This document is an excerpt from the EUR-Lex website
Document 32018R0277
Commission Implementing Regulation (EU) 2018/277 of 23 February 2018 amending Implementing Regulation (EU) 2015/207 with regard to changes to the models for the implementation reports for the Investment for Growth and Jobs goal and for the European territorial cooperation goal, as well as for the models for the progress report and the annual control reports and correcting that Regulation with regard to the model for the implementation report for the Investment for Growth and Jobs goal and annual control report
Regolament ta' Implimentazzjoni tal-Kummissjoni (UE) 2018/277 tat-23 ta' Frar 2018 li jemenda r-Regolament ta' Implimentazzjoni (UE) 2015/207 fir-rigward ta' bidliet għall-mudelli għar-rapporti ta' implimentazzjoni għall-għan tal-Investiment għat-Tkabbir u l-Impjiegi u għall-għan tal-kooperazzjoni territorjali Ewropea, kif ukoll għall-mudelli għar-rapport ta' progress u r-rapporti annwali ta' kontroll u li jikkoreġi dak ir-Regolament fir-rigward tal-mudell għar-rapport ta' implimentazzjoni għall-għan tal-Investiment għat-Tkabbir u għall-Impjiegi u r-rapport annwali ta' kontroll
Regolament ta' Implimentazzjoni tal-Kummissjoni (UE) 2018/277 tat-23 ta' Frar 2018 li jemenda r-Regolament ta' Implimentazzjoni (UE) 2015/207 fir-rigward ta' bidliet għall-mudelli għar-rapporti ta' implimentazzjoni għall-għan tal-Investiment għat-Tkabbir u l-Impjiegi u għall-għan tal-kooperazzjoni territorjali Ewropea, kif ukoll għall-mudelli għar-rapport ta' progress u r-rapporti annwali ta' kontroll u li jikkoreġi dak ir-Regolament fir-rigward tal-mudell għar-rapport ta' implimentazzjoni għall-għan tal-Investiment għat-Tkabbir u għall-Impjiegi u r-rapport annwali ta' kontroll
C/2018/0999
ĠU L 54, 24.2.2018, p. 6–10
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
24.2.2018 |
MT |
Il-Ġurnal Uffiċjali tal-Unjoni Ewropea |
L 54/6 |
REGOLAMENT TA' IMPLIMENTAZZJONI TAL-KUMMISSJONI (UE) 2018/277
tat-23 ta' Frar 2018
li jemenda r-Regolament ta' Implimentazzjoni (UE) 2015/207 fir-rigward ta' bidliet għall-mudelli għar-rapporti ta' implimentazzjoni għall-għan tal-Investiment għat-Tkabbir u l-Impjiegi u għall-għan tal-kooperazzjoni territorjali Ewropea, kif ukoll għall-mudelli għar-rapport ta' progress u r-rapporti annwali ta' kontroll u li jikkoreġi dak ir-Regolament fir-rigward tal-mudell għar-rapport ta' implimentazzjoni għall-għan tal-Investiment għat-Tkabbir u għall-Impjiegi u r-rapport annwali ta' kontroll
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (1), u b'mod partikolari l-Artikoli 111(5) u 127(6) tiegħu,
Wara li kkunsidrat ir-Regolament (UE) Nru 1299/2013 tal-Parlament Ewropew u tal-Kunsill tas-17 ta' Diċembru 2013 dwar dispożizzjonijiet speċifiċi għall-appoġġ mill-Fond Ewropew għall-Iżvilupp Reġjonali għall-għan ta' kooperazzjoni territorjali Ewropea (2), u b'mod partikolari l-Artikolu 14(5) tiegħu,
Wara li kkonsultat il-Kumitat ta' Koordinament għall-Fondi Ewropej Strutturali u ta' Investiment,
Billi:
|
(1) |
L-Artikolu 52(2)(b) tar-Regolament (UE) Nru 1303/2013 jistabbilixxi li r-rapport ta' progress jivvaluta l-progress li sar għall-kisba tal-istrateġija tal-Unjoni għal tkabbir intelliġenti, sostenibbli u inklużiv, kif ukoll tal-missjonijiet speċifiċi għall-Fondi msemmija fl-Artikolu 4(1) ta' dak ir-Regolament, fost affarijiet oħra jirreferi wkoll għar-rakkomandazzjonijiet speċifiċi għall-pajjiżi. |
|
(2) |
Sabiex tiġi żgurata l-konsistenza mal-Artikolu 52(2)(b) tar-Regolament (UE) Nru 1303/2013, jenħtieġ li r-rakkomandazzjonijiet speċifiċi għall-pajjiżi rilevanti kollha jitqiesu f'din il-valutazzjoni, mhux biss dawk ġodda kif stipulat fil-punt 2(c) tal-Parti I tal-Anness I tar-Regolament ta' Implimentazzjoni tal-Kummissjoni (UE) 2015/207 (3). Konsegwentement, jenħtieġ li l-mudell għar-rapport ta' progress, inkluż fl-Anness I tar-Regolament ta' Implimentazzjoni (UE) 2015/207, jiġi emendat kif xieraq. |
|
(3) |
Sabiex jiġu ċċarati r-rekwiżiti ta' rappurtar relatati mal-implimentazzjoni tal-approċċ integrat għall-iżvilupp territorjali, jenħtieġ li dan li ġej jiġi emendat biex jelenka b'mod espliċitu investimenti territorjali integrati: i) il-mudell għar-rapport ta' progress, kif stabbilit fil-Parti I tal-Anness I tar-Regolament ta' Implimentazzjoni (UE) 2015/207, ii) il-mudell għar-rapporti ta' implimentazzjoni annwali u finali għall-għan tal-Investiment għat-Tkabbir u l-Impjiegi, kif stabbilit fil-Parti B tal-Anness V ta' dak ir-Regolament, iii) il-mudell għar-rapporti ta' implimentazzjoni għall-għan tal-kooperazzjoni territorjali Ewropea, kif stabbilit fil-Parti B tal-Anness X ta' dak ir-Regolament. |
|
(4) |
L-Artikolu 50(2) tar-Regolment (UE) Nru 1303/2013 jipprevedi li d-dejta trażmessa fir-rapport ta' implimentazzjoni annwali għall-Fondi Strutturali u ta' Investiment Ewropej tirrelata mal-valuri għal indikaturi għal operazzjonijiet implimentati bis-sħiħ u wkoll, meta possibbli, fir-rigward tal-istadju ta' implimentazzjoni, għal operazzjonijiet magħżula. |
|
(5) |
Sabiex jiġu simplifikati l-proċeduri ta' rappurtar, tittejjeb iċ-ċertezza tad-dritt għar-rekwiżiti tar-rappurtar u jiġi żgurat li l-monitoraġġ tad-dejta jirriflettu b'mod preċiż il-progress tal-implimentazzjoni attwali, b'mod partikolari għal operazzjonijiet pluriennali jew ta' ħafna proġetti, jenħtieġ li jiġu emendati l-mudelli għal rapporti ta' implimentazzjoni annwali għal programmi implimentati skont l-għan tal-Investiment għat-Tkabbir u l-Impjiegi, kif stabbilit fl-Anness V tar-Regolament ta' Implimentazzjoni (UE) 2015/207, u skont l-għan ta' kooperazzjoni territorjali Ewropea, kif stabbilit fl-Anness X ta' dak ir-Regolament. |
|
(6) |
L-ammonti u l-limiti massimi skont l-Artikoli 70(2)(b) u 98(2) tar-Regolament (UE) Nru 1303/2013 jirrelataw biss ma' appoġġ mill-Fondi u mhux ma' apoġġ totali. Diversi tabelli fl-Anness V tar-Regolament ta' Implimentazzjoni (UE) 2015/207, il-mudell għar-rapporti ta' implimentazzjoni annwali u finali għall-għan tal-Investiment għat-Tkabbir u l-Impjiegi, jirreferu minflok għal appoġġ totali u għaldaqstant jenħtieġ li jiġu kkoreġuti. |
|
(7) |
Il-Parti C dwar “Ir-rapportar sottomess fis-sena 2019 u r-rapport ta' implimentazzjoni finali (l-Artikolu 50(5) tar-Regolament (UE) Nru 1303/2013)” tal-Anness V tar-Regolament ta' Implimentazzjoni (UE) 2015/207 tkopri dawk l-elementi li skont l-Artikolu 50(5) tar-Regolament (UE) Nru 1303/2013 tiġi sottomessa fl-2019 u fir-rapport ta' implimentazzjoni finali, flimkien mal-elementi li għandhom jiġu sottomessi fir-rapporti għal snin oħra. Il-Punt 15 tal-Anness V tar-Regolament ta' Implimentazzjoni (UE) 2015/207 huwa parti mill-Parti B ta' dak l-Anness u għaldaqstant jenħtieġ li tiġi kkoreġuta. |
|
(8) |
L-Artikolu 127(1) tar-Regolament (UE) Nru 1303/2013 jistabbilixxi l-kopertura minima għal kampjuni mhux statistiċi. Madankollu, il-Kolonna C fit-Tabella 10.2 (Riżultati għal verifiki ta' operazzjonijiet) tal-Anness IX tar-Regolament ta' Implimentazzjoni (UE) 2015/207 tistabbilixxi biss l-“Ammont ta' nefqa irregolari fil-kampjun aleatorju”. Għaldaqstant, jenħtieġ li t-Tabella 10.2 tiġi kkoreġuta billi tiddaħħal kolonna oħra li tispeċifika kemm il-perċentwal tal-operazzjonijiet koperti u l-perċentwal tan-nefqa koperta. |
|
(9) |
Il-kunċett ta' “rata ta' erruri residwi” ġie definit fin-Nota 1 ta' qiegħ il-paġna tal-Punt 5.9 tal-Anness IX (Mudell għar-rapport ta' kontroll annwali) tar-Regolament ta' Implimentazzjoni (UE) 2015/207. Madankollu, l-intestatura tal-Kolonna F fit-Tabella 10.2 (Riżultati għal verifiki ta' operazzjonijiet) tagħti definizzjoni differenti u għaldaqstant jenħtieġ li tiġi kkoreġuta. |
|
(10) |
Għall-finijiet ta' ċarezza, minħabba l-korrezzjoni li saret fil-Kolonna C fit-Tabella 10.2 (Riżultati għal verifiki ta' operazzjonijiet) tal-Anness IX tar-Regolament ta' Implimentazzjoni (UE) 2015/207 billi ddaħħlet kolonna ġdida fuq il-kopertura ta' kampjun aleatorju u nota ta' spjegazzjoni f'qiegħ il-paġna tagħha kif ukoll il-korrezzjoni tal-Kolonna F f'dik it-tabella, jenħtieġ li t-Tabella 10.2 (Riżultati għal verifiki ta' operazzjonijiet) tal-Anness IX tinbidel kompletament. |
|
(11) |
Sabiex ikun possibbli li l-miżuri previsti jiġu applikati fil-pront, jenħtieġ li dan ir-Regolament jidħol fis-seħħ fil-jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea. |
|
(12) |
Għaldaqstant, jenħtieġ li r-Regolament ta' Implimentazzjoni (UE) 2015/207 jiġi emendat u kkoreġut skont dan, |
ADOTTAT DAN IR-REGOLAMENT:
Artikolu 1
Ir-Regolament ta' Implimentazzjoni (UE) 2015/207 huwa emendat kif ġej:
|
1. |
L-Anness I huwa emendat kif ġej:
|
|
2. |
L-Anness V huwa emendat kif ġej:
|
|
3. |
L-Anness X huwa emendat kif ġej:
|
Artikolu 2
Ir-Regolament ta' Implimentazzjoni (UE) 2015/207 huwa kkoreġut kif ġej:
|
1. |
L-Anness V huwa kkoreġut kif ġej:
|
|
2. |
it-Tabella “10.2 Riżultati għal verifiki ta' operazzjonijiet” fl-Anness IX hija sostitwita b'dan li ġej: “10.2 Riżultati għal verifiki ta' operazzjonijiet
|
|||||||||||||||||||||||||||||||||||||||||||
Artikolu 3
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta' Frar 2018.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 320.
(2) ĠU L 347, 20.12.2013, p. 259.
(3) Ir-Regolament ta' Implimentazzjoni tal-Kummissjoni (UE) 2015/207 tal-20 ta' Jannar 2015 li jistabbilixxi regoli dettaljati li jimplimentaw ir-Regolament (UE) Nru 1303/2013 tal-Parlament Ewropew u tal-Kunsill fir-rigward tal-mudelli għar-rapport ta' progress, il-preżentazzjoni tal-informazzjoni dwar proġett maġġuri, il-pjan ta' azzjoni konġunta, ir-rapporti ta' implimentazzjoni għall-Investiment għall-għan tat-tkabbir u l-impjiegi, id-dikjarazzjoni ta' ġestjoni, l-istrateġija tal-awditjar, l-opinjoni tal-awditu u r-rapport ta' kontroll u l-metodoloġija għat-twettiq tal-analiżi tal-ispejjeż imqabbla mal-benefiċċji u skont ir-Regolament (UE) Nru 1299/2013 tal-Parlament Ewropew u tal-Kunsill fir-rigward tal-mudell għar-rapporti tal-implimentazzjoni għall-għan ta' kooperazzjoni territorjali Ewropea (ĠU L 38, 13.2.2015, p. 1).
(4) Il-kolonna ‘A’ għandha tirreferi għall-popolazzjoni li minnha ttieħed il-kampjun aleatorju (ara l-Artikolu 127(1) tar-Regolament (UE) Nru 1303/2013), jiġifieri l-ammont totali ta' nefqa ddikjarata (kif imsemmi fl-Artikolu 137(1)(a) tar-Regolament (UE) Nru 1303/2013 u u korrispondenti għall-ammonti fil-kolonna (A) tal-Appendiċi 1 tal-kontijiet), wara li jitneħħew l-unitajiet negattivi tal-kampjunar, jekk ikun hemm. Fejn applikabbli, għandhom jingħataw spjegazzjonijiet fit-Taqsima 5.4 hawn fuq.
(5) Dan jirreferi għal-livelli limiti minimi ta' kopertura stabbiliti fl-aħħar subparagrafu tal-Artikolu 127(1) tar-Regolament (UE) Nru 1303/2013, meta jintuża metodu ta' kampjun mhux statistiku. Ir-rekwiżit ta' 10 % ta' nefqa ddikjarata jirreferi għan-nefqa fil-kampjun, indipendentement mill-użu tas-sottokampjunar. Dan ifisser li l-kampjun għandu jikkorispondi għal minimu ta' 10 % tan-nefqa ddikjarata, iżda meta jintuża s-sottokampjunar, in-nefqa effettivament awditjata tista' fil-fatt tkun inqas.
(6) Ir-rata totali ta' erruri hija kkalkulata qabel ma jiġu applikati kwalunkwe korrezzjoni finanzjarja b'rabta mal-kampjun awditjat, jew b'rabta mal-popolazzjoni li minnha jkun ittieħed il-kampjun aleotorju. Meta l-kampjun aleatorju jkopri aktar minn Fond jew programm wieħed, ir-rata totali ta' erruri (ikkalkulata) ippreżentata fil-Kolonna ‘E’ tikkonċerna l-popolazzjoni kollha. Fejn tintuża l-istratifikazzjoni, fit-Taqsima 5.7 għandha tingħata aktar informazzjoni skont l-istrat.
(7) Fejn applikabbli, il-Kolonna ‘H’ tirreferi għan-nefqa awditjata fil-kuntest ta' kampjun kumplimentari.
(8) Din il-kolonna tirreferi għall-ammont tan-nefqa awditjata u jeħtieġ li tiġi kompluta kemm jekk jiġu applikati metodi tal-kampjunar statistiċi kif ukoll jekk ma jkunux statistiċi. Jekk jiġi applikat is-sottokampjunar skont l-Artikolu 28(9) tar-Regolament (UE) Nru 480/2014, f'din il-kolonna għandu jiġi inkluż biss l-ammont tal-elementi ta' nefqa effettivament awditjati skont l-Artikolu 27 tal-istess Regolament.
(9) Din il-kolonna tirreferi għall-persentaġġ tan-nefqa awditjata fir-rigward tal-popolazzjoni u jeħtieġ li tiġi kompluta kemm jekk jiġu applikati metodi tal-kampjunar statistiċi kif ukoll jekk ma jkunux statistiċi.”