This document is an excerpt from the EUR-Lex website
Document 32011D0810
2011/810/EU: Council Decision of 30 November 2011 establishing the position to be taken by the European Union within the General Council of the World Trade Organization as regards requests for granting and/or extending certain WTO waivers
2011/810/UE: Deċiżjoni tal-Kunsill tat- 30 ta’ Novembru 2011 li tistabbilixxi l-pożizzjoni li għandha titieħed mill-Unjoni Ewropea fi ħdan il-Kunsill Ġenerali tal-Organizzazzjoni Dinjija tal-Kummerċ fir-rigward ta’ talbiet għall-għoti u/jew l-estensjoni ta’ ċerti rinunzji mid-WTO
2011/810/UE: Deċiżjoni tal-Kunsill tat- 30 ta’ Novembru 2011 li tistabbilixxi l-pożizzjoni li għandha titieħed mill-Unjoni Ewropea fi ħdan il-Kunsill Ġenerali tal-Organizzazzjoni Dinjija tal-Kummerċ fir-rigward ta’ talbiet għall-għoti u/jew l-estensjoni ta’ ċerti rinunzji mid-WTO
ĠU L 324, 7.12.2011, p. 29–30
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
7.12.2011 |
MT |
Il-Ġurnal Uffiċjali tal-Unjoni Ewropea |
L 324/29 |
DEĊIŻJONI TAL-KUNSILL
tat-30 ta’ Novembru 2011
li tistabbilixxi l-pożizzjoni li għandha titieħed mill-Unjoni Ewropea fi ħdan il-Kunsill Ġenerali tal-Organizzazzjoni Dinjija tal-Kummerċ fir-rigward ta’ talbiet għall-għoti u/jew l-estensjoni ta’ ċerti rinunzji mid-WTO
(2011/810/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel paragrafu tal-Artikolu 207(4), flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
L-Artikolu IX tal-Ftehim ta’ Marrakesh li jistabbilixxi l-Organizzazzjoni Dinjija tal-Kummerċ (“il-Ftehim tad-WTO”) jistipula l-proċeduri għall-għoti ta’ rinunzji li jikkonċernaw il-Ftehimiet Kummerċjali Multilaterali fl-Annessi 1 A jew 1B jew 1C tad-WTO u l-annessi tagħhom. |
(2) |
Meta jsiru talbiet għal rinunzji fid-WTO, spiss żmien limitat ħafna huwa mogħti għad-deċiżjoni finali mill-korp rilevanti tad-WTO dwar dawn it-talbiet, filwaqt li r-reazzjoni fil-pront minn membri tad-WTO hija meħtieġa. |
(3) |
Huwa fl-interess tal-Unjoni li jiġu approvati bil-ħeffa t-talbiet għall-għoti u/jew l-estensjoni ta’ rinunzji annwali relatati mal-introduzzjoni tas-Sistema Armonizzata tad- Deskrizzjoni u l-Kodifika tal-Prodotti Bażiċi (l-hekk imsejħa Sistema Armonizzata, HS) fl-1 ta’ Jannar 1988, u l-ewwel, it-tieni, it-tielet, ir-raba’ u l-ħames emendi, irrakkomandati mill-Kunsill tal-Organizzazzjoni Dinjija Doganali, imsemmija rispettivament “il-bidliet HS92” (li daħlu fis-seħħ fl-1 ta’ Jannar 1992), “il-bidliet HS96” (li daħlu fis-seħħ fl-1 ta’ Jannar 1996), “il-bidliet HS2002” (li daħlu fis-seħħ fl-1 ta’ Jannar 2002), “il-bidliet HS2007” (li daħlu fis-seħħ fl-1 ta’ Jannar 2007) u “l-bidliet HS2012” (li jidħlu fis-seħħ fl-1 ta’ Jannar 2012), kif ukoll emendi futuri tal-HS, li tistabbilixxi l-obbligu li jiġu introdotti dawn il-bidliet fl-iskedi tal-konċessjonijiet tal-Membri (li jittrasponu l-Iskedi ta’ konċessjonijiet ta’tariffi ġewwa n-nomenklatura HS). |
(4) |
Ir-rinunzja attwali li tippermetti lil Cape Verde biex testendi l-perjodu għall-implimentazzjoni sħiħa tal-Artikolu VII tal-Ftehim Ġenerali dwar it-Tariffi u l-Kummerċ 1994 (GATT 1994) u tal-Ftehim tad-WTO dwar il-Valutazzjoni Doganali se jiskadi fil-31 ta’ Diċembru 2011. Kwalunkwe estensjoni ta’ dik ir-rinunzja tkun ta’ importanza ekonomika u kummerċjali minima għall-Unjoni. |
(5) |
Ir-rinunzja attwali relatata mal-programm tal-Kanada ta’ preferenza fil-kummerċ CARIBCAN se tiskadi fil-31 ta’ Diċembru 2011. Kwalunkwe estensjoni ta’ dik ir-rinunzja tkun ta’ importanza ekonomika u kummerċjali minima għall-Unjoni u tkun ukoll konformi mal-politika tal-Unjoni li tappoġġa l-iżvilupp ekonomiku tal-pajjiżi li qed jiżviluppaw permezz ta’ preferenzi kummerċjali. |
(6) |
Ir-rinunzja attwali li tippermetti lil Kuba biex tidderoga mill-paragrafu 6 tal-Artikolu XV tal-GATT 1994 se tiskadi fil-31 ta’ Diċembru 2011. Kwalunkwe estensjoni ta’ dik ir-rinunzja tkun ta’ importanza ekonomika u kummerċjali minima għall-Unjoni. |
(7) |
Ir-rinunzja attwali li tippermetti lill-pajjiżi parteċipanti fl-iskema taċ-ċertifikazzjoni tal-Proċess Kimberley li jimponu ċerti restrizzjonijiet fuq il-kummerċ tal-hekk imsejħa “id-djamanti tad-demm” ser tiskadi fil-31 ta’ Diċembru 2011. Kwalunkwe estensjoni ta’ dik ir-rinunzja tkun ta’ importanza ekonomika u kummerċjali minima għall-Unjoni filwaqt li tkun ta’ rilevanza kbira għar-relazzjonijiet kummerċjali globali tagħha. |
(8) |
Huwa għalhekk importanti, li tiġi stabbilità il-pożizzjoni li għandha tieħu l-Unjoni fi ħdan il-Kunsill Ġenerali tad-WTO rigward dawk ir-rinunzji, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tieħu l-Unjoni Ewropea fi ħdan il-Kunsill Ġenerali tal-Organizzazjoni Dinija għall-Kummerċ hija li tappoġġa t-talbiet li ġejjin relatati mar-rinunzji mid-WTO skont il-paragrafi 3 tal-Artikolu IX tal-Ftehim tad-WTO:
(a) |
talbiet għall-għoti u/jew l-estensjoni ta’ rinunzji relatati mal-introduzzjoni tas-Sistema Armonizzata tad-Deskrizzjoni u l-Kodifika tal-Prodotti Bażiċi (HS) u l-emendi tagħha mill-1992 (“il-bidliet HS92”), l-1996 (“il-bidliet HS96”), l-2002 (“il-bidliet HS2002”), l-2007 (“il-bidliet HS2007”) u l-2012 (“il-bidliet HS2012”), kif ukoll emendi HS futuri, li jistabbilixxu l-obbligu li jintroduċu dawn il-bidliet fl-iskedi tal-konċessjonijiet tal-Membri; |
(b) |
talbiet għall-estensjoni ta’ rinunzja li tippermetti lil Cape Verde biex testendi l-perjodu għall-implimentazzjoni sħiħa tal-Artikolu VII GATT 1994 u tal-Ftehim tad-WTO dwar il-Valutazzjoni Doganali; |
(c) |
talbiet għall-estensjoni ta’ rinunzja li tippermetti lill-Kanada biex tagħti trattament preferenzjali lil pajjiżi magħżula li qed jiżviluppaw (il-Programm CARIBCAN); |
(d) |
talbiet għall-estensjoni tar-rinunzja li jippermettu lil Kuba li tidderoga mill-paragrafu 6 tal-Artikolu XV GATT 1994; |
(e) |
talbiet għall-estensjoni tar-rinunzja relatati mal-iskema taċ-ċertifikazzjoni tal-Proċess Kimberley. |
Artikolu 2
Il-Kummissjoni għandha tinforma biżżejjed bil-quddiem lill-Kunsill permezz tal-Kumitat dwar il-Politika tal-Kummerċ dwar kull laqgħa tal-korp rilevanti tad-WTO li fih tista’ tittieħed deċiżjoni dwar talba koperta b’din id-Deċiżjoni. Fi żmien 10 t’ijiem ta’ xogħol mid-data meta l-Kummissjoni tkun informat lill-Kumitat tal-Politika tal-Kummerċ, il-Kunsill jista’ jitlob li l-proċedura għall-adozzjoni ta’ deċiżjoni individwali tal-Kunsill dwar it-talba għal rinunzja inkwistjoni tiġi segwita.
Artikolu 3
Din id-Deċiżjoni għandha tidħol fis-seħħ dakinhar li tiġi adottata.
Magħmul fi Brussell, it-30 ta’ Novembru 2011.
Għall-Kunsill
Il-President
J. VINCENT-ROSTOWSKI