(1)

L-Artikolu 34 u l-Anness VIII tal-Att tal-Adeżjoni tal-Bulgarija u tar-Rumanija jistipula f'termini ġenerali l-kundizzjonijiet li skonthom għandu jingħata appoġġ addizzjonali għall-miżuri tranżitorji ta' żvilupp rurali f'dawn l-Istati Membri l-ġodda. Ir-regoli tal- implimentazzjoni għandhom ikunu adottati biex jappoġġjaw dawn il-kundizzjonijiet u jadottaw ċerti regoli previsti mir-Regolament tal-Kummissjoni (KE) Nru 1974/2006 tal-15 ta' Diċembru 2006 li jistipula regoli dettaljati għall-applikazzjoni tar-Regolament tal-Kunsill (KE) Nru 1698/2005 (3).

(2)

Dawk ir-regoli għandhom ikunu konformi mal-prinċipji ta' sussidjarjetà u proporzjonalità u għalhekk għandhom ikunu limitati għal dak li hu neċessarju sabiex jinkisbu l-għanijiet definiti.

(3)

Kundizzjonijiet ta' eliġġibilità għal ċerti miżuri tranżitorji għandhom għalhekk ikunu speċifikati.

(4)

Sabiex ikun faċilitat it-twaqqif ta' programmi ta żvilupp rurali li jinkludu dawn il-miżuri, u l-eżaminazzjoni u l-approvazzjoni tagħhom mill-Kummissjoni, regoli komuni dwar l-istruttura u l-kontenut tagħhom għandhom ikunu speċifikati b'mod partikolari fuq il-bażi tal-Artikolu 16 tar-Regolament (KE) Nru 1698/2005.

(5)

Ir-Regolament (KE) Nru 1974/2006 għandu għalhekk jiġi emendat skont dan.

(6)

Il-miżuri stipulati f'dan ir-Regolament huma fi qbil mal-opinjoni tal-Kumitat għall-Iżvilupp Rurali,

1)

Fil-Kapitolu III, taqsima I, subtaqsima 1, l-Artikolu 25a li jmiss huwa miżjud:

“Artikolu 25a

1.   L-appoġġ għad-dispożizzjoni dwar servizzi ta' konsulenza u ta' estensjoni agrikoli msemmija fl-Anness VIII Taqsima I D tal-Att tal-Adeżjoni tal-Bulgarija u tar-Rumanija jista' jingħata lill-awtoritajiet u lill-korpi li jipprovdu dawn is-servizzi lill-bdiewa. Dan jikkonċerna b'mod partikolari t-tfassil ta' pjanijiet kummerċjali, assistenza fil-proċess ta' applikazzjonijiet għall-miżuri ta' żvilupp rurali, konsulenza u estensjonijiet relatati mar-rispett tal-kundizzjonijiet agrikoli u ambjentali u rekwiżiti amministrattivi statutorji stipulati fl-Artikoli 4 u 5 u fl-Annessi III u IV tar-Regolament (KE) Nru 1782/2003 li jistabbilixxi regoli komuni għal skemi diretti ta’ appoġġ fi ħdan il-politika agrikola komuni u li jistabbilixxi ċerti skemi ta’ appoġġ għall-bdiewa.

2.   L-awtoritajiet u l-korpi magħżula biex jipprovdu sevizzi ta' konsulenza u estensjoni lill-bdiewa għandhom jagħmlu użu mir-riżorsi adegwati fil-forma ta' persunal kwalifikat, faċilitajiet amministrattivi u tekniċi u esperjenza konsultattiva u ta' kredibilità fir-rigward tas-servizzi li għandhom ikunu provduti.

3.   Għall-perjodu 2007-2009, il-Bulgarija u r-Rumanjia jistgħu jimplimentaw, fir-rigward tas-servizzi konsultattivi għall-bdiewa, jew din il-miżura, jew il-miżura għall-‘użu ta' servizzi ta' konsulenza mill-bdiewa u mid-detenturi tal-foresti’ msemmija fl-Artikolu 20 (a) (iv) tar-Regolament 1698/2005.”

2)

Fil-Kapitolu III, taqsima I, subtaqsima 4 is-sentenza li jmiss hija miżjuda mal-Artikolu 37(2):

“Fil-Bulgarija u fir-Rumanija l-ewwel sejħa għal proposti għandha tkun organizzata mhux aktar tard minn tliet snin mill-approvazzjoni tal-programm”

3)

Fil-Kapitolu III, taqsima I, subtaqsima 4, l-Artikolu 37a li jmiss huwa miżjud:

“Artikolu 37a

Fil-Bulgarija u fir-Rumanija l-akkwist ta' ħiliet msemmi fl-Artikoli 63c) tar-Regolament (KE) Nru 1698/2005 jista' jkopri wkoll l-ispejjeż relatati mat-twaqqif ta' sħab rappreżentattivi għall-iżvilupp lokali, it-tfassil ta' strateġiji ta' żvilupp integrat, il-finanzjament tar-riċerka u l-preparazzjoni ta' applikazzjonijiet għas-selezzjoni ta' gruppi ta' azzjoni lokali. Dawn l-ispejjeż huma eliġibbli għall-gruppi potenzjali ta' azzjoni lokali.”

4)

Fil-Kapitolu III, Taqsima 1, is-Subtaqmisa 4a li jmiss hija miżjuda:

“Subtaqsima 4a

Miżura addizzjonali temporanja għall-Bulgarija u għar-Rumanija

Artikolu 39a

Il-kundizzjonijiet ta' eliġġibilità għall-provvista ta' appoġġ skont il-miżura prevista fit-Taqsima I punt E tal-Anness VIII tal-Att tal-Adeżjoni tal-Bulgarija u tar-Rumanija ‘tikkumplimenta l-pagamenti diretti’ kif definiti mid-deċiżjoni tal-Kummissjoni li tapprova l-pagamenti diretti nazzjonali kumplimentari”

5)

L-Anness II huwa emendat skont l-Anness ma' dan ir-Regolament.

1.

Fil-punt 3.4, jiżdied paragrafu ġdid wara l-ewwel paragrafu:

“Għall-Bulgarija u għar-Rumanija id-deskrizzjoni tal-aħħar paragrafu għandha tindirizza l-impatt fuq ir-riżorsi finanzjarji tas-SAPARD.”

2.

Fil-punt 5.2, l-ewwel premessa għandha tkun kompluta bis-sentenza li ġejja:

“Għall-Bulgarija u għar-Rumanija, ir-referenza għall-operazzjonijiet/kuntratti fis-seħħ, inkluż f'termini finanzjarji, u l-proċeduri/regoli (inkluż dawk tranżitorji) li japplikaw għal dawn skont ir-Regolament tal-Kummissjoni (KE) Nru 248/2007 (4) dwar miżuri fir-rigward tal-Ftehim ta' Finanzjament Multiannwali u l-Ftehim ta' Finanzjament Annwali konklużi skont il-programm Sapard u t-tranżizzjoni minn Sapard għall-iżvilupp rurali.

3.

Fil-punt 5.3.1.2.3, qed tiżdied is-sitt premessa li ġejja:

4.

It-titolu tal-punt 5.3.1.4 jinbidel bit-test li ġej:

‘5.3.1.4   Miżuri tranżitorji għall-Bulgarija, ir-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, ir-Rumanija, is-Slovenja u s-Slovakkja’

5.

Fil-punt 5.3.1.4 il-punt li jmis qed ikun miżjud:

‘5.3.1.4.3   Il-provvista ta' servizzi ta' konsulenza u estensjoni agrikoli fil-Bulgarija u fir-Rumanija

6.

Fil-punt 5.3.4.3, qed tiżdied it-tielet premessa li ġejja:

7.

Il-punt 5.3.5 li ġej jiġi miżjud:

‘5.3.5.   Kumplimentari għall-pagamenti diretti

8.

It-tabella li jmiss tiżdied għall-Bulgarija u għar-Rumanija wara l-punt 6.2:

‘6.2 a.   pjani finanzjarji għal kull ftehim għall-Bulgarija u r-Rumanija (f'EUR għal perjodu sħiħ)

9.

Fin-Nota wara tabella 6.2a, qed tiżdied is-sentenza li jmiss:

"Għall-Bulgarija u għar-Rumanija t-tabella ta' korrelazzjoni fl-Anness I tar-Regolament tal-Kummissjoni (KE) Nru 248/2007 (1) għandha tintuża għall-identifikazzjoni ta' dan l-infiq

10.

It-tabella li jmiss tiżdied għall-Bulgarija u għar-Rumanija wara t-tabella 7:

“7a.   Analiżi indikattiva għal kull Miżura ta' Żvilupp Rurali għall-Bulgarija u għar-Rumanija (f'EUR, għall-perjodu sħiħ)

11.

Il-miżuri bil-kodiċi (143) u (611) li jmiss huma miżjuda mat-tabella taħt il-punt 7: