This document is an excerpt from the EUR-Lex website
Document 32017R0410
Commission Implementing Regulation (EU) 2017/410 of 8 March 2017 amending Regulations (EC) No 184/2007 and (EU) No 104/2010, as regards the name of the holder of the authorisation of potassium diformate (Text with EEA relevance. )
Regolament ta' Implimentazzjoni tal-Kummissjoni (UE) 2017/410 tat-8 ta' Marzu 2017 li jemenda r-Regolamenti (KE) Nru 184/2007 u (UE) Nru 104/2010, fir-rigward ta' isem id-detentur tal-awtorizzazzjoni tad-diformat tal-potassju (Test b'rilevanza għaż-ŻEE. )
Regolament ta' Implimentazzjoni tal-Kummissjoni (UE) 2017/410 tat-8 ta' Marzu 2017 li jemenda r-Regolamenti (KE) Nru 184/2007 u (UE) Nru 104/2010, fir-rigward ta' isem id-detentur tal-awtorizzazzjoni tad-diformat tal-potassju (Test b'rilevanza għaż-ŻEE. )
C/2017/1475
ĠU L 63, 9.3.2017, p. 98–99
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
9.3.2017 |
MT |
Il-Ġurnal Uffiċjali tal-Unjoni Ewropea |
L 63/98 |
REGOLAMENT TA' IMPLIMENTAZZJONI TAL-KUMMISSJONI (UE) 2017/410
tat-8 ta' Marzu 2017
li jemenda r-Regolamenti (KE) Nru 184/2007 u (UE) Nru 104/2010, fir-rigward ta' isem id-detentur tal-awtorizzazzjoni tad-diformat tal-potassju
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 13(3) tiegħu,
Billi:
|
(1) |
BASF SE ppreżentat applikazzjoni f'konformità mal-Artikolu 13(3) tar-Regolament (KE) Nru 1831/2003 li tipproponi bidla fl-isem tad-detentur tal-awtorizzazzjoni msemmija fir-Regolamenti tal-Kummissjoni (KE) Nru 184/2007 (2) u (UE) Nru 104/2010 (3). |
|
(2) |
L-applikant isostni li ADDCON akkwistat id-drittijiet tal-kummerċjalizzazzjoni minn BASF għad-diformat tal-potassju, l-addittiv tal-għalf, b'effett mill-15 ta' Novembru 2016. L-applikant ippreżenta d-dejta rilevanti li ssostni t-talba tiegħu. |
|
(3) |
Il-bidla proposta mid-detentur tal-awtorizzazzjoni hija ta' natura purament amministrattiva u ma hemmx għalfejn titwettaq valutazzjoni ġdida tal-addittivi kkonċernati. L-Awtorità Ewropea dwar is-Sigurtà fl-Ikel ġiet mgħarrfa bl-applikazzjoni. |
|
(4) |
Sabiex ADDCON tkun tista' tisfrutta d-drittijiet tagħha tal-kummerċjalizzazzjoni, hemm bżonn li jinbidlu l-kundizzjonijiet tal-awtorizzazzjonijiet rispettivi. |
|
(5) |
Għaldaqstant, ir-Regolamenti (KE) Nru 184/2007 u (UE) Nru 104/2010 għandhom jiġu emendati skont dan. |
|
(6) |
Billi r-raġunijiet tas-sikurezza ma jeħtiġux l-applikazzjoni immedjata tal-emendi li għamel dan ir-Regolament, huwa xieraq li jiġi stipulat perjodu tranżizzjonali li matulu jkunu jistgħu jintużaw il-ħażniet eżistenti. |
|
(7) |
Il-miżuri previsti f'dan ir-Regolament huma f 'konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emenda fir-Regolament (KE) Nru 184/2007
Fil-kolonna 2 tal-Anness tar-Regolament (KE) Nru 184/2007, l-isem tad-detentur tal-awtorizzazzjoni “BASF SE” huwa sostitwit b'“ADDCON”.
Artikolu 2
Emenda fir-Regolament (UE) Nru 104/2010
Fil-kolonna 2 tal-Anness tar-Regolament (UE) Nru 104/2010, l-isem tad-detentur tal-awtorizzazzjoni “BASF SE” huwa sostitwit b'“ADDCON”.
Artikolu 3
Miżuri tranżizzjonali
Il-ħażniet eżistenti tal-addittiv, tat-taħlitiet minn qabel u tal-għalf kompost li jkun fihom l-additiv, li jikkonformaw mad-dispożizzjonijiet applikabbli qabel id-data tad-dħul fis-seħħ ta' dan ir-Regolament jistgħu jibqgħu jitqiegħdu fis-suq u jintużaw sakemm jispiċċaw kollha.
Artikolu 4
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Marzu 2017.
Għall-Kummissjoni
Il-President
Jean-Claude JUNCKER
(1) ĠU L 268, 18.10.2003, p. 29.
(2) Ir-Regolament tal-Kummissjoni (KE) Nru 184/2007 tal-20 ta' Frar 2007 li jikkonċerna l-awtorizzazzjoni tad-diformat tal-potassju (Formi LHS) bħala addittiv tal-għalf (ĠU L 63, 1.3.2007, p. 1).
(3) Ir-Regolament tal-Kummissjoni (UE) Nru 104/2010 tal-5 ta' Frar 2010 li jikkonċerna l-awtorizzazzjoni ta' diformat tal-potassju bħala addittiv fl-ikel għall-ħnieżer ta' sess femminil (id-detentur tal-awtorizzazzjoni BASF SE) u li jemenda r-Regolament (KE) Nru 1200/2005 (ĠU L 35, 6.2.2010, p. 4).