EUR-Lex Access to European Union law
This document is an excerpt from the EUR-Lex website
Document 42021X0993
UN Regulation No 160 – Uniform provisions concerning the approval of motor vehicles with regard to the Event Data Recorder
Ir-Regolament Nru 160 tan-NU — Dispożizzjonijiet uniformi li jikkonċernaw l-approvazzjoni tal-vetturi bil-mutur fir-rigward tar-Reġistratur tad-Data f’każ ta’ Avveniment
Ir-Regolament Nru 160 tan-NU — Dispożizzjonijiet uniformi li jikkonċernaw l-approvazzjoni tal-vetturi bil-mutur fir-rigward tar-Reġistratur tad-Data f’każ ta’ Avveniment
PUB/2021/287
ĠU L 221, 21.6.2021, p. 15–33
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
21.6.2021 |
MT |
Il-Ġurnal Uffiċjali tal-Unjoni Ewropea |
L 221/15 |
It-testi oriġinali tan-NU/KEE biss għandhom effett ġuridiku skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament jenħtieġ li jiġu ċċekkjati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq: http://www.unece.org/trans/main/wp29/wp29wgs/wp29gen/wp29fdocstts.html
Ir-Regolament Nru 160 tan-NU — Dispożizzjonijiet uniformi li jikkonċernaw l-approvazzjoni tal-vetturi bil-mutur fir-rigward tar-Reġistratur tad-Data f’każ ta’ Avveniment
Data tad-dħul fis-seħħ: 30 ta’ Settembru 2021
Dan id-dokument huwa intiż purament bħala għodda ta’ dokumentazzjoni. It-test awtentiku u legalment vinkolanti huwa: ECE/TRANS/WP.29/2020/123/Rev.1.
WERREJ
REGOLAMENT
0. |
Introduzzjoni |
1. |
Kamp ta’ applikazzjoni |
2. |
Definizzjonijiet |
3. |
Applikazzjoni għall-approvazzjoni |
4. |
Approvazzjoni |
5. |
Rekwiżiti |
6. |
Modifika tat-tip ta’ vettura u estensjoni tal-approvazzjoni |
7. |
Konformità tal-produzzjoni |
8. |
Penali għal nuqqas ta’ konformità tal-produzzjoni |
9. |
Produzzjoni mwaqqfa għalkollox |
10. |
Ismijiet u indirizzi tas-Servizzi Tekniċi responsabbli għat-twettiq tat-testijiet tal-approvazzjoni, u tal-Awtoritajiet tal-Approvazzjoni tat-Tip |
ANNESSI
1. |
Komunikazzjoni |
2. |
Dokument ta’ informazzjoni dwar l-approvazzjoni tat-tip ta’ tip ta’ vettura fir-rigward tar-Reġistratur tad-Data f’każ ta’ Avveniment (EDR) tiegħu |
3. |
Arranġamenti tal-marki tal-approvazzjoni |
4. |
L-elementi u l-format tad-data |
0. INTRODUZZJONI
0.1. |
L-intenzjoni ta’ dan ir-Regolament hija li jistabbilixxi dispożizzjonijiet uniformi li jikkonċernaw l-approvazzjoni ta’ vetturi bil-mutur tal-Kategoriji M1 u N1 fir-rigward tar-Reġistraturi tad-Data ta’ Avveniment (EDRs) tagħhom. |
0.2. |
Id-dispożizzjonijiet jikkonċernaw il-ġbir, il-ħżin u l-kapaċità ta’ sopravivenza minimi f’każ ta’ ħabta tad-data f’każ ta’ avveniment ta’ ħabta ta’ vettura bil-mutur. Dan ma jinkludix speċifikazzjonijiet għall-għodod u l-metodi għall-irkupru tad-data minħabba li dan huwa soġġett għal rekwiżit fil-livell nazzjonali/reġjonali. |
0.3. |
Il-fini ta’ dawn id-dispożizzjonijiet huwa li jiġi żgurat li l-EDRs jirreġistraw, b’mod li jista’ jintuża faċilment, data siewja għal investigazzjonijiet effettivi f’każ ta’ ħabta u għall-analiżi tal-prestazzjoni tat-tagħmir tas-sikurezza (eż., sistemi avvanzati ta’ trażżin). Din id-data se tgħin biex jiġi pprovdut fehim aħjar taċ-ċirkostanzi li fihom iseħħu ħabtiet u korrimenti u se tiffaċilita l-iżvilupp ta’ disinni ta’ vetturi aktar sikuri. |
1. KAMP TA’ APPLIKAZZJONI
1.1. |
Dan ir-Regolament japplika għall-approvazzjoni ta’ vetturi tal-kategoriji M1 u N1 (1) fir-rigward tar-Reġistratur tad-Data f’każ ta’ Avveniment (EDR) tagħhom. |
1.2. |
Dan ir-Regolament huwa mingħajr preġudizzju għar-rekwiżiti tal-liġijiet nazzjonali jew reġjonali relatati mal-privatezza, mal-protezzjoni tad-data u mal-ipproċessar tad-data personali. |
1.3. |
L-elementi tad-data li ġejjin huma esklużi mill-kamp ta’ applikazzjoni: VIN, id-dettalji assoċjati tal-vettura, id-data dwar il-lokalizzazzjoni/il-pożizzjonament, l-informazzjoni tas-sewwieq, u d-data u l-ħin ta’ avveniment. |
1.4. |
Jekk ma jkun hemm l-ebda sistema jew sensur iddisinjat biex jipprovdi l-element tad-data li għandu jiġi rreġistrat u maħżun fit-taqsima 3, fil-format (firxa, riżoluzzjoni, u rata tal-kampjunar) indikat fl-Anness 4. “ELEMENTI TAD-DATA” jew jekk ma jkunx operattiv fil-ħin tar-reġistrazzjoni, dan id-dokument la jirrikjedi r-reġistrazzjoni ta’ tali data u lanqas l-immuntar jew it-tħaddim ta’ tali sistemi jew sensuri. Madankollu, jekk il-vettura tkun mgħammra b’sensur jew b’sistema tal-manifattur tat-tagħmir oriġinali mfassla biex tipprovdi l-element tad-data fil-format speċifikat fl-Anness 4. “ELEMENTI TAD-DATA”, imbagħad huwa obbligatorju li l-element tad-data jiġi rrapportat fil-format speċifikat meta s-sensur jew is-sistema tkun operattiva. F’każ li r-raġuni għaliex ma jkunx qed jaħdem fil-ħin tar-reġistrazzjoni tkun ħsara f’din is-sistema jew sensur, dan l-istat ta’ ħsara għandu jiġi rreġistrat mill-EDR kif definit fl-Anness 4 tal-elementi tad-data. Elementi tad-data. |
2. DEFINIZZJONIJIET
Għall-finijiet ta’ dawn l-elementi ta’ prestazzjoni:
2.1. |
“Attività ABS” tfisser li s-sistema antilokk tal-ibbrejkjar (ABS) qed tikkontrolla b’mod attiv il-brejkijiet tal-vettura. |
2.2. |
“Status tal-bozza ta’ twissija tal-airbag” tfisser jekk il-bozza ta’ twissija ta’ ħsara tal-airbag hijiex mixgħula jew mitfija. |
2.3. |
“Ksib” tfisser il-proċess ta’ buffering tad-data tal-EDR f’ħażna temporanja u volatili fejn tiġi aġġornata kontinwament f’intervalli ta’ ħin regolari. |
2.4. |
“Delta-V, laterali” tfisser il-bidla kumulattiva fil-veloċità, kif reġistrata mill-EDR tal-vettura, tul l-assi laterali. |
2.5. |
“Delta-V, lonġitudinali” tfisser il-bidla kumulattiva fil-veloċità, kif reġistrata mill-EDR tal-vettura, tul l-assi lonġitudinali. |
2.6. |
“Ħin tal-attivazzjoni, airbag ta’ quddiem” tfisser (kemm għas-sewwieq kif ukoll għall-passiġġier ta’ quddiem) il-ħin li jkun għadda mill-ħin żero tal-ħabta sal-kmand tal-attivazzjoni jew għal sistemi tal-airbag b’diversi stadji, il-kmand tal-attivazzjoni għall-ewwel stadju. |
2.7. |
“Ħin ta’ tmiem l-avveniment” tfisser il-mument li fih id-delta-V kumulattiva fi ħdan perjodu ta’ ħin ta’ 20 ms issir 0,8 km/h jew inqas, jew il-mument li fih l-algoritmu ta’ detezzjoni tal-ħabta tal-unità ta’ kontroll tal-airbag jiġi rrisettjat. |
2.8. |
“RPM tal-magna” tfisser:
|
2.9. |
“Aċċelleratur tal-magna, perċentwal sħiħ” tfisser l-aċċellerazzjoni mitluba mis-sewwieq kif imkejla mis-sensur tal-pożizzjoni tal-aċċelleratur fuq il-kontroll tal-aċċelleratur meta mqabbla mal-pożizzjoni magħfusa għalkollox. |
2.10. |
“Avveniment” tfisser ħabta jew okkorrenza fiżika oħra li twassal biex jintlaħaq jew jinqabeż il-limitu ta’ skattar, jew biex jiġi attivat kwalunkwe trażżin mhux riversibbli li jista’ jiġi attivat, skont liema jseħħ l-ewwel. |
2.11. |
“Reġistratur tad-data ta’ avveniment” (EDR) tfisser apparat jew funzjoni f’vettura li tirreġistra d-data dinamika u tas-serje tal-ħin tal-vettura matul il-perjodu ta’ ħin eżatt qabel avveniment (eż., il-veloċità tal-vettura vs. il-ħin) jew matul avveniment ta’ ħabta (eż., delta-V vs. il-ħin), maħsuba għall-irkupru wara l-avveniment tal-ħabta. Għall-finijiet ta’ din id-definizzjoni, id-data f’każ ta’ avveniment ma tinkludix data awdjo u vidjo. |
2.12. |
“Airbag ta’ quddiem” tfisser sistema ta’ trażżin li tintefaħ li ma tirrikjedi l-ebda azzjoni mill-okkupanti tal-vettura u li tintuża biex jiġu ssodisfati r-rekwiżiti nazzjonali applikabbli ta’ protezzjoni minn ħabta fuq quddiem. |
2.13. |
“Jekk tiġi rreġistrata” tfisser jekk id-data tiġi rreġistrata f’memorja mhux volatili għall-fini ta’ downloading sussegwenti. |
2.14. |
“Ċiklu tal-ignixin, ħabta” tfisser in-numru (l-għadd) taċ-ċikli tal-modalità tal-enerġija fil-ħin meta seħħ l-avveniment tal-ħabta mill-ewwel użu tal-EDR. |
2.15. |
“Download taċ-ċiklu tal-ignixin” tfisser in-numru (l-għadd) taċ-ċikli tal-modalità tal-enerġija fil-ħin meta d-data tkun ġiet iddawnlowdjata mill-ewwel użu tal-EDR. |
2.16. |
“Aċċellerazzjoni laterali” tfisser il-komponent tal-aċċellerazzjoni tal-vettur ta’ punt fil-vettura fid-direzzjoni y. L-aċċellerazzjoni laterali hija pożittiva mix-xellug għal-lemin, mill-perspettiva tas-sewwieq meta jkun bilqiegħda fil-vettura jħares lejn id-direzzjoni li fiha l-vettura tivvjaġġa ’l quddiem. |
2.17. |
“Aċċellerazzjoni lonġitudinali” tfisser il-komponent tal-aċċellerazzjoni tal-vettur ta’ punt fil-vettura fid-direzzjoni x. L-aċċellerazzjoni lonġitudinali hija pożittiva fid-direzzjoni li fiha l-vettura tivvjaġġa ’l quddiem. |
2.18. |
“Delta-V massima, laterali” tfisser il-valur massimu tal-bidla kumulattiva fil-veloċità, kif reġistrata mill-EDR, tal-vettura tul l-assi laterali. |
2.19. |
“Delta-V massima, lonġitudinali” tfisser il-valur massimu tal-bidla kumulattiva fil-veloċità, kif reġistrata mill-EDR, tal-vettura tul l-assi lonġitudinali. |
2.20. |
“Delta-V massima, riżultanti” tfisser il-valur massimu korrelatat mal-ħin tal-bidla kumulattiva fil-veloċità, kif rapportat mill-EDR, tul l-assi lonġitudinali u laterali miżjud mill-vettur. |
2.21. |
“Ħabta b’diversi avvenimenti” tfisser l-okkorrenza ta’ minimu ta’ 2 avvenimenti, li l-ewwel u l-aħħar wieħed minnhom jibdew mhux aktar minn 5 sekondi ’l bogħod minn xulxin. |
2.22. |
“Memorja mhux volatili” tfisser il-memorja riżervata għaż-żamma tad-data tal-EDR reġistrata b’mod semi permanenti. Id-data reġistrata f’memorja mhux volatili tinżamm wara telf ta’ potenza u tista’ tiġi rkuprata b’għodod u metodi ta’ estrazzjoni tad-data tal-EDR. |
2.23. |
“Aċċellerazzjoni normali” tfisser il-komponent tal-aċċellerazzjoni tal-vettur ta’ punt fil-vettura fid-direzzjoni z. L-aċċellerazzjoni normali hija pożittiva f’direzzjoni ’l isfel. |
2.24. |
“Klassifikazzjoni tad-daqs tal-okkupant” tfisser, għall-passiġġier ta’ quddiem, il-klassifikazzjoni ta’ okkupant bħala adult u mhux tifel/tifla, u għas-sewwieq, il-klassifikazzjoni tas-sewwieq bħala li ma jkunx ta’ statura żgħira kif indikat fil-format tad-data. |
2.25. |
“Operazzjonali” tfisser li s-sistema jew is-sensur, fil-ħin tal-avveniment, ikun attiv jew jista’ jiġi attivat/diżattivat mis-sewwieq. |
2.26. |
“Status ta’ soppressjoni tal-airbag tal-passiġġier” tfisser l-istatus tal-airbag tal-passiġġier (soppress jew mhux soppress). |
2.27. |
“Pretensioner” tfisser apparat li jiġi attivat mis-sistema ta’ detezzjoni tal-ħbit tal-vettura u li jneħħi l-parti merħija minn sistema ta’ ċinturin tas-sikurezza tal-vettura. |
2.28. |
“Rekord” tfisser il-proċess li bih tinħażen id-data miksuba mill-EDR f’ħażna mhux volatili għal irkupru sussegwenti. |
2.29. |
“Status taċ-ċinturin tas-sikurezza” tfisser ir-rispons mis-sistema tas-sikurezza rigward jekk iċ-ċinturin tas-sikurezza tal-vettura jkun maqful jew mhux maqful. |
2.30. |
“Swiċċ tal-pożizzjoni tal-korsa tas-sit, l-aktar ’il quddiem, status” tfisser l-istatus tal-iswiċċ li huwa installat biex jiġi identifikat jekk is-sit jiġix imċaqlaq għal pożizzjoni ’l quddiem. |
2.31. |
“Brejk ta’ servizz, attivat u mhux attivat” tfisser l-istatus tal-apparat li huwa installat fis-sistema tal-pedala tal-brejk jew konness magħha biex jiġi identifikat jekk il-pedala ġietx magħfusa. L-apparat jista’ jinkludi l-iswiċċ tal-pedala tal-brejk jew kontroll ieħor tal-brejk ta’ servizz imħaddem mis-sewwieq. |
2.32. |
“Airbag tal-ġenb” tfisser kwalunkwe apparat ta’ trażżin tal-okkupant li jintefaħ li jkun immuntat fuq l-istruttura tas-sit jew tal-ġenb tal-vettura interna, u li jkun iddisinjat biex jiġi attivat f’ħabta b’impatt mill-ġenb biex jgħin itaffi l-korriment li jista’ jsofri l-okkupant jew li dan jintefa’ ’l barra.
Nota: L-airbags tal-ġenb jistgħu jiġu attivati wkoll f’modalitajiet oħra ta’ ħbit kif determinat mill-manifattur tal-vettura. |
2.33. |
“Purtiera/airbag forma ta’ tubu tal-ġenb” tfisser kwalunkwe apparat ta’ trażżin tal-okkupant li jista’ jintnefaħ li jkun immuntat mal-istruttura tal-ġenb tal-vettura interna, u li jkun iddisinjat biex jiġi attivat f’ħabta jew fi qlib b’impatt mill-ġenb u biex jgħin itaffi l-korriment li jista’ jsofri l-okkupant u/jew jevita li dan jintefa’ ’l barra.
Nota: Il-purtieri/airbags forma ta’ tubu tal-ġenb jistgħu jiġu attivati wkoll f’modalitajiet oħra ta’ ħbit kif determinat mill-manifattur. |
2.34. |
“Veloċità, vettura indikata” tfisser il-veloċità tal-vettura indikata minn subsistema magħżula mill-manifattur maħsuba biex tindika l-veloċità tal-ivvjaġġar fuq l-art tal-vettura matul it-tħaddim tal-vettura. |
2.35. |
“Kontroll tal-istabbiltà” tfisser kwalunkwe apparat li jikkonforma mas-“Sistemi elettroniċi ta’ kontroll tal-istabbiltà” nazzjonali. |
2.36. |
“Input tal-istering” tfisser l-ispostament angolari tar-rota tal-istering imkejjel mill-pożizzjoni dritt ’il quddiem (pożizzjoni li tikkorrispondi għal angolu tal-istering medju żero ta’ par roti direzzjonali). |
2.37. |
“Ħin mill-avveniment 1 sa 2” tfisser il-ħin li jkun għadda mill-ħin żero tal-ewwel avveniment sal-ħin żero tat-tieni avveniment ta’ ħabta b’diversi avvenimenti. |
2.38. |
“Ħin, delta-V massima, laterali” tfisser il-ħin mill-ħin żero tal-ħabta sal-punt fejn jinstab il-valur massimu tal-bidla kumulattiva fil-veloċità, kif reġistrat mill-EDR, tul l-assi laterali. |
2.39. |
“Ħin, delta-V massima, lonġitudinali” tfisser il-ħin mill-ħin żero tal-ħabta sal-punt fejn jinstab il-valur massimu tal-bidla kumulattiva fil-veloċità, kif reġistrat mill-EDR, tul l-assi lonġitudinali. |
2.40. |
“Ħin, delta-V massima, riżultanti” tfisser il-ħin mill-ħin żero tal-ħabta sal-punt fejn isseħħ id-delta–V massima riżultanti, kif rapportat mill-EDR. |
2.41. |
“Ħin sal-attivazzjoni, pretensioner” tfisser il-ħin li jkun għadda mill-ħin żero tal-ħabta sal-kmand tal-attivazzjoni għall-pretensioner taċ-ċinturin tas-sikurezza (kemm għas-sewwieq kif ukoll għall-passiġġier ta’ quddiem). |
2.42. |
“Ħin sal-attivazzjoni, airbag/purtiera tal-ġenb” tfisser il-ħin li jkun għadda mill-ħin żero tal-ħabta sal-kmand tal-attivazzjoni għal airbag tal-ġenb jew għal purtiera/airbag forma ta’ tubu tal-ġenb (kemm għas-sewwieq kif ukoll għall-passiġġier ta’ quddiem). |
2.43. |
“Ħin sal-ewwel stadju” tfisser il-ħin li jkun għadda bejn il-ħin żero u l-ħin meta l-ewwel stadju ta’ airbag ta’ quddiem jingħata l-kmand biex jiġi attivat. |
2.44. |
“Ħin sal-istadju nth” tfisser il-ħin li jkun għadda mill-ħin żero tal-ħabta sal-kmand tal-attivazzjoni għall-istadju nth ta’ airbag ta’ quddiem (kemm għas-sewwieq kif ukoll għall-passiġġier ta’ quddiem). |
2.45. |
“Ħin żero” hija r-referenza tal-ħin għall-kronogrammi tad-data tal-EDR ta’ avveniment. |
2.46. |
“Limitu tal-iskattar” tfisser li l-parametru xieraq ikun issodisfa l-kundizzjonijiet għar-reġistrazzjoni ta’ avveniment tal-EDR. |
2.47. |
“Angolu tad-dawrien tal-vettura” tfisser l-angolu bejn l-assi y tal-vettura u l-pjan tal-art kif determinat mis-sistema ta’ detezzjoni. |
2.48. |
“Tip ta’ vettura fir-rigward tar-Reġistratur tad-Data f’każ ta’ Avveniment tiegħu” tfisser vetturi li ma jvarjawx b’mod sinifikanti f’tali aspetti essenzjali bħal:
|
2.49. |
“Memorja volatili” tfisser il-memorja riżervata għall-buffering ta’ data miksuba mill-EDR. Il-memorja mhijiex kapaċi żżomm id-data b’mod semi permanenti. Id-data miksuba fil-memorja volatili tiġi ssostitwita kontinwament, ma tinżammx fil-każ ta’ telf ta’ enerġija u ma tistax tiġi rkuprata b’għodod ta’ estrazzjoni tad-data tal-EDR. |
2.50. |
“Sistema ta’ sikurezza sekondarja għall-utenti vulnerabbli tat-triq” tfisser sistema ta’ vettura li tista’ tintuża barra mill-kompartiment tal-okkupant maħsuba biex ittaffi l-konsegwenzi ta’ korriment għall-utenti vulnerabbli tat-triq waqt ħabta. |
2.51. |
“Direzzjoni-X” tfisser fid-direzzjoni tal-assi-X tal-vettura, li hija parallela għal-linja tan-nofs lonġitudinali tal-vettura. Id-direzzjoni-X hija pożittiva fid-direzzjoni li fiha l-vettura tivvjaġġa ’l quddiem. |
2.52. |
“Direzzjoni-Y” tfisser fid-direzzjoni tal-assi-Y tal-vettura, li hija perpendikolari għall-assi-X tagħha u fl-istess pjan orizzontali bħal dak l-assi. Id-direzzjoni-Y hija pożittiva mix-xellug għal-lemin, mill-perspettiva tas-sewwieq meta jkun bilqiegħda fil-vettura jħares lejn id-direzzjoni li fiha l-vettura tivvjaġġa ’l quddiem. |
2.53. |
“Direzzjoni-Z” tfisser fid-direzzjoni tal-assi-Z tal-vettura, li hija perpendikolari għall-assi X u Y. Id-direzzjoni-Z hija pożittiva f’direzzjoni ’l isfel. |
2.54. |
“Rata tad-dawrien tal-vettura” tfisser il-bidla fl-angolu tal-vettura mal-ħin madwar l-assi X tagħha kif determinata mis-sistema ta’ detezzjoni. |
2.55. |
“Rata tal-imbardata tal-vettura” tfisser il-bidla fl-angolu tal-vettura mal-ħin madwar l-assi-Z tagħha kif determinata mis-sistema ta’ detezzjoni. |
3. APPLIKAZZJONI GĦALL-APPROVAZZJONI
3.1. |
L-applikazzjoni għall-approvazzjoni ta’ tip ta’ vettura fir-rigward tal-EDR tagħha għandha tiġi sottomessa mill-manifattur tal-vettura jew mir-rappreżentant awtorizzat tiegħu lill-awtorità tal-approvazzjoni tal-Parti Kontraenti skont id-dispożizzjonijiet tal-Iskeda 3 tal-Ftehim tal-1958. |
3.2. |
Din għandha tkun akkumpanjata mid-dokumentazzjoni li ġejja (fl-Anness 2 jingħata mudell tad-dokument ta’ informazzjoni): |
3.2.1. |
Deskrizzjoni tat-tip ta’ vettura fir-rigward tal-entrati speċifikati fil-paragrafu 5 hawn taħt, b’mod partikolari b’rabta mal-post tal-EDR fil-vettura, il-parametri tal-iskattar, il-kapaċità tal-ħżin u r-reżistenza għal deċellerazzjoni għolja u għall-istress mekkaniku ta’ impatt serju; |
3.2.2. |
L-elementi u l-format tad-data maħżuna fl-EDR; |
3.2.3. |
Struzzjonijiet għall-irkupru tad-data mill-EDR. |
3.3. |
