This document is an excerpt from the EUR-Lex website
Document 31998D0486
98/486/EC: Council Decision of 29 July 1998 concerning the approval of a Memorandum of Understanding between the European Community and the Dominican Republic on import protection for milk powder in the Dominican Republic
Id-Deċiżjoni tal-Kunsill tad-29 ta' Lulju 1998 dwar l-approvazzjoni ta' Memorandum ta' Ftehim bejn il-Komunità Ewropea u r-Repubblika Dominikana rigward il-protezzjoni fuq l-importazzjoni tal-ħalib tat-trab fir-Repubblika Dominikana
Id-Deċiżjoni tal-Kunsill tad-29 ta' Lulju 1998 dwar l-approvazzjoni ta' Memorandum ta' Ftehim bejn il-Komunità Ewropea u r-Repubblika Dominikana rigward il-protezzjoni fuq l-importazzjoni tal-ħalib tat-trab fir-Repubblika Dominikana
ĠU L 218, 6.8.1998, p. 45–45
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 30/06/2004
ELI: http://data.europa.eu/eli/dec/1998/486/oj
Official Journal L 218 , 06/08/1998 P. 0045 - 0045
Id-Deċiżjoni tal-Kunsill tad-29 ta' Lulju 1998 dwar l-approvazzjoni ta' Memorandum ta' Ftehim bejn il-Komunità Ewropea u r-Repubblika Dominikana rigward il-protezzjoni fuq l-importazzjoni tal-ħalib tat-trab fir-Repubblika Dominikana (98/486/KE) IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi il-Komunitajiet Ewropej, u partikolarment l-Artikolu 113 flimkien ma' l-ewwel sentenza ta' l-Artikolu 228(2) tiegħu, Wara li kkunsidra l-proposta tal-Kummissjoni, Billi r-Repubblika Dominikana talbet għal emenda ta' l-iskeda tagħha taħt il-Ftehim ta' Marrakech li jistabbilixxi l-Organizzazzjoni Dinjija tal-Kummerċ għal tmien prodotti li fuqhom hemm tariffa; Billi wieħed biss minn dawn il-prodotti, il-ħalib tat-trab, huwa ta' interess ekonomiku għall-Komunità; Billi r-Repubblika Dominikana offriet kwota ta' tariffa ta' 32000 tunnellata metrika li minn dawn 70 % ser ikunu riservati għall-Komunità; Billi l-Komunità ser timmaniġġja is-sehem tal-kwota tat-tariffa tagħha skond il-mekkaniżmu tal-liċenzji ta' l-esportazzjoni kif stabbilit fir-regolamenti tal-Komunità, ADOTTA DAN IR-REGOLAMENT: Artikolu 1 Il-Memorandum ta' Ftehim bejn il-Komunità Ewropea u r-Repubblika Dominikana rigward il-protezzjoni ta' l-importazzjoni tal-ħalib tat-trab fir-Repubblika Dominikana qiegħed hawnhekk jiġi approvat f'isem il-Komunità. It-test tal-Memorandum ta' Ftehim jinsab anness ma' din id-Deċiżjoni. Artikolu 2 Il-President tal-Kunsill qiegħed hawnhekk jiġi awtorizzat li jinnomina l-persuna awtorizzata sabiex tiffirma l-Memorandum ta' Ftehim sabiex jorbot il-Komunità. Artikolu 3 Il-Kummissjoni għandha, skond il-proċedura stabbilita fl-Artikolu 30 tar-Regolament tal-Kunsill (KEE) Nru 804/68 tas-27 ta' Ġunju 1968 rigward l-organizzazzjoni komuni tas-suq tal-ħalib kif ukoll tal-prodotti tal-ħalib [1], tadotta regoli dettaljati għall-implimentazzjoni tal-paragrafu 3 tal-Memorandum ta' Tfehim kif imsemmi fl-Artikolu 1. Artikolu 4 Din id-Deċiżjoni għandha tiġi ppubblikata fil-Ġurnal Uffiċjali tal-Komunitajiet Ewropej. Magħmula fi Brussel, fid-29 ta' Lulju 1998. Għall-Kunsill Il-President W. Schüssel [1] ĠU L 148, tat-28.6.1968, p. 13. Regolament kif emendat l-aħħar mir-Regolament (KE) Nru 1587/96. (ĠU L 206, tas-16.8.1996, p. 21). --------------------------------------------------