This document is an excerpt from the EUR-Lex website
Document 32014D0819
2014/819/EU: Commission Implementing Decision of 17 November 2014 concerning the rejection of a request to cancel a name entered in the register of protected designations of origin and protected geographical indications provided for in Regulation (EU) No 1151/2012 of the European Parliament and of the Council [Jihočeská Niva (PGI)] (notified under document C(2014) 8391)
2014/819/UE: Deċiżjoni ta' Implimentazzjoni tal-Kummissjoni tas- 17 ta' Novembru 2014 dwar ir-rifjut ta' talba għall-kanċellament ta' isem imdaħħal fir-reġistru ta' denominazzjonijiet protetti tal-oriġini u tal-indikazzjonijiet ġeografiċi protetti skont ir-Regolament (UE) Nru 1151/2012 tal-Parlament Ewropew u tal-Kunsill (Jihočeská Niva (IĠP)) (notifikata bid-dokument C(2014) 8391)
2014/819/UE: Deċiżjoni ta' Implimentazzjoni tal-Kummissjoni tas- 17 ta' Novembru 2014 dwar ir-rifjut ta' talba għall-kanċellament ta' isem imdaħħal fir-reġistru ta' denominazzjonijiet protetti tal-oriġini u tal-indikazzjonijiet ġeografiċi protetti skont ir-Regolament (UE) Nru 1151/2012 tal-Parlament Ewropew u tal-Kunsill (Jihočeská Niva (IĠP)) (notifikata bid-dokument C(2014) 8391)
ĠU L 333, 20.11.2014, p. 24–25
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
20.11.2014 |
MT |
Il-Ġurnal Uffiċjali tal-Unjoni Ewropea |
L 333/24 |
DEĊIŻJONI TA' IMPLIMENTAZZJONI TAL-KUMMISSJONI
tas-17 ta' Novembru 2014
dwar ir-rifjut ta' talba għall-kanċellament ta' isem imdaħħal fir-reġistru ta' denominazzjonijiet protetti tal-oriġini u tal-indikazzjonijiet ġeografiċi protetti skont ir-Regolament (UE) Nru 1151/2012 tal-Parlament Ewropew u tal-Kunsill (Jihočeská Niva (IĠP))
(notifikata bid-dokument C(2014) 8391)
(It-test bis-Slovakk biss huwa awtentiku)
(2014/819/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta' Novembru 2012 dwar skemi tal-kwalità għal prodotti agrikoli u oġġetti tal-ikel (1), u b'mod partikolari l-Artikolu 54(1) tiegħu,
Billi:
|
(1) |
L-ewwel sottoparagrafu tal-Artikolu 54(1) tar-Regolament (UE) Nru 1151/2012 jipprevedi li, minbarra talbiet mill-produtturi tal-prodott mibjugħ bid-denominazzjoni rreġistrata, il-Kummissjoni tista' tikkanċella r-reġistrazzjoni ta' indikazzjoni ġeografika protetta fejn ma tkunx żgurata l-konformità mal-kundizzjonijiet tal-ispeċifikazzjoni jew fejn ma jkun tqiegħed fis-suq l-ebda prodott taħt l-indikazzjoni ġeografika protetta għal mill-inqas seba' snin. |
|
(2) |
Il-Kummissjoni eżaminat it-talba biex tiġi kkanċellata r-reġistazzjoni tal-indikazzjoni ġeografika protetta “Jihočeská Niva” mibgħuta mis-Slovakkja fl-20 ta' Settembru 2013 u riċevuta fis-27 ta' Settembru 2013. |
|
(3) |
Din it-talba għall-kanċellazzjoni ma taqa' taħt l-ebda wieħed mill-każijiet imsemmija fl-ewwel sottoparagrafu tal-Artikolu 54(1) tar-Regolament (UE) Nru 1151/2012 u, għalhekk, ma tissodisfax il-kundizzjonijiet stipulati f'dak l-Artikolu. |
|
(4) |
Fid-dawl ta' dawn l-elementi, it-talba biex tiġi kkanċellata l-indikazzjoni ġeografika protetta “Jihočeská Niva” imressqa mis-Slovakkja, għandha tiġi rrifjutata. |
|
(5) |
Il-miżura li hemm dispożizzjoni dwarha f'din id-Deċiżjoni hija skont l-opinjoni tal-Kumitat għall-politika ta' kwalità tal-prodotti agrikoli, |
ADOTTA DIN ID-DEĊIŻJONI:
Artikolu 1
It-talba għall-kanċellament tal-indikazzjoni ġeografika protetta “Jihočeská Niva” hija rifjutata.
Artikolu 2
Din id-Deċiżjoni hija indirizzata lir-Repubblika Slovakka.
Magħmul fi Brussell, is-17 ta' Novembru 2014.
Għall-Kummissjoni
Phil HOGAN
Membru tal-Kummissjoni
(1) ĠU L 343, 14.12.2012, p. 1.