Għandha tintbagħat vettura, li tkun rappreżentattiva tat-tip ta’ vettura li għandu jiġi approvat, lill-awtorità tal-approvazzjoni jew lis-servizz tekniku li din tkun ħatret bħala responsabbli għat-twettiq tat-testijiet tal-approvazzjoni. |
4. APPROVAZZJONI
4.1. |
Jekk it-tip ta’ vettura mressaq għall-approvazzjoni skont dan ir-Regolament jissodisfa r-rekwiżiti tal-paragrafu 5 ta’ hawn taħt, għandha tingħata l-approvazzjoni għal dak it-tip ta’ vettura. |
4.2. |
Għandu jingħata numru tal-approvazzjoni lil kull tip approvat. L-ewwel żewġ numri tiegħu (attwalment 00 għar-Regolament fil-forma oriġinali tiegħu) għandhom jindikaw is-sensiela ta’ emendi li jinkorporaw l-aktar emendi tekniċi maġġuri reċenti li saru fir-Regolament fiż-żmien tal-ħruġ tal-approvazzjoni. L-istess Parti Kontraenti ma għandhiex tassenja l-istess numru lil tip ieħor ta’ vettura. |
4.3. |
L-avviż tal-approvazzjoni jew tal-estensjoni jew tar-rifjut tal-approvazzjoni jew ta’ produzzjoni mwaqqfa għalkollox ta’ tip ta’ vettura skont dan ir-Regolament għandu jiġi kkomunikat lill-Partijiet Kontraenti għall-Ftehim li jkunu qed japplikaw dan ir-Regolament permezz ta’ formola konformi mal-mudell fl-Anness 1 ta’ dan ir-Regolament u tad-dokumentazzjoni pprovduta mill-applikant f’format li ma jeċċedix A4 (210 × 297 mm) u fuq skala xierqa jew format elettroniku. |
4.4. |
Ma’ kull vettura li tikkonforma ma’ tip ta’ vettura approvat skont dan ir-Regolament, għandha titwaħħal, b’mod li jidher u f’post li huwa faċilment aċċessibbli li huwa speċifikat fil-formola tal-approvazzjoni, marka ta’ approvazzjoni internazzjonali li tikkonforma mal-mudell deskritt fl-Anness 3 u li tikkonsisti f’waħda minn dawn li ġejjin: |
4.4.1. |
Ċirku madwar l-ittra “E” segwit minn:
jew |
4.4.2. |
Forma ovali madwar l-ittri “UI” segwita mill-Identifikatur Uniku. |
4.5. |
Il-marka tal-approvazzjoni għandha tkun tista’ tinqara b’mod ċar u ma tkunx tista’ titħassar. |
4.6. |
L-awtorità tal-approvazzjoni għandha tivverifika l-eżistenza ta’ arranġamenti sodisfaċenti sabiex jiġu żgurati kontrolli effettivi fuq il-konformità tal-produzzjoni qabel ma tingħata l-approvazzjoni tat-tip. |
5. REKWIŻITI
Ir-rekwiżiti għall-vetturi mgħammra b’EDR jinkludu l-elementi tad-data, il-format tad-data, il-ksib tad-data, u l-prestazzjoni tat-test tal-ħbit u l-kapaċità ta’ sopravivenza.
5.1. |
Elementi tad-data |
5.1.1. |
Kull vettura mgħammra b’EDR għandha tirreġistra l-elementi tad-data speċifikati bħala obbligatorji kif ukoll dawk meħtieġa f’kundizzjonijiet minimi speċifikati matul l-intervall/il-ħin u bir-rata tal-kampjunar speċifikata fit-Tabella 1 tal-Anness 4. |
5.2. |
Format tad-data |
5.2.1. |
Kull element tad-data reġistrat għandu jiġi rrapportat f’konformità mal-firxa, l-akkuratezza u r-riżoluzzjoni speċifikati fit-Tabella 1 tal-Anness 4. |
5.2.2. |
Data u format tal-Ħin-Storja tal-Aċċellerazzjoni: id-data tal-Ħin-Storja tal-aċċellerazzjoni lonġitudinali, laterali u normali, kif applikabbli, għandha tiġi ffiltrata jew matul il-fażi ta’ reġistrazzjoni jew matul il-fażi tad-downloading tad-data biex tinkludi: |
5.2.2.1. |
Il-Fażi tal-Ħin (TS) li hija l-invers tal-frekwenza tal-kampjunar tad-data tal-aċċellerazzjoni u li għandha unitajiet ta’ millisekondi. |
5.2.2.2. |
In-numru tal-ewwel punt (NFP), li huwa numru sħiħ li meta jiġi mmultiplikat bit-TS ikun daqs il-ħin relattiv għall-ħin żero tal-ewwel punt tad-data tal-aċċellerazzjoni. |
5.2.2.3. |
In-numru tal-aħħar punt (NLP), li huwa numru sħiħ li meta jiġi mmultiplikat bit-TS ikun daqs il-ħin relattiv għall-ħin żero tal-aħħar punt tad-data tal-aċċellerazzjoni; u |
5.2.2.4. |
NLP—NFP + 1 valuri ta’ aċċellerazzjoni li jibdew b’mod sekwenzjali bl-aċċellerazzjoni fil-ħin tal-NFP * TS u jkomplu l-kampjunar tal-aċċellerazzjoni f’żidiet fit-TS fil-ħin sakemm jintlaħaq il-ħin tal-NLP * TS. |
5.3. |
Ksib tad-data
L-EDR għandu jirreġistra d-data miksuba fil-vettura u din id-data għandha tibqa’ fil-vettura soġġett għad-dispożizzjonijiet tal-paragrafu 5.3.4, tal-anqas sakemm tinkiseb f’konformità mal-leġiżlazzjoni nazzjonali jew reġjonali jew tiġi ssostitwita f’konformità mal-paragrafu 5.3.4. Il-buffer ta’ memorja mhux volatili tal-EDR għandu jakkomoda d-data relatata ma’ mill-inqas żewġ avvenimenti differenti. L-elementi tad-data għal kull avveniment għandhom jinkisbu u jiġu rreġistrati mill-EDR, kif speċifikat fil-paragrafu 5.1 f’konformità mal-kundizzjonijiet u ċ-ċirkostanzi li ġejjin: |
5.3.1. |
Kundizzjonijiet għall-iskattar tar-reġistrazzjoni tad-data
Avveniment għandu jiġi rreġistrat mill-EDR jekk jintlaħaq jew jinqabeż wieħed mill-valuri ta’ limitu li ġejjin: |
5.3.1.1. |
Bidla fil-veloċità lonġitudinali tal-vettura ta’ aktar minn 8 km/h fi ħdan intervall ta’ 150 ms jew inqas. |
5.3.1.2. |
Bidla fil-veloċità laterali tal-vettura ta’ aktar minn 8 km/h fi ħdan intervall ta’ 150 ms jew inqas |
5.3.1.3. |
Attivazzjoni tas-Sistema ta’ trażżin tal-okkupanti mhux riversibbli. |
5.3.1.4. |
Attivazzjoni tas-Sistema ta’ sikurezza sekondarja għall-utenti vulnerabbli tat-triq
Jekk vettura ma tkun mgħammra b’ebda sistema ta’ sikurezza sekondarja tal-Utent Vulnerabbli tat-Triq (VRU), dan id-dokument la jirrikjedi r-reġistrazzjoni tad-data u lanqas l-immuntar ta’ tali sistemi. Madankollu, jekk il-vettura tkun mgħammra b’tali sistema, allura jkun obbligatorju li d-data tal-avveniment tiġi rreġistrata wara l-attivazzjoni ta’ din is-sistema. |
5.3.2. |
Kundizzjonijiet għall-iskattar tal-illokkjar tad-data
Fiċ-ċirkostanzi pprovduti hawn taħt, il-memorja għall-avveniment għandha tkun illokkjata biex tiġi evitata kwalunkwe sostituzzjoni futura tad-data minn avveniment sussegwenti. |
5.3.2.1. |
Fil-każijiet kollha fejn tintuża sistema ta’ trażżin tal-okkupanti mhux riversibbli. |
5.3.2.2. |
Fil-każ ta’ impatt fuq quddiem, jekk il-vettura ma tkunx mgħammra b’sistema ta’ trażżin mhux riversibbli għal impatt fuq quddiem, meta t-tibdil tal-veloċità tal-vettura fid-direzzjoni tal-assi-x jaqbeż il-25 km/h fi ħdan intervall ta’ 150 ms jew inqas. |
5.3.2.3. |
Attivazzjoni ta’ Sistema ta’ sikurezza sekondarja għall-utenti vulnerabbli tat-triq |
5.3.3. |
Il-kundizzjonijiet għall-istabbiliment tal-ħin żero
Il-ħin żero jiġi stabbilit fil-ħin meta kwalunkwe waħda minn dawn li ġejjin isseħħ l-ewwel: |
5.3.3.1. |
Għal sistemi b’sistemi ta’ kontroll tal-airbag “wake-up”, il-ħin li fih jiġi attivat l-algoritmu ta’ kontroll tat-trażżin tal-okkupant; jew |
5.3.3.2. |
Għal algoritmi li jaħdmu kontinwament, |
5.3.3.2.1. |
L-ewwel punt fl-intervall fejn tintlaħaq delta-V lonġitudinali u kumulattiva ta’ aktar minn 0.8 km/h fi ħdan perjodu ta’ ħin ta’ 20 ms; jew |
5.3.3.2.2. |
Għall-vetturi li jirreġistraw “delta-V, laterali,” l-ewwel punt fl-intervall fejn tintlaħaq delta-V laterali u kumulattiva ta’ aktar minn 0.8 km/h fi ħdan perjodu ta’ ħin ta’ 5 ms; jew |
5.3.3.3. |
L-attivazzjoni ta’ trażżin mhux riversibbli li jista’ jiġi attivat jew l-attivazzjoni ta’ sistema ta’ protezzjoni tas-sikurezza sekondarja tal-VRU. |
5.3.4. |
Sostituzzjoni |
5.3.4.1. |
Jekk ma jkunx hemm disponibbli buffer tal-memorja mhux volatili tal-EDR tad-data ta’ avveniment preċedenti, id-data reġistrata għandha, soġġett għad-dispożizzjonijiet tal-paragrafu 5.3.2., tiġi ssostitwita bid-data tal-avveniment attwali, fuq bażi ta’ joħroġ li daħal l-ewwel, jew skont strateġiji differenti deċiżi mill-manifattur u magħmula disponibbli għall-awtoritajiet rilevanti tal-Partijiet Kontraenti. |
5.3.4.2. |
Barra minn hekk, jekk ma jkunx hemm disponibbli spazju vojt tal-buffer ta’ memorja mhux volatili tal-EDR tad-data tal-avveniment preċedenti, id-data li toriġina minn sistema ta’ trażżin mhux riversibbli jew minn Sistema ta’ sikurezza sekondarja għall-utenti vulnerabbli tat-triq, l-avvenimenti ta’ attivazzjoni msemmija fil-paragrafu 5.3.2 għandhom dejjem jissostitwixxu kwalunkwe data oħra li ma tkunx illokkjata skont il-paragrafu 5.3.2. |
5.3.5. |
Ħsara fil-potenza
Id-data reġistrata f’memorja mhux volatili tinżamm wara t-telf ta’ potenza. |
5.4. |
Prestazzjoni tat-test tal-ħbit u l-kapaċità ta’ sopravivenza |
5.4.1. |
Kull vettura soġġetta għar-rekwiżiti tar-regolamenti nazzjonali jew reġjonali tat-test tal-ħbit fuq quddiem għandha tikkonforma mal-ispeċifikazzjonijiet fil-paragrafu 5.4.3. |
5.4.2. |
Kull vettura soġġetta għar-rekwiżiti tar-regolamenti nazzjonali jew reġjonali tat-test ta’ ħabta b’impatt mill-ġenb għandha tikkonforma mal-ispeċifikazzjonijiet tal-paragrafu 5.4.3. |
5.4.3. |
L-elementi tad-data meħtieġa mill-paragrafu 5.1 għandhom jiġu rreġistrati fil-format speċifikat mill-paragrafu 5.2, għandhom jeżistu meta jitlesta t-test tal-ħbit u l-element irreġistrat tad-data komplut għandu jaqra “iva” wara t-test. L-elementi li normalment ma joperawx f’testijiet tal-ħbit (eż. dawk relatati mat-tħaddim tal-magna, mal-ibbrejkjar, eċċ.) mhumiex meħtieġa li jissodisfaw ir-rekwiżiti ta’ akkuratezza jew ta’ riżoluzzjoni f’dawn it-testijiet tal-ħbit.
Id-data għandha tkun tista’ tiġi rkuprata anki wara impatt ta’ livell ta’ severità stabbilit mir-Regolamenti Nru 94, 95 jew 137 tan-NU. |
5.5. |
Ma għandux ikun possibbli li r-Reġistratur tad-Data f’każ ta’ Avveniment jiġi diżattivat |
6. MODIFIKA TAT-TIP TA’ VETTURA U ESTENSJONI TAL-APPROVAZZJONI
6.1. |
Kull modifika fit-tip ta’ vettura, kif definit fil-paragrafu 2.x ta’ dan ir-Regolament, għandha tiġi nnotifikata lill-awtorità tal-approvazzjoni li tkun approvat it-tip ta’ vettura. Imbagħad, l-awtorità tal-approvazzjoni tista’ jew: |
6.1.1. |
Tqis li l-modifiki magħmula ma għandhomx effett negattiv fuq il-kundizzjonijiet tal-għoti tal-approvazzjoni u tagħti estensjoni tal-approvazzjoni; |
6.1.2. |
Jew tqis li l-modifiki magħmula jaffettwaw il-kundizzjonijiet tal-għoti tal-approvazzjoni u jirrikjedu aktar testijiet jew verifiki addizzjonali qabel ma tingħata estensjoni tal-approvazzjoni. |
6.2. |
Il-konferma jew ir-rifjut tal-approvazzjoni, fejn jiġu speċifikati t-tibdiliet, għandha tiġi kkomunikata skont il-proċedura speċifikata fil-paragrafu 4.3. ta’ hawn fuq lill-Partijiet Kontraenti għall-Ftehim li jkunu qed japplikaw dan ir-Regolament. |
6.3. |
L-awtorità tal-approvazzjoni għandha tinforma lill-Partijiet Kontraenti l-oħrajn dwar l-estensjoni permezz tal-formola ta’ komunikazzjoni li tidher fl-Anness 1 ta’ dan ir-Regolament. Din għandha tassenja numru tas-serje lil kull estensjoni, li għandu jkun magħruf bħala n-numru tal-estensjoni. |
7. KONFORMITÀ TAL-PRODUZZJONI
7.1. |
Il-proċeduri għall-konformità tal-produzzjoni għandhom ikunu konformi mad-dispożizzjonijiet ġenerali definiti fl-Artikolu 2 u fl-Iskeda 1 tal-Ftehim (E/ECE/TRANS/505/Rev.3), u għandhom jissodisfaw ir-rekwiżiti li ġejjin: |
7.2. |
Vettura approvata skont dan ir-Regolament għandha tkun manifatturata b’tali mod li tkun konformi mat-tip approvat billi jiġu ssodisfati r-rekwiżiti tal-paragrafu 5 ta’ hawn fuq; |
7.3. |
L-awtorità tal-approvazzjoni li tkun tat l-approvazzjoni tista’ fi kwalunkwe ħin tivverifika l-konformità tal-metodi ta’ kontroll applikabbli għal kull unità tal-produzzjoni. Il-frekwenza normali ta’ tali spezzjonijiet għandha tkun ta’ darba kull sentejn. |
8. PENALI GĦAL NUQQAS TA’ KONFORMITÀ TAL-PRODUZZJONI
8.1. |
L-approvazzjoni mogħtija fir-rigward tat-tip tal-vettura skont dan ir-Regolament tista’ tiġi rtirata jekk ma jiġux rispettati r-rekwiżiti stipulati fil-paragrafu 7 ta’ hawn fuq. |
8.2. |
Jekk Parti Kontraenti tirtira approvazzjoni li tkun tat qabel, hija għandha tavża minnufih b’dan lill-Partijiet Kontraenti l-oħrajn li jkunu qed japplikaw dan ir-Regolament billi tibgħatilhom formola ta’ komunikazzjoni konformi mal-mudell fl-Anness 1 ta’ dan ir-Regolament. |
9. PRODUZZJONI MWAQQFA GĦALKOLLOX
Jekk id-detentur tal-approvazzjoni jieqaf kompletament mill-manifattura ta’ tip ta’ vettura approvat f’konformità ma’ dan ir-Regolament, huwa għandu jinforma b’dan lill-awtorità tal-approvazzjoni, li min-naħa tagħha għandha tinnotifika minnufih lill-Partijiet Kontraenti l-oħrajn għall-Ftehim li jkunu qed japplikaw dan ir-Regolament, permezz ta’ formola ta’ komunikazzjoni konformi mal-mudell fl-Anness 1 ta’ dan ir-Regolament.
10. L-ISMIJIET U L-INDIRIZZI TAS-SERVIZZI TEKNIĊI RESPONSABBLI GĦAT-TWETTIQ TAT-TESTIJIET TAL-APPROVAZZJONI U TAL-AWTORITAJIET TAL-APPROVAZZJONI TAT-TIP
Il-Partijiet Kontraenti għall-Ftehim li jkunu qed japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti (3) l-ismijiet u l-indirizzi tas-servizzi tekniċi responsabbli għat-twettiq tat-testijiet tal-approvazzjoni u tal-awtoritajiet tal-approvazzjoni li jagħtu l-approvazzjoni, u lil min għandhom jintbagħtu l-formoli li jiċċertifikaw l-approvazzjoni jew l-estensjoni, jew iċ-ċaħda jew l-irtirar tal-approvazzjoni.
(1) Kif definit fit-Taqsima 2 tar-Riżoluzzjoni Konsolidata dwar il-Kostruzzjoni tal-Vetturi (R.E.3), (dokument ECE/TRANS/WP.29/78/Rev.6) – www.unece.org/trans/main/wp29/wp29wgs/wp29gen/wp29resolutions.html.
(2) In-numri li jiddistingwu l-Partijiet Kontraenti għall-Ftehim tal-1958 huma riprodotti fl-Anness 3 għar-Riżoluzzjoni Konsolidata dwar il-Kostruzzjoni tal-Vetturi (R.E.3), dokument ECE/TRANS/WP.29/78/Rev.6 - www.unece.org/trans/main/wp29/wp29wgs/wp29gen/wp29resolutions.html
(3) Permezz tal-pjattaforma online (“/343 Applikazzjoni”) ipprovduta min-NU/KEE u ddedikata għall-iskambju ta’ tali informazzjoni: https://www.unece.org/trans/main/wp29/datasharing.html
Anness 1
Komunikazzjoni
(Format massimu: A4 (210 x 297 mm)
|
maħruġa minn: |
(Isem l-amministrazzjoni) |
… |
||
… |
||
… |
Rigward (2): |
Approvazzjoni mogħtija |
Approvazzjoni estiża |
|
Approvazzjoni rifjutata |
|
Approvazzjoni rtirata |
|
Produzzjoni mwaqqfa għalkollox |
ta’ tip ta’ vettura fir-rigward tar-Reġistratur tad-Data f’każ ta’ Avveniment (EDR) tiegħu skont ir-Regolament Nru 160 tan-NU
Nru tal-Approvazzjoni:…
Ir-raġuni(jiet) għall-estensjoni (jekk applikabbli):…
1. |
L-isem jew il-marka kummerċjali tal-vettura:… |
2. |
It-tip ta’ vettura:… |
3. |
Isem u indirizz tal-manifattur:… |
4. |
Jekk applikabbli, l-isem u l-indirizz tar-rappreżentant tal-manifattur:… |
5. |
Deskrizzjoni qasira tal-vettura:… |
6. |
Servizz tekniku responsabbli għat-twettiq tat-testijiet tal-approvazzjoni:… |
6.1. |
Data tar-rapport maħruġ minn dak is-servizz:… |
6.2. |
Numru tar-rapport maħruġ minn dak is-servizz:… |
7. |
Approvazzjoni mogħtija/rifjutata/estiża/irtirata (2):… |
8. |
Il-pożizzjoni tal-marka tal-approvazzjoni fuq il-vettura:… |
9. |
Post:… |
10. |
Data:… |
11. |
Firma:… |
12. |
Il-lista ta’ dokumenti ddepożitati mal-awtorità tal-approvazzjoni li tat l-approvazzjoni hija mehmuża ma’ din il-komunikazzjoni. |
(1) In-numru li jiddistingwi l-pajjiż li jkun ta/estenda/irrifjuta/irtira approvazzjoni (ara d-dispożizzjonijiet tal-approvazzjoni f’dan ir-Regolament).
(2) Ingassa dak li ma japplikax.
ANNESS 2
Dokument ta’ informazzjoni dwar l-approvazzjoni tat-tip ta’ tip ta’ vettura fir-rigward tar-Reġistratur tad-Data f’każ ta’ Avveniment (EDR) tiegħu
Għandu jiġi inkluż werrej.
It-tpinġijiet, jekk ikun hemm, għandhom jiġu pprovduti fi skala xierqa u b’dettall suffiċjenti fuq karta ta’ daqs A4 jew fuq folder ta’ format A4.
F’każ li jkun hemm xi ritratti, dawn għandu jkun fihom dettalji biżżejjed.
Ġenerali
1. |
L-isem jew il-marka kummerċjali tal-vettura: … |
2. |
It-tip ta’ vettura:… |
3. |
Il-mezz ta’ identifikazzjoni tat-tip, jekk immarkat fuq il-vettura:… |
4. |
Fejn jinsab l-immarkar:… |
5. |
Post u metodu tat-twaħħil tal-marka tal-approvazzjoni:… |
6. |
Kategorija tal-vettura:… |
7. |
Isem u indirizz tal-manifattur:… |
8. |
Indirizz(i) tal-impjant(i) tal-assemblaġġ:… |
9. |
Ritratt(i) u/jew disinn(i) ta’ vettura rappreżentattiva:… |
10. |
EDR |
10.1. |
Għamla (l-isem kummerċjali tal-manifattur):… |
10.2. |
Tip u deskrizzjoni(jiet) kummerċjali ġenerali:… |
10.3. |
Tpinġija/tpinġijiet jew ritratti li juru l-post u l-metodu tat-twaħħil tal-EDR fil-vettura:… |
10.4. |
Deskrizzjoni tal-parametru tal-iskattar:… |
10.5. |
Deskrizzjoni ta’ kwalunkwe parametru rilevanti ieħor (kapaċità tal-ħżin, reżistenza għal deċellerazzjoni għolja u għall-istress mekkaniku ta’ impatt serju, eċċ.):… |
10.6. |
L-elementi tad-data u l-format tad-data maħżuna fl-EDR:
|
10.7. |
Struzzjonijiet għall-irkupru tad-data mill-EDR:… |
ANNESS 3
Arranġamenti tal-marki tal-approvazzjoni
(ara l-paragrafi 4.4. sa 4.4.2. ta’ dan ir-Regolament)
a = 8 mm min
Il-marka tal-approvazzjoni ta’ hawn fuq imwaħħla ma’ vettura turi li t-tip ta’ vettura kkonċernat fir-rigward tal-EDR tiegħu ġie approvat fil-Ġermanja (E 1), skont ir-Regolament Nru 160 tan-NU. L-ewwel żewġ ċifri tan-numru ta’ approvazzjoni jindikaw li l-approvazzjoni ngħatat f’konformità mar-rekwiżiti tar-Regolament Nru 160 tan-NU fil-forma oriġinali tiegħu.
a ≥ 8 mm
L-Identifikatur Uniku ta’ hawn fuq juri li t-tip ikkonċernat ġie approvat u li l-informazzjoni rilevanti dwar dik l-approvazzjoni tat-tip tista’ tiġi aċċessata fil-bażi ta’ data tal-Internet sigura tan-NU billi jintuża 270650 bħala l-Identifikatur Uniku. Kwalunkwe żero fuq quddiem fl-Identifikatur Uniku jista’ jitħalla barra fil-marka tal-approvazzjoni.
ANNESS 4
L-elementi u l-format tad-data (1)
Tabella 1
Element tad-data |
Kundizzjoni għar-rekwiżit (2) |
Intervall/ħin tar-reġistrazzjoni (3) (relattiv għall-ħin żero) |
Rata tal-kampjunar tad-data (kampjuni kull sekonda) |
Firxa minima |
Akkuratezza (4) |
Riżoluzzjoni |
Avveniment(i) irreġistrat(i) għalih(om) (5) |
Delta-V, lonġitudinali |
Obbligatorju - mhux meħtieġ jekk l-aċċellerazzjoni lonġitudinali tiġi rreġistrata f’livell ta’ ≥ 500 Hz b’firxa u riżoluzzjoni suffiċjenti sabiex id-delta-v tiġi kkalkolata bl-akkuratezza meħtieġa |
0 sa 250 ms jew 0 sal-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
100 |
-100 km/h sa + 100 km/h. |
± 10 % |
1 km/h. |
Planar |
Delta-V massima, lonġitudinali |
Obbligatorju - mhux meħtieġ jekk l-aċċellerazzjoni lonġitudinali tiġi reġistrata f’livell ta’ ≥ 500 Hz |
0–300 ms jew 0 sal-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
Mhux Applikabbli |
-100 km/h sa + 100 km/h. |
± 10 % |
1 km/h. |
Planar |
Ħin, delta-V massima, lonġitudinali |
Obbligatorju - mhux meħtieġ jekk l-aċċellerazzjoni lonġitudinali tiġi reġistrata f’livell ta’ ≥ 500 Hz |
0–300 ms jew 0 sal-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
Mhux Applikabbli |
0–300 ms, jew 0-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
± 3 ms |
2,5 ms. |
Planar |
Veloċità, il-vettura indikata |
Obbligatorju |
-5,0 sa 0 sek |
2 |
0 km/h sa 250 km/h |
± 1 km/h |
1 km/h. |
Planar VRU Qlib |
Aċċelleratur tal-magna, % sħiħ (jew pedala tal-aċċelleratur, % sħiħ) |
Obbligatorju |
-5,0 sa 0 sek |
2 |
0 sa 100 % |
± 5 % |
1 % |
Planar Qlib VRU |
Brejk ta’ servizz, mixgħul/mitfi |
Obbligatorju |
-5,0 sa 0 sek |
2 |
Mixgħul jew Mitfi |
Mhux Applikabbli |
Mixgħul jew Mitfi. |
Planar VRU Qlib |
Ċiklu tal-ignixin, ħbit |
Obbligatorju |
-1,0 sek |
Mhux Applikabbli |
0 sa 60 000 |
± 1 ċiklu |
1 ċiklu. |
Planar VRU Qlib |
Ċiklu tal-ignixin, download |
Obbligatorju |
Fil-ħin tad-download (6) |
Mhux Applikabbli |
0 sa 60 000 |
± 1 ċiklu |
1 ċiklu. |
Planar VRU Qlib |
L-istatus taċ-ċinturin tas-sikurezza, is-sewwieq |
Obbligatorju |
-1,0 sek |
Mhux Applikabbli |
Maqful, mhux maqful |
Mhux Applikabbli |
Maqful, mhux maqful |
Planar Qlib |
Bozza ta’ twissija tal-airbag (7) |
Obbligatorju |
-1,0 sek |
Mhux Applikabbli |
Mixgħula jew Mitfija |
Mhux Applikabbli |
Mixgħula jew Mitfija. |
Planar Qlib |
Attivazzjoni tal-airbag ta’ quddiem, il-ħin sal-attivazzjoni, fil-każ ta’ airbag bi stadju wieħed, jew il-ħin sal-attivazzjoni tal-ewwel stadju, fil-każ ta’ airbag b’diversi stadji, sewwieq. |
Obbligatorju |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar |
Attivazzjoni tal-airbag ta’ quddiem, il-ħin sal-attivazzjoni, fil-każ ta’ airbag bi stadju wieħed, jew il-ħin sal-attivazzjoni tal-ewwel stadju, fil-każ ta’ airbag b’diversi stadji, passiġġier ta’ quddiem. |
Obbligatorju |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar |
Ħabta b’diversi avvenimenti, għadd ta’ avvenimenti |
Jekk Tiġi Rreġistrata (8) |
Avveniment |
Mhux Applikabbli |
1 jew aktar |
Mhux Applikabbli |
1 jew aktar. |
Planar VRU Qlib |
Żmien mill-avveniment 1 sa 2 |
Obbligatorju |
Kif meħtieġ |
Mhux Applikabbli |
0 sa 5,0 sek |
± 0,1 sek |
0,1 sek. |
Planar Qlib |
Fajl komplut irreġistrat (iva, le) |
Obbligatorju |
Skont data oħra |
Mhux Applikabbli |
Iva jew Le |
Mhux Applikabbli |
Iva jew Le. |
Planar VRU Qlib |
Aċċellerazzjoni laterali (wara ħabta) |
Jekk Tiġi Rreġistrata |
0–250 ms jew 0 sal-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
500 |
-50 sa +50 g |
+/- 10 % |
1 g |
Planar Qlib |
Aċċellerazzjoni lonġitudinali (wara ħabta) |
Jekk Tiġi Rreġistrata |
0–250 ms jew 0 sal-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
500 |
-50 sa +50 g |
+/- 10 % |
1 g |
Planar |
Aċċellerazzjoni normali (wara ħabta) |
Jekk tiġi rreġistrata |
-1,0 sa 5,0 sek (9) |
10 Hz |
-5 g sa +5 g |
± 10 % |
0,5 g |
Qlib |
Delta-V, laterali |
Obbligatorju - mhux meħtieġ jekk l-aċċellerazzjoni laterali tiġi rreġistrata f’livell ta’ ≥ 500 Hz u b’firxa u riżoluzzjoni suffiċjenti sabiex id-delta-v tiġi kkalkolata bl-akkuratezza meħtieġa |
0–250 ms jew 0 sal-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
100 |
-100 km/h sa + 100 km/h. |
± 10 % |
1 km/h. |
Planar |
Delta-V massima, laterali |
Obbligatorju - mhux meħtieġ jekk l-aċċellerazzjoni laterali tiġi reġistrata f’livell ta’ ≥ 500 Hz |
0–300 ms jew 0 sal-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
Mhux Applikabbli |
-100 km/h sa + 100 km/h. |
± 10 % |
1 km/h. |
Planar |
Ħin massimu delta-V, laterali |
Obbligatorju - mhux meħtieġ jekk l-aċċellerazzjoni laterali tiġi reġistrata f’livell ta’ ≥ 500 Hz |
0–300 ms jew 0 sal-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
Mhux Applikabbli |
0–300 ms, jew 0-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
± 3 ms |
2,5 ms. |
Planar |
Il-ħin għad-delta-V massima, riżultanti. |
Obbligatorju - mhux meħtieġ jekk l-aċċellerazzjoni rilevanti tiġi rreġistrata f’livell ta’ ≥ 500 Hz |
0–300 ms jew 0 sal-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
Mhux Applikabbli |
0–300 ms, jew 0-Ħin ta’ Tmiem l-Avveniment b’żieda ta’ 30 ms, skont liema jkun l-iqsar. |
± 3 ms |
2,5 ms. |
Planar |
Rpm tal-magna |
Obbligatorju |
-5,0 sa 0 sek |
2 |
0 sa 10 000 rpm |
± 100 rpm (10) |
100 rpm. |
Planar Qlib |
Angolu tat-tidwir tal-vettura |
Jekk tiġi rreġistrata |
-1,0 sa 5,0 sek (9) |
10 |
-1 080 grad sa + 1 080 grad |
± 10 % |
10 gradi |
Qlib |
Attività ABS |
Obbligatorju |
-5,0 sa 0 sek |
2 |
Bil-ħsara, Attiva, Tintervjeni (11) |
Mhux Applikabbli |
Bil-ħsara, Attiva, Tintervjeni (12) |
Planar VRU Qlib |
Kontroll tal-istabbiltà |
Obbligatorju |
-5,0 sa 0 sek |
2 |
Bil-ħsara, Mixgħul, Mitfi, Jintervjeni (12) |
Mhux Applikabbli |
Bil-ħsara, Mixgħul, Mitfi, Jintervjeni (12) |
Planar VRU Qlib |
Input tal-istering |
Obbligatorju |
-5,0 sa 0 sek |
2 |
-250 grad CW sa + 250 grad CCW. |
± 5 % |
± 1 %. |
Planar Qlib VRU |
L-istatus taċ-ċinturin tas-sikurezza, passiġġier ta’ quddiem |
Obbligatorju |
-1,0 sek |
Mhux Applikabbli |
Maqful, mhux maqful |
Mhux Applikabbli |
Maqful, mhux maqful |
Planar Qlib |
Status ta’ soppressjoni tal-airbag tal-passiġġier |
Obbligatorju |
-1,0 sek |
Mhux Applikabbli |
Soppress jew mhux soppress |
Mhux Applikabbli |
Soppress jew mhux soppress |
Planar Qlib |
Attivazzjoni tal-airbag ta’ quddiem, ħin sal-istadju nth, sewwieq (4). |
Obbligatorju jekk ikun installat airbag ta’ quddiem tas-sewwieq b’tagħmir għall-infiħ b’diversi stadji. |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar |
Attivazzjoni tal-airbag ta’ quddiem, ħin sal-istadju nth, passiġġier ta’ quddiem (12). |
Obbligatorju jekk ikun installat airbag ta’ quddiem tal-passiġġier b’tagħmir għall-infiħ b’diversi stadji. |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar |
Attivazzjoni tal-airbag tal-ġenb, il-ħin sal-attivazzjoni, sewwieq. |
Obbligatorju |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar |
Attivazzjoni tal-airbag tal-ġenb, il-ħin sal-attivazzjoni, passiġġier ta’ quddiem. |
Obbligatorju |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar |
Attivazzjoni tal-purtiera/airbag forma ta’ tubu tal-ġenb, il-ħin sal-attivazzjoni, naħa tas-sewwieq. |
Obbligatorju |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar Qlib |
Attivazzjoni tal-purtiera/airbag forma ta’ tubu tal-ġenb, il-ħin sal-attivazzjoni, naħa tal-passiġġier. |
Obbligatorju |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar Qlib |
Attivazzjoni tal-pretensioner, ħin għall-iskattar, sewwieq. |
Obbligatorju |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar Qlib |
Attivazzjoni tal-pretensioner, ħin għall-iskattar, passiġġier ta’ quddiem. |
Obbligatorju |
Avveniment |
Mhux Applikabbli |
0 sa 250 ms |
± 2 ms |
1 ms. |
Planar Qlib |
Swiċċ tal-pożizzjoni tal-korsa tas-sit, l-aktar ’il quddiem, status, sewwieq. |
Obbligatorju jekk ikun installat u użat għad-deċiżjoni dwar l-attivazzjoni |
-1,0 sek |
Mhux Applikabbli |
Iva jew Le |
Mhux Applikabbli |
Iva jew Le. |
Planar Qlib |
Swiċċ tal-pożizzjoni tal-korsa tas-sit, l-aktar ’il quddiem, status, passiġġier ta’ quddiem. |
Obbligatorju jekk ikun installat u użat għad-deċiżjoni dwar l-attivazzjoni |
-1,0 sek |
Mhux Applikabbli |
Iva jew Le |
Mhux Applikabbli |
Iva jew Le. |
Planar Qlib |
Klassifikazzjoni tad-daqs tal-okkupant, sewwieq |
Jekk tiġi rreġistrata |
-1,0 sek |
Mhux Applikabbli |
b’dimensjonijiet ta’ mara tal-ħames perċentil jew akbar. |
Mhux Applikabbli |
Iva jew Le. |
Planar Qlib |
Klassifikazzjoni tad-daqs tal-okkupant, passiġġier ta’ quddiem |
Jekk tiġi rreġistrata |
-1,0 sek |
Mhux Applikabbli |
HIII US ATD jew Q6 ATD ta’ persuna ta’ 6 snin, jew iżgħar |
Mhux Applikabbli |
Iva jew Le. |
Planar Qlib |
(1) Ir-rekwiżiti tal-format speċifikati hawn taħt huma rekwiżiti minimi u l-manifatturi jistgħu jaqbżuhom.
(2) “Obbligatorju” hija soġġetta għall-kundizzjonijiet dettaljati fit-Taqsima 1.
(3) Id-data ta’ qabel il-ħabta u d-data tal-ħabta mhumiex sinkroniċi. Ir-rekwiżit tal-akkuratezza tal-ħin tal-kampjunar għall-ħin ta’ qabel il-ħabta huwa ta’ -0,1 sa 1,0 sek (eż., T = -1 ikun jeħtieġ li jseħħ bejn -1,1 u 0 sekondi.)
(4) Ir-rekwiżit tal-akkuratezza japplika biss fil-firxa tas-sensur fiżiku. Jekk il-kejl li jinkiseb minn sensur jaqbeż il-firxa tad-disinn tas-sensur, l-element irrapportat għandu jindika meta l-kejl ikun qabeż għall-ewwel darba l-firxa tad-disinn tas-sensur.
(5) “Planar” tinkludi avvenimenti skattati fit-taqsimiet 5.3.1.1, 5.3.1.2, u 5.3.1.3 u “VRU” tinkludi avvenimenti skattati fit-taqsima 5.3.1.4.
(6) Iċ-ċiklu tal-ignixin fil-ħin tad-download mhuwiex meħtieġ li jiġi rreġistrat fil-ħin tal-ħabta iżda għandu jiġi rrapportat matul il-proċess tad-download.
(7) Il-bozza ta’ twissija tal-airbag hija l-indikatur tal-prontezza speċifikat fir-rekwiżiti nazzjonali dwar l-airbags u tista’ tixgħel ukoll biex tindika ħsara f’parti oħra tas-sistema ta’ trażżin li tista’ tiġi attivata.
(8) “Jekk tiġi rreġistrata” tfisser jekk id-data tiġi rreġistrata f’memorja mhux volatili għall-fini ta’ downloading sussegwenti.
(9) Tista’ tiġi rreġistrata fi kwalunkwe ħin; -1,0 sa 5,0 sek hija ssuġġerita
(10) Dawn l-elementi ma għandhomx għalfejn jissodisfaw ir-rekwiżiti ta’ akkuratezza u riżoluzzjoni f’testijiet tal-ħbit speċifikati.
(11) Il-manifatturi jistgħu jinkludu stati oħra tas-sistema
(12) Elenka dan l-element n - 1 darbiet, darba għal kull stadju ta’ sistema b’airbag b’diversi stadji.