This document is an excerpt from the EUR-Lex website
Document 02022D0179-20221125
Commission Implementing Decision (EU) 2022/179 of 8 February 2022 on the harmonised use of radio spectrum in the 5 GHz frequency band for the implementation of wireless access systems including radio local area networks and repealing Decision 2005/513/EC (notified under document C(2022) 628) (Text with EEA relevance)Text with EEA relevance
Consolidated text: Deċiżjoni ta’ Implimentazzjoni tal-Kummissjoni (UE) 2022/179 tat-8 ta’ Frar 2022 dwar l-użu armonizzat tal-ispettru tar-radju fil-banda ta’ frekwenzi ta’ 5 GHz għall-implimentazzjoni ta’ sistemi ta’ aċċess mingħajr fili inklużi n-networks ta’ żoni lokali bir-radju u li tħassar id-Deċiżjoni 2005/513/KE (notifikata bid0dokument C(2022) 628) (Test b’rilevanza għaż-ŻEE)Test b’relevanza għaż-ŻEE
Deċiżjoni ta’ Implimentazzjoni tal-Kummissjoni (UE) 2022/179 tat-8 ta’ Frar 2022 dwar l-użu armonizzat tal-ispettru tar-radju fil-banda ta’ frekwenzi ta’ 5 GHz għall-implimentazzjoni ta’ sistemi ta’ aċċess mingħajr fili inklużi n-networks ta’ żoni lokali bir-radju u li tħassar id-Deċiżjoni 2005/513/KE (notifikata bid0dokument C(2022) 628) (Test b’rilevanza għaż-ŻEE)Test b’relevanza għaż-ŻEE
02022D0179 — MT — 25.11.2022 — 001.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
DEĊIŻJONI TA’ IMPLIMENTAZZJONI TAL-KUMMISSJONI (UE) 2022/179 tat-8 ta’ Frar 2022 dwar l-użu armonizzat tal-ispettru tar-radju fil-banda ta’ frekwenzi ta’ 5 GHz għall-implimentazzjoni ta’ sistemi ta’ aċċess mingħajr fili inklużi n-networks ta’ żoni lokali bir-radju u li tħassar id-Deċiżjoni 2005/513/KE (notifikata bid0dokument C(2022) 628) (ĠU L 029 10.2.2022, p. 10) |
Emendata bi:
|
|
|
Il-Ġurnal Uffiċjali |
||
|
Nru |
Paġna |
Data |
||
|
DEĊIŻJONI TA’ IMPLIMENTAZZJONI TAL-KUMMISSJONI (UE) 2022/2307 tat-23 ta’ Novembru 2022 |
L 305 |
63 |
25.11.2022 |
|
DEĊIŻJONI TA’ IMPLIMENTAZZJONI TAL-KUMMISSJONI (UE) 2022/179
tat-8 ta’ Frar 2022
dwar l-użu armonizzat tal-ispettru tar-radju fil-banda ta’ frekwenzi ta’ 5 GHz għall-implimentazzjoni ta’ sistemi ta’ aċċess mingħajr fili inklużi n-networks ta’ żoni lokali bir-radju u li tħassar id-Deċiżjoni 2005/513/KE
(notifikata bid0dokument C(2022) 628)
(Test b’rilevanza għaż-ŻEE)
Artikolu 1
Din id-Deċiżjoni tarmonizza l-kundizzjonijiet għad-disponibbiltà u l-użu effiċjenti tal-baned ta’ frekwenzi 5 150 -5 250 MHz, 5 250 -5 350 MHz u 5 470 -5 725 MHz għas-sistemi ta’ aċċess mingħajr fili inklużi n-networks ta’ żoni lokali bir-radju (WAS/RLANs).
Artikolu 2
Għall-finijiet ta’ din id-Deċiżjoni, għandhom japplikaw id-definizzjonijiet li ġejjin:
“sistemi ta’ aċċess mingħajr fili inklużi n-networks ta’ żoni lokali bir-radju (WAS/RLANs)” tfisser is-sistemi broadband ta’ radjukomunikazzjoni li jippermettu l-aċċess mingħajr fili għal applikazzjonijiet pubbliċi jew privati irrispettivament mit-tipoloġija tan-network sottostanti;
“użu fuq ġewwa” tfisser l-użu fi spazju magħluq li se jipprovdi l-attenwazzjoni meħtieġa biex tiffaċilita l-kondiviżjoni ma’ servizzi oħra. L-użu fuq ġewwa jista’ jiġi kklassifikat f’erba’ każijiet ta’ użu, kif identifikat fil-kundizzjonijiet tekniċi tal-Anness ta’ din id-Deċiżjoni li jirrappreżentaw xenarji speċifiċi: ġewwa l-binjiet u fil-vetturi tat-triq, fit-treni u fl-inġenji tal-ajru;
“potenza rradjata iżotropikament ekwivalenti (‘e.i.r.p.’)” tfisser il-multiplikazzjoni tal-potenza fornuta lill-antenna u l-gwadann tal-antenna f’direzzjoni partikolari relattiva għal antenna iżotropika (gwadann assolut jew iżotropiku);
“potenza rradjata iżotropikament ekwivalenti (e.i.r.p.) medja” tfisser l-e.i.r.p. matul l-ixkattatura tat-trażmissjoni li tikkorrispondi għall-potenza massima, jekk jiġi implimentat il-kontroll tal-potenza.
Artikolu 3
Sat-30 ta’ Ġunju 2023, l-Istati Membri għandhom jiddeżinjaw u jagħmlu disponibbli l-baned tal-frekwenzi 5 150 -5 250 MHz, 5 250 -5 350 MHz u 5 470 -5 725 MHz, fuq bażi mhux esklużiva, għall-implimentazzjoni tal-WAS/RLANs f’konformità mal-kundizzjonijiet tekniċi stabbiliti fl-Anness.
Artikolu 4
L-Istati Membri għandhom jimmonitorjaw l-evoluzzjoni tal-istandards u t-teknoloġija fir-rigward tal-użu tal-baned ta’ frekwenzi 5 150 -5 250 MHz, 5 250 -5 350 MHz u 5 470 -5 725 MHz għad-WAS/RLANs u jirrapportaw is-sejbiet tagħhom lill-Kummissjoni fuq talba ta’ din tal-aħħar jew fuq inizjattiva tagħhom stess sabiex ikun jista’ jsir rieżami f’waqtu ta’ din id-Deċiżjoni.
Artikolu 5
Id-Deċiżjoni 2005/513/KE titħassar.
Artikolu 6
Din id-Deċiżjoni hija indirizzata lill-Istati Membri.
ANNESS
Kundizzjonijiet tekniċi armonizzati għall-WAS/RLAN fil-baned tal-frekwenzi 5 150 -5 250 MHz, 5 250 -5 350 MHz u 5 470 -5 725 MHz
Tabella 1
WAS/RLAN fil-banda tal-frekwenzi 5 150 -5 250 MHz
|
Parametru |
Kundizzjonijiet tekniċi |
|
Banda tal-frekwenzi |
5 150 -5 250 MHz |
|
Operazzjoni permissibbli |
Fuq ġewwa, inkluż installazzjonijiet fil-vetturi tat-triq, fil-ferroviji u fl-inġenji tal-ajru, u użu limitat fuq barra (nota 1). L-użu minn sistemi tal-ajru mingħajr ekwipaġġ (UAS) hu limitat għall-banda 5 170 -5 250 MHz. |
|
Potenza rradjata iżotropikament ekwivalenti medja massima (e.i.r.p.) għall-emissjonijiet fil-banda |
200 mW Eċċezzjonijiet: — medja massima ta’ 40 mW tapplika għall-installazzjonijiet fil-vaguni tal-ferroviji b’telf medju tal-attenwazzjoni ta’ inqas minn 12 dB; — medja massima ta’ 40 mW tapplika għall-installazzjonijiet fil-vetturi tat-triq. |
|
Densità e.i.r.p medja massima għall-emissjonijiet fil-banda |
10 mW/MHz fi kwalunkwe banda ta’ 1 MHz |
|
Nota 1: Jekk jintuża fuq barra, it-tagħmir ma għandux jitwaħħal ma’ antenna fissa fuq barra, ma’ infrastruttura fissa jew mal-karozzerija esterna tal-vetturi tat-triq. |
|
Għandhom jintużaw tekniki għall-aċċess tal-ispettru u għall-mitigazzjoni tal-interferenzi li jipprovdu livell xieraq ta’ prestazzjoni għall-konformità mar-rekwiżiti essenzjali tad-Direttiva 2014/53/UE tal-Parlament Ewropew u tal-Kunsill ( 1 ). Meta t-tekniki rilevanti jkunu deskritti fi standards armonizzati jew f’partijiet minnhom, li r-referenzi għalihom ġew ippubblikati f’Il-Ġurnal Uffiċjali tal-Unjoni Ewropea f’konformità mad-Direttiva 2014/53/UE, mill-inqas għandha tkun żgurata prestazzjoni ekwivalenti għal-livell tal-prestazzjoni assoċjat ma’ dawk it-tekniki.
Tabella 2
WAS/RLAN fil-banda tal-frekwenzi 5 250 -5 350 MHz
|
Parametru |
Kundizzjonijiet tekniċi |
|
Banda tal-frekwenzi |
5 250 -5 350 MHz |
|
Operazzjoni permissibbli |
Użu fuq ġewwa: fil-binjiet biss. L-installazzjonijiet fil-vetturi tat-triq, fil-ferroviji u fl-inġenji tal-ajru mhumiex permessi (nota 2). L-użu fuq barra mhux permess. |
|
E.i.r.p medja massima għall-emissjonijiet fil-banda |
200 mW |
|
Densità e.i.r.p medja massima għall-emissjonijiet fil-banda |
10 mW/MHz fi kwalunkwe banda ta’ 1 MHz |
|
Tekniki ta’ mitigazzjoni li jridu jintużaw |
Kontroll tal-potenza tat-trażmettitur (TPC) u għażla dinamika tal-frekwenzi (DFS). Jistgħu jintużaw tekniki alternattivi tal-mitigazzjoni diment li mill-inqas dawn ikunu jiżguraw prestazzjoni u livell ekwivalenti ta’ protezzjoni tal-ispettru biex jikkonformaw mar-rekwiżiti essenzjali korrispondenti tad-Direttiva 2014/53/UE, u diment li jirrispettaw ir-rekwiżiti tekniċi ta’ din id-Deċiżjoni. |
|
Kontroll tal-potenza tat-trażmettitur (TPC) |
It-TPC għandu jipprovdi, bħala medja, fattur ta’ mitigazzjoni ta’ mill-inqas 3 dB fuq il-potenza tal-output massima permessa tas-sistemi; jew, jekk il-kontroll tal-potenza tat-trażmettitur ma jkunx qed jintuża, l-e.i.r.p medja massima permessa u l-limitu tad-densità tal-e.i.r.p medja korrispondenti għandhom jitnaqqsu bi 3 dB. |
|
Għażla dinamika tal-frekwenzi (DFS) |
Id-DFS hija deskritta fir-Rakkomandazzjoni ITU-R M. 1652-1 (2) li tiżgura operazzjoni kompatibbli mas-sistemi tar-radjudeterminazzjoni. Il-mekkaniżmu tad-DFS għandu jiżgura li l-probabbiltà li jintgħażel kanal partikolari tkun l-istess għall-kanali kollha disponibbli fil-baned 5 250 -5 350 MHz u 5 470 -5 725 MHz. Il-mekkaniżmu tad-DFS għandu jiżgura wkoll, bħala medja, firxa kważi uniformi tat-tagħbija tal-ispettru. Il-WAS/RLAN għandu jimplimenta għażla dinamika tal-frekwenzi li tipprovdi mitigazzjoni kontra l-interferenza għar-radar li mill-inqas tkun effiċjenti daqs id-DFS kif deskritt fl-Istandard tal-ETSI EN 301 893 V2.1.1. Il-konfigurazzjonijiet (hardware u/jew software) tal-WAS/RLAN relatati mad-DFS ma għandhomx ikunu aċċessibbli għall-utent jekk il-bdil ta’ dawk il-konfigurazzjonijiet jikkawża n-nuqqas ta’ konformità tal-WAS/RLANs mar-rekwiżiti tad-DFS. Dan jinkludi li (a) l-utent ma jitħalliex jibdel il-pajjiż tal-operazzjoni u/jew il-banda tal-frekwenzi operattiva jekk dan jikkawża n-nuqqas ta’ konformità tat-tagħmir mar-rekwiżiti tad-DFS u (b) ma jiġux aċċettati software u/jew firmware li jikkawżaw in-nuqqas ta’ konformità tat-tagħmir mar-rekwiżiti tad-DFS. |
|
(1)
F’konformità mar-Regolament tal-Kummissjoni (UE) Nru 1321/2014, inġenju tal-ajru kbir tfisser inġenju tal-ajru, ikklassifikat bħala ajruplan b’massa massima waqt it-tlugħ ta’ aktar minn 5 700 kg, jew ħelikopter b’aktar minn magna waħda. Madankollu, l-ħelikopters b’aktar minn magna waħda huma esklużi mill-ambitu tan-noti 2 u 3.
(2)
Ir-Rakkomandazzjoni ITU-R M. 1652-1, “Għażla dinamika tal-frekwenzi fis-sistemi ta’ aċċess mingħajr fili inkluż in-networks taż-żoni lokali bir-radju għall-iskop li jiġi protett is-servizz ta’ radjudeterminazzjoni fil-banda ta’ 5 GHz”. Nota 2: It-tħaddim tal-installazzjonijiet WAS/RLAN fl-inġenji tal-ajru kbar (1) (għajr fil-ħelikopters b’aktar minn magna waħda) hu permess sal-31 ta’ Diċembru 2028 b’e.i.r.p medja massima għall-emissjonijiet fil-banda ta’ 100 mW. |
|
Għandhom jintużaw tekniki għall-aċċess tal-ispettru u għall-mitigazzjoni tal-interferenzi li jipprovdu livell xieraq ta’ prestazzjoni għall-konformità mar-rekwiżiti essenzjali tad-Direttiva 2014/53/UE. Meta t-tekniki rilevanti jkunu deskritti fi standards armonizzati jew f’partijiet minnhom, li r-referenzi għalihom ġew ippubblikati f’Il-Ġurnal Uffiċjali tal-Unjoni Ewropea f’konformità mad-Direttiva 2014/53/UE, mill-inqas għandha tkun żgurata prestazzjoni ekwivalenti għal-livell tal-prestazzjoni assoċjat ma’ dawk it-tekniki.
Tabella 3
WAS/RLAN fil-banda tal-frekwenzi 5 470 -5 725 MHz
|
Parametru |
Kundizzjonijiet tekniċi |
|
Banda tal-frekwenzi |
5 470 -5 725 MHz |
|
Operazzjoni permissibbli |
Użu fuq ġewwa u fuq barra. Installazzjonijiet fil-vetturi tat-triq huma permessi biss għall-apparati WAS/RLANs li joperaw fil-modalità slave (1) kkontrollati minn apparat WAS/RLANs fiss b’funzjonalità ta’ Għażla Dinamika tal-Frekwenzi (DFS) li jopera fil-modalità prinċipali. L-installazzjonijiet fil-ferroviji u fl-inġenji tal-ajru u l-użu għall-UAS mhumiex permessi (nota 3). |
|
E.i.r.p medja massima għall-emissjonijiet fil-banda |
1 W Eċċezzjonijiet: — medja massima ta’ 200 mW tapplika għall-installazzjonijiet fil-vetturi tat-triq. |
|
Densità e.i.r.p medja massima għall-emissjonijiet fil-banda |
50 mW/MHz fi kwalunkwe banda ta’ 1 MHz |
|
Tekniki ta’ mitigazzjoni li jridu jintużaw |
Kontroll tal-potenza tat-trażmettitur (TPC) u għażla dinamika tal-frekwenzi (DFS). Jistgħu jintużaw tekniki alternattivi tal-mitigazzjoni diment li mill-inqas dawn ikunu jiżguraw prestazzjoni u livell ekwivalenti ta’ protezzjoni tal-ispettru biex jikkonformaw mar-rekwiżiti essenzjali korrispondenti tad-Direttiva 2014/53/UE, u diment li jirrispettaw ir-rekwiżiti tekniċi ta’ din id-Deċiżjoni. |
|
Kontroll tal-potenza tat-trażmettitur (TPC) |
It-TPC għandu jipprovdi, bħala medja, fattur ta’ mitigazzjoni ta’ mill-inqas 3 dB fuq il-potenza tal-output massima permessa tas-sistemi; jew, jekk il-kontroll tal-potenza tat-trażmettitur ma jkunx qed jintuża, l-e.i.r.p medja massima permessa u l-limitu tad-densità tal-e.i.r.p medja korrispondenti għandhom jitnaqqsu bi 3 dB. |
|
Għażla dinamika tal-frekwenzi (DFS) |
Id-DFS hija deskritta fir-Rakkomandazzjoni ITU-R M. 1652-1 biex tiġi żgurata l-operazzjoni kompatibbli mas-sistemi tar-radjudeterminazzjoni. Il-mekkaniżmu tad-DFS għandu jiżgura li l-probabbiltà li jintgħażel kanal partikolari tkun l-istess għall-kanali kollha disponibbli fil-baned 5 250 -5 350 MHz u 5 470 -5 725 MHz Il-mekkaniżmu tad-DFS għandu jiżgura wkoll, bħala medja, firxa kważi uniformi tat-tagħbija tal-ispettru. Il-WAS/RLAN għandu jimplimenta għażla dinamika tal-frekwenzi li tipprovdi mitigazzjoni kontra l-interferenza għar-radar li mill-inqas tkun effiċjenti daqs id-DFS kif deskritt fl-Istandard tal-ETSI EN 301 893 V2.1.1. Il-konfigurazzjonijiet (hardware u/jew software) tal-WAS/RLAN relatati mad-DFS ma għandhomx ikunu aċċessibbli għall-utent jekk il-bdil ta’ dawk il-konfigurazzjonijiet jikkawża n-nuqqas ta’ konformità tal-WAS/RLANs mar-rekwiżiti tad-DFS. Dan jinkludi li (a) l-utent ma jitħalliex jibdel il-pajjiż tal-operazzjoni u/jew il-banda tal-frekwenzi operattiva jekk dan jikkawża n-nuqqas ta’ konformità tat-tagħmir mar-rekwiżiti tad-DFS u (b) ma jiġux aċċettati software u/jew firmware li jikkawżaw in-nuqqas ta’ konformità tat-tagħmir mar-rekwiżiti tad-DFS. |
|
(1)
Il-modalitajiet slave u prinċipali huma definiti fl-EN 301 893 V2.1.1. Nota 3: It-tħaddim tal-installazzjonijiet WAS/RLAN f’inġenji tal-ajru kbar (ħlief il-ħelikopters b’aktar minn magna waħda), ħlief fil-banda tal-frekwenzi 5 600-5 650 MHz, hu permess sal-31 ta’ Diċembru 2028 b’e.i.r.p medja massima għall-emissjonijiet fil-banda ta’ 100 mW. |
|
Għandhom jintużaw tekniki għall-aċċess tal-ispettru u għall-mitigazzjoni tal-interferenzi li jipprovdu livell xieraq ta’ prestazzjoni għall-konformità mar-rekwiżiti essenzjali tad-Direttiva 2014/53/UE. Meta t-tekniki rilevanti jkunu deskritti fi standards armonizzati jew f’partijiet minnhom, li r-referenzi għalihom ġew ippubblikati f’Il-Ġurnal Uffiċjali tal-Unjoni Ewropea f’konformità mad-Direttiva 2014/53/UE, mill-inqas għandha tkun żgurata prestazzjoni ekwivalenti għal-livell tal-prestazzjoni assoċjat ma’ dawk it-tekniki.
( 1 ) Id-Direttiva 2014/53/UE tal-Parlament Ewropew u tal-Kunsill tas-16 ta’ April 2014 dwar l-armonizzazzjoni tal-liġijiet tal-Istati Membri marbuta mat-tqegħid fis-suq ta’ tagħmir tar-radju u li tħassar id-Direttiva 1999/5/KE (ĠU L 153, 22.5.2014, p. 62).