This document is an excerpt from the EUR-Lex website
Document 32021D1693
Council Decision (CFSP) 2021/1693 of 21 September 2021 amending Decision (CFSP) 2018/2010 in support of countering illicit proliferation and trafficking of small arms, light weapons (SALW) and ammunition and their impact in Latin America and the Caribbean in the framework of the EU Strategy against Illicit Firearms, Small Arms & Light Weapons and their Ammunition ‘Securing Arms, Protecting Citizens’
Deċiżjoni tal-Kunsill (PESK) 2021/1693 tal-21 ta’ Settembru 2021 li temenda d-Deċiżjoni (PESK) 2018/2010 b’appoġġ għall-ġlieda kontra l-proliferazzjoni u t-traffikar illeċiti ta’ armi ħfief, ta’ kalibru żgħir (SALW) u l-munizzjon u l-impatt tagħhom fl-Amerka Latina u l-Karibew fil-qafas tal-Istrateġija tal-UE kontra Armi tan-Nar, Armi Ħfief u ta’ Kalibru Żgħir Illeċiti u l-Munizzjoni tagħhom “Aktar Sigurtà fuq l-Armi Biex Nipproteġu liċ-Ċittadini”
Deċiżjoni tal-Kunsill (PESK) 2021/1693 tal-21 ta’ Settembru 2021 li temenda d-Deċiżjoni (PESK) 2018/2010 b’appoġġ għall-ġlieda kontra l-proliferazzjoni u t-traffikar illeċiti ta’ armi ħfief, ta’ kalibru żgħir (SALW) u l-munizzjon u l-impatt tagħhom fl-Amerka Latina u l-Karibew fil-qafas tal-Istrateġija tal-UE kontra Armi tan-Nar, Armi Ħfief u ta’ Kalibru Żgħir Illeċiti u l-Munizzjoni tagħhom “Aktar Sigurtà fuq l-Armi Biex Nipproteġu liċ-Ċittadini”
ST/11471/2021/INIT
ĠU L 334, 22.9.2021, p. 12–13
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
22.9.2021 |
MT |
Il-Ġurnal Uffiċjali tal-Unjoni Ewropea |
L 334/12 |
DEĊIŻJONI TAL-KUNSILL (PESK) 2021/1693
tal-21 ta’ Settembru 2021
li temenda d-Deċiżjoni (PESK) 2018/2010 b’appoġġ għall-ġlieda kontra l-proliferazzjoni u t-traffikar illeċiti ta’ armi ħfief, ta’ kalibru żgħir (SALW) u l-munizzjon u l-impatt tagħhom fl-Amerka Latina u l-Karibew fil-qafas tal-Istrateġija tal-UE kontra Armi tan-Nar, Armi Ħfief u ta’ Kalibru Żgħir Illeċiti u l-Munizzjoni tagħhom “Aktar Sigurtà fuq l-Armi Biex Nipproteġu liċ-Ċittadini”
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28(1) u 31(1) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Fis-17 ta’ Diċembru 2018, il-Kunsill adotta Deċiżjoni (PESK) 2018/2010 (1). |
(2) |
Id-Deċiżjoni (PESK) 2018/2010 tipprevedi perijodu ta’ implimentazzjoni ta’ 36 xahar għall-attivitajiet imsemmija fl-Artikolu 1 ta’ dik id-Deċiżjoni mid-data tal-konklużjoni tal-ftehim ta’ finanzjament imsemmi fl-Artikolu 3(3) ta’ dik id-Deċiżjoni. |
(3) |
L-Organizzazzjoni tal-Istati Amerikani (OAS) talbet biex il-perijodu ta’ implimentazzjoni tad-Deċiżjoni (PESK) 2018/2010 jiġi estiż b’ħames xhur, sal-31 ta’ Mejju 2022, sabiex jitqies id-dewmien fl-implimentazzjoni tal-attivitajiet tal-proġetti taħt id-Deċiżjoni (PESK) 2018/2010 minħabba l-impatt tal-pandemija tal-COVID-19. |
(4) |
Il-kontinwazzjoni tal-attivitajiet imsemmija fl-Artikolu 1 tad-Deċiżjoni (PESK) 2018/2010 sal-31 ta’ Mejju 2022 tista’ titwettaq mingħajr ebda konsegwenza fir-rigward tar-riżorsi finanzjarji. |
(5) |
Jenħtieġ għalhekk li d-Deċiżjoni (PESK) 2018/2010 tiġi emendata skont dan, |
ADOTTA DIN ID-DEĊIŻJONI:
Artikolu 1
L-Artikolu 5, il-paragrafu 2 tad-Deċiżjoni (UE) 2018/2010 huwa sostitwit b’dan li ġej:
“2. Din id-Deċiżjoni għandha tiskadi fil-31 ta’ Mejju 2022.”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-21 ta’ Settembru 2021.
Għall-Kunsill
Il-President
G. DOVŽAN
(1) Id-Deċiżjoni tal-Kunsill (PESK) 2018/2010 tas-17 ta’ Diċembru 2018 b’appoġġ għall-ġlieda kontra l-proliferazzjoni u t-traffikar illeċiti ta’ armi ħfief, ta’ kalibru żgħir (SALW) u l-munizzjon u l-impatt tagħhom fl-Amerka Latina u l-Karibew fil-qafas tal-Istrateġija tal-UE kontra Armi tan-Nar, Armi Ħfief u ta’ Kalibru Żgħir Illeċiti u l-Munizzjoni tagħhom “Aktar Sigurtà fuq l-Armi Biex Nipproteġu liċ-Ċittadini” (ĠU L 322, 18.12.2018, p. 27).