15.3.2014   

MT

Il-Ġurnal Uffiċjali tal-Unjoni Ewropea

L 76/9

(1)

Ir-Regolament tal-Kunsill (KE) Nru 234/2004 (2) jimponi projbizzjoni ġenerali fuq l-għoti ta’ pariri tekniċi, assistenza, taħriġ, finanzjament jew għajnuna finanzjarja relatati ma’ attivitajiet militari lil kwalunkwe persuna, entità jew korp fil-Liberja.

(2)

Fl-10 ta’ Diċembru 2013, il-Kunsill tas-Sigurtà tan-Nazzjonijiet Uniti adotta r-Riżoluzzjoni 2128 (2013) li tafferma mill-ġdid l-embargo fuq l-armi impost mill-paragrafu 2 tar-Riżoluzzjoni 1521(2003) u mmodifikat mill-paragrafi 1 u 2 tar-Riżoluzzjoni 1683 (2006), mill-paragrafu 1(b) tar-Riżoluzzjoni 1731 (2006), mill-paragrafi 3, 4, 5 u 6 tar-Riżoluzzjoni 1903 (2009), u mill-paragrafu 3 tar-Riżoluzzjoni 1961(2010), u li timmodifika r-rekwiżiti assoċjati tan-notifika.

(3)

Fl-14 ta’ Marzu 2014 il-Kunsill adotta d-Deċiżjoni 2014/141/PESK (3), li temenda l-Pożizzjoni Komuni 2008/109/PESK għal dak l-għan.

(4)

Xi wħud minn dawk il-miżuri jaqgħu fil-kamp ta’ applikazzjoni tat-Trattat dwar il-Funzjonament tal-Unjoni Ewropea u għaldaqstant hija neċessarja azzjoni regolatorja fil-livell tal-Unjoni sabiex dawn jiġu implimentati, b’mod partikolari sabiex tiġi żgurata l-applikazzjoni uniformi tagħhom mill-operaturi ekonomiċi fl-Istati Membri kollha.

(5)

Ir-Regolament (KE) Nru 234/2004 għalhekk għandu jiġi emendat kif meħtieġ,

(1)

fl-Artikolu 3(i), il-punt (b) huwa sostitwit b’dan li ġej:

(2)

l-Artikolu 4 huwa sostitwit b’dan li ġej:

“Artikolu 4

Il-persuni fiżiċi u ġuridiċi, entitajiet u korpi li jkollhom l-intenzjoni li jipprovdu kwalunkwe assistenza relatata ma’ attivitajiet militari jew ma’ attivitajiet oħrajn fis-settur tas-sigurtà lill-Gvern tal-Liberja, kif speċifikat fl-Artikolu 1, għandhom jinfurmaw bil-quddiem lill-awtorità kompetenti, kif indikat fis-siti elettroniċi elenkati fl-Anness I, fl-Istat Membru fejn huma residenti jew jinsabu. Tali informazzjoni għandha tinkludi kull informazzjoni rilevanti, inklużi, fejn ikun il-każ, l-għan u l-utent finali, l-ispeċifikazzjonijiet tekniċi u l-kwantità ta’ tagħmir li jrid jiġi kkonsenjat, il-fornitur, id-data proposta għall-kunsinna, il-mezz ta’ trasport, u l-itinerarju tal-kunsinni. L-Istat Membru kkonċernat għandu, malli jirċievi l-informazzjoni rilevanti, f’konsultazzjoni mal-Gvern tal-Liberja, jinnotifika lill-Kumitat tas-Sanzjonijiet dwarha, fejn il-Gvern tal-Liberja ma jkunx għamel dik in-notifika, f’konformità mal-paragrafu 2(b)(ii) u (iii) tar-Riżoluzzjoni 2128 (2013) tal-Kunsill tas-Sigurtà tan-NU.”