EUR-Lex Access to European Union law
This document is an excerpt from the EUR-Lex website
Document 01998D0509-20021008
Council Decision of 18 June 1998 on the conclusion of an Agreement on mutual recognition in relation to conformity assessment between the European Community and New Zealand (98/509/EC)
Consolidated text: Id-Deċiżjoni tal-Kunsill tat- 18 ta' Ġunju 1998 dwar il-konklużjoni ta' Ftehim dwar rikonoxximent reċiproku rigward assessment ta' konformità bejn il-Komunità Ewropea u New Zealand (98/509/KE)
Id-Deċiżjoni tal-Kunsill tat- 18 ta' Ġunju 1998 dwar il-konklużjoni ta' Ftehim dwar rikonoxximent reċiproku rigward assessment ta' konformità bejn il-Komunità Ewropea u New Zealand (98/509/KE)
1998D0509 — MT — 08.10.2002 — 001.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
ID-DEĊIŻJONI TAL-KUNSILL tat-18 ta' Ġunju 1998 dwar il-konklużjoni ta' Ftehim dwar rikonoxximent reċiproku rigward assessment ta' konformità bejn il-Komunità Ewropea u New Zealand (ĠU L 229, 17.8.1998, p.61) |
Emendat bi:
|
|
Il-Ġurnal Uffiċjali |
||
No |
page |
date |
||
L 278 |
20 |
16.10.2002 |
ID-DEĊIŻJONI TAL-KUNSILL
tat-18 ta' Ġunju 1998
dwar il-konklużjoni ta' Ftehim dwar rikonoxximent reċiproku rigward assessment ta' konformità bejn il-Komunità Ewropea u New Zealand
(98/509/KE)
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 113 flimkien ma' l-Artikolu 228(2), l-ewwel sentenza, u (3), l-ewwel subparagrafu, u l-Artikolu 228(4) ta' l-istess,
Wara li kkunsidra l-proposta mill-Kummissjoni,
Billi l-Ftehim dwar rikonoxximent reċiproku rigward assessment ta' konformità bejn il-Komunità Ewropea u New Zealand ġie nnegozjat u inizjalat fid-19 ta' Lulju 1996 u għandu jiġi approvat;
Billi ċerti obbligi għall-implimentazzjoni ġew attribwiti lill-Kumitat Konġunt imwaqqaf mill-Ftehim, u b' mod partikolari l-poter li jemenda ċerti aspetti ta' l-Anness Settorali għall-istess;
Billi għandhom jitwaqqfu proċeduri interni xierqa sabiex jassikuraw il-funzjonament tajjeb tal-Ftehim, u billi huwa meħtieġ li l-Kummissjoni tingħata l-poter li tagħmel ċerti emendi tekniċi għall-Ftehim u tieħu ċerti deċiżjonijiet sabiex jiġi implimentat,
IDDEĊIEDA DAN LI ĠEJ:
Artikolu 1
Il-Ftehim dwar rikonoxximent reċiproku rigward assessment ta' konformità bejn il-Komunità Ewropea u New Zealand, inklużi l-Anness ta' miegħu u d-Dikjarazzjonijiet Konġunti mehmuża miegħu, huma b'dan approvati f'isem il-Komunità Ewropea.
It-testi tal-Ftehim, l-Annessi u d-Dikjarazzjonijiet Konġunti huma mehmuża ma' din id-Deċiżjoni.
Artikolu 2
Il-President tal-Kunsill huwa b'dan awtorizzat sabiex jaħtar lill-persuni mogħtija l-jedd li jiffirmaw il-Ftehim sabiex jorbtu l-Komunità u jittrasmettu, f'isem il-Komunità, in-nota li għaliha jiddisponi l-Artikolu 14 tal-Ftehim ( 1 ).
Artikolu 3
1. Il-Kummissjoni sejra tirrapreżenta lill-Komunità fil-Kumitat Imħallat provdut fl-Artikolu 12 al-Ftehim, assistita mill-Kumitat speċjali maħtur mill-Kunsill. Il-Kummissjoni sejra tgħaddi, wara konsultazzjoni ma’ dan il-Kumitat speċjali, għall-appuntamenti, notifikazzjonijiet, bdil reċiproku ta’ informazzjoni u talb għal informazzjoni speċifikata fil-Ftehim.
2. Il-qagħda tal-Komunità fil-Kumitat Imħallat tkun determinata mill-Kummissjoni, wara kosultazzjoni mal-Kumitat speċjali msemmi fil-paragrafu 1.
Artikolu 4
Din id-Deċiżjoni għandha tiġi ppubblikata fil-Ġurnal Uffiċjali tal-Komunitajiet Ewropej.
( 1 ) Id-data tal-bidu fis-seħħ tal-Ftehim għandha tkun ippubblikata fil-Ġurnal Uffiċjali tal-Komunitajiet Ewropej.