This document is an excerpt from the EUR-Lex website
Document 32022D0679
Commission Implementing Decision (EU) 2022/679 of 19 January 2022 establishing a watch list of substances and compounds of concern for water intended for human consumption as provided for in Directive (EU) 2020/2184 of the European Parliament and of the Council (notified under document C(2022) 142) (Text with EEA relevance)
Deċiżjoni ta’ Implimentazzjoni tal-Kummissjoni (UE) 2022/679 tad-19 ta’ Jannar 2022 li tistabbilixxi lista ta’ sorveljanza ta’ sustanzi u komposti ta’ tħassib għall-ilma maħsub għall-konsum mill-bniedem kif previst fid-Direttiva (UE) 2020/2184 tal-Parlament Ewropew u tal-Kunsill (notifikata bid-dokument C(2022) 142) (Test b’rilevanza għaż-ŻEE)
Deċiżjoni ta’ Implimentazzjoni tal-Kummissjoni (UE) 2022/679 tad-19 ta’ Jannar 2022 li tistabbilixxi lista ta’ sorveljanza ta’ sustanzi u komposti ta’ tħassib għall-ilma maħsub għall-konsum mill-bniedem kif previst fid-Direttiva (UE) 2020/2184 tal-Parlament Ewropew u tal-Kunsill (notifikata bid-dokument C(2022) 142) (Test b’rilevanza għaż-ŻEE)
C/2022/142
ĠU L 124, 27.4.2022, p. 41–43
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
27.4.2022 |
MT |
Il-Ġurnal Uffiċjali tal-Unjoni Ewropea |
L 124/41 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2022/679
tad-19 ta’ Jannar 2022
li tistabbilixxi lista ta’ sorveljanza ta’ sustanzi u komposti ta’ tħassib għall-ilma maħsub għall-konsum mill-bniedem kif previst fid-Direttiva (UE) 2020/2184 tal-Parlament Ewropew u tal-Kunsill
(notifikata bid-dokument C(2022) 142)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2020/2184 tal-Parlament Ewropew u tal-Kunsill tas-16 ta’ Diċembru 2020 dwar il-kwalità tal-ilma maħsub għall-konsum mill-bniedem (1), u b’mod partikolari l-ewwel subparagrafu tal-Artikolu 13(8) tagħha,
Billi:
|
(1) |
Id-Direttiva (UE) 2020/2184 tipprevedi l-istabbiliment ta’ lista ta’ sorveljanza li tindirizza s-sustanzi u l-komposti ta’ tħassib għall-pubbliku jew għall-komunità xjentifika għal raġunijiet ta’ saħħa għall-ilma maħsub għall-konsum mill-bniedem (“il-lista ta’ sorveljanza”). Il-lista ta’ sorveljanza għandha tindika valur ta’ gwida għal kull sustanza jew kompost u fejn meħtieġ metodu possibbli ta’ analiżi li ma jinvolvix spejjeż eċċessivi. |
|
(2) |
F’konformità mal-Artikolu 13(8) tad-Direttiva (UE) 2020/2184, 17-beta-estradjol u nonilfenol għandhom jiġu inklużi fl-ewwel lista ta’ sorveljanza fid-dawl tal-proprjetajiet tagħhom li jfixklu s-sistema endokrinali u r-riskju li joħolqu għas-saħħa tal-bniedem. Abbażi tal-aħħar rakkomandazzjonijiet tal-Organizzazzjoni Dinjija tas-Saħħa dwar il-parametri tal-ilma tax-xorb (2), jenħtieġ li l-valuri ta’ gwida ta’ 300 ng/l għan-nonilfenol u ta’ 1 ng/l għal 17-beta-estradjol jiġu stabbiliti b’din id-Deċiżjoni ta’ Implimentazzjoni. |
|
(3) |
Il-limiti ta’ kwantifikazzjoni kif iddefiniti fid-Direttiva tal-Kummissjoni 2009/90/KE (3) huma speċifikati għal 17-beta-estradjol u għan-nonilfenol biex jippermettu l-kejl tal-valuri ta’ gwida bi grad aċċettabbli ta’ preċiżjoni mingħajr ma jinvolvu spejjeż eċċessivi. |
|
(4) |
Il-miżuri previsti f’din id-Deċiżjoni huma skont l-opinjoni tal-Kumitat imsemmi fl-Artikolu 22(1) tad-Direttiva (UE) 2020/2184, |
ADOTTAT DIN ID-DEĊIŻJONI:
Artikolu 1
Il-lista ta’ sorveljanza ta’ sustanzi u komposti ta’ tħassib għall-ilma maħsub għall-konsum mill-bniedem imsemmija fl-Artikolu 13(8) tad-Direttiva (UE) 2020/2184 hija stabbilita fl-Anness ta’ din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, id-19 ta’ Jannar 2022.
Għall-Kummissjoni
Virginijus SINKEVIČIUS
Membru tal-Kummissjoni
(1) ĠU L 435, 23.12.2020, p. 1.
(2) Ir-Rakkomandazzjonijiet tal-Organizzazzjoni Dinjija tas-Saħħa tat-11 ta’ Settembru 2017 għal Proġett ta’ Kooperazzjoni fil-Parametri tal-Ilma tax-Xorb, Appoġġ għar-reviżjoni tal-Anness I tad-Direttiva tal-Kunsill 98/83/KE dwar il-kwalità tal-ilma maħsub għall-konsum mill-bniedem (id-Direttiva dwar l-Ilma tax-Xorb) — https://ec.europa.eu/environment/water/water-drink/pdf/WHO_parameter_report.pdf
(3) Id-Direttiva tal-Kummissjoni 2009/90/KE tal- 31 ta’ Lulju 2009 li tistipula, skont id-Direttiva 2000/60/KE tal-Parlament Ewropew u tal-Kunsill, speċifikazzjonijiet tekniċi għall-analiżi u l-monitoraġġ kimiċi tal-istat tal-ilma (ĠU L 201, 1.8.2009, p. 36).
ANNESS
LISTA TA’ SORVELJANZA TA’ SUSTANZI U KOMPOSTI TA’ TĦASSIB GĦALL-ILMA MAĦSUB GĦALL-KONSUM MILL-BNIEDEM
|
Isem is-sustanza/grupp ta’ sustanzi jew kompost/grupp ta’ komposti |
Numru CAS |
Numru tal-UE |
Valuri ta’ gwida (ng/L) |
Limitu ta’ Kwantifikazzjoni (1) (ng/L) |
Metodu ta’ analiżi possibbli |
|
17-beta-estradjol |
50-28-2 |
200-023-8 |
1 |
≤ 1 |
- |
|
nonilfenol (2) |
84852-15-3 |
284-325-5 |
300 |
≤ 300 |
EN ISO 18857-2 |
(1) Limitu ta’ kwantifikazzjoni, kif definit fl-Artikolu 2(2) tad-Direttiva tal-Kummissjoni 2009/90/KE.
(2) Dawn is-sustanzi qabel kienu identifikati bħala CAS 25154-52-3 u 104-40-5.