(1)

Skont l-Artikolu 18.1 tal-Istatut tas-Sistema Ewropea ta' Banek Ċentrali u tal-Bank Ċentrali Ewropew, il-Bank Ċentrali Ewropew (BĊE) u l-banek ċentrali nazzjonali tal-Istati Membri li l-munita tagħhom hija l-euro (iktar 'il quddiem il-“BĊNi”) jistgħu, sabiex jinkisbu l-għanijiet tas-Sistema Ewropea ta’ Banek Ċentrali, iwettqu operazzjonijiet ta’ kreditu ma’ istituzzjonijiet ta’ kreditu u parteċipanti oħrajn fis-suq, bis-self ikun ibbażat fuq kollateral adegwat. Il-kundizzjonijiet ġenerali li taħthom il-BĊE u l-BĊNi jinsabu lesti biex jidħlu f’operazzjonijiet ta’ kreditu, inklużi l-kriterji li jiddeterminaw l-eliġibbiltà ta’ kollateral għall-finijiet ta’ operazzjonijiet ta’ kreditu tal-Eurosistema, huma stabbiliti fil-Linja Gwida (UE) 2015/510 tal-Bank Ċentrali Ewropew (BĊE/2014/60) (1).

(2)

L-assi kollha li huma eliġibbli għal operazzjonijiet ta’ kreditu tal-Eurosistema huma soġġetti għal miżuri speċifiċi tal-kontroll tar-riskju sabiex l-Eurosistema tkun protetta kontra telf finanzjarju f’ċirkustanzi li fihom il-kollateral jkollu jiġi rrealizzat minħabba avveniment ta’ inadempjenza ta’ kontroparti. Il-qafas ta’ kontroll tar-riskju tal-Eurosistema jiġi rrivedut regolarment sabiex tiġi żgurata protezzjoni adegwata. Bħala riżultat ta’ dik ir-reviżjoni regolari, il-Kunsill Governattiv iddeċieda fil-15 ta’ Lulju 2022 li jintroduċi ċerti bidliet fil-qafas tal-kontroll tar-riskju.

(3)

Il-Kunsill Governattiv iddeċieda li jkompli jneħħi gradwalment it-tnaqqis temporanju tal-haircuts fil-valutazzjoni li kienu ġew deċiżi bħala parti mill-miżuri temporanji ta’ taffija tal-kollateral meħuda mill-Eurosistema b’reazzjoni għaċ-ċirkostanzi ekonomiċi u finanzjarji eċċezzjonali assoċjati mat-tixrid tal-marda tal-coronavirus (COVID-19). Dan huwa t-tieni pass tat-tneħħija gradwali li ġie deċiż mill-Kunsill Governattiv fit-23 ta’ Marzu 2022, li se jikkonkludi t-tneħħija gradwali tal-haircuts fil-valutazzjoni.

(4)

Sabiex ikun jista’ jsir trattament aktar granulari u xieraq tar-riskji assoċjati ma’ strumenti ta’ maturità twila, u b’hekk tittejjeb il-kopertura tar-riskju tal-iskeda ta’ haircuts, ġie deċiż li l-kategorija tal-istrumenti bl-itwal maturità residwa, (jiġifieri aktar minn għaxar snin ([10, ∞)) tinqasam fi tliet kategoriji ġodda, minn għaxar snin sa ħmistax-il sena ([10, 15)), minn ħmistax-il sena sa tletin snin ([15, 30)) u tletin sena jew aktar ([30, ∞)). Din id-deċiżjoni, flimkien mad-deċiżjoni li jiġi applikat tnaqqis fil-valutazzjoni teoretiku dipendenti fuq il-maturità, hija maħsuba wkoll biex ittejjeb il-granularità tal-kopertura tar-riskju ta’ dik il-valutazzjoni teoretika, li hija partikolarment rilevanti għall-istrumenti b’maturitajiet itwal.

(5)

Barra minn hekk, il-Kunsill Governattiv iddeċieda li jissostitwixxi, kemm fil-qafas tal-kollateral permanenti kif ukoll f’dak temporanju, it-tnaqqis fil-valutazzjoni teoretiku fiss attwali ta’ 5 % applikabbli għal assi negozjabbli skont l-Artikolu 134 tal-Linja Gwida (UE) 2015/510 tal-Bank Ċentrali Ewropew (BĊE/2014/60) bi skeda ta’ tnaqqis gradwata fil-maturità, għall-assi negozjabbli kollha teoretikament ivvalutati ħlief dawk li jaqgħu taħt il-kategorija ta’ haircut I. Ir-raġuni għal dan hija li l-kollateral tal-Eurosistema jiġi protett b’mod aktar granulari kontra riskji tal-mudell li jirriżultaw minn valutazzjoni teoretika ta’ assi negozjabbli.

(6)

Barra minn hekk, bil-ħsieb li jiġu riflessi b’mod adegwat ir-riskji ta’ assi negozjabbli b’kupuni varjabbli, u biex tittejjeb il-protezzjoni tar-riskju tal-Eurosistema, ġie deċiż li l-klassifikazzjoni ta’ haircut ta’ assi negozjabbli tiġi allinjata ma’ kupun fiss u dawk b’kupun varjabbli minħabba li wrew livelli komparabbli ta’ riskju totali.

(7)

Għalhekk, il-Linja Gwida BĊE/2014/31 tal-Bank Ċentrali Ewropew (2) għandha tiġi emendata f’dan is-sens,

(1)

fl-Artikolu 3, għandu jiddaħħal il-paragrafu li ġej:

(*1)  Linja Gwida (UE) 2016/65 tal-Bank Ċentrali Ewropew tat-18 ta' Novembru 2015 dwar il-haircuts fil-valutazzjoni applikati fl-implimentazzjoni tal-qafas tal-politika monetarja tal-Eurosistema (BĊE/2015/35) (ĠU L 14, 21.1.2016, p. 30).”;"

(2)

L-Artikolu 8b intitolat “Ammissjoni ta’ ċerti assi negozjabbli u emittenti eliġibbli fis-7 ta’ April 2020” huwa mħassar;

(3)

L-Anness IIa huwa mibdul bl-Anness I ta' din il-Linja Gwida;

(4)

L-Anness IIb huwa mibdul bl-Anness II ta' din il-Linja Gwida.