This document is an excerpt from the EUR-Lex website
Document 32015D0957
Political and Security Committee Decision (CFSP) 2015/957 of 17 June 2015 on the acceptance of third States' contributions to the European Union Advisory Mission for Civilian Security Sector Reform Ukraine (EUAM Ukraine) (EUAM Ukraine/2/2015)
Deċiżjoni tal-Kumitat Politiku u ta' Sigurtà (PESK) 2015/957 tas-17 ta' Ġunju 2015 dwar l-aċċettazzjoni tal-kontributi ta' Stati terzi għall-Missjoni ta' Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) (EUAM Ukraine/2/2015)
Deċiżjoni tal-Kumitat Politiku u ta' Sigurtà (PESK) 2015/957 tas-17 ta' Ġunju 2015 dwar l-aċċettazzjoni tal-kontributi ta' Stati terzi għall-Missjoni ta' Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) (EUAM Ukraine/2/2015)
ĠU L 156, 20.6.2015, p. 23–23
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
20.6.2015 |
MT |
Il-Ġurnal Uffiċjali tal-Unjoni Ewropea |
L 156/23 |
DEĊIŻJONI TAL-KUMITAT POLITIKU U TA' SIGURTÀ (PESK) 2015/957
tas-17 ta' Ġunju 2015
dwar l-aċċettazzjoni tal-kontributi ta' Stati terzi għall-Missjoni ta' Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) (EUAM Ukraine/2/2015)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari t-tielet paragrafu tal-Artikolu 38 tiegħu,
Wara li kkunsidra d-Deċiżjoni tal-Kunsill 2014/486/PESK tat-22 ta' Lulju 2014 dwar il-Missjoni ta' Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) (1), u b'mod partikolari l-Artikolu 10 tagħha,
Billi:
(1) |
Skont l-Artikolu 10(3) tad-Deċiżjoni 2014/486/PESK, il-Kunsill awtorizza lill-Kumitat Politiku u ta' Sigurtà (“KPS”) biex jieħu deċiżjonijiet rilevanti dwar l-aċċettazzjoni tal-kontributi għall-Missjoni ta' Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) minn Stati terzi. |
(2) |
Il-Kmandant tal-Operazzjonijiet Ċivili rrakkomanda li l-KPS jaċċetta l-kontributi proposti mill-Kanada u r-Renju tan-Norveġja għall-EUAM Ukraine u li jqis il-kontributi bħala sinifikanti. |
(3) |
Il-Kanada u r-Renju tan-Norveġja għandhom ikunu eżentati minn kontribuzzjonijiet finanzjarji għall-baġit tal-EUAM Ukraine, |
ADOTTA DIN ID-DEĊIŻJONI:
Artikolu 1
Kontributi ta' Stati Terzi
1. Il-kontributi mill-Kanada u r-Renju tan-Norveġja għall-Missjoni ta' Konsulenza tal-Unjoni Ewropea għar-Riforma tas-Settur tas-Sigurtà Ċivili fl-Ukrajna (EUAM Ukraine) huma aċċettati u huma meqjusa bħala sinifikanti.
2. Il-Kanada u r-Renju tan-Norveġja huma eżentati minn kontribuzzjonijiet finanzjarji għall-baġit tal-EUAM Ukraine.
Artikolu 2
Dħul fis-seħħ
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fi Brussell, is-17 ta' Ġunju 2015.
Għall-Kumitat Politiku u ta' Sigurtà
Il-President
W. STEVENS
(1) ĠU L 217, 23.7.2014, p. 42