Edizzjoni speċjali bil-Kroat: Kapitolu 03 Volum 037 P. 87 - 88
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32009R0816
Commission Regulation (EC) No 816/2009 of 7 September 2009 amending Regulation (EC) No 1484/95 laying down detailed rules for implementing the system of additional import duties and fixing additional import duties in the poultrymeat and egg sectors and for egg albumin
Regolament tal-Kummissjoni (KE) Nru 816/2009 tas- 7 ta’ Settembru 2009 li jemenda r-Regolament (KE) Nru 1484/95 li jistabbilixxi regoli dettaljati għall-implimentazzjoni ta’ sistema ta’ dazji addizzjonali fuq l-importazzjoni u jiffissa dazji addizzjonali tal-importazzjoni fl-oqsma tal-laħam tat-tjur u l-bajd u għall-albumina tal-bajd
Regolament tal-Kummissjoni (KE) Nru 816/2009 tas- 7 ta’ Settembru 2009 li jemenda r-Regolament (KE) Nru 1484/95 li jistabbilixxi regoli dettaljati għall-implimentazzjoni ta’ sistema ta’ dazji addizzjonali fuq l-importazzjoni u jiffissa dazji addizzjonali tal-importazzjoni fl-oqsma tal-laħam tat-tjur u l-bajd u għall-albumina tal-bajd
ĠU L 236, 8.9.2009, p. 5–6
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
8.9.2009 |
MT |
Il-Ġurnal Uffiċjali tal-Unjoni Ewropea |
L 236/5 |
REGOLAMENT TAL-KUMMISSJONI (KE) Nru 816/2009
tas-7 ta’ Settembru 2009
li jemenda r-Regolament (KE) Nru 1484/95 li jistabbilixxi regoli dettaljati għall-implimentazzjoni ta’ sistema ta’ dazji addizzjonali fuq l-importazzjoni u jiffissa dazji addizzjonali tal-importazzjoni fl-oqsma tal-laħam tat-tjur u l-bajd u għall-albumina tal-bajd
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari l-Artikolu 143 tiegħu, b’rabta mal-Artikolu 4 tiegħu,
Wara li kkunsidrat ir-Regolament tal-Kunsill (KE) Nru 614/2009 tas-7 ta’ Lulju 2009 fuq is-sistema komuni għall-kummerċ fl-ovalbumin u l-lactalbumin (2), u partikolarment l-Artikolu 3(4), u l-Artikolu 10 tiegħu,
Billi:
|
(1) |
Ir-Regolament tal-Kummissjoni (KE) Nru 1484/95 (3) stipula r-regoli dettaljati għall-implimentazzjoni tas-sistema tad-dazji addizzjonali fuq l-importazzjoni u stipula l-prezzijiet rappreżentattivi fis-setturi tal-laħam tat-tjur u tal-bajd u għall-albumina tal-bajd. |
|
(2) |
Id-dejta li fuqha jiġu speċifikati l-prezzijiet rappreżentattivi msemmijin fl-Artikolu 141(3) tar-Regolament (KE) Nru 1234/2007 għandha tkun aċċessibbli, disponibbli b’mod permanenti, affidabbli u indipendenti mill-operaturi kkonċernati. Waqt illi d-dejta msemmija fl-Artikolu 2(1) tar-Regolament (KE) Nru 1484/95 ma tissodisfax dejjem dawn il-kundizzjonijiet, jeħtieġ li tinbidel bit-tagħrif miġbur fil-qafas tas-sorveljanza Komunitarja stabbilita mill-Artikolu 308 tar-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (4). Fl-istess ħin jeħtieġ li jitħassar l-obbligu tal-komunikazzjoni fil-ġimgħa stipulata fl-Artikolu 2(2) tal-istess Regolament (KE) Nru 1484/95. |
|
(3) |
Id-dazju addizzjonali ma jistax jiġi impost fuq l-importazzjonijiet imwettqa fil-kontinġenti tariffarji stabbiliti fil-qafas tal-Organizzazzjoni Dinjija tal-Kummerċ. Għaldaqstant jeħtieġ li tiġi aġġornata l-lista tar-Regolamenti li jirrigwardaw dawn il-kontinġenti. |
|
(4) |
Għaldaqstant jeħtieġ li minn hawn ‘il quddiem jiġi emendat ir-Regolament (KE) Nru 1484/95. |
|
(5) |
Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Ir-Regolament (KE) 1484/95 hu mmodifikat kif ġej:
|
(1) |
L-Artikolu 2 għandu jinbidel b’dan li ġej: “Artikolu 2 1. Il-prezzijiet rappreżentattivi msemmija fl-Artikolu 141(3) tar-Regolament (KE) Nru 1234/2007 tal-Kunsill (*) u fl-Artikolu 3(3), it-tieni subparagrafu tar-Regolament (KEE) Nru 2783/75 huma determinati regolarment abbażi tad-dejta miġbura fil-qafas tas-sorveljanza Komunitarja stabbilita bl-Artikolu 308d tar-Regolament tal-Kummissjoni (KEE) Nru 2454/93 (**). 2. Dawn il-prezzijiet rappreżentattivi jidhru fl-Anness I ta’ dan ir-Regolament. |
|
(2) |
L-Artikolu 6 għandu jinbidel b’dan li ġej: “Artikolu 6 Id-dazji addizzjonali msemmija fl-Artikolu 1 mhumiex applikabbli fil-każ tal-importazzjonijiet imwettqa fil-qafas tar-Regolamenti tal-Kummissjoni (KE) Nru 533/2007 (***), (KE) Nru 539/2007 (****), (KE) Nru 616/2007 (*****), (KE) Nru 1385/2007 (******) u (KE) Nru 536/2007 (*******). (***) ĠU L 125, 15.5.2007, p. 9." (****) ĠU L 128, 16.5.2007, p. 19." (*****) ĠU L 142, 5.6.2007, p. 3." |
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Settembru 2009.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 299, 16.11.2007, p. 1.
(2) ĠU L 181, 14.7.2009, p. 8.
(3) ĠU L 145, 29.6.1995, p. 47.
(4) ĠU L 253, 11.10.1993, p. 1.