31994R2389

Ir-Regolament tal-Kumissjoni (KE) Nru 2389/94

tat-30 ta' Settembru 1994

li jemenda r-Regolament (KE) Nru 1431/94 li jistabbilixxi regoli dettaljati sabiex jiġu applikati l-arranġamenti dwar l-importazzjoni fis-settur tal-laħam tat-tjur msemmija fir-Regolament tal-Kunsill (KE) Nru 774/94

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 774/94 tat-29 ta' Marzu 1994 li jiftaħ u jipprovdi għall-amministrazjoni ta' ċerti kwoti tat-tariffa Komunitarji għal-laħam taċ-ċanga ta' kwalità għolja, u għal-laħam tal-majjal, il-laħam tat-tjur, il-qamħ u l-maħlut, u tipi tan-nuħħala, il-frak iebes tal-qamħ u fdalijiet oħra [1], u b'mod partikolari Artiklu 7 tiegħu,

Wara li kkunsidrat ir-Regolament tal-Kunsill (KEE) Nru 2777/75 ta' Ottubru 1975 dwar l-organizzazjoni komuni tas-suq tal-laħam tat-tjur [2], kif l-aħħar emendat bir-Regolament tal-Kummissjoni (KEE) Nru 1574/93 [3], u b'mod partikolari Artikolu 15 tiegħu,

Billi r-Regolament tal-Kunsill (KE) Nru 1431/94 [4] jistabbilixxi r-regoli ddettaljati sabiex tiġi applikata, fis-settur tal-laħam tat-tjur, is-sistema ta' l-importazjoni pprovvduta bir-Regolament (KE) Nru 774/94;

Billi, bil-ħsieb li tiġi pprevenuta l-ispekulazzjoni, iridu jiġu aġġustati l-kondizzjonijiet sabiex jinkiseb aċċess għas-sistema;

Billi, fuq il-bażi ta' l-esperjenza miksuba, il-perjodu taż-żmien li fih iridu jiġu ddepożitati ċ-ċertifikati tal-liċenzji jrid jitressaq xahar ’il quddiem hekk illi l-kwoti jkunu jistgħu jintużaw mill-bidu ta' kull wieħed mill-perjodi taż-żmien minflok mit-tmiem ta' l-ewwel xahar ta' kull wieħed mill-perjodi taż-żmien, kif inhu l-każ bħalissa;

Billi trid tkun magħrufa l-oriġini tal-prodotti importati skond ir-Regolament (KE) Nru 1431/94;

Billi dawn id-dispożizzjonijiet iridu jiddaħħlu malajr kemm jista’ jkun, għalkemm ċerti miżuri ma jistgħux jiġu applikati minnufih;

Billi l-miżuri pprovvduti f'dan ir-Regolament huma skond l-opinjoni tal-Kumitat ta'Ġestjoni tal-Laħam tat-Tjur u tal-Bajd,

ADOTTAT DAN IR-REGOLAMENT:

Artikolu 1

Ir-Regolament (KE) Nru 1431/94 huwa hawnhekk emendat kif ġej:

1. Artikolu 3(a) jiġi mibdul b'dan li ġej:

"(a) L-applikanti għal-liċenzji ta' l-importazzjoni jridu jkunu persuni naturali jew legali li, meta jiġu ssottomessi l-applikazzjonijiet, jistgħu jġibu prova li tissodisfa lill-awtoritajiet kompetenti fl-Istati Membri li jkunu importaw jew esportaw mhux inqas minn 25 tunnellata metrika (piż tal-prodott) tal-prodotti li jidħlu fil-kodiċi tan-NM 0207, 160231 jew 160239 fiż-żewġ snin kalendarji ta' qabel is-sena li fiha tkun ġiet iddepożitata l-applikazzjoni għall-liċenzja. Madanakollu, l-istabbilimenti tal-bejgħ bl-imnut jew ir-ristoranti li jbiegħu l-prodotti tagħhom lill-aħħar konsumaturi huma esklużi mil-benefiċċji ta' din is-sistema";

2. l- ewwel subparagrafu ta' Artikolu 4(1) jiġi mibdul b'dan li ġej:

"1. L-applikazjonijiet għal-liċenzji jistgħu jiġu ddepożitati biss matul l-ewwel għaxart ijiem ta' kull wieħed mix-xhur li jiġi qabel kull wieħed mill-perjodi taż-żmien speċifikat f'Artikolu 2.";

3. Anness III mar- Regolament (KE) Nru 1431/94 jiġi mibdul bl-Anness ma’ dan ir-Regolament.

Artikolu 2

Dan ir-regolament għandu jidħol fis-seħħ fl-1 ta' Ottubru 1994.

Madanakollu, Artikolu 1(2) għandu jibda japplika mill-1 ta' Marzu 1995.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, it-30 ta' Settembru 1994.

Għall-Kummissjoni

René Steichen

Membru tal-Kummissjoni

[1] ĠU L 91, tat-8.4.1994, p. 1.

[2] ĠU L 282, ta' l-1.11.1975, p. 77.

[3] ĠU L 152, ta' l-24.6.1993, p. 1.

[4] ĠU L 156, tat-23.6.1994, p. 9.

--------------------------------------------------

ANNESS

ANNESS III

L-applikazzjoni tar-Regolament (KE) Nru 1431/94

+++++ TIFF +++++

--------------------------------------------------