3.12.2013   

MT

Il-Ġurnal Uffiċjali tal-Unjoni Ewropea

L 322/19

(1)

L-Artikolu 27 tar-Regolament (KE) Nru 1234/2007 kif emendat bir-Regolament (UE) Nru 121/2012 tal-Parlament Ewropew u tal-Kunsill (2) stabbilixxa għall-2012 u l-2013 skema għad-distribuzzjoni tal-ikel lill-persuni l-aktar fil-bżonn fl-Unjoni, li tapplika sakemm jintemm il-pjan annwali tal-2013.

(2)

Ir-Regolament ta’ Implimentazzjoni tal-Kummissjoni (UE) Nru 1020/2012 (3) adotta l-pjan għall-provvista tal-ikel għall-persuni l-aktar fil-bżonn u alloka r-riżorsi finanzjarji adegwati għas-sena baġitarja 2013. Skont l-Artikolu 3(1) tar-Regolament tal-Kummissjoni (UE) Nru 807/2010 (4), il-perjodu ta’ implimentazzjoni ta’ pjan annwali għandu jibda mill-1 ta’ Ottubru u jispiċċa fil-31 ta’ Diċembru tas-sena ta’ wara. Sabiex tiġi żgurata tranżizzjoni bla xkiel għall-Fond għall-Għajnuna Ewropea għall-Persuni l-Aktar Fil-Bżonn meta dan jiġi stabbilit fl-2014, notevolment f’dak li jirrigwarda l-għoti ta’ appoġġ, u skont it-talbiet li l-Kummissjoni rċeviet minn Spanja, mil-Polonja u mis-Slovenja, jixraq li jkun hemm estensjoni tal-perjodu ta’ implimentazzjoni tal-pjan annwali tal-2013 għad-distribuzzjoni tal-ikel għall-benefiċċju tal-persuni l-aktar fil-bżonn. Sabiex jiġi żgurat trattament ugwali, l-estensjoni għandha tkun applikabbli għall-Istati Membri kollha.

(3)

B’riżultat tal-proċeduri ġudizzjarji varati kontra l-proċeduri tal-offerti, il-Greċja ffaċċjat dewmien fl-iffirmar tal-kuntratti ta’ akkwist pubbliku u għaldaqstant talbet estensjoni tad-data tal-iskadenza biex tissottometti t-talbiet għall-pagamenti msemmija fl-ewwel paragrafu tal-Artikolu 4 tar-Regolament ta’ Implimentazzjoni (UE) Nru 1020/2012. Fid-dawl ta’ din it-talba u tas-sitwazzjoni finanzjarja diffiċli li bħalissa qed tħabbat wiċċha magħha l-Ġreċja, huwa xieraq li tingħata din l-estensjoni. Sabiex jiġi żgurat trattament ugwali, id-deroga għandha tapplika għall-Istati Membri kollha. Billi d-data tal-iskadenza għas-sottomissjoni tat-talbiet għall-pagamenti kienet it-30 ta’ Settembru, din id-deroga għandha tapplika b’mod retrospettiv.

(4)

Għal skopijiet ta’ kontabbiltà, il-pagamenti akkonti bil-quddiem mħallsa mill-Aġenziji tal-Pagamenti lill-benefiċjarji kif ukoll l-approvazzjonijiet tal-pagamenti akkonti bil-quddiem fil-livell tal-benefiċjarju jridu jiġi rreġistrat fil-kontijiet annwali tal-Kummissjoni. Għaldaqstant, jixraq li l-Istati Membri jiffissaw id-data sa meta l-benefiċjarji ta’ dawk il-pagamenti għandhom jissottomettu d-dikjarazzjonijiet tal-ispejjeż u ċertu informazzjoni oħra relatata mal-pagamenti akkonti bil-quddiem. Barra minn hekk, huwa xieraq li d-data tal-iskadenza sa meta l-Istati Membri għandhom jibagħtu d-dejta lill-Kummissjoni tiġi stabbilita bħala l-1 ta’ Frar 2014, li tikkorrispondi mad-data tal-iskadenza għas-sottomissjoni tal-informazzjoni dwar il-kontabbiltà msemmija fl-Artikolu 7(2) tar-Regolament tal-Kummissjoni (KE) Nru 885/2006 (5).

(5)

Ir-Regolament ta’ Implimentazzjoni(UE) Nru 1020/2012 għandu jiġi emendat skont dan.

(6)

Il-miżuri previsti f’dan ir-Regolament huma konformi mal-opinjoni tal-Kumitat għall-Organizzazzjoni Komuni tas-Swieq Agrikoli,

(1)

għandu jiddaħħal l-Artikolu 1a li ġej:

“Artikolu 1a

B’deroga mill-Artikolu 3(1) tar-Regolament (UE) Nru 807/2010, il-perjodu ta’ implimentazzjoni għall-pjan ta’ distribuzzjoni annwali tal-2013 għandu jintemm fit-28 ta’ Frar 2014.”;

(2)

fl-Artikolu 4, l-ewwel paragrafu huwa sostitwit b’dan li ġej:

“B’deroga mill-Artikolu 9 tar-Regolament (UE) Nru 807/2010, għall-pjan ta’ distribuzzjoni tal-2013, it-talbiet għall-pagamenti għandhom jitressqu lill-awtoritajiet kompetenti ta’ kull Stat Membru sal-15 ta’ Ottubru 2013.”;

(3)

l-Artikolu 5 huwa emendat kif ġej: