(1)

Skont id-Direttiva 70/524/KEE, il-coccidiostats inklużi fl-Anness I għal dik id-Direttiva qabel l-1 ta’ Jannar 1988 ġew awtorizzati b’mod provviżorju sa mill-1 ta’ April 1998 u trasferiti għall-Kapitolu I tal-Anness B bl-għan li jiġu vvalutati mill-ġdid bħala addittivi marbuta ma’ persuna responsabbli għat-tqegħid tagħhom fiċ-ċirkolazzjoni. Il-prodott tal-monensin sodium, Elancoban, huwa addittiv li jagħmel parti mill-grupp ta’ “Coccidiostats u sustanzi mediċinali oħra” mniżżla fil-Kapitolu I tal-Anness B tad-Direttiva 70/524/KEE.

(2)

Il-persuna responsabbli għat-tqegħid fiċ-ċirkolazzjoni ta’ Elancoban ressqet applikazzjoni għall-awtorizzazzjoni kif ukoll dossier, skont l-Artikolu 9g(2) u (4) ta’ din id-Direttiva.

(3)

L-Artikolu 9g(6) tad-Direttiva 70/524/KEE jippermetti l-estensjoni awtomatika tal-perjodu ta’ awtorizzazzjoni tal-addittivi kkonċernati sakemm il-Kummissjoni tieħu deċiżjoni f'każ li, għal raġunijiet lil hinn mill-kontroll tal-awtorizzazzjoni tad-detentur, ma tista' tittieħed l-ebda deċiżjoni fuq l-applikazzjoni qabel id-data ta' skadenza tal-awtorizzazzjoni. Din id-dispożizzjoni tapplika għall-awtorizzazzjoni ta' Elancoban. Il-Kummissjoni talbet lill-Kumitat Xjentifiku għan-Nutriment tal-Annimali fis-26 ta’ April 2001 biex iwettaq valutazzjoni sħiħa tar-riskju u din it-talba ġiet konsegwentement trasferita lill-Awtorità Ewropea tas-Sigurtà fl-Ikel. Matul il-proċess ta’ valutazzjoni mill-ġdid saru diversi talbiet għal tagħrif addizzjonali b'tali mod li kien impossibbli li titlesta l-valutazzjoni mill-ġdid fil-limiti ta’ żmien mitluba mill-Artikolu 9g.

(4)

Il-Bord Xjentifiku dwar Addittivi u Prodotti jew Sustanzi użati fl-Għalf tal-Annimali tal-Awtorità Ewropea tas-Sigurtà fl-Ikel esprima opinjoni favorevoli fir-rigward tas-sigurtà u l-effikaċja tal-Elancoban għal tiġieġ għat-tismin, tiġieġ imrobbija għall-bajd u dundjani.

(5)

Il-valutazzjoni mill-ġdid tal-Elancoban imwettqa mill-Kummissjoni wriet li l-kundizzjonijiet rilevanti stipulati fid-Direttiva 70/524/KEE huma sodisfatti. L-Elancoban għandu għalhekk jiġi awtorizzat għal għaxar snin bħala addittiv marbut mal-persuna responsabbli għat-tqegħid tiegħu fiċ-ċirkolazzjoni u inkluż fil-Kapitolu I tal-lista msemmija fl-Artikolu 9t (b) ta’ din id-Direttiva.

(6)

Billi l-awtorizzazzjoni għall-addittiv issa hi marbuta ma’ persuna responsabbli għat-tqegħid tiegħu fiċ-ċirkolazzjoni, u tieħu post l-awtorizzazzjoni ta’ qabel li ma kienet marbuta mal-ebda persuna speċifika, huwa xieraq li titħassar din l-awtorizzazzjoni tal-aħħar.

(7)

Billi mhemm l-ebda raġuni ta’ sigurtà għall-irtirar minnufih tal-prodott tal-monensin sodium mis-suq, huwa xieraq li jitħalla perjodu tranżitorju ta’ sitt xhur għar-rimi ta’ ħażniet eżistenti tal-addittiv.

(8)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali.