42010X0528(01)

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
EUR-Lex - 42010X0528(01) - EN

Help

Search tips

Need more search options? Use the Advanced search

Document 42010X0528(01)

Ir-Regolament Nru 77 tal-Kummissjoni Ekonomika għall-Ewropa tan-Nazzjonijiet Uniti (NU/KEE) – Dispożizzjonijiet uniformi dwar l-approvazzjoni ta’ lampi tal-ipparkjar għal vetturi bil-mutur

ĠU L 130, 28.5.2010, p. 1–18 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 11 Volum 064 P. 287 - 304

Legal status of the document In force: This act has been changed. Current consolidated version: 07/01/2012

ELI: http://data.europa.eu/eli/reg/2010/77/oj

HTML

PDF

Official Journal

28.5.2010

Il-Ġurnal Uffiċjali tal-Unjoni Ewropea

L 130/1

It-testi oriġinali NU/KEE biss għandhom effett legali skont il-liġi pubblika internazzjonali. L-istat u d-data tad-dħul fis-seħħ ta’ dan ir-Regolament għandhom jiġu ċċekkjati fl-aħħar verżjoni tad-dokument tal-istatus NU/KEE TRANS/WP.29/343, disponibbli fuq:

http://www.unece.org/trans/main/wp29/wp29wgs/wp29gen/wp29fdocstts.html

Ir-Regolament Nru 77 tal-Kummissjoni Ekonomika għall-Ewropa tan-Nazzjonijiet Uniti (NU/KEE) – Dispożizzjonijiet uniformi dwar l-approvazzjoni ta’ lampi tal-ipparkjar għal vetturi bil-mutur

Tinkorpora t-test validu kollu sa:

Is-suppliment 12 għall-verżjoni oriġinali tar-Regolament – Id-data tad-dħul fis-seħħ: 15 ta’ Ottubru 2008

WERREJ

REGOLAMENT

Ambitu

Definizzjonijiet

Applikazzjoni għall-approvazzjoni

Indikazzjonijiet

Approvazzjoni

Speċifikazzjonijiet ġenerali

Karetteristiċi fotometriċi

Il-proċedura tat-test

Kulur id-dawl mitfugħ

10.

Rimarki dwar il-kuluri

11.

Modifikazzjonijiet ta’ tip ta’ lampa tal-ipparkjar u estensjoni tal-approvazzjoni

12.

Konformità ta’ produzzjoni

13.

Penali għal nuqqas ta’ konformità ta’ produzzjoni

14.

Produzzjoni mwaqqfa għal kollox

15.

Ismijiet u indirizzi ta’ Servizzi Tekniċi responsabbli mit-tmexxija ta’ testijiet ta’ approvazzjoni u tad-Dipartimenti Amministrattivi

16.

Dispożizzjonijiet tranżitorji

ANNESSI

Anness 1 –

Komunikazzjoni dwar l-approvazzjoni jew l-estensjoni jew ir-rifjut jew l-irtirar ta’ approvazzjoni jew produzzjoni li twaqqfet għal kollox ta’ tip ta’ lampa tal-ipparkjar skont ir-Regolament Nru 77

Anness 2 –

Kif tkun imqassma marka ta’ approvazzjoni

Anness 3 –

Angoli minimi meħtieġa għad-distribuzzjoni tad-dawl

Anness 4 –

Kejl fotometriku

Anness 5 –

Kulur tad-dawl mitfugħ - Koordinati trikromatiċi

Anness 6 –

Rekwiżiti minimi għall-konformità ta’ proċeduri ta’ kontroll ta’ produzzjoni

Anness 7 –

Rekwiżiti minimi meħtieġa għat-teħid ta’ kampjuni minn spettur

1. AMBITU

Ir-regolament japplika għal lampi tal-ipparkjar għal vetturi ta’ kategoriji M, N u T (1)

2. DEFINIZZJONIJIET

Għall-għanijiet ta’ dan ir-Regolament:

2.1.	“Lampa tal-ipparkjar” tfisser il-lampa użata biex wieħed jinduna bil-preżenza ta’ vettura wieqfa;

2.2.	Id-definizzjonijiet mogħtija fir-Regolament Nru 48 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip għandhom japplikaw għal dan ir-Regolament;

2.3.

“Lampi tal-ipparkjar ta’ tipi differenti” tfisser lampi li jvarjaw f’aspetti essenzjali bħal:

(a)	isem jew marka kummerċjali;

(b)	il-karatteristiċi tas-sistema ottika, (livelli ta’ intensità, angoli ta’ distribuzzjoni tad-dawl, kategorija tal-lampa tal-filament, modulu tas-sors ta’ dawl, eċċ.);

Tibdil fil-kulur tal-lampa tal-filament jew il-kulur ta’ kwalunkwe filtru ma jikkostitwix bidla tat-tip.

2.4.	Ir-referenzi li saru f’dan ir-Regolament għal lampa(i) tal-filament standard (étalon) u għar-Regolament Nru 37 għandhom jirreferu għar-Regolament Nru 37 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip.

3. APPLIKAZZJONI GĦAL APPROVAZZJONI

3.1.

L-applikazzjoni għall-approvazzjoni għandha titressaq mill-proprjetarju tal-isem jew marka kummerċjali jew mir-rappreżentant tiegħu akkreditat.

Fuq għażla tal-applikant, hija tispeċifika li l-apparat jista’ jitwaħħal mal-vettura b’inklinazzjonijiet differenti tal-assi ta’ referenza fir-rigward tal-uċuħ ta’ referenza tal-vettura u tal-art jew idur mal-assi ta’ riferenza tiegħu; dawn il-kundizzjonijiet differenti ta’ installazzjoni għandhom ikunu indikati fuq il-formola ta’ komunikazzjoni.

3.2.

Għal kull tip ta’ lampa tal-ipparkjar l-applikazzjoni jrid ikollha magħha:

3.2.1.

Deskrizzjoni teknika qasira li tindika, b’mod partikolari, bl-eċċezzjoni ta’ lampi li jkollhom sorsi ta’ dawl li ma jistgħux jinbdlu:

(a)	il-kategorija jew kategoriji ta’ lampa(i) tal-filament preskritta(i); din il-kategorija ta’ lampa tal-filament għandha tkun waħda minn dawk li hemm fir-Regolament Nru 37 u s-serje ta’ emendi tiegħu li daħlu fis-seħħ fiż-żmien tal-applikazzjoni għall-approvazzjoni tat-tip; u/jew

(b)	il-kodiċi speċifiku ta’ identifikazzjoni tal-modulu tas-sors ta’ dawl;

3.2.2.

Disinji (tliet kopji), li fihom biżżejjed dettall li jippermetti identifikazzjoni tat-tip tal-lampa tal-ipparkjar u li juru ġeometrikament il-pożizzjoni(ijiet) li fiha/fihom tista’ tintrama l-lampa fuq il-vettura; l-assi ta’ osservazzjoni li huwa l-assi ta’ referenza fit-testijiet (angolu mimdud H = 0°, angolu wieqaf V = 0°), u l-punt li huwa ċ-ċentru ta’ referenza fit-testijiet imsemmija;

3.2.3.

Żewġ kampjuni; jekk il-lampi tal-ipparkjar huma tali li jistgħu jitwaħħlu biss fuq naħa waħda tal-vettura, iż-żewġ kampjuni li jintbagħtu jistgħu jkunu identiċi u jkunu tajba għat-twaħħil fuq il-lemin biss jew fuq ix-xellug biss tal-vettura.

4. INDIKAZZJONIJIET

4.1.

Il-lampi tal-ipparkjar li jintbagħtu għall-approvazzjoni għandu jkollhom fuqhom b’mod ċar li jinqara u ma jitħassarx:

4.1.1.

L-isem jew il-marka kummerċjali tal-applikant;

4.1.2.

Bl-eċċezzjoni tal-lampi li jkollhom sorsi tad-dawl li ma jistgħux jinbidlu, għandu jkollhom indikazzjoni li tista’ tinqara b’mod ċar u li ma titħassarx li turi:

(a)	il-kategorija jew kategoriji ta’ lampa(i) tal-filament preskritta(i); u/jew

(b)	il-kodiċi speċifiku ta’ identifikazzjoni tal-modulu tas-sors ta’ dawl;

4.1.3.

Fil-każ ta’ lampi li jkollhom is-sors tad-dawl jew l-modulu(i) tas-sors tad-dawl li ma jistgħux jinbidlu, l-indikazzjoni tal-vultaġġ jew il-medda ta’ vultaġġi, u l-qawwa f’watts.

4.2.

Kull lampa għandu jkollha spazju ta’ dimensjonijiet xierqa għall-marka ta’ approvazzjoni u għas-simbolu addizzjonali stipulat fil-paragrafu 5.5 hawn taħt; dan l-ispazju għandu jintwera fid-disinji msemmija fil-paragrafu 3.2.2 aktar ‘il fuq.

4.3.

Fil-każ ta’ lampi li jkollhom modulu(i) tas-sors tad-dawl, il-modulu(i) tas-sors tad-dawl għandu jkollu:

4.3.1.

L-isem jew il-marka kummerċjali tal-applikant; dawn l-indikazzjonijiet iridu jkunu jinqraw b’mod ċar u ma jitħassrux;

4.3.2.

il-kodiċi speċifiku ta’ identifikazzjoni tal-modulu; dawn l-indikazzjonijiet iridu jkunu jinqraw b’mod ċar u ma jitħassrux. Il-kodiċi speċifiku ta’ identifikazzjoni għandu jkun fih l-ittri tal-bidu “MD” għal “MODULU” u wara dan l-indikazzjoni ta’ approvazzjoni mingħajr iċ-ċirku kif stipulat fil-paragrafu 5.5.1. hawn taħt u f’każ li jintużaw diversi moduli ta’ sors ta’ dawl mhux identiċi, wara għandu jkun hemm simboli jew karattri addizzjonali; dan il-kodiċi speċifiku ta’ identifikazzjoni għandu jidher fid-disinji msemmija fil-paragrafu 3.2.2 hawn fuq.

L-indikazzjoni ta’ approvazzjoni ma għandhiex għalfejn tkun l-istess bħal dik ta’ fuq il-lampa li fiha jintuża l-modulu, iżda ż-żewġ indikazzjonijiet għandhom ikunu mill-istess applikant.

4.3.3.

L-indikazzjoni tal-vultaġġ u l-qawwa f’watts.

5. APPROVAZZJONI

5.1.

L-approvazzjoni għandha tingħata jekk iż-żewġ kampjuni ta’ tip ta’ lampa tal-ipparkjar mibgħuta skont il-paragrafu 3.2.3 hawn fuq jissodisfaw id-dispożizzjonijiet ta’ dan ir-Regolament.

5.2.

Għandu jingħata numru tal-approvazzjoni lil kull tip approvat. L-ewwel żewġ ċifri tiegħu (bħalissa 00 għar-Regolament fil-forma oriġinali tiegħu) għandhom jindikaw is-serje ta’ emendi li jinkorporaw l-aktar emendi riċenti tekniċi ewlenin li saru lir-Regolament meta nħarġet l-approvazzjoni. L-istess Parti Kontraenti ma tistax tassenja l-istess kodiċi lil tip ieħor ta’ lampa tal-ipparkjar.

5.3.

Meta tintalab approvazzjoni għal tip ta’ apparat li jdawwal u li jagħti sinjal bid-dawl li jinkludi lampa tal-ipparkjar u lampi oħrajn tista’ tinħareġ marka waħda ta’ approvazzjoni sakemm il-lampa kkonċernata tkun konformi mar-rekwiżiti ta’ dan ir-Regolament u sakemm kull waħda mil-lampi l-oħra li jagħmlu parti mill-apparat li jdawwal u li jagħti sinjal bid-dawl li għalih tintalab approvazzjoni tkun konformi mar-Regolament speċifiku li japplika għalihom.

5.4.

Notifika ta’ approvazzjoni jew ċaħda jew estensjoni jew revoka ta’ approvazzjoni jew ta’ produzzjoni li twaqqfet għal kollox għandha tintbagħat lill-Partijiet fil-Ftehim li japplikaw dan ir-Regolament permezz ta’ formola li hija f’konformità mal-mudell fl-Anness 1 ta’ dan ir-Regolament.

5.5.

Kull bozza tal-ipparkjar li tikkonforma ma’ tip approvat skont dan ir-Regolament għandu jkollha fl-ispazji msemmija fil-paragrafu 4.2 hawn fuq, minbarra l-indikazzjonijiet meħtieġa fil-paragrafu 4.1, marka ta’ approvazzjoni internazzjonali li tikkonsisti fi:

5.5.1.

Ċirku madwar l-ittra “E” segwita min-numru li jiddistingwi l-pajjiż li ta l-approvazzjoni (2);

5.5.2.

In-numru ta’ dan ir-Regolament segwit mill-ittra “R”, sink u n-numru ta’ approvazzjoni;

5.5.3.

Meta lampa tarmi dawl ta’ kulur ambra ‘il quddiem u lura, il-lampa għandha tiġi mmarkata bi vleġġa li tindika l-orjentazzjoni tagħha, bil-vleġġa li turi l-parti ta’ quddiem tal-vettura;

5.5.4.

Fejn jinħareġ numru ta’ approvazzjoni wieħed, hekk skont il-paragrafu 5.3, għal tip ta’ apparat li jdawwal u li jagħti sinjal bid-dawl li jkun fih lampa tal-ipparkjar, u lampi oħra, tista’ titwaħħal marka ta’ approvazzjoni waħda, li tikkonsisti fis-simboli addizzjonali stipulati bir-Regolamenti varji li permezz tagħhom ingħatat l-approvazzjoni;

5.5.5.

Fuq apparati li jarmu dawl imnaqqas b’konformità mal-paragrafu 2.3 fl-Anness 4 ta’ dan ir-Regolament vleġġa wieqfa li titlaq minn segment mimdud u li tipponta ‘l isfel.

5.6.

L-indikazzjoni skont il-paragrafi 4.1.1 u 5.5 għandha tkun tista’ tinqara b’mod ċar u li ma jitħassarx saħansitra meta l-lampi tal-ipparkjar jitwaħħlu fuq il-vetturi.

5.7.

Il-marka ta’ approvazzjoni għandha tkun tista’ tinqara b’mod ċar u li ma jitħassarx. Din tista’ titqiegħed fuq il-parti ta’ ġewwa jew ta’ barra (trasparenti jew le) tal-apparat li ma tistax tinfired mill-parti t-trasparenti tal-apparat li jitfa’ d-dawl. Ikun xi jkun il-każ, il-marki għandhom ikunu viżibbli meta l-apparat jitwaħħal fuq il-vettura jew meta tinfetaħ xi parti li tiċċaqlaq bħall-bonit jew il-bieba ta’ wara jew bieba oħra.

5.8.

L-Anness 2 ta’ dan ir-Regolament jagħti eżempju ta’ kif tkun imqassma l-marka tal-approvazzjoni.

6. SPEĊIFIKAZZJONIJIET ĠENERALI

6.1.

Kull kampjun għandu jkun konformi mal-ispeċifikazzjonijiet tal-paragrafi 7 u 9 ta’ dan ir-Regolament.

6.2.

Il-lampi tal-ipparkjar għandhom ikunu ddisinjati u mibnija b’mod li waqt l-użu normali, minkejja d-dvenvin li jkunu soġġetti għalih, jibqa’ jiġi żgurat it-tħaddim tagħhom u ma jitilfux il-karatteristiċi stipulati b’dan ir-Regolament.

6.3.

Fil-każ ta’ moduli tas-sors tad-dawl, għandu jiġi ċċekkjat li:

6.3.1.

Id-disinn tal-modulu(i) tas-sors tad-dawl għandu jkun tali:

(a)	li kull modulu tas-sors tad-dawl jista’ jeħel biss fil-post maħsub għalih u mkien aktar u fil-post tiegħu kif suppost u ma jistax jitneħħa jekk mhux permezz tal-għodda;

(b)	Jekk jintuża aktar minn modulu wieħed ta’ sors ta’ dawl fis-sistemazzjoni għal apparat, moduli ta’ sors ta’'dawl li jkollhom karatteristiċi differenti ma jistgħux jiġu mibdula ma’ xulxin fl-istess sistemazzjoni tal-lampi.

6.3.2.

Il-modulu(i) tas-sors tad-dawl għandu jkun tali mod li ma jistax jiġi mittiefes.

6.4.

Fil-każ ta’ lampa(i) tal-filament li tinbidel:

6.4.1.

Kull kategorija jew kategoriji ta’ lampa(i) tal-filament approvata skont it-Regolament Nru 37 tista’ tintuża, sakemm ma jkun hemm ebda restrizzjoni dwar l-użu fir-Regolament Nru 37 u fis-serje ta’ emendi tiegħu fis-seħħ fiż-żmien tal-applikazzjoni għal-approvazzjoni tat-tip.

6.4.2.

Id-disinn tal-apparat għandu jkun tali li l-lampa tal-filament ma tista’ titwaħħal fl-ebda pożizzjoni ħlief f’dik it-tajba.

6.4.3.

Il-ħowlder tal-lampa tal-filament għandu jikkonforma mal-karatteristiċi mogħtija fil-Pubblikazzjoni tal-IEC 60061. Id-dejta li tapplika hija dik tal-folja bid-dejta dwar il-ħowlder rilevanti għall-kategorija ta’ lampa tal-filament użata.

7. KARETTERISTIĊI FOTOMETRIĊI

7.1.

Fl-assi ta’ referenza, d-dawl mitfugħ minn kull wieħed miż-żewġ kampjuni ma għandux ikun inqas mill-intensità minima u mhux aktar mill-intensità massima speċifikata hawn taħt:

Minimu

(cd)

Massimu

(cd)

7.1.1.

Intensità ta’ lampi tal-ipparkjar li jħarsu ‘l quddiem

7.1.2.

Intensità ta’ lampi tal-ipparkjar li jħarsu lura

7.1.3.

Fil-każ ta’ lampa waħda li fiha aktar minn sors wieħed ta’ dawl, il-lampa għandha tkun konformi mal-intensità minima meħtieġa meta jkun hemm avarija f’xi sors ta’ dawl minnhom u meta s-sorsi kollha ta’ dawl jinxtegħlu l-intensitajiet massimi ma għandhomx jinqabżu.

Is-sorsi kollha ta’dawl in series jitqiesu bħala sors wieħed ta’ dawl.

7.2.

Barra mill-assi ta’ referenza u fil-meded tal-angoli definiti fid-dijagrammi fl-Anness 3 ta’ dan ir-Regolament, l-intensità tad-dawl mitfugħ minn kull wieħed miż-żewġ kampjuni għandha tkun:

7.2.1.

f’kull direzzjoni li tikkorrispondi mal-punti tat-tabella ta’ distribuzzjoni tal-intensità tad-dawl li tidher fl-Anness IV ta’ dan ir-Regolament ma tkunx anqas mill-valur muri fit-tabella msemmija għad-direzzjoni inkwistjoni, espressa bħala perċentwali tal-minimu speċifikat fil-paragrafu 7.1;

7.2.2.

fi kwalunkwe direzzjoni fi ħdan il-wisa’ li minnha huwa viżibbli d-dawl kkonċernat, ma taqbiżx il-massimu speċifikat fil-paragrafu 7.1;

7.2.3.

iżda, intensità ta’ dawl ta’ 60 cd għandha tkun permessa għal lampi tal-ipparkjar li jippuntaw lura inkorporati ma’ lampi tal-waqfien (ara l-paragrafu 7.1.2) taħt wiċċ li jifforma angolu ta’ 5° mal-wiċċ mimdud u ‘l isfel minnu;

7.2.4.

Barraminnhekk,

7.2.4.1.

matul l-oqsma definiti fl-Anness 3 l-intensità tad-dawl mitfugħ ma għandhiex tkun inqas minn 0,05 cd;

7.2.4.2.

id-disposizzjonijiet tal-paragrafu 2.2 tal-Anness 4 dwar varjazzjonijiet lokali ta’ intensità għandhom jiġu osservati.

7.3.

L-Anness 4 ta’ dan ir-Regolament imsemmi fil-paragrafu 7.2.1 jagħti dettalji tal-metodi ta’ kejl li għandhom jintużaw.

8. PROĊEDURA TAT-TEST

Il-kejl kollu għandu jsir fuq lampi tal-filament standard mingħajr kulur tat-tipi rakkomandati għall-apparat, regolat b’mod biex jipproduċi l-flux normali ta’ dawl perskritt għal dawn it-tipi ta’ lampi.

8.1.

Il-kejl kollu fuq lampi mgħammra b’sorsi ta’ dawl li ma jistgħux jinbidlu (lampi tal-filament u oħrajn) għandu jsir fuq 6,75 V, 13,5 V jew 28,0 V rispettivament.

Fil-każ ta’ sorsi ta’ dawl ipprovduti b’tagħmir speċjali ta’ provvista tal-kurrent, it-testijiet tal-vultaġġ imsemmija hawn fuq għandhom jiġu applikati fuq it-terminali ta’ dħul ta’ dan it-tagħmir ta’ provvista ta’ kurrent. Il-laboratorju inkarigat mit-testijiet jista’ jitlob lill-manifattur biex jipprovdilu t-tagħmir speċjali ta’ provvista ta’ kurrent meħtieġ għall-provvista ta’ kurrent lis-sorsi tad-dawl.

8.2.

Għandhom jiġu ddeterminati l-limiti tal-wiċċ apparenti fid-direzzjoni tal-assi ta’ referenza ta’ apparat li jagħti sinjal bid-dawl.

9. KULUR ID-DAWL MITFUGĦ

Il-kuluri tad-dawl mitfugħ fi ħdan il-medda tax-xibka ta’ distribuzzjoni tad-dawl iddefinita fil-paragrafu 2 tal-Anness 4, imkejjel bl-użu ta’ sors ta’ dawl b’temperatura tal-kulur ta’ 2 856 K, li tikkorrispondi mal-illuminant A tal-Kummissjoni Internazzjonali dwar l-Illuminazzjoni (KII) għandhom ikunu aħmar, abjad jew ambra. Għall-ittestjar ara l-Anness 5 ta’ dan ir-Regolament. Barra minn din il-medda ebda varjazzjoni mmarkata ta’ kulur ma għandha tidher.

Iżda, għal lampi mgħammra b’sorsi ta’ dawl li ma jistgħux jinbidlu (lampi tal-filament u oħrajn), il-karatteristiċi kolorimetriċi għandhom jiġu vverifikati mas-sorsi ta’ dawl preżenti fil-lampa, skont il-paragrafu 8.1 ta’ dan ir-Regolament.

10. RIMARKI DWAR IL-KULURI

Kull approvazzjoni skont dan ir-Regolament, bis-saħħa tal-paragrafu 5 hawn fuq, tingħata għal tip ta’ apparat li jitfa’ d-dawl ta’ kulur partikolari jew dawl mingħajr kulur; il-Partijiet Kontraenti fil-Ftehim li miegħu huwa anness dan ir-Regolament ma humiex għalhekk preklużi bl-artikolu 3 ta’ dan il-Ftehim milli jipprojbixxu, għal apparati mwaħħla fuq il-vetturi reġistrati minnhom, ċerti kuluri stipulati f’dan ir-Regolament.

11. MODIFIKAZZJONIJIET TA’ TIP TA’ LAMPA TAL-IPPARKJAR U ESTENSJONI TAL-APPROVAZZJONI

11.1.

Kull modifika tat-tip ta’ lampa tal-ipparkjar għandha tkun innotifikata lid-dipartiment amministrattiv li approva t-tip ta’ lampa tal-ipparkjar. Id-dipartiment jista’ mbagħad jew:

11.1.1.

Iqis li l-modifikazzjonijiet magħmula x’aktarx ma jkollhomx effett negattiv sinifikanti u li f’kull każ il-lampa tal-ipparkjar xorta tkun konformi mar-rekwiżiti; jew

11.1.2.

Jitlob rapport ta’ test ieħor mingħand is-Servizz Tekniku responsabbli għat-twettiq tat-testijiet.

11.2.

Konferma jew ċaħda ta’ approvazzjoni li tispeċifika x’inhi l-modifika għandha tiġi kkomunikata bil-proċedura speċifikata fil-paragrafu 5.4 ta’ hawn fuq.

11.3.

L-Awtorità Kompetenti li toħroġ l-estensjoni tal-approvazzjoni għandha tagħti numru tas-serje lil kull formola ta’ komunikazzjoni li ssir għal estensjoni bħal din.

12. KONFORMITÀ TA’ PRODUZZJONI

Il-proċeduri ta’ Konformità ta’ Produzzjoni għandhom jikkonformaw ma’ dawk stabbiliti fl-Appendiċi 2 tal-Ftehim (E/ECE/324-E/ECE/TRANS/505/Rev.2), bir-rekwiżiti li ġejjin:

12.1.

Il-lampi approvati taħt dan ir-Regolament għandhom jiġu mmanifatturati b’mod li jikkonformaw mat-tip approvat billi jissodisfaw ir-rekwiżiti stabbiliti fil-paragrafi 7 u 9 hawn fuq.

12.2.

Għandu jkun hemm konformità mar-rekwiżiti minimi għall-konformità tal-proċeduri tal-kontroll tal-produzzjoni stabbiliti fl-Anness 6 għal dan ir-Regolament.

12.3.

Għandu jkun hemm konfomità mar-rekwiżiti minimi meħtieġa għat-teħid ta’ kampjuni minn spettur kif stabbilit fl-Anness 7 ta’ dan ir-Regolament.

12.4.

L-awtorità li tkun tat l-approvazzjoni tat-tip tista’ fi kwalunkwe ħin tivverifika l-metodi tal-kontroll tal-konformità applikati f’kull stabbiliment ta’ produzzjoni. Il-frekwenza normali ta’ dawn il-verifiki għandha tkun ta’ darba kull sentejn.

13. PENALI GĦAL NUQQAS TA’ KONFORMITÀ TA’ PRODUZZJONI

13.1.

L-approvazzjoni mogħtija fir-rigward ta’ tip ta’ lampa tal-ipparkjar skont dan ir-Regolament tista’ tiġi revokata jekk ma hemmx konformità mar-rekwiżiti jew jekk lampa tal-ipparkjar li għandha l-marka ta’ approvazzjoni ma tikkonformax mat-tip approvat.

13.2.

