1.   L-Ukrajna għandha tipparteċipa bħala pajjiż assoċjat f’ Orizzont Ewropa — il-Programm Qafas għar-Riċerka u l-Innovazzjoni (il-Programm Orizzont Ewropa) u tikkontribwixxi għall-partijiet kollha tiegħu msemmija fl-Artikolu 4 tar-Regolament (UE) 2021/695 u implimentat permezz tal-programm speċifiku stabbilit mid-Deċiżjoni tal-Kunsill (UE) 2021/764 (6), fl-aktar verżjonijiet aġġornati tagħhom, u permezz ta’ kontribuzzjoni finanzjarja lill-Istitut Ewropew tal-Innovazzjoni u t-Teknoloġija. L-Ukrajna għandha tipparteċipa bħala pajjiż assoċjat fil-Programm ta’ Riċerka u Taħriġ tal-Euratom (il-Programm Euratom) u tikkontribwixxi għall-partijiet kollha tiegħu kif stabbilit fir-Regolament (Euratom) 2021/765 fl-aktar verżjoni aġġornata tiegħu.

2.   Ir-Regolament (UE) 2021/819 tal-Parlament Ewropew u tal-Kunsill (7), u d-Deċiżjoni (UE) 2021/820 (8), fl-aktar verżjonijiet aġġornati tagħhom, għandhom japplikaw għall-parteċipazzjoni tal- entitajietġuridiċi tal-Ukrajna fil-Komunità ta’ Konoxxenza u Innovazzjoni.

1.   L-Ukrajna għandha tipparteċipa fil-Programm Orizzont Ewropa u fil-Programm Euratom f’konformità mal-kundizzjonijiet stabbiliti fil-Protokoll III għall-Ftehim ta’ Assoċjazzjoni bejn l-Unjoni Ewropea u l-Istati Membri tagħha, minn naħa waħda, u l-Ukrajna, min-naħa l-oħra, u skont it-termini u l-kundizzjonijiet stabbiliti f’dan il-Ftehim, fl-atti legali msemmija fl-Artikolu 1 ta’ dan il-Ftehim, kif ukoll fi kwalunkwe regola oħra li għandha x’taqsam mal-implimentazzjoni ta’ dawk il-Programmi, fl-aktar verżjonijiet aġġornati tagħhom.

2.   Sakemm ma jkunx previst mod ieħor fit-termini u l-kundizzjonijiet imsemmija fil-paragrafu 1 ta’ dan l-Artikolu, inkluż fl-implimentazzjoni tal-Artikolu 22(5) tar-Regolament (UE) 2021/695, l-entitajiet ġuridiċi stabbiliti fl-Ukrajna jistgħu jipparteċipaw f’azzjonijiet indiretti tal-Programm Orizzont Ewropa u l-Programm Euratom skont kundizzjonijiet ekwivalenti għal dawk applikabbli għall-entitajiet ġuridiċi stabbiliti fl-Unjoni Ewropea, inkluż ir-rispett għall-miżuri restrittivi tal-UE (9).

3.   Qabel ma jiġi deċiż dwar jekk l-entitajiet ġuridiċi stabbiliti fl-Ukrajna humiex eliġibbli sabiex jipparteċipaw f’azzjoni relatata mal-assi strateġiċi, l-interessi, is-sigurtà jew l-awtonomija tal-Unjoni Ewropea skont l-Artikolu 22(5) tar-Regolament (UE) 2021/695, il-Kummissjoni tista’ titlob informazzjoni jew assigurazzjonijiet speċifiċi, bħal:

4.   L-entitajiet ġuridiċi stabbiliti fl-Ukrajna jistgħu jipparteċipaw fl-attivitajiet taċ-Ċentru Konġunt tar-Riċerka (JRC) skont it-termini u l-kundizzjonijiet ekwivalenti għal dawk applikabbli għall-entitajiet ġuridiċi stabbiliti fl-Unjoni Ewropea sakemm ma jkunux meħtieġa limitazzjonijiet sabiex tiġi żgurata l-konsistenza mal-ambitu tal-parteċipazzjoni li tirriżulta mill-implimentazzjoni tal-paragrafu 2 u 3 ta’ dan l-Artikolu.

5.   Meta l-Unjoni Ewropea timplimenta l-Programm Orizzont Ewropa permezz tal-applikazzjoni tal-Artikoli 185 u 187 tat-Trattat dwar il-Funzjonament tal-Unjoni Ewropea, l-Ukrajna u l-entitajiet ġuridiċi Ukreni jistgħu jipparteċipaw fl-istrutturi legali maħluqa skont dawk id-dispożizzjonijiet, f’konformità mal-atti legali tal-Unjoni Ewropea li ġew adottati jew li se jiġu adottati għall-istabbiliment ta’ dawk l-istrutturi legali.

6.   Dan il-ftehim ma għandux jintitola lill-Ukrajna għas-sħubija għall-Impriża Konġunta Ewropea għall-ITER u l-Iżvilupp tal-Enerġija mill-Fużjoni, jew għall-parteċipazzjoni fil-Ftehim dwar l-Istabbiliment tal-Organizzazzjoni Internazzjonali għall-Enerġija mill-Fużjoni ITER għall-Implimentazzjoni Konġunta tal-Proġett ITER.

7.   Ir-rappreżentanti tal-Ukrajna għandu jkollhom id-dritt li jipparteċipaw bħala osservaturi fil-kumitat imsemmi fl-Artikolu 14 tad-Deċiżjoni (UE) 2021/764 u fil-kumitat imsemmi fl-Artikolu 16 tar-Regolament (Euratom) 2021/765, mingħajr drittijiet tal-vot u għal punti li jikkonċernaw lill-Ukrajna biss.

Fil-ħin tal-votazzjoni, dawn il-kumitati għandhom jiltaqgħu mingħajr il-preżenza tar-rappreżentanti tal-Ukrajna. L-Ukrajna trid tkun informata bir-riżultat.

8.   Il-parteċipazzjoni kif imsemmija fil-paragrafu preċedenti għandha tieħu l-istess forma, inklużi l-proċeduri dwar kif tasal l-informazzjoni u d-dokumentazzjoni, bħal dik applikabbli għar-rappreżentanti minn Stati Membri tal-Unjoni Ewropea. Id-drittijiet tal-Ukrajna għar-rappreżentazzjoni u l-parteċipazzjoni fil-Kumitat taż-Żona Ewropea tar-Riċerka u s-sottogruppi tiegħu għandhom ikunu dawk applikabbli għall-pajjiżi assoċjati.

9.   Ir-rappreżentanti tal-Ukrajna għandu jkollhom id-dritt li jipparteċipaw bħala osservaturi fil-Bord tal-Gvernaturi tal-JRC, mingħajr drittijiet tal-vot. Soġġetta għal dik il-kundizzjoni, tali parteċipazzjoni għandha tkun irregolata mill-istess regoli u proċeduri bħal dawk applikabbli għar-rappreżentanti tal-Istati Membri tal-Unjoni Ewropea, inklużi d-drittijiet tal-kelma u l-proċeduri għar-riċeviment ta’ informazzjoni u dokumentazzjoni fir-rigward ta’ punt li jikkonċerna lill-Ukrajna.

10.   L-Ukrajna tista’ tipparteċipa f’Konsorzju għal Infrastruttura Ewropea ta’ Riċerka (ERIC) f’konformità mar-Regolament tal-Kunsill (KE) Nru 723/2009 (10), fl-aktar verżjoni aġġornata tiegħu, u mal-att legali li jistabbilixxi l-ERIC.

11.   Il-kostijiet tal-ivvjaġġar u l-ispejjeż tas-sussistenza mġarrba mir-rappreżentanti u l-esperti tal-Ukrajna għall-finijiet tal-parteċipazzjoni tagħhom bħala osservaturi fil-ħidma tal-kumitat imsemmi fl-Artikolu 14 tad-Deċiżjoni (UE) 2021/764 u fil-kumitat imsemmi fl-Artikolu 16 tar-Regolament (Euratom) 2021/765, jew f’laqgħat oħrajn marbutin mal-implimentazzjoni tal-Programm Orizzont Ewropa jew tal-Programm Euratom, għandhom jiġu rimborżati mill-Unjoni Ewropea fuq l-istess bażi u f’konformità mal-istess proċeduri fis-seħħ bħal fil-każ tar-rappreżentanti tal-Istati Membri tal-Unjoni Ewropea.

12.   Il-Partijiet għandhom jagħmlu kull sforz, fil-qafas tad-dispożizzjonijiet eżistenti, sabiex jiffaċilitaw il-moviment liberu u r-residenza tax-xjenzati li jipparteċipaw fl-attivitajiet koperti b’dan il-Ftehim u sabiex ikun iffaċilitat il-moviment transfruntier tal-oġġetti u tas-servizzi maħsubin sabiex jintużaw f’dawn l-attivitajiet.

13.   L-Ukrajna għandha tieħu l-miżuri kollha meħtieġa, kif xieraq, sabiex tiżgura li l-oġġetti u s-servizzi, mixtrija fl-Ukrajna jew importati lejha, li huma parzjalment jew kompletament iffinanzjati skont il-ftehimiet ta’ għotja u/jew il-kuntratti konklużi għat-twettiq tal-attivitajiet f’konformità ma’ dan il-Ftehim, huma eżentati mid-dazji doganali, mid-dazji fuq l-importazzjoni u minn imposti fiskali oħrajn, inkluż il-VAT, li huma applikabbli fl-Ukrajna.

1.   Il-parteċipazzjoni tal- Ukrajna jew tal-entitajiet ġuridiċi Ukreni fil-Programm Orizzont Ewropa u fil-Programm Euratom għandha tkun soġġetta għall-Ukrajna li tikkontribwixxi finanzjarjament għal kull Programm rispettivament u l-kostijiet tal-ġestjoni, tal-eżekuzzjoni u tal-operazzjoni relatati tagħhom fil-qafas tal- baġit ġenerali tal-Unjoni Ewropea (minn hawn ’il quddiem imsejjaħ “il-baġit tal-Unjoni”).

2.   Il-kontribuzzjoni finanzjarja tal-Ukrajna għal kull wieħed mill-Programmi għandha tieħu l-forma tas-somma ta’:

3.   Il-kontribuzzjoni finanzjarja tal-Ukrajna għal kull wieħed miż-żewġ Programmi għandha tieħu l-forma ta’ pagament annwali li jsir f’żewġ pagamenti parzjali, u għandha tkun dovuta sa mhux aktar tard minn Ġunju u Settembru.

4.   Il-kontribuzzjoni operazzjonali tal-Ukrajna għal kull Programm għandha tkopri n-nefqa operazzjonali u ta’ appoġġ ta’ dak il-Programm u tkun addizzjonali kemm fl-approprjazzjonijiet ta’ impenn kif ukoll f’dawk ta’ pagament għall-ammonti mdaħħla fil-baġit tal-Unjoni adottat b’mod definittiv għall-Programm rispettiv, inkluż kwalunkwe approprjazzjoni li tikkorrispondi għad-diżimpenji li jsiru disponibbli għal darb’oħra kif imsemmi fl-Artikolu 15(3) tar-Regolament (UE, Euratom) 2018/1046 tal-Parlament Ewropew u tal-Kunsill (11), fl-aktar verżjoni aġġornata tiegħu (minn hawn ’il quddiem imsejjaħ “ir-Regolament Finanzjarju”), u miżjuda bi dħul assenjat estern li ma jirriżultax minn kontribuzzjonijiet finanzjarji għall-Programm Orizzont Ewropa minn donaturi (12) oħrajn.

Għad-dħul assenjat estern allokat għall-Programm Orizzont Ewropa skont l-Artikolu 3(1) tar-Regolament tal-Kunsill (UE) 2020/2094 (13), din iż-żieda għandha tikkorrispondi għall-approprjazzjonijiet annwali indikati fid-dokumenti li jakkumpanjaw l-Abbozz tal-Baġit tal-Kummissjoni għall-Programm Orizzont Ewropa.

5.   Il-kontribuzzjoni operazzjonali inizjali tal-Ukrajna għal kull Programm għandha tkun ibbażata fuq koeffiċjent tal-kontribuzzjoni definit bħala l-proporzjon tal-Prodott Domestiku Gross (PDG) tal-Ukrajna bil-prezzijiet tas-suq mal-PDG tal-Unjoni Ewropea bil-prezzijiet tas-suq. Il-PDG bil-prezzijiet tas-suq li jridu jiġu applikati għandhom jiġu ddeterminati mis-servizzi ddedikati tal-Kummissjoni abbażi tal-aktar data statistika reċenti disponibbli għall-kalkoli tal-baġit fis-sena ta’ qabel is-sena li fiha huwa dovut il-pagament annwali. B’deroga, għall-2021, il-kontribuzzjoni operazzjonali inizjali tal-Ukrajna għal kull Programm għandha tkun ibbażata fuq il-PDG tas-sena 2019 bil-prezzijiet tas-suq. L-aġġustamenti ta’ dan il-koeffiċjent tal-kontribuzzjoni huma stabbiliti fl-Anness I.

6.   Il-kontribuzzjoni operazzjonali inizjali tal-Ukrajna għal kull Programm għandha tiġi kkalkolata bl-applikazzjoni tal-koeffiċjent tal-kontribuzzjoni, kif aġġustat, mal-approprjazzjonijiet ta’ impenn inizjali mdaħħla fil-baġit tal-Unjoni adottat b’mod definittiv għas-sena applikabbli għall-finanzjament tal-Programm rispettiv, miżjud f’konformità mal-paragrafu 4 ta’ dan l-Artikolu.

7.   It-tariffa ta’parteċipazzjoni tal-Ukrajna għal kull Programm għandha tkun ta’ 4 % tal-kontribuzzjoni operazzjonali inizjali annwali kif ikkalkolata f’konformità mal-paragrafi 5 u 6 u għandha tiddaħħal gradwalment kif stabbilit fl-Anness I. It-tariffa tal-parteċipazzjoni ma għandhiex tkun soġġetta għal aġġustamenti jew korrezzjonijiet retrospettivi.

8.   Il-kontribuzzjoni operazzjonali inizjali tal-Ukrajna għal kull Programm għal sena N tista’ tiġi aġġustata ’l fuq jew ’l isfel b’mod retrospettiv f’sena sussegwenti waħda jew aktar fuq il-bażi tal-impenji baġitarji magħmula fuq l-approprjazzjonijiet ta’ impenn ta’ dik is-sena N, miżjuda f’konformità mal-paragrafu 4, l-implimentazzjoni tagħhom permezz ta’ impenji legali u d-diżimpenji tagħhom. Id-dispożizzjonijiet dettaljati għall-implimentazzjoni ta’ dan l-Artikolu jinsabu fl-Anness I.

9.   L-Unjoni Ewropea għandha tipprovdi lill-Ukrajna b’informazzjoni fir-rigward tal-parteċipazzjoni finanzjarja tagħha kif inkluża fl-informazzjoni relatata mal-baġit, il-kontabbiltà, il-prestazzjoni u l-evalwazzjoni pprovduta lill-awtoritajiet baġitarji u tal-kwittanza tal-Unjoni Ewropea dwar il-Programm Orizzont Ewropa u l-Programm Euratom. Dik l-informazzjoni għandha tiġi pprovduta b’kunsiderazzjoni dovuta għar-regoli dwar il-kunfidenzjalità u l-protezzjoni tad-data tal-Unjoni Ewropea, tal-Euratom u tal-Ukrajna u għandha tkun mingħajr preġudizzju għall-informazzjoni li l-Ukrajna hija intitolata li tirċievi skont l-Anness III.

10.   Il-kontribuzzjonijiet kollha tal-Ukrajna jew il-pagamenti mill-Unjoni Ewropea, u l-kalkolu tal-ammonti dovuti jew li għandhom jiġu riċevuti għandhom isiru f’euro.

1.   Għandu japplika mekkaniżmu ta’ korrezzjoni awtomatika tal-kontribuzzjoni operazzjonali tal-Ukrajna għall-Programm Orizzont Ewropa.

2.   Għandu japplika mekkaniżmu ta’ korrezzjoni awtomatika tal-kontribuzzjoni operazzjonali inizjali tal-Ukrajna għall-Programm Orizzont Ewropa għas-sena N, kif aġġustat f’konformità mal-Artikolu 3(8), u għandu jiġi kkalkolat fis-sena N+2. Dan għandu jkun ibbażat fuq il-prestazzjoni tal-Ukrajna u tal-entitajiet ġuridiċi Ukreni fil-partijiet tal-Programm Orizzont Ewropa li huma implimentati permezz ta’ għotjiet kompetittivi ffinanzjati minn approprjazzjonijiet ta’ impenn mis-sena N, miżjuda f’konformità mal-Artikolu 3(4).

L-ammont tal-korrezzjoni awtomatika għandu jiġi kkalkolat abbażi tad-differenza bejn:

3.   Meta l-ammont imsemmi fil-paragrafu 2, kemm jekk dak l-ammont huwa pożittiv kif ukoll jekk huwa negattiv, jaqbeż it-8 % tal-kontribuzzjoni operazzjonali inizjali korrispondenti tal-Ukrajna għall-Programm Orizzont Ewropa kif aġġustata skont l-Artikolu 3(8), il-kontribuzzjoni operazzjonali inizjali tal-Ukrajna għas-sena N għandha tiġi kkoreġuta. L-ammont dovut mill-Ukrajna jew li għandu jiġi riċevut minnha bħala kontribuzzjoni jew tnaqqis addizzjonali tal-kontribuzzjoni tal-Ukrajna għall-Programm Orizzont Ewropa fil-qafas tal-mekkaniżmu ta’ korrezzjoni awtomatika għandu jkun l-ammont li jaqbeż dan il-livell limitu ta’ 8 %, l-ammont taħt dan il-livell limitu ta’ 8 % mhux se jitqies fil-kalkolu tal-kontribuzzjoni addizzjonali dovuta jew ikkumpensata.

4.   Regoli dettaljati għall-mekkaniżmu ta’ korrezzjoni awtomatika applikabbli għall-kontribuzzjoni operazzjonali tal-Ukrajna għall-Programm Orizzont Ewropa huma stabbiliti fl-Anness I.

1.   L-entitajiet ġuridiċi stabbiliti fl-Unjoni Ewropea jistgħu jipparteċipaw fi programmi, proġetti u attivitajiet tal-Ukrajna ekwivalenti għall-Programm Orizzont Ewropa jew għall-Programm Euratom, f’konformità mal-leġiżlazzjoni tal-Ukrajna.

2.   Il-lista tal-programmi, tal-proġetti jew tal-attivitajiet ekwivalenti tal-Ukrajna li huma miftuħa għall-parteċipazzjoni tal-entitajiet ġuridiċi stabbiliti fl-Unjoni Ewropea hija stabbiliti fil-Parti I tal-Anness II. L-Ukrajna għandha tagħmel kull sforz biex tiftaħ b’mod progressiv il-programmi, il-proġetti u l-attivitajiet tagħha identifikati fil-Parti II tal-Anness II għall-parteċipazzjoni tal-entitajiet ġuridiċi stabbiliti fl-Unjoni Ewropea.

3.   Il-finanzjament mill-Ukrajna ta’ entitajiet ġuridiċi stabbiliti fl-Unjoni għandu jkun soġġett għal-leġiżlazzjoni tal-Ukrajna li tirregola l-operazzjoni ta’ programmi, proġetti u attivitajiet ta’ riċerka u innovazzjoni. Meta ma jkunx ipprovdut finanzjament, l-entitajiet ġuridiċi stabbiliti fl-Unjoni Ewropea jistgħu jipparteċipaw bil-mezzi tagħhom stess.

1.   Mingħajr preġudizzju għar-responsabbiltajiet tal-Kummissjoni, tal-Uffiċċju Ewropew ta’ Kontra l-Frodi (OLAF) u tal-Qorti tal-Awdituri tal-Unjoni Ewropea fir-rigward tal-monitoraġġ u l-evalwazzjoni tal-Programm Orizzont Ewropa u l-Programm Euratom, il-parteċipazzjoni tal-Ukrajna f’dawk il-Programmi għandha tiġi mmonitorjata kontinwament fuq bażi ta’ sħubija li tinvolvi lill-Kummissjoni u lill-Ukrajna.

2.   Ir-regoli dwar il-ġestjoni finanzjarja tajba, inklużi l-kontroll finanzjarju, l-irkupru u miżuri oħrajn ta’ kontra l-frodi fir-rigward tal-finanzjament tal-Unjoni Ewropea skont dan il-Ftehim huma stabbiliti fl-Anness III.

1.   Il-Kumitat Konġunt għar-Riċerka u l-Innovazzjoni UE/Euratom-Ukrajna huwa b’dan stabbilit (minn hawn ’il quddiem imsejjaħ “Kumitat Konġunt UE/Euratom-Ukrajna”). Il-kompiti tal-Kumitat Konġunt UE/Euratom-Ukrajna għandhom jinkludu:

2.   Il-Kumitat Konġunt UE/Euratom-Ukrajna, li għandu jkun magħmul minn rappreżentanti tal-Unjoni Ewropea, tal-Euratom u tal-Ukrajna, għandu jadotta r-Regoli ta’ Proċedura tiegħu.

3.   Il-Kumitat Konġunt UE/Euratom-Ukrajna jista’ jiddeċiedi li jistabbilixxi kwalunkwe grupp ta’ ħidma/korp konsultattiv fuq bażi ad hoc fil-livell ta’ esperti, li jista’ jassisti fit-twettiq tal-implimentazzjoni ta’ dan il-Ftehim.

4.   Il-Kumitat Konġunt UE/Euratom-Ukrajna għandu jiltaqa’ mill-anqas darba fis-sena, u, kull meta ċirkostanzi speċjali jirrikjedu dan, fuq talba ta’ kwalunkwe waħda mill-Partijiet. Il-laqgħat għandhom jiġu organizzati u ospitati b’mod alternat mill-Unjoni Ewropea u mill-Ukrajna.

5.   Il-Kumitat Konġunt UE/Euratom-Ukrajna għandu jaħdem fuq bażi kontinwa permezz ta’ skambju ta’ informazzjoni rilevanti bi kwalunkwe mezz ta’ komunikazzjoni, b’mod partikolari fir-rigward tal-parteċipazzjoni/prestazzjoni tal-entitajiet ġuridiċi tal-Ukrajna. Il-Kumitat Konġunt UE/Euratom-Ukrajna jista’ jwettaq b’mod partikolari l-kompiti tiegħu bil-miktub kull meta tinqala’ l-ħtieġa.

1.   Dan il-Ftehim għandu jidħol fis-seħħ fid-data li fiha l-Partijiet jinnotifikaw lil xulxin bit-tlestija tal-proċeduri interni tagħhom meħtieġa għal dak il-għan.

2.   Dan il-Ftehim għandu japplika mill-1 ta’ Jannar 2021. Dan għandu jibqa’ fis-seħħ sakemm ikun meħtieġ għall-proġetti, l-azzjonijiet, l-attivitajiet jew partijiet minnhom kollha ffinanzjati mill-Programmi Orizzont Ewropa u Euratom, l-azzjonijiet kollha meħtieġa sabiex jiġu protetti l-interessi finanzjarji tal-Unjoni Ewropea u l-obbligi finanzjarji kollha li jirriżultaw mill-implimentazzjoni ta’ dan il-Ftehim bejn il-Partijiet li għandhom jitlestew.

3.   Dan il-Ftehim għandu jiġi estiż u japplika għall-perjodu 2026–2027 skont l-istess termini u kundizzjonijiet tas-suċċessur tal-Programm Euratom, dment li fi żmien tliet xhur tal-pubblikazzjoni fil-Ġurnal Uffiċjali tal-Unjoni Ewropea tal-programm suċċessur, l-ebda Parti ma tinnotifika d-deċiżjoni tagħha biex ma testendix dan il-Ftehim għal dak il-programm suċċessur. F’każ ta’ tali notifika, dan il-Ftehim ma għandux japplika mill-1 ta’ Jannar 2026 rigward is-suċċessur tal-Programm Euratom.

4.   L-applikazzjoni ta’ dan il-Ftehim rigward il-Programm Orizzont Ewropa jew il-Programm Euratom tista’ tiġi sospiża mill-Unjoni Ewropea jew mill-Euratom f’każ ta’ nuqqas ta’ pagament parzjali jew sħiħ tal-kontribuzzjoni finanzjarja għall-Progamm rispettiv dovuta mill-Ukrajna skont dan il-Ftehim.

F’każ ta’ nuqqas ta’ pagament li jista’ jipperikola b’mod sinifikanti l-implimentazzjoni u l-ġestjoni tal-Programm Orizzont Ewropa jew il-Programm Euratom, il-Kummissjoni Ewropea għandha tibgħat ittra formali ta’ tfakkira. Meta ma jsir l-ebda pagament fi żmien 20 jum tax-xogħol wara l-ittra formali ta’ tfakkira, is-sospensjoni tal-applikazzjoni ta’ dan il-Ftehim fir-rigward tal-Programm rilevanti għandha tiġi nnotifikata mill-Kummissjoni Ewropea lill-Ukrajna permezz ta’ ittra formali ta’ notifika li għandha tidħol fis-seħħ 15-il jum wara l-wasla ta’ din in-notifika mill-Ukrajna.

F’każ li l-applikazzjoni ta’ dan il-Ftehim tiġi sospiża f’konformità mal-ewwel subparagrafu ta’ dan il-paragrafu, l-entitajiet ġuridiċi stabbiliti fl-Ukrajna ma għandhomx ikunu eliġibbli li jipparteċipaw fi proċeduri ta’ għoti fil-qafas tal-Programm rilevanti li jkunu għadhom ma tlestewx meta tidħol fis-seħħ is-sospensjoni. Proċedura ta’ għoti għandha titqies bħala kompluta meta jkunu saru impenji legali bħala riżultat ta’ dik il-proċedura.

Is-sospensjoni ma taffettwax l-impenji legali konklużi fil-qafas tal-Programm rilevanti mal-entitajiet ġuridiċi stabbiliti fl-Ukrajna qabel ma tkun daħlet fis-seħħ is-sospensjoni. Dan il-Ftehim għandu jkompli japplika għal tali impenji legali.

Il-Kummissjoni li taġixxi f’isem l-Unjoni Ewropea u l-Euratom għandha tinnotifika minnufih lill-Ukrajna ladarba l-ammont sħiħ tal-kontribuzzjoni finanzjarja dovuta għall-Programm rilevanti jkun wasal għandha. Is-sospensjoni rigward dan il-Programm għandha titneħħa b’effett immedjat malli ssir din in-notifika.

Mid-data meta titneħħa s-sospensjoni, l-entitajiet ġuridiċi tal-Ukrajna għandhom jerġgħu jkunu eliġibbli fi proċeduri ta’ għoti mnedija fil-qafas tal-Programm rilevanti wara din id-data u fi proċeduri ta’ għoti mnedija qabel din id-data, li għalihom l-iskadenzi għas-sottomissjoni tal-applikazzjonijiet ma jkunux skadew.

5.   Kwalunkwe Parti tista’ tittermina dan il-Ftehim fi kwalunkwe waqt b’notifika bil-miktub li tinforma lill-Parti l-oħra bl-intenzjoni li tittermina dan il-Ftehim.

It-terminazzjoni tal-Ftehim għandha tidħol fis-seħħ tliet xhur kalendarji wara d-data li fiha n-notifika bil-miktub tkun waslet għand id-destinatarju tagħha. Id-data li fiha tidħol fis-seħħ it-terminazzjoni għandha tikkostitwixxi d-data tat-terminazzjoni għall-finijiet ta’ dan il-Ftehim.

6.   Meta dan il-Ftehim jiġi tterminat f’konformità mal-paragrafu 5, il-Partijiet jaqblu li:

Il-Partijiet għandhom isolvu b’kunsens komuni kwalunkwe konsegwenza oħra tat-terminazzjoni ta’ dan il-Ftehim.

7.   Dan il-Ftehim jista’ jiġi emendat biss bil-miktub u bil-kunsens komuni tal-Partijiet. Id-dħul fis-seħħ tal-emendi se jsegwi l-istess proċedura bħal dik applikabbli għad-dħul fis-seħħ ta’ dan il-Ftehim.

8.   L-Annessi ta’ dan il-Ftehim għandhom jifformaw parti integrali minn dan tal-aħħar.

Artikolu 1

Rieżamijiet u awditi

Artikolu 2

Ġlieda kontra l-irregolaritajiet, il-frodi u reati kriminali oħrajn li jaffettwaw l-interessi finanzjarji tal-Unjoni

Artikolu 3

Irkupru u infurzar

Artikolu 4

Komunikazzjoni u Skambju ta’ informazzjoni

L-istituzzjonijiet u l-korpi tal-Unjoni Ewropea involuti fl-implimentazzjoni tal-Programm Orizzont Ewropa, jew fil-kontrolli fuq dak il-programm, għandhom ikunu intitolati li jikkomunikaw direttament, inkluż permezz ta’ sistemi ta’ skambju elettroniku, ma’ kwalunkwe persuna fiżika residenti fl-Ukrajna jew ma’ entità ġuridika stabbilita fl-Ukrajna u li tirċievi fondi tal-Unjoni, kif ukoll ma’ kwalunkwe parti terza involuta fl-implimentazzjoni ta’ fondi tal-Unjoni residenti jew stabbiliti fl-Ukrajna. Tali persuni, entitajiet u partijiet jistgħu jissottomettu direttament lill-istituzzjonijiet u lill-korpi tal-Unjoni Ewropea l-informazzjoni u d-dokumentazzjoni rilevanti kollha li huma meħtieġa jissottomettu abbażi tal-leġiżlazzjoni tal-Unjoni Ewropea applikabbli għall-programm tal-Unjoni u tal-kuntratti jew tal-ftehimiet konklużi għall-implimentazzjoni ta’ dak il-programm.