU L 376, 27.12.2006, p. 21): L-Artikolu 1, l-Artikolu 2 (c) u l-Artikoli 4 sa 8.”;

(3)

il-punti 3 u 4 jinbidlu b’dan li ġej:

“3.

Id-Direttiva 2008/48/KE tal-Parlament Ewropew u tal-Kunsill tat-23 ta’ April 2008 dwar ftehim ta’ kreditu għall-konsumatur u li tħassar id-Direttiva tal-Kunsill 87/102/KEE (ĠU L 133, 22.5.2008, p. 66).

4.

Id-Direttiva 2010/13/UE tal-Parlament Ewropew u tal-Kunsill tal-10 ta’ Marzu 2010 dwar il-koordinazzjoni ta’ ċerti dispożizzjonijiet stabbiliti bil-liġi, b’regolament jew b’azzjoni amministrattiva fi Stati Membri dwar il-forniment ta’ servizzi tal-media awdjoviżiva (Direttiva dwar is-Servizzi tal-Media Awdjoviżiva) (ĠU L 95, 15.4.2010, p. 1): l-Artikoli 9, 10, 11 u mill-Artikoli 19 sa 26.”;

(4)

il-punti 6 u 7 jinbidlu b’dan li ġej:

“6.

Id-Direttiva tal-Kunsill 93/13/KEE tal-5 ta’ April 1993 dwar klawżoli inġusti f’kuntratti mal-konsumaturi (ĠU L 95, 21.4.1993, p. 29).

7.

Id-Direttiva 2008/122/KE tal-Parlament Ewropew u tal-Kunsill tal-14 ta’ Jannar 2009 dwar il-protezzjoni tal-konsumatur rigward ċerti aspetti ta’ kuntratti ta’ timeshare, kuntratti dwar prodotti ta’ vaganza għal perjodu fit-tul, kuntratti ta’ bejgħ mill-ġdid u kuntratti ta’ skambju (ĠU L 33, 3.2.2009, p. 10).”;

(5)

il-punt 9 jitħassar.
Top