Jekk Parti fil-Ftehim li tapplika dan ir-Regolament tirtira approvazzjoni li tkun tat qabel, hi għandha minnufih tgħarraf b’dan lill-Partijiet l-oħra Kontraenti li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 ta’ dan ir-Regolament.

14. PRODUZZJONI MWAQQFA GĦAL KOLLOX

Jekk id-detentur tal-approvazzjoni jieqaf għal kollox milli jimmanifattura lampi tal-ipparkjar skont dan ir-Regolament, hu għandu jinforma minnufih lill-awtorità li tat l-approvazzjoni. Malli tirċievi l-komunikazzjoni rilevanti din l-awtorità għandha tavża b’dan il-Partijiet l-oħra fil-Ftehim li japplikaw dan ir-Regolament permezz ta’ formola ta’ komunikazzjoni li tikkonforma mal-mudell fl-Anness 1 ta’ dan ir-Regolament.

15. ISMIJIET U INDIRIZZI TA’ SERVIZZI TEKNIĊI RESPONSABBLI MIT-TMEXXIJA TA’ TESTIJIET TA’ APPROVAZZJONI U TA’ DIPARTIMENTI AMMINISTRATTIVI

Il-Partijiet Kontraenti fil-Ftehim li japplikaw dan ir-Regolament għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet ta’ approvazzjoni u tad-Dipartimenti Amminstrattivi li jagħtu l-approvazzjoni fejn għandhom jintbagħtu l-formoli li jiċċertifikaw approvazzjoni jew estensjoni jew ċaħda jew revoka ta’ approvazzjoni maħruġa f’pajjiżi oħra.

16. DISPOŻIZZJONIJIET TRANŻITORJI

16.1.

Sa mid-data uffiċjali tad-dħul fis-seħħ tas-Suppliment 5 tar-Regolament, l-ebda Parti Kontraenti li tapplika dan ir-Regolament ma għandha tiċħad li tagħti approvazzjonijiet ECE skont dan ir-Regolament kif ġie emendat bis-Suppliment 5.

16.2.

Sa minn 24 xahar wara d-dħul fis-seħħ, il-Partijiet Kontraenti li japplikaw dan ir-Regolament għandhom jagħtu approvazzjonijiet ECE biss jekk it-tip ta’ lampa tal-ipparkjar li se tkun approvata tissodisfa r-rekwiżiti ta’ dan ir-Regolament kif emendat bis-Suppliment 5.

16.3.

Partijiet Kontraenti li japplikaw dan ir-Regolament ma għandhomx jiċħdu estensjonijiet ta’ approvazzjoni ta’ dan ir-Regolament fil-forma oriġinali tiegħu u s-supplimenti sussegwenti.

16.4.

Partijiet Kontraenti li japplikaw dan ir-Regolament għandhom ikomplu jagħtu approvazzjonijiet għal dawk it-tipi ta’ lampi tal-ipparkjar li huma konformi mar-rekwiżiti ta’ dan ir-Regolament fil-forma oriġinali tiegħu u s-supplimenti sussegwenti tul il-perjodu ta’ 12-il xahar wara d-data tad-dħul fis-seħħ tas-Suppliment 5 tar-Regolament.

16.5.

Approvazzjonijiet ECE mogħtija skont dan ir-Regolament qabel it-12-il xahar wara d-data tad-dħul fis-seħħ u l-estensjonijiet kollha ta’ approvazzjonijiet, inklużi dawk ta’ dan ir-Regolament fil-forma oriġinali tiegħu u s-supplimenti sussegwenti għandhom jibqgħu validi indefinitivament. Meta t-tip ta’ lampa tal-ipparkjar approvata skont dan ir-Regolament fil-forma oriġinali tiegħu u s-supplimenti sussegwenti jkun konformi mar-rekwiżiti ta’ dan ir-Regolament kif emendat bis-Suppliment 5, il-Parti Kontraenti li tat l-approvazzjoni għandha tinnotifika minnufih lill-Partijiet Kontraenti l-oħra li japplikaw dan ir-Regolament.

16.6.

Ebda Parti Kontraenti li tapplika dan ir-Regolament ma għandha tirrifjuta tip ta’ lampa tal-ipparkjar approvata skont is-Suppliment 5 ta’ dan ir-Regolament.

16.7.

Sa 36 xahar wara d-dħul fis-seħħ tas-Suppliment 5 tar-Regolament ebda Parti Kontraenti li tapplika dan ir-Regolament ma għandha tirrifjuta xi tip ta’ lampa tal-ipparkjar approvata skont ir-Regolament fil-forma oriġinali tiegħu u s-supplimenti sussegwenti.

16.8.

Minn 36 xahar wara d-dħul fis-seħħ tas-Suppliment 5 tar-Regolament, il-Partijiet Kontraenti li japplikaw dan ir-Regolament jistgħu jirrifjutaw il-bejgħ ta’ tip ta’ lampa tal-ipparkjar li ma tissodisfax ir-rekwiżiti tas-Suppliment 5 ta’ dan ir-Regolament sakemm il-lampa tal-ipparkjar ma tkunx maħsuba bħala sper biex titwaħħal fuq vetturi fl-użu.

16.9.

Partijiet Kontraenti li japplikaw dan ir-Regolament għandhom ikomplu joħorġu approvazzjonijiet għal lampi tal-ipparkjar fuq il-bażi ta’ xi Supplimenti preċedenti tar-Regolament sakemm il-lampi tal-ipparkjar huma maħsuba bħala sper biex jitwaħħlu fuq vetturi fl-użu.

16.10.

Sa mid-data uffiċjali tad-dħul fis-seħħ tas-Suppliment 5 tar-Regolament, l-ebda Parti Kontraenti li tapplika dan ir-Regolament ma għandha tiċħad it-twaħħil ta’ lampa tal-ipparkjar fuq vettura approvata skont dan ir-Regolament kif ġie emendat bis-Suppliment 5.

16.11.

Partijiet Kontraenti li japplikaw dan ir-Regolament għandhom ikomplu jippermettu t-twaħħil ta’ tipi ta’ lampi tal-ipparkjar approvati skont dan ir-Regolament fil-forma oriġinali tiegħu u s-supplimenti sussegwenti tul il-perjodu ta’ 48 xahar wara d-data tad-dħul fis-seħħ tas-Suppliment 5 tar-Regolament.

16.12.

Meta jiskadi l-perjodu ta’ 48 xahar wara d-data tad-dħul fis-seħħ tas-Suppliment 5 tar-Regolament, Partijiet Kontraenti li japplikaw dan ir-Regolament jistgħu jipprojbixxu t-twaħħil ta’ lampi tal-ipparkjar li ma jissodisfawx ir-rekwiżiti ta’ dan ir-Regolament kif ġie emendat bis-Suppliment 5 fuq vettura ġdida li tkun ingħatat approvazzjoni għat-tip nazzjonali jew approvazzjoni individwali aktar minn 24 xahar wara d-dħul fis-seħħ tas-Suppliment 5 tar-Regolament.

16.13.

Meta jiskadi perjodu ta’ 60 xahar wara d-data tad-dħul fis-seħħ, Partijiet Kontraenti li japplikaw dan ir-Regolament jistgħu jipprojbixxu t-twaħħil ta’ lampi tal-ipparkjar li ma jissodisfawx ir-rekwiżiti ta’ dan ir-Regolament kif ġie emendat bis-Suppliment 5 fuq vettura ġdida li tkun irreġistrata għall-ewwel darba aktar minn 60 xahar wara d-data tad-dħul fis-seħħ tas-Suppliment 5 tar-Regolament.

(1) Kif definit fl-Anness 7 tar-Riżoluzzjoni Konsolidata dwar il-Kostruzzjoni tal-Vetturi (R.E.3), (id-dokument TRANS/WP.29/78/Rev.1/Amend.2 kif emendat l-aħħar mill-Emenda 4).

(2) 1 għall-Ġermanja, 2 għal Franza, 3 għall-Italja, 4 għall-Olanda, 5 għall-Iżvezja, 6 għall-Belġju, 7 għall-Ungerija, 8 għar-Repubblika Ċeka, 9 għal Spanja, 10 għas-Serbja, 11 għar-Renju Unit, 12 għall-Awstrija, 13 għal-Lussemburgu, 14 għall-Iżvizzera, 15 (vojta), 16 għan-Norveġja, 17 għall-Finlandja, 18 għad-Danimarka, 19 għar-Rumanija, 20 għall-Polonja, 21 għall-Portugall, 22 għall-Federazzjoni Russa, 23 għall-Greċja, 24 għall-Irlanda, 25 għall-Kroazja, 26 għas-Slovenja, 27 għas-Slovakkja, 28 għall-Belarus, 29 għall-Estonja, 30 (vojta), 31 għall-Bożnja u Ħerzegovina, 32 għal-Latvja, 33 (vojta), 34 għall-Bulgarija, 35 (vojta), 36 għal-Litwanja, 37 għat-Turkija, 38 (vojta), 39 għall-Ażerbajġan, 40 għal dik li kienet ir-Repubblika Jugożlava tal-Maċedonja, 41 (vojta), 42 għall-Komunità Ewropea (L-approvazzjonijiet jingħataw mill-Istati Membri tagħha li jużaw is-simbolu ECE rispettiv tagħhom), 43 għall-Ġappun, 44 (vojta), 45 għall-Awstralja, 46 għall-Ukraina, 47 għall-Afrika t’Isfel, 48 għal New Zealand, 49 għal Ċipru, 50 għal Malta, 51 għar-Repubblika tal-Korea, 52 għall-Malażja, 53 għat-Tajlandja, 54 u 55 (vojta), 56 għall-Montenegro, 57 (vojta) u 58 għat-Tuniżija. Numri sussegwenti għandhom jingħataw lil pajjiżi oħra fl-ordni kronoloġiku li fih jirratifikaw jew jiffirmaw il-Ftehim li Jikkonċerna l-Adozzjoni ta’ Dispożizzjonijiet Tekniċi Uniformi għall-Vetturi bir-Roti, Tagħmir u Partijiet li jistgħu Jitwaħħlu u/jew Jintużaw fuq Vetturi bir-Roti u l-Kundizzjonijiet għal Għarfien Reċiproku ta’ Approvazzjonijiet Mogħtija fuq il-Bażi ta’ dawn il-Preskrizzjonijiet, u n-numri mogħtija b’dan il-mod għandhom ikunu kkomunikati mis-Segretarju Ġenerali tan-Nazzjonijiet Uniti lill-Partijiet Kontraenti fil-Ftehim.

