This document is an excerpt from the EUR-Lex website
Document 32014D0818
2014/818/EU: Commission Implementing Decision of 18 November 2014 concerning the rejection of a request to cancel a name entered in the register of protected designations of origin and protected geographical indications provided for in Regulation (EU) No 1151/2012 of the European Parliament and of the Council (Jihočeská Zlatá Niva (PGI)) (notified under document C(2014) 8425)
2014/818/UE: Deċiżjoni ta' Implimentazzjoni tal-Kummissjoni tat- 18 ta' Novembru 2014 dwar iċ-ċaħda ta' talba għall-kanċellazzjoni ta' isem imdaħħal fir-reġistru ta' denominazzjonijiet protetti tal-oriġini u tal-indikazzjonijiet ġeografiċi protetti skont ir-Regolament (UE) Nru 1151/2012 tal-Parlament Ewropew u tal-Kunsill [Jihočeská Zlatá Niva (IĠP)] (notifikata bid-dokument C(2014) 8425)
2014/818/UE: Deċiżjoni ta' Implimentazzjoni tal-Kummissjoni tat- 18 ta' Novembru 2014 dwar iċ-ċaħda ta' talba għall-kanċellazzjoni ta' isem imdaħħal fir-reġistru ta' denominazzjonijiet protetti tal-oriġini u tal-indikazzjonijiet ġeografiċi protetti skont ir-Regolament (UE) Nru 1151/2012 tal-Parlament Ewropew u tal-Kunsill [Jihočeská Zlatá Niva (IĠP)] (notifikata bid-dokument C(2014) 8425)
ĠU L 333, 20.11.2014, p. 23–23
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
20.11.2014 |
MT |
Il-Ġurnal Uffiċjali tal-Unjoni Ewropea |
L 333/23 |
DEĊIŻJONI TA' IMPLIMENTAZZJONI TAL-KUMMISSJONI
tat-18 ta' Novembru 2014
dwar iċ-ċaħda ta' talba għall-kanċellazzjoni ta' isem imdaħħal fir-reġistru ta' denominazzjonijiet protetti tal-oriġini u tal-indikazzjonijiet ġeografiċi protetti skont ir-Regolament (UE) Nru 1151/2012 tal-Parlament Ewropew u tal-Kunsill [Jihočeská Zlatá Niva (IĠP)]
(notifikata bid-dokument C(2014) 8425)
(It-test bis-Slovakk biss huwa awtentiku)
(2014/818/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1151/2012 tal-Parlament Ewropew u tal-Kunsill tal-21 ta' Novembru 2012 dwar skemi tal-kwalità għal prodotti agrikoli u oġġetti tal-ikel (1), u b'mod partikolari l-Artikolu 54(1) tiegħu,
Billi:
(1) |
L-ewwel subparagrafu tal-Artikolu 54(1) tar-Regolament (UE) Nru 1151/2012 jipprovdi li, minbarra talbiet mill-produtturi tal-prodott mibjugħ bid-denominazzjoni rreġistrata, il-Kummissjoni tista' tikkanċella r-reġistrazzjoni ta' indikazzjoni ġeografika protetta jekk ma tkunx żgurata l-konformità mal-kundizzjonijiet tal-ispeċifikazzjoni jew jekk ma jkun tqiegħed fis-suq l-ebda prodott taħt l-indikazzjoni ġeografika protetta għal mill-inqas seba' snin. |
(2) |
Il-Kummissjoni eżaminat it-talba biex tiġi kkanċellata r-reġistazzjoni tal-indikazzjoni ġeografika protetta “Jihočeská Zlatá Niva” imressqa mis-Slovakkja fl-20 ta' Settembru 2013 u li waslet fis-27 ta' Settembru 2013. |
(3) |
Din it-talba għall-kanċellazzjoni ma taqa' taħt l-ebda wieħed miż-żewġ każijiet imsemmija fl-ewwel subparagrafu tal-Artikolu 54(1) tar-Regolament (UE) Nru 1151/2012 u, għalhekk ma tissodisfax il-kundizzjonijiet stipulati f'dak l-Artikolu. |
(4) |
Fid-dawl ta' dawn l-elementi, it-talba biex tiġi kkanċellata l-indikazzjoni ġeografika protetta “Jihočeská Zlatá Niva” imressqa mis-Slovakkja, għandha tiġi miċħuda. |
(5) |
Il-miżura li hemm dispożizzjoni dwarha f'din id-Deċiżjoni hija skont l-opinjoni tal-Kumitat għall-politika dwar il-kwalità tal-prodotti agrikoli, |
ADOTTAT DIN ID-DEĊIŻJONI:
Artikolu 1
It-talba għall-kanċellazzjoni tal-indikazzjoni ġeografika protetta “Jihočeská Zlatá Niva” hija miċħuda.
Artikolu 2
Din id-Deċiżjoni hija indirizzata lir-Repubblika Slovakka.
Magħmul fi Brussell, it-18 ta' Novembru 2014.
Għall-Kummissjoni
Phil HOGAN
Membru tal-Kummissjoni
(1) ĠU L 343, 14.12.2012, p. 1.