EUR-Lex Access to European Union law
This document is an excerpt from the EUR-Lex website
Document 32013D0017(01)
2013/359/EU: Decision of the European Central Bank of 21 June 2013 on the national central banks’ percentage shares in the key for subscription to the European Central Bank’s capital (ECB/2013/17)
2013/359/UE: Deċiżjoni tal-Bank Ċentrali Ewropew tal- 21 ta’ Ġunju 2013 dwar l-ishma ta’ persentaġġ tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew (BĊE/2013/17)
2013/359/UE: Deċiżjoni tal-Bank Ċentrali Ewropew tal- 21 ta’ Ġunju 2013 dwar l-ishma ta’ persentaġġ tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew (BĊE/2013/17)
ĠU L 187, 6.7.2013, p. 15–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2013; Imħassar b' 32013D0028(01)
6.7.2013 |
MT |
Il-Ġurnal Uffiċjali tal-Unjoni Ewropea |
L 187/15 |
DEĊIŻJONI TAL-BANK ĊENTRALI EWROPEW
tal-21 ta’ Ġunju 2013
dwar l-ishma ta’ persentaġġ tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew
(BĊE/2013/17)
(2013/359/UE)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew (minn hawn ‘il quddiem l-“Istatut tas-SEBĊ”), u b’mod partikolari l-Artikoli 29.4 u l-Artikolu 48.3 tiegħu,
Wara li kkunsidra l-kontribuzzjoni tal-Kunsill Ġenerali tal-Bank Ċentrali Ewropew (BĊE) skont ir-raba’ inċiż tal-Artikolu 46.2 tal-Istatut tas-SEBĊ,
Billi:
(1) |
Id-Deċiżjoni BĊE/2008/23 tat-12 ta’ Diċembru 2008 dwar l-ishma ta’ persentaġġ tal-banek ċentrali nazzjonali fl-iskema għas-sottoskrizzjoni tal-kapital tal-BĊE (1) stabbilixxiet, b’effett mill-1 ta’ Jannar 2009, l-ippeżar assenjat lil dawk il-banek ċentrali nazzjonali (BĊNi) li kienu membri tas-Sistema Ewropea tal-Banek Ċentrali (SEBĊ) fl-1 ta’ Jannar 2009 fl-iskema tas-sottoskrizzjoni tal-kapital tal-BĊE (minn hawn ‘il quddiem ‘l-ippeżar fl-iskema tal-kapital’ u ‘l-iskema tal-kapital’ rispettivament). |
(2) |
Minħabba d-dħul tal-Kroazja fl-Unjoni Ewropea u li l-BĊN tagħha, Hrvatska narodna banka, jingħaqad fis-SEBĊ fl-1 ta’ Lulju 2013, il-kapital sottoskritt tal-BĊE għandu jiżdied b’mod awtomatiku bis-saħħa tal-Artikolu 48.3 tal-Istatut tas-SEBĊ. Din iż-żieda teħtieġ il-kalkolazzjoni tal-ippeżar tal-iskema tal-kapital ta’ kull BĊN illi ser ikun membru tas-SEBĊ fl-1 ta’ Lulju 2013 b’analoġija mal-Artikolu 29.1 u b’konformità mal-Artikolu 29.2 tal-Istatut tas-SEBĊ. |
(3) |
B’konformità mad-Deċiżjoni tal-Kunsill 2003/517/KE tal-15 ta’ Lulju 2003 dwar id-data statistika li għandha tintuża għal l-aġġustament tal-formula għas-sottoskrizzjoni tal-kapital tal-Bank Ċentrali Ewropew (2), il-Kummissjoni Ewropea forniet lill-BĊE bid-dejta statistika li trid tintuża meta tiġi stabbilita l-iskema tal-kapital aġġustata. |
(4) |
B’analoġija mal-Artikoli 3.5 u 6.6 tar-Regoli tal-Proċedura tal-Kunsill Ġenerali tal-Bank Ċentrali Ewropew (3), u minħabba l-kontribut tal-Kunsill Ġenerali għal din id-Deċiżjoni, il-Gvernatur tal-Hrvatska narodna banka kellu l-opportunità jissottometti oservazzjonijiet fir-rigward ta’ din id-Deċiżjoni qabel l-adozzjoni tagħha, |
ADOTTA DIN ID-DEĊIŻJONI:
Artikolu 1
Aġġustament
Fejn il-Kummissjoni Ewropea tipprovdi dejta statistika reveduta sabiex tintuża fl-aġġustament tal-iskema tal-kapital u l-figuri ma jlaħħqux il-100 %, id-differenza għandha tkun ikkumpensata kif ġej: (i) jekk it-total ikun ta’ anqas minn 100 %, billi jizdied 0,0001 ta’ punt perċentwali mal-izgħar sehem (ishma) f’ordni axxendenti sakemm jintlaħaq il-100 % ezatt, jew (ii) jekk it-total ikun ogħla minn 100 %, billi jitnaqqas 0,0001 ta’ punt perċentwali f’ordni dixxendenti mill-akbar sehem (ishma) sakemm jintlaħaq il-100 % ezatti.
Artikolu 2
L-ippeżar fl-iskema tal-kapital
L-ippeżar assenjat lil kull BĊN fl-iskema tal-kapital deskritta fl-Artikolu 29 tal-Istatut tas-SEBĊ u jkun kif ġejn b’effett mill-1 ta’ Lulju 2013:
Nationale Bank van België/Banque Nationale de Belgique |
2,4176 % |
Българска народна банка/Bank Nazzjonali Bulgaru |
0,8644 % |
Česká národní banka |
1,4539 % |
Danmarks Nationalbank |
1,4754 % |
Deutsche Bundesbank |
18,7603 % |
Eesti Pank |
0,1780 % |
Central Bank of Ireland |
1,1111 % |
Bank of Greece |
1,9483 % |
Banco de España |
8,2533 % |
Banque de France |
14,1342 % |
Hrvatska narodna banka |
0,5945 % |
Banca d’Italia |
12,4570 % |
Central Bank of Cyprus |
0,1333 % |
Latvijas Banka |
0,2742 % |
Lietuvos bankas |
0,4093 % |
Banque centrale du Lussemburgu |
0,1739 % |
Magyar Nemzeti Bank |
1,3740 % |
Bank Ċentrali ta’ Malta |
0,0635 % |
De Nederlandsche Bank |
3,9663 % |
Oesterreichische Nationalbank |
1,9370 % |
Narodowy Bank Polski |
4,8581 % |
Banco de Portugal |
1,7636 % |
Banca Națională a României |
2,4449 % |
Banka Slovenije |
0,3270 % |
Národná banka Slovenska |
0,6881 % |
Suomen Pankki |
1,2456 % |
Sveriges riksbank |
2,2612 % |
Bank of England |
14,4320 % |
Artikolu 3
Dħul fis-seħħ u tħassir
1. Din id-Deċizjoni tidħol fis-seħħ fl-1 ta’ Lulju 2013.
2. Id-Deċiżjoni BĊE/2008/23 hija mħassra b’effett mill-1 ta’ Lulju 2013.
3. Ir-referenzi għal Deċiżjoni BĊE/2008/23 għandhom jinftiehmu bħala referenzi għal din id-Deċiżjoni.
Magħmul fi Frankfurt am Main, il-21 ta’ Ġunju 2013.
Il-President tal-BĊE
Mario DRAGHI
(1) ĠU L 21, 24.1.2009, p. 66.
(2) ĠU L 181, 19.7.2003, p. 43.
(3) Deċiżjoni BĊE/2004/12 tas-17 ta’ Ġunju 2004 li tadotta r-Regoli tal-Proċedura tal-Kunsill Ġenerali tal-Bank Ċentrali Ewropew (ĠU L 230, 30.6.2004, p. 61).