This document is an excerpt from the EUR-Lex website
Document 32015D1357
Commission Implementing Decision (EU) 2015/1357 of 4 August 2015 establishing the financial contribution from the Union for expenditure incurred by the Netherlands in 2011, 2012 and 2013 for the financing of the emergency measures to combat avian influenza (notified under document C(2015) 5342)
Deċiżjoni ta' Implimentazzjoni tal-Kummissjoni (UE) 2015/1357 tal-4 ta' Awwissu 2015 li tistabbilixxi l-kontribuzzjoni finanzjarja mill-Unjoni għan-nefqa mġarrba min-Netherlands fl-2011, 2012 u 2013 għall-finanzjament tal-miżuri ta' emerġenza biex tiġi miġġielda l-influwenza avjarja (notifikata bid-dokument C(2015) 5342)
Deċiżjoni ta' Implimentazzjoni tal-Kummissjoni (UE) 2015/1357 tal-4 ta' Awwissu 2015 li tistabbilixxi l-kontribuzzjoni finanzjarja mill-Unjoni għan-nefqa mġarrba min-Netherlands fl-2011, 2012 u 2013 għall-finanzjament tal-miżuri ta' emerġenza biex tiġi miġġielda l-influwenza avjarja (notifikata bid-dokument C(2015) 5342)
ĠU L 209, 6.8.2015, p. 9–10
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
6.8.2015 |
MT |
Il-Ġurnal Uffiċjali tal-Unjoni Ewropea |
L 209/9 |
DEĊIŻJONI TA' IMPLIMENTAZZJONI TAL-KUMMISSJONI (UE) 2015/1357
tal-4 ta' Awwissu 2015
li tistabbilixxi l-kontribuzzjoni finanzjarja mill-Unjoni għan-nefqa mġarrba min-Netherlands fl-2011, 2012 u 2013 għall-finanzjament tal-miżuri ta' emerġenza biex tiġi miġġielda l-influwenza avjarja
(notifikata bid-dokument C(2015) 5342)
(It-test bl-Olandiż biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 652/2014 tal-Parlament Ewropew u tal-Kunsill tal-15 ta' Mejju 2014 li jistabbilixxi dispożizzjonijiet għall-ġestjoni tan-nefqa marbuta mal-katina alimentari, mas-saħħa tal-annimali u mat-trattament xieraq tal-annimali, u marbuta mas-saħħa tal-pjanti u mal-materjal riproduttiv tal-pjanti, li jemenda d-Direttivi tal-Kunsill 98/56/KE, 2000/29/KE u 2008/90/KE, ir-Regolamenti (KE) Nru 178/2002, (KE) Nru 882/2004 u (KE) Nru 396/2005 tal-Parlament Ewropew u tal-Kunsill, id-Direttiva 2009/128/KE tal-Parlament Ewropew u tal-Kunsill u r-Regolament (KE) Nru 1107/2009 tal-Parlament Ewropew u tal-Kunsill u li jħassar id-Deċiżjonijiet tal-Kunsill 66/399/KEE, 76/894/KEE u 2009/470/KE (1), u b'mod partikolari l-Artikolu 36(4) tiegħu,
Billi:
|
(1) |
Ir-Regolament tal-Kummissjoni (KE) Nru 349/2005 (2) jistipula r-regoli għall-ħlas ta' kontribuzzjoni finanzjarja mill-Unjoni għal miżuri ta' emerġenza għall-qerda ta' ċertu mard tal-annimali, inkluża l-influwenza avjarja. L-Artikolu 7 ta' dak ir-Regolament jistabbilixxi d-dokumenti li għandhom jiġu sottomessi mill-Istat Membru li jitlob il-kontribuzzjoni finanzjarja u l-iskadenzi biex jintbagħtu dawn id-dokumenti. |
|
(2) |
Id-Deċiżjoni ta' Implimentazzjoni tal-Kummissjoni 2012/667/UE (3) stabbiliet l-ammont tal-kontribuzzjoni finanzjarja tal-Unjoni għan-nefqa mġarrba min-Netherlands fit-teħid ta' miżuri biex tiġi miġġielda l-influwenza avjarja fl-2011 għal EUR 429 425,74. |
|
(3) |
Id-Deċiżjoni ta' Implimentazzjoni tal-Kummissjoni 2013/775/UE (4) tistipula dwar kontribuzzjoni finanzjarja mill-Unjoni li għandha tingħata lin-Netherlands għall-ispejjeż imġarrba minn dak l-Istat Membru fit-teħid tal-miżuri fil-ġlieda tiegħu kontra l-influwenza avjarja fl-2012 u l-2013 skont id-Deċiżjoni tal-Kunsill 2009/470/KE (5). Għaldaqstant, l-ewwel ħlas parzjali ta' EUR 210 000,00 għall-2012 u l-ewwel ħlas parzjali ta' EUR 250 000,00 għall-2013 ġew imħallsa lil dak l-Istat Membru bħala parti mill-kontribuzzjoni finanzjarja tal-Unjoni. Id-Deċiżjoni ta' Implimentazzjoni 2013/775/UE tistipula wkoll li l-ammont tal-kontribuzzjoni finanzjarja tal-Unjoni għandu jiġi ffissat f'deċiżjoni sussegwenti li trid tiġi adottata skont il-proċedura msemmija fiha. |
|
(4) |
Ir-Regolament (UE) Nru 652/2014 jistipula dwar ħlasijiet li jridu jsiru lill-Istati Membri f'dawk iċ-ċirkustanzi. Għalhekk, ir-regolament jistipola dwar l-adozzjoni ta' atti ta' implimentazzjoni u jistabbilixxi l-kontribuzzjoni finanzjarja. Dak ir-Regolament ħassar ukoll id-Deċiżjoni 2009/470/KE u referenzi għal dik id-Deċiżjoni għandhom jiġu interpretati bħala referenzi għar-Regolament (UE) Nru 652/2014. |
|
(5) |
Permezz tad-Deċiżjonijiet ta' Implimentazzjoni 2012/667/UE u 2013/775/UE, ir-rekwiżiti tar-Regolament (UE, Euratom) tal-Parlament Ewropew u tal-Kunsill Nru 966/2012 (6), b'mod partikolari l-Artikolu 84 tiegħu, ġew issodisfati. |
|
(6) |
Wara ir-riżultat, tal-verifika fuq il-post, ġestita minn servizz ta' verifika kompetenti, l-infiq addizzjonali li jammonta għal EUR 13 278,64 tqies bħala eliġibbli, skont id-Deċiżjoni msemmija fil-premessa tnejn, u l-kontribuzzjoni finanzjarja mill-Unjoni għall-2011 tista' tiġi stabbilita għal EUR 442 704,38. Għalhekk, minbarra l-pagament diġà mħallas, għandu jingħata ħlas parzjali supplimentari u finali ta' EUR 13 278,64. |
|
(7) |
Fl-14 ta' Frar 2014, in-Netherlands bagħat talba uffiċjali għar-rimborż lill-Kummissjoni, akkumpanjata minn rapport finanzjarju, dokumenti ta' sostenn u rapport epidemjoloġiku dwar kull stabbiliment fejn l-annimali nqatlu jew inqerdu. It-talba għar-rimborż tammonta għal EUR 417 663,71 għall-2012 u EUR 616 592,33 għall-2013 Madankollu, wara eżami tad-dokumenti ppreżentati minn dak l-Istat Membru, huwa meqjus li l-ammonti rispettivi ta' EUR 17 548,46 u EUR 40 018,73 ma jistgħux jiġu rimborżati skont l-Artikolu 5 tar-Regolament (KE) Nru 349/2005. |
|
(8) |
Għalhekk il-kontribuzzjoni finali għall-2012 u 2013 tista' rispettivament tiġi stabbilita għal EUR 400 115,25 u EUR 576 573,60 li hija d-differenza bejn l-ammont mitlub għar-rimborż u l-ammont ineliġibbli. Wara t-tnaqqis tal-ewwel ħlas parzjali msemmi fit-tielet premessa, il-bilanċ li għandu jitħallas lin-Netherlands għall-2012 u 2013 jista' jiġi stabbilit rispettivament għal EUR 190 115,25 and EUR 326 573,60. |
|
(9) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Il-kontribuzzjoni finanzjarja finali mill-Unjoni għan-nefqa mġarrba min-Netherlands fl-2011 għall-finanzjament ta' miżuri ta' emerġenza għall-ġlieda kontra l-influwenza avjarja hija ffissata għal EUR 13 278,64.
Artikolu 2
1. Il-kontribuzzjoni finanzjarja mill-Unjoni għan-nefqa mġarrba min-Netherlands fl-2012 għall-finanzjament ta' miżuri ta' emerġenza għall-ġlieda kontra l-influwenza avjarja hija ffissata għal EUR 400 115,25.
2. Il-bilanċ tal-kontribuzzjoni finanzjarja mill-Unjoni li għad trid titħallas lin-Netherlands qed jiġi stabbilit għal EUR 190 115,25.
Artikolu 3
1. Il-kontribuzzjoni finanzjarja mill-Unjoni għan-nefqa mġarrba min-Netherlands fl-2013 għall-finanzjament ta' miżuri ta' emerġenza għall-ġlieda kontra l-influwenza avjarja hija ffissata għal EUR 576 573,60.
2. Il-bilanċ tal-kontribuzzjoni finanzjarja mill-Unjoni li għad trid titħallas lin-Netherlands qed jiġi stabbilit għal EUR 326 573,60.
Artikolu 4
Din id-Deċiżjoni hija indirizzata lir-Renju tan-Netherlands.
Magħmul fi Brussell, l-4 ta' Awwissu 2015.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 189, 27.6.2014, p. 1.
(2) Ir-Regolament tal-Kummissjoni (KE) Nru 349/2005 tat-28 ta' Frar 2005 li jistabilixxi r-regoli rigward il-finanzjament Komunitarju għall-interventi urġenti u l-ġlieda kontra ċertu mard tal-annimali kif imsemmi fid-Deċiżjoni tal-Kunsill 90/424/KEE (ĠU L 55, 1.3.2005, p. 12).
(3) Deċiżjoni ta' Implimentazzjoni tal-Kummissjoni 2012/667/EU tal-25 ta' Ottubru 2012 li tistabbilixxi l-kontribuzzjoni finanzjarja mill-Unjoni għan-nefqa mġarrba fil-kuntest tal-miżuri ta' emerġenza meħuda biex tiġi miġġielda l-influwenza avjarja fin-Netherlands fl-2011 (ĠU L 299, 27.10.2012, p. 47).
(4) Id-Deċiżjoni ta' Implimentazzjoni tal-Kummissjoni 2013/775/UE tas-17 ta' Diċembru 2013 dwar kontribuzzjoni finanzjarja mill-Unjoni għal miżuri ta' emerġenza għall-ġlieda kontra l-influwenza avjarja fil-Ġermanja, fl-Italja u fin-Netherlands fl-2012 u fl-2013 u fid-Danimarka u Spanja fl-2013 (ĠU L 343, 19.12.2013, p. 44).
(5) Id-Deċiżjoni tal-Kunsill 2009/470/KE tal-25 ta' Mejju 2009 dwar in-nefqa fil-kamp veterinarju (ĠU L 155, 18.6.2009, p. 30).
(6) Ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġitġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (ĠU L 298, 26.10.2012, p. 1).