Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32019R0387

Regolament ta' Implimentazzjoni tal-Kummissjoni (UE) 2019/387 tal-11 ta' Marzu 2019 li jawtorizza estensjoni tal-użu taż-żejt tas-Schizochytrium sp. (ATCC PTA-9695) bħala ikel ġdid u l-bidla tad-denominazzjoni u tar-rekwiżit tat-tikkettar speċifiku taż-żejt tas-Schizochytrium sp. (ATCC PTA-9695) skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta' Implimentazzjoni tal-Kummissjoni (UE) 2017/2470 (Test b'rilevanza għaż-ŻEE.)

C/2019/1787

ĠU L 70, 12.3.2019, p. 17–20 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2019/387/oj

12.3.2019   

MT

Il-Ġurnal Uffiċjali tal-Unjoni Ewropea

L 70/17

REGOLAMENT TA' IMPLIMENTAZZJONI TAL-KUMMISSJONI (UE) 2019/387

tal-11 ta' Marzu 2019

li jawtorizza estensjoni tal-użu taż-żejt tas-Schizochytrium sp. (ATCC PTA-9695) bħala ikel ġdid u l-bidla tad-denominazzjoni u tar-rekwiżit tat-tikkettar speċifiku taż-żejt tas-Schizochytrium sp. (ATCC PTA-9695) skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta' Implimentazzjoni tal-Kummissjoni (UE) 2017/2470

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2015/2283 tal-Parlament Ewropew u tal-Kunsill tal-25 ta' Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (1), u b'mod partikolari l-Artikolu 12 tiegħu,

Billi:

(1)

Ir-Regolament (UE) 2015/2283 jipprevedi li l-ikel il-ġdid awtorizzat u mniżżel fil-lista tal-Unjoni biss jista' jitqiegħed fis-suq fl-Unjoni.

(2)

Skont l-Artikolu 8 tar-Regolament (UE) 2015/2283, ġie adottat ir-Regolament ta' Implimentazzjoni tal-Kummissjoni (UE) 2017/2470 (2) li jistabbilixxi lista tal-Unjoni tal-ikel ġdid awtorizzat.

(3)

Skont l-Artikolu 12 tar-Regolament (UE) 2015/2283, il-Kummissjoni għandha tiddeċiedi dwar l-awtorizzazzjoni u t-tqegħid fis-suq tal-Unjoni ta' ikel ġdid u dwar l-aġġornament tal-lista tal-Unjoni.

(4)

Id-Deċiżjoni ta' Implimentazzjoni tal-Kummissjoni (UE) 2015/545 (3) awtorizzat, skont ir-Regolament (KE) Nru 258/97 tal-Parlament Ewropew u tal-Kunsill (4), it-tqegħid fis-suq tal-Unjoni taż-żejt tal-mikroalga Schizochytrium sp. (ATCC PTA-9695) bħala ikel ġdid biex jintuża f'għadd ta' oġġetti tal-ikel.

(5)

Ir-Regolament ta' Implimentazzjoni tal-Kummissjoni (UE) 2018/1032 (5) estenda l-awtorizzazzjoni taż-żejt tal-mikroalga Schizochytrium sp. (T18) bħala ikel ġdid skont ir-Regolament (UE) 2015/2283 għall-purees tal-frott u tal-ħxejjex.

(6)

Fl-10 ta' Settembru 2018, il-kumpanija DSM Nutritional Products Europe għamlet talba lill-Kummissjoni biex tibdel il-kundizzjonijiet tal-użu tal-ikel il-ġdid, iż-żejt tas-Schizochytrium sp. (ATCC PTA-9695), skont it-tifsira tal-Artikolu 10(1) tar-Regolament (UE) 2015/2283. L-applikazzjoni talbet li testendi l-użu taż-żejt tas-Schizochytrium sp. (ATCC PTA-9695) għall-purees tal-frott u tal-ħxejjex.

(7)

L-estensjoni proposta tal-użu tal-ikel il-ġdid ma tibdilx il-kunsiderazzjonijiet tas-sikurezza li appoġġjaw l-awtorizzazzjoni għall-estensjoni tal-użu taż-żejt tas-Schizochytrium sp. (T18) għall-purees tal-frott u tal-ħxejjex li ta r-Regolament ta' Implimentazzjoni (UE) 2018/1032 u ma toħloq l-ebda tħassib dwar is-sikurezza. Fid-dawl ta' dawn il-kunsiderazzjonijiet, l-estensjoni tal-użu proposta tikkonforma mal-Artikolu 12(1) tar-Regolament (UE) 2015/2283.

(8)

Fl-10 ta' Settembru 2018, il-kumpanija DSM Nutritional Products Europe għamlet talba lill-Kummissjoni wkoll biex tibdel id-denominazzjoni u r-rekwiżit tat-tikkettar speċifiku taż-żejt tas-Schizochytrium sp. (ATCC PTA-9695) skont it-tifsira tal-Artikolu 10(1) tar-Regolament (UE) 2015/2283. L-applikazzjoni titlob li l-indikazzjoni tar-razza “(ATCC PTA 9695)” titħassar mid-denominazzjoni tal-ikel il-ġdid kif elenkat fil-lista tal-Unjoni u mit-tikkettar tal-oġġetti tal-ikel li fihom dan l-ikel.

(9)

L-Applikant jikkunsidra li t-tibdil tad-denominazzjoni u tar-rekwiżiti tat-tikkettar taż-żejt tas-Schizochytrium sp. (ATCC PTA-9695) huwa meħtieġ minħabba li l-indikazzjoni tar-razza “(ATCC PTA-9695)” fuq it-tikketti tal-ikel li fih iż-żejt tas-Schizochytrium sp. (ATCC PTA-9695) la tinftiehem mill-konsumaturi u lanqas ma hi rilevanti għalihom.

(10)

Hemm erbat iżjut tas-Schizochytrium sp. li attwalment huma awtorizzati u mniżżlin fil-lista tal-Unjoni tal-ikel il-ġdid. Madankollu, iż-żejt tas-Schizochytrium sp. (ATCC PTA-9695) huwa l-uniku wieħed li għalih trid tissemma r-razza fuq it-tikketta. Għalhekk, it-tibdil tad-denominazzjoni u tat-tikkettar taż-żejt tas-Schizochytrium sp. (ATCC PTA-9695) se jiżgura l-konsistenza fid-denominazzjoni u fit-tikkettar taż-żjut kollha tas-Schizochytrium sp. awtorizzati bħala ikel ġdid mingħajr ma jkollu impatt negattiv fuq saħħet il-bniedem u fuq l-interessi tal-konsumaturi.

(11)

Minħabba t-tneħħija tal-indikazzjoni tar-razza “(ATCC PTA-9695)” mid-denominazzjoni tal-ikel il-ġdid u t-tneħħija tar-rekwiżit tat-tikkettar speċifiku għaż-żejt tas-Schizochytrium sp. (ATCC PTA-9695), jenħtieġ li fl-ispeċifikazzjonijiet jiġi inkluż il-kliem “(ATCC PTA-9695)”, għaliex dan huwa meħtieġ biex l-ikel il-ġdid jiġi identifikat sew. Għalhekk, jenħtieġ li l-ispeċifikazzjonijiet tal-entrata “żejt tas-Schizochytrium (ATCC PTA-9695)” fit-Tabella 2 tal-Anness tar-Regolament ta' Implimentazzjoni (UE) 2017/2470 jiġu emendati skont dan.

(12)

Il-Kummissjoni ma talbitx l-opinjoni tal-Awtorità Ewropea dwar is-Sigurtà fl-Ikel skont l-Artikolu 10(3) tar-Regolament (UE) 2015/2283, billi estensjoni tal-użu taż-żejt tas-Schizochytrium sp. (ATCC PTA-9695), it-tibdil tad-denominazzjoni u t-tibdil tar-rekwiżit tat-tikkettar speċifiku għaż-żejt tas-Schizochytrium sp. (ATCC PTA-9695) u l-aġġornament sussegwenti tal-lista tal-Unjoni ma għandhomx jaffettwaw is-saħħa tal-bniedem.

(13)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

1.   L-entrata fil-lista tal-Unjoni ta' ikel ġdid awtorizzat stabbilita fir-Regolament ta' Implimentazzjoni (UE) 2017/2470, li tirreferi għas-sustanza żejt tas-Schizochytrium (ATCC PTA-9695) għandha tiġi emendata kif speċifikat fl-Anness ta' dan ir-Regolament.

2.   L-entrata fil-lista tal-Unjoni msemmija fil-paragrafu 1 għandha tinkludi l-kundizzjonijiet tal-użu u r-rekwiżiti tat-tikkettar stabbiliti fl-Anness ta' dan ir-Regolament.

Artikolu 2

L-Anness tar-Regolament ta' Implimentazzjoni (UE) 2017/2470 huwa emendat skont l-Anness ta' dan ir-Regolament.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-11 ta' Marzu 2019.

Għall-Kummissjoni

Il-President

Jean-Claude JUNCKER

(1)  ĠU L 327, 11.12.2015, p. 1.

(2)  Ir-Regolament ta' Implimentazzjoni tal-Kummissjoni (UE) 2017/2470 tal-20 ta' Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).

(3)  Id-Deċiżjoni ta' Implimentazzjoni tal-Kummissjoni (UE) 2015/545 tal-31 ta' Marzu 2015 li tawtorizza t-tqegħid fis-suq taż-żejt tal-mikroalga Schizochytrium sp. (ATCC PTA-9695) bħala ingredjent alimentari ġdid skont ir-Regolament (KE) Nru 258/97 tal-Parlament Ewropew u tal-Kunsill (ĠU L 90, 2.4.2015, p. 7).

(4)  Ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti ġodda tal-ikel (ĠU L 43, 14.2.1997, p. 1).

(5)  Ir-Regolament ta' Implimentazzjoni tal-Kummissjoni (UE) 2018/1032 tal-20 ta' Lulju 2018 li jawtorizza l-estensjoni tal-użu tal-mikroalga Schizochytrium sp. bħala ikel ġdid skont ir-Regolament (UE) 2015/2283 tal-Parlament Ewropew u tal-Kunsill, u li jemenda r-Regolament ta' Implimentazzjoni tal-Kummissjoni (UE) 2017/2470 (ĠU L 185, 23.7.2018, p. 9).

ANNESS

L-Anness tar-Regolament ta' Implimentazzjoni (UE) 2017/2470 huwa emendat kif ġej:

(1)

L-entrata għaż-“Żejt tas-Schizochytrium (ATCC PTA-9695)” fit-Tabella 1 (Ikel ġdid awtorizzat) hija sostitwita b'dan li ġej:

L-ikel il-ġdid awtorizzat

Il-kundizzjonijiet li fihom jista' jintuża l-ikel il-ġdid

Rekwiżiti tat-tikkettar speċifiċi oħrajn

Rekwiżiti oħrajn

“Żejt tas- Schizochytrium sp. (ATCC PTA-9695)

Kategorija tal-ikel speċifikat

Livelli massimi ta' aċidu dokosaeżaenojku

Id-denominazzjoni tal-ikel ġdid fuq it-tikkettar tal-oġġetti tal-ikel li fihom minn dan l-ikel għandha tkun “Żejt tal-mikroalgi Schizochytrium sp.””

 

Prodotti magħmulin mill-ħalib ħlief xarbiet magħmulin mill-ħalib

200 mg/100 g jew għall-prodotti tal-ġobon 600 mg/100 g

Analogi ta' prodotti tal-ħalib ħlief xarbiet

200 mg/100 g jew għall-analogi tal-prodotti tal-ġobon 600 mg/100 g

Xaħmiet li jiddelku u taħwir tal-ikel

600 mg/100 g

Ċereali għall-kolazzjon

500 mg/100 g

Supplimenti tal-Ikel kif iddefiniti fid-Direttiva 2002/46/KE

250 mg DHA kuljum għall-popolazzjoni ġenerali

450 mg DHA kuljum għan-nisa tqal u li jkunu qegħdin ireddgħu

Sostitut tad-dieta kollha għall-kontroll tal-piż kif iddefinit fir-Regolament (UE) Nru 609/2013 u sostituti ta' ikliet għall-kontroll tal-piż

250 mg/ikla

Xarbiet magħmulin mill-ħalib u prodotti simili maħsuba għat-tfal żgħar

200 mg/100 g

Ikel maħsub biex jagħmel tajjeb għall-użu ta' sforz muskolari qawwi, speċjalment għall-isportivi

Ikel li fuqu jkollu dikjarazzjonijet tan-nuqqas jew tal-preżenza mnaqqsa tal-glutina skont ir-rekwiżiti tar-Regolament ta' Implimentazzjoni tal-Kummissjoni (UE) Nru 828/2014

Ikel għal skopijiet mediċi speċjali kif iddefinit fir-Regolament (UE) Nru 609/2013

Skont ir-rekwiżiti nutrittivi partikolari tal-persuni li għalihom huma maħsuba l-prodotti

Prodotti tal-furnara (ħobżiet, bziezen u gallettini ħelwin)

200 mg/100 g

Bars taċ-ċereali

500 mg/100 g

Xaħam għat-tisjir

360 mg/100 g

Xarbiet mhux alkoħoliċi (inklużi analogi ta' prodotti tal-ħalib u xarbiet magħmulin mill-ħalib)

80 mg/100 ml

Formula tat-trabi u formula tal-prosegwiment kif iddefinit fir-Regolament (UE) Nru 609/2013

Skont ir-Regolament (UE) Nru 609/2013

Ikel ipproċessat biċ-ċereali u ikel tat-trabi maħsub għat-trabi u għat-tfal żgħar kif iddefinit fir-Regolament (UE) Nru 609/2013

200 mg/100 g

 

Purè tal-frott/tal-ħaxix

100 mg/100 g

(2)

L-entrata għaż-“Żejt tas-Schizochytrium (ATCC PTA-9695)” fit-Tabella 2 (Speċifikazzjonijiet) hija sostitwita b'dan li ġej:

L-ikel il-ġdid awtorizzat

Speċifikazzjoni

“Żejt tas- Schizochytrium sp. (ATCC PTA-9695)

L-ikel il-ġdid jinkiseb mir-razza ATCC PTA-9695 tal-mikroalgi Schizochytrium sp.

Valur tal-perossidu (PV): ≤ 5,0 meq/kg żejt

Materjal insaponifikabbli: ≤ 3,5 %

Aċidi xaħmin trans: ≤ 2,0 %

Aċidi xaħmin liberi: ≤ 0,4 %

Aċidu dokosapentaenojku (DPA) n-6: ≤ 7,5 %

Kontenut ta' DHA: ≥ 35 %”
Top