This document is an excerpt from the EUR-Lex website
Document 32011D0687
2011/687/CFSP: Council Decision 2011/687/CFSP of 14 October 2011 amending Joint Action 2008/124/CFSP on the European Union Rule of Law Mission in Kosovo, EULEX KOSOVO
2011/687/CFSP: Deċiżjoni tal-Kunsill 2011/687/PESK tal- 14 ta’ Ottubru 2011 li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo, EULEX KOSOVO
2011/687/CFSP: Deċiżjoni tal-Kunsill 2011/687/PESK tal- 14 ta’ Ottubru 2011 li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo, EULEX KOSOVO
ĠU L 270, 15.10.2011, p. 31–31
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
15.10.2011 |
MT |
Il-Ġurnal Uffiċjali tal-Unjoni Ewropea |
L 270/31 |
DEĊIŻJONI TAL-KUNSILL 2011/687/PESK
tal-14 ta’ Ottubru 2011
li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo (1), EULEX KOSOVO
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28 u 43(2) tiegħu,
Billi:
|
(1) |
Fl-4 ta’ Frar 2008, il-Kunsill adotta l-Azzjoni Konġunta 2008/124/PESK (2). |
|
(2) |
Fid-9 ta’ Ġunju 2009, il-Kunsill adotta l-Azzjoni Konġunta 2009/445/PESK (3), li emendat l-Azzjoni Konġunta 2008/124/PESK billi żiedet l-ammont ta’ referenza finanzjarja li jkopri n-nefqa tal-Missjoni tal-Unjoni Ewropea għall-Istat tad-Dritt fil-Kosovo (“EULEX KOSOVO”) sal-iskadenza tal-Azzjoni Konġunta 2008/124/PESK. |
|
(3) |
Fit-8 ta’ Ġunju 2010, il-Kunsill adotta d-Deċiżjoni 2010/322/PESK (4), li emendat u estendiet l-Azzjoni Konġunta 2008/124/PESK għal perijodu ta’ sentejn sal-14 ta’ Ġunju 2012, u stabbiliet l-ammont ta’ referenza finanzjarja sal-14 ta’ Ottubru 2010. |
|
(4) |
L-ammont ta’ referenza finanzjarja previst fid-Deċiżjoni tal-Kunsill 2010/619/PESK, tal-15 ta’ Ottubru 2010, li temenda l-Azzjoni Konġunta 2008/124/PESK dwar il-Missjoni tal-Unjoni Ewropea għall-Istat tad-Dritt fil-Kosovo, EULEX KOSOVO (5) bl-intenzjoni li jkopri n-nefqa relatata tal-EULEX KOSOVO sal-14 ta’ Ottubru 2011 għandu jkopri l-perijodu sal-14 ta’ Diċembru 2011. |
|
(5) |
Il-EULEX KOSOVO ser tiġi kondotta fil-kuntest ta’ sitwazzjoni li tista’ tiddeterjora u tista’ twaqqaf milli jintlaħqu l-objettivi tal-politika estera u ta’ sigurtà komuni kif stabbilit fl-Artikolu 21 tat-Trattat. |
|
(6) |
L-Azzjoni Konġunta 2008/124/PESK għandha tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
L-Artikolu 16(1) tal-Azzjoni Konġunta 2008/124/PESK hija b’dan sostitwita kif ġej:
“1. L-ammont ta’ referenza finanzjarja maħsub biex ikopri n-nefqa tal-EULEX KOSOVO sal-14 ta’ Ottubru 2010 għandu jkun ta’ EUR 265 000 000.
L-ammont ta’ referenza finanzjarja maħsub biex ikopri n-nefqa tal-EULEX KOSOVO mill-15 ta’ Ottubru 2010 sal-14 ta’ Diċembru 2011 għandu jkun ta’ EUR 165 000 000.
L-ammont ta’ referenza finanzjarja għall-perijodu sussegwenti għall-EULEX KOSOVO għandu jiġi deċiż mill-Kunsill.”.
Artikolu 2
Din id-Deċiżjoni tidħol fis-seħħ fid-data meta tiġi adottata.
Magħmul fi Brussell, l-14 ta’ Ottubru 2011.
Għall-Kunsill
Il-President
M. DOWGIELEWICZ
(1) Skont ir-Riżoluzzjoni tal-Kunsill tas-Sigurtà tan-Nazzjonijiet Uniti 1244 (1999)
(2) ĠU L 42, 16.2.2008, p. 92.
(3) ĠU L 148, 11.6.2009, p. 33.
(4) ĠU L 145, 11.6.2010, p. 13.
(5) ĠU L 272, 16.10.2010, p. 19.