This document is an excerpt from the EUR-Lex website
Document 32009R0868
Commission Regulation (EC) No 868/2009 of 21 September 2009 amending Regulation (EC) No 748/2008 on the opening and administration of an import tariff quota for frozen thin skirt of bovine animals falling within CN code 02062991 and Regulation (EC) No 810/2008 opening and providing for the administration of tariff quotas for high-quality fresh, chilled and frozen beef and for frozen buffalo meat
Regolament tal-Kummissjoni (KE) Nru 868/2009 tal- 21 ta’ Settembru 2009 li jemenda r-Regolament (KE) Nru 748/2008 dwar il-ftuħ u l-amministrazzjoni ta’ kwota ta’ tariffa tal-importazzjoni għal falda rqiqa ffriżata ta’ annimali bovini fi ħdan il-kodiċi tan-NM 02062991 u r-Regolament (KE) Nru 810/2008 li jiftaħ u jipprovdi għall-amministrazzjoni ta’ kwoti tariffarji għaċ-ċanga friska ta’ kwalità għolja, imkessħa u ffriżata, u għal-laħam tal-buflu ffriżat
Regolament tal-Kummissjoni (KE) Nru 868/2009 tal- 21 ta’ Settembru 2009 li jemenda r-Regolament (KE) Nru 748/2008 dwar il-ftuħ u l-amministrazzjoni ta’ kwota ta’ tariffa tal-importazzjoni għal falda rqiqa ffriżata ta’ annimali bovini fi ħdan il-kodiċi tan-NM 02062991 u r-Regolament (KE) Nru 810/2008 li jiftaħ u jipprovdi għall-amministrazzjoni ta’ kwoti tariffarji għaċ-ċanga friska ta’ kwalità għolja, imkessħa u ffriżata, u għal-laħam tal-buflu ffriżat
ĠU L 248, 22.9.2009, p. 21–22
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2020; Impliċitament imħassar minn 32020R0760
22.9.2009 |
MT |
Il-Ġurnal Uffiċjali tal-Unjoni Ewropea |
L 248/21 |
REGOLAMENT TAL-KUMMISSJONI (KE) Nru 868/2009
tal-21 ta’ Settembru 2009
li jemenda r-Regolament (KE) Nru 748/2008 dwar il-ftuħ u l-amministrazzjoni ta’ kwota ta’ tariffa tal-importazzjoni għal falda rqiqa ffriżata ta’ annimali bovini fi ħdan il-kodiċi tan-NM 0206 29 91 u r-Regolament (KE) Nru 810/2008 li jiftaħ u jipprovdi għall-amministrazzjoni ta’ kwoti tariffarji għaċ-ċanga friska ta’ kwalità għolja, imkessħa u ffriżata, u għal-laħam tal-buflu ffriżat
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1095/96 tat-18 ta’ Ġunju 1996 dwar l-implimentazzjoni tal-konċessjonijiet dikjarati fl-iskeda CXL imfassla bħala riżultat tal-konklużjoni tan-negozjati tal-FĠKT (GATT) XXIV.6 (1), u b’mod partikolari l-Artikolu 1(1) tiegħu,
Billi:
(1) |
Skont ir-Regolament tal-Kummissjoni (KE) Nru 748/2008 (2), jeħtieġ li jinħarġu ċertifikati ta’ awtentiċità għal-laħam taċ-ċanga u l-vitella mill-Arġentina qabel ma jkunu importati fil-Komunità. Il-lista tal-awtoritajiet fl-Arġentina li għandhom is-setgħa li joħorġu dawn iċ-ċertifikati hija stipulata fl-Anness III għal dak ir-Regolament. |
(2) |
Ir-Regolament tal-Kummissjoni (KE) Nru 810/2008 (3) jistipula li jeħtieġ li jinħarġu ċertifikati ta’ awtentiċità għal-laħam taċ-ċanga u l-vitella qabel ma jkunu importati fil-Komunità. Il-lista tal-awtoritajiet fil-pajjiżi li jesportaw li għandhom is-setgħa li joħorġu dawn iċ-ċertifikati hija stipulata fl-Anness II għal dak ir-Regolament. |
(3) |
L-Arġentina bidlet l-isem tal-awtorità li toħroġ ċ-ċertifikati tal-awtentiċità skont ir-Regolamenti (KE) Nru 748/2008 u (KE) Nru 810/2008. |
(4) |
Ir-Regolamenti (KE) Nru 748/2008 u (KE) Nru 810/2008 għandhom jiġu emendati skont dan. |
(5) |
Sabiex jiġi evitat li l-isem tal-awtorità msemmija fiċ-ċertifikati tal-awtentiċità maħruġa reċentement ma jikkorrispondix mal-isem tal-awtorità elenkata fir-Regolamenti (KE) Nru 748/2008 u (KE) Nru 810/2008 dan ir-Regolament għandu japplika mit-22 ta’ Lulju 2009, id-data li fiha l-Arġentina nnotifikat l-isem il-ġdid lill-Kummissjoni. |
(6) |
Il-miżuri pprovduti f’dan ir-Regolament huma skont l-opinjoni tal-Kumitat tal-Ġestjoni tal-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-Anness III għar-Regolament (KE) Nru 748/2008 qed jinbidel bit-test fl-Anness I għal dan ir-Regolament.
Artikolu 2
L-Anness II għar-Regolament (KE) Nru 810/2008 huwa emendat skont l-Anness II għal dan ir-Regolament.
Artikolu 3
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mit-22 ta’ Lulju 2009.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta’ Settembru 2009.
Għall-Kummissjoni
Mariann FISCHER BOEL
Memru tal-Kummissjoni
(1) ĠU L 146, 20.6.1996, p. 1.
(2) ĠU L 202, 31.7.2008, p. 28.
(3) ĠU L 219, 14.8.2008, p. 3.
ANNESS I
L-Anness III għar-Regolament (KE) Nru 748/2008 għandu jinbidel b’dan li ġej:
“ANNESS III
Lista tal-awtoritajiet fl-Arġentina li għandhom is-setgħa li joħorġu ċertifikati tal-awtentiċità
Oficina Nacional de Control Comercial Agropecuario (ONCCA):
għal falda rqiqa li toriġina fl-Arġentina kif speċifikat fl-Artikolu 1(3)(a).”
ANNESS II
Fl-Anness II għar-Regolament (KE) Nru 810/2008, l-ewwel inċiż jinbidel b’dan li ġej:
“— |
Oficina Nacional de Control Comercial Agropecuario (ONCCA): għal-laħam li joriġina fl-Arġentina u li huwa skont id-definizzjoni mogħtija fl-Artikolu 2(a).” |