2013D0114 — MT — 06.03.2013 — 000.003

---

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B

DEĊIŻJONI TAL-KUMMISSJONI tal-1 ta’ Marzu 2013 li tistabbilixxi linji gwida għall-Istati Membri għall-kalkolu tal-enerġija rinnovabbli minn pompi tas-sħana ta’ teknoloġiji differenti ta’ pompi tas-sħana skont l-Artikolu 5 tad-Direttiva 2009/28/KE tal-Parlament Ewropew u tal-Kunsill (notifikata bid-dokument numru C(2013) 1082) (Test b’relevanza għaż-ŻEE) (2013/114/UE) (ĠU L 062, 6.3.2013, p.27)

Ikkoreġut b'

►C1	Rettifika, ĠU L 008, 11.1.2014, p. 32  (114/2013)

---

▼B

DEĊIŻJONI TAL-KUMMISSJONI

tal-1 ta’ Marzu 2013

li tistabbilixxi linji gwida għall-Istati Membri għall-kalkolu tal-enerġija rinnovabbli minn pompi tas-sħana ta’ teknoloġiji differenti ta’ pompi tas-sħana skont l-Artikolu 5 tad-Direttiva 2009/28/KE tal-Parlament Ewropew u tal-Kunsill

(notifikata bid-dokument numru C(2013) 1082)

(Test b’relevanza għaż-ŻEE)

(2013/114/UE)

Artikolu 1

Il-linji gwida għall-kalkolu tal-produzzjoni ta’ enerġija rinnovabbli minn teknoloġiji differenti ta’ pompi tas-sħana kif meħtieġ mill-Anness VII tad-Direttiva 2009/28/KE huma stabbiliti fl-Anness ta’ din id-Deċiżjoni.

Artikolu 2

Il-linji gwida jistgħu jiġu riveduti u kumplimentati mill-Kummissjoni sa mhux aktar tard mill-31 ta’ Diċembru 2016, f’każ li dan ikun meħtieġ minħabba l-progress tal-istatistika, tekniku jew xjentifiku.

Artikolu 3

Din id-Deċiżjoni hija indirizzata lill-Istati Membri.

---

ANNESS

Linji gwida għall-Istati Membri għall-kalkolu tal-enerġija rinnovabbli minn pompi tas-sħana ta’ teknoloġiji differenti ta’ pompi tas-sħana skont l-Artikolu 5 tad-Direttiva 2009/28/KE

1.   INTRODUZZJONI

L-Anness VII tad-Direttiva dwar l-Enerġija Rinnovabbli 2009/28/KE (id-Direttiva) jistabbilixxi l-metodu bażiku għall-kalkolu tal-enerġija rinnovabbli provduta mill-pompi tas-sħana. L-Anness VII jistabbilixxi tliet parametri li huma meħtieġa għall-kalkolu tal-enerġija rinnovabbli mill-pompi tas-sħana li għandu jitqies għall-finijiet tal-enerġija rinnovabbli;

Il-qbil dwar il-metodoloġija li għandha tintuża għall-kalkolu tal-effiċjenza tas-sistema tal-enerġija (η) sar fil-“Grupp ta’ Ħidma dwar l-Istatistika tal-Enerġija Rinnovabbli” (Renewable Energy Statistics Working Party) tat-23 ta’ Ottubru 2009 ( 2 ). Id-dejta meħtieġa għall-kalkolu tal-effiċjenza tas-sistema tal-enerġija hija koperta bir-Regolament (KE) Nru 1099/2008 tal-Parlament Ewropew u tal-Kunsill tat-22 ta’ Ottubru 2008 dwar l-istatistika dwar l-enerġija ( 3 ). L-effiċjenza tas-sistema tal-enerġija (η) hija stabbilita bħala 0,455 (jew 45,5 %), abbażi tal-aktar dejta riċenti għall-2010 ( 4 ), li huwa l-valur li għandu jintuża sal-2020.

Għalhekk, dawn il-linji gwida jistabbilixxu l-mod li bih l-Istati Membri għandhom jikkalkulaw iż-żewġ parametri l-oħra, Qusable u l-“fattur tal-prestazzjoni staġonali” (SFP), fejn jitqiesu d-differenzi fil-kondizzjonijet klimatiċi, b’mod partikolari tal-klimi kesħin ħafna. B’dawn il-linji gwida, l-Istati Membri jistgħu jikkalkulaw l-ammont ta’ enerġija rinnovabbli provduta mit-teknoloġiji ta’ pompi tas-sħana.

2.   DEFINIZZJONIJIET

Għall-fini ta’ din id-Deċiżjoni, id-definizzjonijiet li ġejjin japplikaw:

3.   IL-KALKOLU TAL-FATTUR SPF U TA’ QUSABLE

3.1.    il-Prinċipji tal-Metodoloġija

Il-metodoloġija ssegwi tliet prinċipji ewlenin:

L-Istati Membri huma mħeġġa jtejbu l-valuri konservattivi predefiniti billi jadattawhom għaċ-ċirkustanzi lokali/reġjonali, u jinkludu l-iżvilupp ta’ metodoloġiji aktar preċiżi. Dan it-titjib għandu jiġi rrapportat lill-Kummissjoni u ppubblikat.

3.2.    Deskrizzjoni tal-metodoloġija

Skont l-Anness VII tad-Direttiva, l-ammont tal-enerġija rinnovabbli provduta mit-teknoloġiji ta’ pompi tas-sħana (ERES) għandu jiġi kkalkulat permezz ta’ din il-formula:

Fejn:

Qusable

=

is-sħana utilizzabbli totali stmata provduta mill-pompi tas-sħana [GWh];

HHP

=

sigħat ekwivalenti ta’ tħaddim b’tagħbija sħiħa [h];

Prated

=

kapaċità installata tal-pompi tas-sħana, fejn jitqies it-tul tal-ħajja tat-tipi differenti ta’ pompi tas-sħana

SPF

=

il-fattur tal-prestazzjoni staġonali medju stmat (SCOPnet jew SPERnet);

Il-valuri predeterminati għal HHP u l-valuri konservattivi predefiniti għal SPF huma indikati fit-tabella 1 u t-tabella 2 tat-taqsima 3.6.

3.3.    Prestazzjoni minima tal-pompi tas-sħana li għandha titqies bħala enerġija rinnovabbli skont id-Direttiva

Skont l-Anness VII tad-Direttiva, l-Istati Membri għandhom jiżguraw li jitqiesu biss dawk il-pompi tas-sħana li jkollhom SPF ogħla minn 1,15 * 1/η.

B’valur għall-effiċjenza tas-sistema tal-enerġija (η) ssettjat bħala 45,5 % (ara t-taqsima 1 u n-nota tal-qiegħ 3), dan jimplika li l-fattur SPF minimu ta’ pompi tas-sħana mħaddma bl-elettriku (SCOPnet) li għandu jitqies bħala enerġija rinnovabbli skont id-Direttiva huwa 2,5.

Għal pompi tas-sħana imħaddma bl-enerġija termali (jew direttament, jew permezz tal-kombustjoni ta’ fjuwils), l-effiċjenza tas-sistema tal-enerġija (η) hija 1. Għal dawn il-pompi tas-sħana, il-fattur SFP minimu (SPERnet) huwa 1,15, għall-fini li jitqies bħala enerġija rinnovabbli skont id-Direttiva.

L-Istati Membri għandhom iqisu, b’mod partikolari fir-rigward tal-pompi tas-sħana tal-arja, kemm mill-kapaċità diġà installata ta’ pompi tas-sħana għandhom SPF ogħla mill-prestazzjoni minima. Għal dan il-kalkolu, l-Istati Membri jistgħu jużaw kemm id-dejta kif ukoll il-kejl minn testijiet, għalkemm f’bosta każijiet, minħabba nuqqas ta’ dejta, il-kalkolu jsir billi tittieħed l-opinjoni esperta ta’ kull Stat Membru. Dawn l-opinjonijiet esperti għandhom ikunu konservattivi, jiġifieri l-kalkolu tal-kontribut tal-pompi tas-sħana għandu jwassal għal riżultat aktar baxx milli ogħla minn dak reali ( 5 ). Fil-każ tal-ħiters tal-ilma bl-arja bħala s-sors ta’ tisħin, normalment ikun f’każijiet eċċezzjonali biss li dawn il-pompi tas-sħana jkollhom SPF ogħla mil-limitu minimu.

3.4.    Limiti tas-sistema għall-kejl tal-enerġija mill-pompi tas-sħana

Il-limiti tas-sistema għall-kejl jinkludu ċ-ċiklu tar-refriġerant, il-pompa tar-refriġerant u, għall-assorbiment/adsorbiment, iċ-ċiklu tal-assorbiment u l-pompa tas-solvent. Il-kalkolu ta’ SPF għandu jsir, fil-każ tal-koeffiċjent tal-prestazzjoni staġonali (SCOPnet) skont l-istandard EN 14825:2012 u fil-każ tal-indiċi tal-enerġija primarja staġonali (SPERnet) skont l-istandard EN 12309. Dan jimplika li l-enerġija elettrika jew il-konsum tal-fjuwil meħtieġa għat-tħaddim tal-pompa tas-sħana u ċ-ċirkulazzjoni tar-refriġerant għandhom jitqiesu. Fil-grafika 1 ta’ hawn taħt, il-limitu tas-sistema (SPFH2) korrispondenti huwa indikat bl-aħmar.

Grafika 1

Limiti tas-sistema għall-kejl ta’ SPF u Qusable

Dawn l-abbrevjazzjonijiet jintużaw fil-grafika 1:

ES_fan/pump

Enerġija użata biex jitħaddem/titħaddem fann u/jew pompa li jiċċirkula/tiċċirkula r-refriġerant.

EHW_hp

Enerġija użata biex titħaddem il-pompa tas-sħana stess

Ebt_pump

Enerġija użata biex titħaddem il-pompa li tiċċirkula l-fluwidu li jassorbi l-enerġija mill-ambjent (mhix rilevanti għall-pompi tas-sħana kollha)

EHW_bu

Enerġija użata biex jitħaddem ħiter supplimentari (mhix rilevanti għall-pompi tas-sħana kollha)

EB_fan/pump

Enerġija użata biex jitħaddem/titħaddem fann u/jew pompa li jiċċirkula/tiċċirkula l-fluwidu li jipprovdi s-sħana utilizzabbli finali

QH_hp

Sħana provduta mis-sors ta’ sħana permezz tal-pompa tas-sħana

QW_hp

Sħana provduta mill-enerġija mekkanika użata biex titħaddem il-pompa tas-sħana

QHW_hp

Sħana provduta mill-ħiter supplimentari (mhix rilevanti għall-pompi tas-sħana kollha)

ERES	Enerġija ajrutermali, ġeotermali jew idrotermali rinnovabbli (is-sors ta’ sħana) maqbuda mill-pompa tas-sħana

ERES

Qusable

Mil-limiti tas-sistema indikati hawn fuq jirriżulta li l-kalkolu tal-enerġija rinnovabbli provduta mill-pompa tas-sħana jiddependi mill-pompa tas-sħana biss u mhux mis-sistema tat-tisħin li l-pompa tas-sħana tifforma parti minnha. Għalhekk, l-użu ineffiċjenti tal-enerġija tal-pompi tas-sħana hija kwistjoni ta’ effiċjenza enerġetika u ma għandhiex taffettwa l-kakoli tal-enerġija rinnovabbli provduta mill-pompi tas-sħana.

3.5.    Kundizzjonijiet klimatiċi

Id-definizzjoni ta’ kundizzjonijiet klimatiċi medji, iksaħ u isħan ssegwi l-metodu kif propost fl-abbozz għal Regolament ta’ Delega tal-Kummissjoni dwar it-tikkettar enerġetiku ta’ bojlers ( 6 ), fejn “kundizzjonijiet klimatiċi medji”, “kundizzjonijiet klimatiċi iksaħ” u “kundizzjonijiet klimatiċi isħan” ifissru l-kundizzjonijiet ta’ temperatura karatteristiċi għall-bliet ta’ Strasburgu, Ħelsinki u Ateni, rispettivament. Il-grafika 2 ta’ hawn taħt turi ż-żoni ta’ kundizzjonijiet klimatiċi, kif ġew suġġeriti.

Grafika 2

Żoni ta’ kundizzjonijiet klimatiċi

Fil-każijiet fejn fl-istess Stat Membru jkun hemm diversi kundizzjonijiet klimatiċi, l-Istati Membri għandhom jikkalkulaw il-kapaċità installata tal-pompi tas-sħana fiż-żona ta’ kundizzjonijiet klimatiċi rispettiva.

3.6.    Valuri predeterminati għal SPF u Qusabletal-pompi tas-sħana

It-tabella ta’ hawn taħt turi l-valuri predeterminati għal HHP u SPF (SCOPnet) ta’ pompi tas-sħana mħaddma bl-elettriku:

It-tabella ta’ hawn taħt turi l-valuri predeterminati għal HHP u SPF (SPERnet) ta’ pompi tas-sħana mħaddma bl-enerġija termali:

Il-valuri predeterminati indikati fit-Tabelli 1 u 2 ta’ hawn fuq huma tipiċi għas-segment ta’ pompi tas-sħana b’SPF ogħla mil-limitu minimu, li jfisser li l-pompi b’SPF inqas minn 2,5 ma ġewx meqjusa biex ġew stabbiliti l-valuri tipiċi ( 7 ).

3.7.    Rimarki dwar il-pompi tas-sħana li mhumiex imħaddma bl-elettriku

Il-pompi tas-sħana li ma jużawx l-elettriku, jew jużaw xi fjuwil likwidu jew fjuwil gassuż biex iħaddmu l-kompressur, jew jużaw proċess ta’ assorbiment/adsorbiment (b’kombustjoni ta’ fjuwil likwidu jew fjuwil gassuż jew bl-użu tal-enerġija ġeotermali/solartermali jew tas-sħana tal-iskart), jipprovdu enerġija rinnovabbli sakemm il-“proporzjon tal-enerġija primarja nett fil-modalità Attiv” (SPERnet) ikun 115 % jew ogħla minn dak il-valur ( 8 ).

3.8.    Rimarki dwar il-pompi tas-sħana li jużaw l-arja tal-egżost bħala s-sors tal-enerġija

Il-pompi tas-sħana li jużaw l-arja tal-egżost bħala s-sors tal-enerġija jieħdu l-enerġija mill-ambjent, u għalhekk, dawn il-pompi tas-sħana jipprovdu enerġija rinnovabbli. Iżda fl-istess ħin, dawn il-pompi tas-sħana jirkupraw l-enerġija mill-arja tal-egżost, li mhijiex enerġija ajrutermali, skont id-Direttiva ( 9 ). Għalhekk, l-enerġija ajrutermali biss titqies bħala enerġija rinnovabbli. Dan l-aġġustament isir billi l-valuri ta’ HHP għal dawn il-pompi tas-sħana jiġu kkoreġuti biex jaqblu ma’ dawk indikati fit-taqsima 3.6.

3.9.    Rimarki dwar il-pompi tas-sħana tal-arja

Il-valuri ta’ HHP indikati fit-Tabelli 1 u 2 ta’ hawn fuq huma bbażati fuq valuri ta’ HHE li ma jinkludux biss is-sigħat ta’ kemm tintuża l-pompa tas-sħana, iżda anke s-sigħat li jintuża l-ħiter supplimentari. Peress li l-ħiter supplimentari huwa barra mil-limiti tas-sistema msemmija fit-taqsima 3.4 il-valuri ta’ HHE għall-pompi tas-sħana tal-arja kollha jiġu aġġustati kif xieraq biex titqies biss is-sħana utilizzabbli provduta mill-pompi tas-sħana stess. Il-valuri aġġustati ta’ HHP huma indikati fit-tabelli 1 u 2 ta’ hawn fuq.

Fil-każ tal-pompi tas-sħana tal-arja li l-kapaċità indikata tagħhom tikkorrispondi għall-kundizzjonijiet ta’ disinn (u mhux għall-kundizzjonijiet standard ta’ ttestjar), għandhom jintużaw il-valuri tal-HHE ( 10 ).

L-arja ambjentali, jiġifieri l-arja ta’ barra, biss tista’ tintuża bħala s-sors tal-enerġija għal pompi tas-sħana tal-arja.

3.10.    Rimarki dwar il-pompi tas-sħana riversibbli

L-ewwel nett, f’kundizzjonijiet klimatiċi sħan u sa ċertu f’kundizzjonijiet klimatiċi medji, il-pompi tas-sħana riversibbli spiss jiġu installati bl-iskop li jkessħu l-ambjent ta’ ġewwa, għalkemm jintużaw ukoll għat-tisħin fix-xhur tax-xitwa. Peress li d-domanda tat-tkessiħ fis-sajf tkun ogħla minn dik tat-tisħin fix-xitwa, il-kapaċità nominali hija aktar indikattiva tad-domanda tat-tkessiħ milli ta’ dik għat-tisħin. Peress li l-kapaċità installata tintuża bħala indikatur tad-domanda tat-tisħin, dan jimplika li l-istatistika tal-kapaċità installata ma tindikax il-kapaċità installata għall-fini tat-tisħin. Barra minn hekk, il-pompi tas-sħana riversibbli spiss jiġu installati b’mod parallel ma’ sistemi tat-tisħin eżistenti, li jimplika li dawn il-pompi tas-sħana mhux dejjem jintużaw għall-fini ta’ tisħin.

Jeħtieġ li dawn iż-żewġ elementi jiġu aġġustati kif xieraq. Fit-Tabelli 1 u 2 ta’ hawn fuq tqies tnaqqis konservattiv ( 11 ) ta’ 10 % għal klima isħan u ta’ 40 % għal klima medja. Madankollu, it-tnaqqis reali jiddependi ħafna fuq il-prassi nazzjonali li jintużaw għall-forniment ta’ sistemi tat-tisħin, u għaldaqstant, fejn ikun possibbli għandhom jintużaw iċ-ċifri nazzjonali. Il-Kummissjoni għandha tiġi informata bl-użu ta’ ċifri alternattivi, flimkien ma’ rapport li jiddeskrivi l-metodu u d-dejta li jintużaw. Jekk ikun meħtieġ, il-Kummissjoni tittraduċi d-dokumenti u tippubblikahom fuq il-pjattaforma ta’ trasparenza tagħha.

3.11.    Kontribut ta’ enerġija rinnovabbli mis-sistemi ibridi ta’ pompi tas-sħana

Għas-sistemi ibridi ta’ pompi tas-sħana, fejn il-pompa tas-sħana taħdem flimkien ma’ teknoloġiji oħra ta’ enerġija rinnovabbli (eż., kolletturi termali solari li jintużaw bħala ħiters preliminari), il-kalkolu tal-enerġija rinnovabbli jista’ jsir b’mod mhux preċiż. Għalhekk, l-Istati Membri għandhom jiżguraw li l-kalkolu tal-enerġija rinnovabbli mis-sistemi ibridi ta’ pompi tas-sħana jkun korrett, u b’mod partikolari, jiżguraw li ebda enerġija rinnovabbli ma tintuża aktar minn darba għal dan il-kalkolu.

3.12.    Linji gwida dwar l-iżvilupp ta’ metodoloġiji aktar preċiżi

L-Istati Membri huma mistennija u mħeġġa jwettqu l-istimi tagħhom stess, kemm għall-fattur SPF kif ukoll għall-HHP. Jekk l-istimi jkunu jistgħu jsiru aħjar, dawn l-approċċi nazzjonali/reġjonali għandhom ikunu bbażati fuq ipotesijiet preċiżi u kampjuni rappreżentattivi ta’ daqs suffiċjenti, biex jagħtu stima ferm aktar preċiża tal-enerġija rinnovabbli mill-pompi tas-sħana, meta mqabbla mal-istima li tirriżulta bl-użu tal-metodu indikat f’din id-Deċiżjoni. Dawn il-metodoloġiji mtejba jistgħu jkunu bbażati fuq kalkolu dettaljat li juża dejta teknika li tqis, fost fatturi oħra, is-sena tal-installazzjoni, il-kwalità tal-installazzjoni, it-tip tal-kompressur, il-mod ta’ tħaddim, is-sistema ta’ distribuzzjoni tas-sħana, it-taqsima ta’ bivalenza u l-klima reġjonali.

Jekk il-kejl ikun disponibbli biss f’limiti tas-sistema differenti mil-limiti tas-sistema stabbiliti fit-taqsima 3.4, għandhom isiru l-aġġustamenti xierqa.

Fil-kalkolu tal-enerġija rinnovabbli għall-fini ta’ din id-Direttiva għandhom jiġu inklużi biss dawk il-pompi tas-sħana li jkollhom effiċjenza enerġetika ogħla mil-limitu minimu, kif stabbilit fl-Anness VII tad-Direttiva.

Meta jużaw metodoloġiji u/jew valuri alternattivi, l-Istati Membri huma mistiedna jippreżentawhom lill-Kummissjoni flimkien ma’ rapport li jiddeskrivi l-metodu u d-dejta użati. Jekk ikun meħtieġ, il-Kummissjoni tittraduċi d-dokumenti u tippubblikahom fuq il-pjattaforma ta’ trasparenza tagħha.

4.   EŻEMPJU TA’ KALKOLU

It-tabella ta’ hawn taħt turi eżempju ta’ Stat Membru ipotetiku b’kundizzjonijiet klimatiċi medji, li jkollu 3 teknoloġiji differenti ta’ pompi tas-sħana installati.

---

( 1 ) ĠU L 140, 5.6.2009, p. 16.

( 2 ) Ara l-punt 4.5 tal-minuti tat-23 ta’ Ottubru 2009, li jinsabu hawn: https://circabc.europa.eu/w/browse/be80a323-0f89-4ab7-b8f7-888e3ff351ed

( 3 ) ĠU L 304, 14.11.2008, p. 1.

( 4 ) Il-valur ta’ η fl-2010 huwa 45,5 % (li żdied minn 44,0 % fl-2007 għal 44,7 % fl-2008 u 45,1 % fl-2009), li jimplika valur SFP minimu ta’ 2,5 fl-2010. Din hija stima konservattiva, għaliex l-effiċjenza tas-sistema tal-enerġija hija mistennija tiżdied sal-2020. Madankollu, peress li l-bażi għall-istima tal-effiċjenza tas-sistema tal-enerġija (η) tinbidel minħabba l-aġġornamenti tal-istatistiċi li jintużaw fil-kalkolu tagħha, ikun aktar prevedibbli li η tingħata valur fiss biex ma jkunx hemm konfużjoni dwar ir-rekwiżiti tal-valur SFP minimu (biex tinħoloq iċ-ċertezza legali), kif ukoll biex jiffaċilita l-iżvilupp tal-metodoloġija mill-Istati Membri (ara t-taqsima 3.10). Jekk ikun meħtieġ, η tista’ tiġi riveduta skont l-Artikolu 2 (reviżjoni tal-linji gwida, f’każ li dan ikun meħtieġ, sal-31 ta’ Diċembru 2016).

( 5 ) Għandha tingħata attenzjoni partikolari għall-pompi tas-sħana riversibbli tal-arja, peress li l-kalkolu jista’ jiġi stmat ogħla għal diversi raġunijiet, fosthom: a) mhux il-pompi tas-sħana riversibbli kollha jintużaw għat-tisħin, jew b’mod limitat biss, u b) unitajiet eqdem (u inqas effiċjenti) jista’ jkollhom effiċjenza (SPF) aktar baxxa mil-limitu minimu meħtieġ ta’ 2,5.

( 6 ) Dan l-abozz għadu ma ġiex adottat mill-Kummissjoni (Jannar 2013). Dan l-abbozz jista’ jinsab fuq id-database tad-WTO: http://members.wto.org/crnattachments/2012/tbt/EEC/12_2119_00_e.pdf

( 7 ) Dan jimplika li l-Istati Membri jistgħu jqisu l-valuri indikati fit-Tabelli 1 u 2 bħala l-valuri medji tal-pompi tas-sħana mħaddma bl-elettriku li jkollhom SPF ogħla mill-minimu ta’ 2,5.

( 8 ) Ara l-punt 3.3.

( 9 ) Ara l-Artikolu 5(4), u d-definizzjoni ta’ “enerġija ajrutermali” fl-Artikolu 2(b) tad-Direttiva.

( 10 ) Dawn il-valuri huma ta’ 1 336, 2 066 u 3 465 għal klima sħuna, medja u kiesħa rispettivament.

( 11 ) Skont studju li sar fl-Italja (imsemmi fil-paġna 48 ta’ “Outlook 2011 — European Heat Pump Statistics”), f’inqas minn 10 % tal-każijiet, il-pompi tas-sħana kienu l-uniku ġeneratur ta’ sħana installat. Peress li l-pompi tas-sħana arja-arja riversibbli huma t-tip ta’ teknoloġija ta’ pompi tas-sħana l-aktar installata (60 % tal-unitajiet kollha installati — il-biċċa l-kbira tagħhom installati fl-Italja, Spanja u Franza, kif ukoll fl-Isvezja u l-Finlandja), huwa importanti li ċ-ċifri jiġu aġġustati kif xieraq. Il-Valutazzjoni tal-Impatt tar-Regolament tal-Kummissjoni (UE) Nru 206/2012 tas-6 ta’ Marzu 2012 li jimplimenta d-Direttiva 2009/125/KE tal-Parlament Ewropew u tal-Kunsill fir-rigward tar-rekwiżiti tal-ekodisinn għall-kundizzjonaturi tal-arja u l-fannijiet għall-użu personali (ĠU L 72, 10.3.2012, p. 7) tassumi li 33 % tal-pompi tas-sħana riversibbli fl-UE mhux qed jintużaw għat-tisħin. Barra minn hekk, wieħed jista’ jassumi li għadd kbir mis-67 % tal-pompi tas-sħana riversibbli jintużaw għat-tisħin parzjalment biss, peress li l-pompa tas-sħana tkun installata b’mod parallel ma’ sistema tat-tisħin oħra. Għalhekk, il-valuri proposti huma adekwati biex jitnaqqas ir-riskju li l-valuri stmati jkunu ogħla minn dawk reali.