Edizzjoni speċjali bil-Kroat: Kapitolu 03 Volum 034 P. 211 - 212
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32008R1096
Commission Regulation (EC) No 1096/2008 of 6 November 2008 amending Regulation (EC) No 1356/2004 as regards the terms of the authorisation of the feed additive Elancoban , belonging to the group of coccidiostats and other medicinal substances (Text with EEA relevance)
Regolament tal-Kummissjoni (KE) Nru 1096/2008 tas- 6 ta' Novembru 2008 li jemenda r-Regolament (KE) Nru 1356/2004 fir-rigward tat-termini ta’ awtorizzazzjoni ta’ l-addittiv fl-għalf Elancoban , li jagħmel parti mill-grupp tal-coccidiostats u ta’ sustanzi mediċinali oħrajn Test b’relevanza għaż-ŻEE
Regolament tal-Kummissjoni (KE) Nru 1096/2008 tas- 6 ta' Novembru 2008 li jemenda r-Regolament (KE) Nru 1356/2004 fir-rigward tat-termini ta’ awtorizzazzjoni ta’ l-addittiv fl-għalf Elancoban , li jagħmel parti mill-grupp tal-coccidiostats u ta’ sustanzi mediċinali oħrajn Test b’relevanza għaż-ŻEE
ĠU L 298, 7.11.2008, p. 5–6
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
7.11.2008 |
MT |
Il-Ġurnal Uffiċjali ta’ l-Unjoni Ewropea |
L 298/5 |
REGOLAMENT TAL-KUMMISSJONI (KE) Nru 1096/2008
tas-6 ta' Novembru 2008
li jemenda r-Regolament (KE) Nru 1356/2004 fir-rigward tat-termini ta’ awtorizzazzjoni ta’ l-addittiv fl-għalf “Elancoban”, li jagħmel parti mill-grupp tal-coccidiostats u ta’ sustanzi mediċinali oħrajn
(Test b’relevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 dwar l-addittivi għall-użu fin-nutrizzjoni tal-annimali (1) u b’mod partikolari l-Artikolu 13(3) tiegħu,
Billi:
|
(1) |
L-addittiv monensin sodium (Elancoban G100, Elancoban 100, Elancogran 100, Elancoban G200, Elancoban 200) ġie awtorizzat taħt ċerti kundizzjonijiet skont id-Direttiva tal-Kunsill 70/524/KEE (2). Ir-Regolament tal-Kummissjoni (KE) Nru 1356/2004 (3) awtorizza dak l-addittiv għal għaxar snin għall-użu għat-tiġieġ għat-tismin, għat-tiġieġ li jbidu u għad-dundjani u b’hekk għamel konnessjoni tal-awtorizzazzjoni mal-persuna responsabbli għaċ-ċirkolazzjoni ta’ dak l-addittiv. Dan l-addittiv ġie nnotifikat bħala prodott eżistenti b’konformità mal-Artikolu 10 tar-Regolament (KE) Nru 1831/2003. Billi tressqet l-informazzjoni kollha skont din id-dispożizzjoni, dan l-addittiv iddaħħal fir-Reġistru Komunitarju tal-Addittivi fl-Għalf. |
|
(2) |
Ir-Regolament (KE) Nru 1831/2003 jipprevedi l-possibilità ta’ modifika fl-awtorizzazzjoni ta’ addittiv fuq talba tad-detentur tal-awtorizzazzjoni u fuq opinjoni tal-Awtorità Ewropea tas-Sikurezza tal-Ikel (“l-Awtorità”). |
|
(3) |
Id-detentur tal-awtorizzazzjoni tal-addittiv monensin sodium (Elancoban G100, Elancoban 100, Elancogran 100, Elancoban G200, Elancoban 200) ressaq applikazzjoni fejn ippropona tibdil fil-kundizzjonijiet ta’ awtorizzazzjoni billi naqqas il-perjodu ta’ rtirar qabel il-qtil. |
|
(4) |
Fl-opinjoni tagħha meħuda fit-18 ta’ Ġunju 2008 (4), l-Awtorità, wara li vvalutat mill-ġdid l-esponiment uman, ikkonkludiet li ż-żmien tal-irtirar ta’ Elancoban G100, Elancoban 100, Elancogran 100, Elancoban G200 u Elancoban 200 għat-tiġieġ għat-tismin, għat-tiġieġ imrobbija biex ibidu u għad-dundjani jista’ jkun iffissat għal ġurnata waħda. |
|
(5) |
Ir-Regolament (KE) Nru 1356/2004 għandu għalhekk jiġi emendat skont dan. |
|
(6) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina tal-Ikel u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Anness tar-Regolament (KE) Nru 1356/2004 jinbidel bl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 6 ta’ Novembru 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 268, 18.10.2003, p. 29.
(2) ĠU L 270, 14.12.1970, p. 1.
(3) ĠU L 251, 27.7.2004, p. 6.
(4) Opinjoni Xjentifika tal-Bord dwar Addittivi u Prodotti jew Sustanzi użati fl-Għalf għall-Annimali (FEEDAP) fuq talba mill-Kummissjoni Ewropea dwar iż-zmien tal-irtirar għal Elancoban għat-tiġieġ għat-tismin, tiġieġ imrobbija biex ibidu u dundjani għat-tismin. Il-Ġurnal EFSA (2008) 730, 1-16.
ANNESS
|
Numru tar-reġistrazzjoni tal-addittiv |
Isem u numru tar-reġistrazzjoni tal-persuna risponsabbli għaċ-ċirkolazzjoni tal-addittiv |
Addittiv (Isem kummerċjali) |
Kompożizzjoni, formula kimika, deskrizzjoni |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta’ awtorizzazzjoni |
Limiti Massimi Proviżorji ta’ Residwi (MRLs) fl-oġġetti ta’ l-ikel rilevanti ta’ oriġini ta’ annimali |
||||||||
|
mg ta’ sustanzi attivi/kg ta’ oġġetti tal-għalf sħaħ |
||||||||||||||||||
|
Coccidiostats u sustanzi mediċinali oħrajn |
||||||||||||||||||
|
E 757 |
Eli Lilly and Kumpanija Limitata |
Monensin sodium (Elancoban G100, (Elancoban 100, Elancogran 100, Elancoban G200, Elancoban 200) |
|
Tiġieġ għat-tismin |
— |
100 |
125 |
Użu pprojbit mill-inqas jum wieħed qabel it-tbiċċir Indika fl-istruzzjonijiet għall-użu: “Perikoluż għall-ekwini. Dan l-għalf fih ionophore: evita l-amministrazzjoni simultanja ma’ tiamulin u kkontrolla għal reazzjonijiet avversi possibbli meta jintuża fl-istess waqt ma’ sustanzi mediċinali oħrajn”. |
30.7.2014 |
25 μg/kg monensin sodium ta’ ġilda mxarrba + xaħam 8 μg/kg monensin sodium/kg ta’ fwied, kilwa u muskolu imxarrbin. |
||||||||
|
Tiġieġ imrobbija għall-bajd |
16-il ġimgħa |
100 |
120 |
|||||||||||||||
|
Dundjani |
16-il ġimgħa |
60 |
100 |
|||||||||||||||