EUR-Lex Access to European Union law
This document is an excerpt from the EUR-Lex website
Document 22020D2247
Decision No 3/2020 of the Joint Committee established by the Agreement on the withdrawal of the United Kingdom of Great Britain and Northern Ireland from the European Union and the European Atomic Energy Community of 17 December 2020 amending the Protocol on Ireland and Northern Ireland to the Agreement on the withdrawal of the United Kingdom of Great Britain and Northern Ireland from the European Union and the European Atomic Energy Community [2020/2247]
Deċiżjoni Nru 3/2020 tal-kumitat konġunt stabbilit permezz tal-ftehim dwar il-ħruġ tar-renju unit tal-gran brittanja u l-irlanda ta’ fuq mill-unjoni ewropea u l-komunità tal-enerġija atomika ewropea tas-17 ta’ Diċembru 2020 li temenda l-Protokoll dwar l-Irlanda u l-Irlanda ta’ Fuq tal-Ftehim dwar il-Ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika [2020/2247]
Deċiżjoni Nru 3/2020 tal-kumitat konġunt stabbilit permezz tal-ftehim dwar il-ħruġ tar-renju unit tal-gran brittanja u l-irlanda ta’ fuq mill-unjoni ewropea u l-komunità tal-enerġija atomika ewropea tas-17 ta’ Diċembru 2020 li temenda l-Protokoll dwar l-Irlanda u l-Irlanda ta’ Fuq tal-Ftehim dwar il-Ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika [2020/2247]
PUB/2020/1059
ĠU L 443, 30.12.2020, p. 3–5
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
30.12.2020 |
MT |
Il-Ġurnal Uffiċjali tal-Unjoni Ewropea |
L 443/3 |
DEĊIŻJONI Nru 3/2020 TAL-KUMITAT KONĠUNT STABBILIT PERMEZZ TAL-FTEHIM DWAR IL-ĦRUĠ TAR-RENJU UNIT TAL-GRAN BRITTANJA U L-IRLANDA TA’ FUQ MILL-UNJONI EWROPEA U L-KOMUNITÀ TAL-ENERĠIJA ATOMIKA EWROPEA
tas-17 ta’ Diċembru 2020
li temenda l-Protokoll dwar l-Irlanda u l-Irlanda ta’ Fuq tal-Ftehim dwar il-Ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika [2020/2247]
IL-KUMITAT KONĠUNT,
Wara li kkunsidra l-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (“il-Ftehim dwar il-Ħruġ”), u b’mod partikolari l-Artikolu 164(5)(d) tiegħu,
Billi:
(1) |
Il-punt (d) tal-Artikolu 164(5) tal-Ftehim dwar il-Ħruġ jagħti s-setgħa lill-Kumitat Konġunt stabbilit skont l-Artikolu 164(1) tiegħu (“il-Kumitat Konġunt”) li jadotta deċiżjonijiet li jemendaw il-Ftehim dwar il-Ħruġ, dment li tali emendi jkunu meħtieġa biex jikkoreġu żbalji, biex jindirizzaw ommissjonijiet jew nuqqasijiet oħrajn, jew biex jindirizzaw sitwazzjonijiet li ma kinux previsti meta ġie ffirmat il-Ftehim, u dment li tali deċiżjonijiet ma jemendawx l-elementi essenzjali ta’ dak il-Ftehim. Skont l-Artikolu 166(2) tal-Ftehim dwar il-Ħruġ, id-deċiżjonijiet adottati mill-Kumitat Konġunt huma vinkolanti għall-Unjoni u għar-Renju Unit. L-Unjoni u r-Renju Unit iridu jimplimentaw it-tali deċiżjonijiet, li jkollhom l-istess effett legali tal-Ftehim dwar il-Ħruġ. |
(2) |
Skont l-Artikolu 182 tal-Ftehim dwar il-Ħruġ, il-Protokoll dwar l-Irlanda/l-Irlanda ta’ Fuq (“il-Protokoll”) jifforma parti integrali minn dak il-Ftehim. |
(3) |
Żewġ atti legali dwar il-prestazzjoni tal-emissjonijiet ta’ CO2 ta’ karozzi u vannijiet ġodda rreġistrati fl-Unjoni li huma elenkati taħt l-intestatura 9 tal-Anness 2 tal-Protokoll u li saru applikabbli għar-Renju Unit u fir-Renju Unit fir-rigward tal-Irlanda ta’ Fuq permezz tal-Artikolu 5(4) ta’ dak il-Protokoll, mhumiex relatati mat-tqegħid fis-suq ta’ tali vetturi fl-Unjoni. Għalhekk għandhom jitneħħew mill-Anness 2 tal-Protokoll; |
(4) |
Tmien atti legali li huma essenzjali għall-applikazzjoni tar-regoli tas-suq intern għall-prodotti fir-rigward tal-Irlanda ta’ Fuq u li tħallew barra fiż-żmien tal-adozzjoni, għandhom jiżdiedu mal-Anness 2 tal-Protokoll. |
(5) |
Sabiex jiġi ċċarat il-kamp ta’ applikazzjoni ta’ ċerti atti diġà elenkati fl-Anness 2 għall-Protokoll, għandhom jiżdiedu tliet noti ma’ dak l-Anness; |
ADOTTA DIN ID-DEĊIŻJONI
Artikolu 1
L-Anness 2 tal-Protokoll għandu jiġi emendat kif ġej:
1. |
taħt l-intestatura “9. Vetturi bil-mutur, inklużi tratturi għall-agrikoltura u għall-forestrija”, l-annotazzjonijiet li ġejjin għandhom jitħassru:
|
2. |
taħt l-intestatura “6. Regolamenti dwar salvagwardji bilaterali”, għandha tiżdied l-entrata li ġejja:
|
3. |
taħt l-intestatura “23. Sustanzi kimiċi u relatati”, għandha tiżdied l-entrata li ġejja:
|
4. |
taħt l-intestatura “25. Skart”, għandha tiżdied l-entrata li ġejja:
|
5. |
taħt l-intestatura “29. Ikel - ġenerali”, għandha tiżdied l-entrata li ġejja:
|
6. |
taħt l-intestatura “42. Materjal riproduttiv tal-pjanti”, għandhom jiżdiedu l-entrati li ġejjin:
|
7. |
taħt l-intestatura “47. Oħrajn”, għandha tiżdied l-entrata li ġejja:
|
8. |
taħt l-intestatura “4. Aspetti ġenerali relatati mal-kummerċ”, wara l-entrata għar-“Regolament (UE) Nru 978/2012 tal-Parlament Ewropew u tal-Kunsill tal-25 ta’ Ottubru 2012 li japplika skema ta’ preferenzi tariffarji ġeneralizzati u li jħassar ir-Regolament tal-Kunsill (KE) Nru 732/2008”, għandha tiddaħħal in-nota li ġejja: “Mingħajr preġudizzju għall-fatt li l-preferenzi tariffarji għal pajjiżi eliġibbli skont is-Sistema Ġenerali ta’ Preferenzi tal-Unjoni għandhom ikunu applikabbli fir-Renju Unit fir-rigward tal-Irlanda ta’ Fuq:
|
9. |
taħt l-intestatura “5. Strumenti għad-difiża tan-negozju”, direttament taħt l-intestatura, għandha tiddaħħal in-nota li ġejja: “Mingħajr preġudizzju għall-fatt li l-miżuri ta’ difiża tal-kummerċ tal-Unjoni għandhom ikunu applikabbli fir-Renju Unit fir-rigward tal-Irlanda ta’ Fuq, ir-referenzi għal “Stati Membri” jew “l-Unjoni” fir-Regolament (UE) 2016/1036, ir-Regolament (UE) 2016/1037, ir-Regolament (UE) 2015/478 u r-Regolament 2015/755 ma għandhomx jinqraw li jinkludu lir-Renju Unit fir-rigward tal-Irlanda ta’ Fuq. Barra minn hekk, l-importaturi li ħallsu dazji antidumping jew kumpensatorji tal-Unjoni fuq l-importazzjoni ta’ oġġetti li kienu rilaxxati mid-dwana fl-Irlanda ta’ Fuq jistgħu jitolbu biss għal rifużjoni ta’ dazji bħal dawn skont l-Artikolu 11(8) tar-Regolament (UE) 2016/1036 jew l-Artikolu 21 tar-Regolament (UE) 2016/1037, rispettivament.”; |
10. |
taħt l-intestatura “6. Regolamenti dwar salvagwardji bilaterali”, direttament taħt l-intestatura, għandha tiddaħħal in-nota li ġejja: “Mingħajr preġudizzju għall-fatt li l-miżuri ta’ salvagwardja bilaterali tal-Unjoni japplikaw fir-Renju Unit fir-rigward tal-Irlanda ta’ Fuq, ir-referenzi għal “Stati Membri” jew “l-Unjoni” fir-regolamenti elenkati hawn taħt ma għandhomx jinqraw li jinkludu lir-Renju Unit fir-rigward tal-Irlanda ta’ Fuq.”; |
11. |
taħt l-intestatura “25. Skart”, wara l-entrata għad-“Direttiva (UE) 2019/904 tal-Parlament Ewropew u tal-Kunsill tal-5 ta’ Ġunju 2019 dwar it-tnaqqis tal-impatt ta’ ċerti prodotti tal-plastik fuq l-ambjent”, għandha tiddaħħal in-nota li ġejja: “Fir-rigward tal-applikazzjoni ta’ dawk l-Artikoli u l-Partijiet għar-Renju Unit u fir-Renju Unit fir-rigward tal-Irlanda ta’ Fuq, kwalunkwe referenza għat-“3 ta’ Lulju 2021” fl-Artikoli 4(1), 14 u 17(1) għandha tinqara bħala “1 ta’ Jannar 2022”. L-Artikoli 2, 3, 14 u 17, u l-Parti F tal-Anness, għandhom japplikaw biss sa fejn jirrigwardaw l-Artikoli 4 sa 7.”. |
Artikolu 2
Din id-Deċiżjoni għandha tidħol fis-seħħ fil-jum wara d-data tal-adozzjoni tagħha.
Magħmul fi Brussell, is-17 ta’ Diċembru 2020.
Għall-Kumitat Konġunt
Il-Kopresidenti
Maroš ŠEFČOVIČ
Michael GOVE
(3) ĠU L 155, 12.6.2019, p. 1.
(4) ĠU L 334, 16.12.2011, p. 1.
(5) ĠU 125, 11.7.1966, p. 2298.