ANNESS 1

KOMUNIKAZZJONI

(Format massimu: A4 (210 × 297 mm))

Test ta 'immaġni

ANNESS 2

TQASSIM TAL-MARKA TA’ APPROVAZZJONI

Moduli ta’ sors ta’ dawl

MD E3 17325

Il-modulu ta’sors ta’ dawl bil-kodiċi ta’ identifikazzjoni li jdher hawn fuq ġie approvat flimkien ma’ lampa approvata fl-Italja (E3) taħt numru ta’ approvazzjoni 17325.

ANNESS 3

ANGOLI MINIMI MEĦTIEĠA GĦAD-DISTRIBUZZJONI TAD-DAWL (*)

Fil-każijiet kollha, l-angoli minimi weqfin ta’ distribuzzjoni tad-dawl huma 15° ‘il fuq u 15° ‘l isfel mil-linja l-mimduda għajr għal lampi li jitwaħħlu fuq għoli ta’ 750 mm jew anqas mill-art, li għalihom l-angoli huma ta’ 15° ‘il fuq u 5° ‘l isfel mil-linja l-mimduda.

Test ta 'immaġni

(*) L-angoli murija f’dawn id-dijagrammi huma tajbin għal apparati li jiġu mmuntati fuq in-naħa tal-lemin tal-vettura. Il-vleġġeġ jippontaw lejn ‘il quddiem tal-vettura.

ANNESS 4

KEJL FOTOMETRIKU

1. METODI TA’ KEJL

1.1. Matul il-kejl fotometriku, riflessi li jimirħu għandhom jiġu evitati b’għata addattat.

1.2. Kemm-il darba r-riżultati tal-kejl jiġu kkontestati, il-kejl għandu jsir b’tali mod li jissodisfa r-rekwiżiti li ġejjin:

1.2.1.

id-distanza tal-kejl għandha tkun tali li tkun applikabbli l-liġi tal-invers tal-kwadrat tad-distanza;

1.2.2.

it-tagħmir tal-kejl għandu jkun tali li l-fetħa angolari ta’ min jirċievi kif tidher miċ-ċentru ta’ referenza tad-dawl hi bejn 10’ u 1°;

1.2.3.

ir-rekwiżit ta’ intensità għal direzzjoni partikolari ta’ osservazzjoni għandu jkun ikkunsidrat bħala sodisfatt jekk dan il-rekwiżit jintlaħaq f’direzzjoni li tiddevja b’mhux aktar minn 15’ mid-direzzjoni ta’ osservazzjoni.

1.3. Fil-każ fejn l-apparat jista’ jiġi installat fuq il-vettura f’aktar minn pożizzjoni waħda jew f’medda ta’ pożizzjonijiet differenti, il-kejl fotometriku għandu jiġu ripetut għal kull pożizzjoni jew għall-pożizzjonijiet estremi tal-medda tal-assi ta’ referenza speċifikata mill-manifattur.

2. SKEDA TA’ DISTRIBUZZJONI TAL-INTENSITÀ LUMINUŻA STANDARD

Xellug	Lemin

2.1. Id-direzzjoni H = 0° u V = 0° tikkorrispondi għal-assi ta’ referenza. (Fuq il-vettura dan huwa mimdud, parallel mal-wiċċ loġitudinali medjan tal-vettura u orjentat fid-direzzjoni meħtieġa ta’ viżibilità). Huwa jgħaddi miċ-ċentru ta’ referenza. Il-valuri li jidhru fl-iskeda jagħtu, fil-każ tad-direzzjonijiet varji ta’ kejl, l-intensitajiet minimi bħala perċentwali tal-minimu meħtieg fl-assi għal kull lampa (fid-direzzoni H = 0° u V = 0°).

2.2. Fi ħdan il-medda ta’ distribuzzjoni ta’ dawl tal-paragrafu 2, li tidher b’mod skematiku bħala grilja, id-disinn tad-dawl għandu jkun sostanzjalment uniformi fis-sens li l-intensità tad-dawl f’kull direzzjoni ta’ parti mill-medda ffurmata mil-linji tal-grilja tilħaq tal-anqas il-valur perċentwali minimu l-aktar baxx li jidher (disponibbli) fuq il-linji tal-grilja madwar id-direzzjoni inkwistjoni.

2.3. Iżda f’każ fejn l-apparat huwa maħsub biex jiġi installat f’għoli ta’ 750 mm jew anqas mill-art, l-intensità fotometrika tiġi vverifikata biss sa angolu ta’ 5° ‘l isfel.

3. KEJL FOTOMETRIKU TA’ LAMPI

L-effiċjenza fotometrika għandha tiġi ċċekkjata:

3.1. Għal sorsi ta’ dawl li mhumiex sostitwibbli (lampi tal-filament u oħrajn):

bis-sorsi ta’ dawl preżenti fil-lampa, skont il-paragrafu 8.1 ta’ dan ir-Regolament.

3.2. Għal lampi tal-filament li jistgħu jinbidlu:

meta mgħammra b’lampi tal-filament ta’ 6,75 V, 13,5 V jew 28,0 V, il-valuri ta’ intensità luminuża prodotti għandhom ikunu kkoreġuti. Il-fattur ta’ korrezzjoni huwa l-proporzjon bejn il-fluss luminuż ta’ referenza u l-valur medju tal-fluss luminuż li jinsab fil-vultaġġ applikat (6,75 V, 13,5 V jew 28,0 V). Il-flussi luminużi attwali ta’ kull lampa tal-filament użata ma għandhomx jiddevjaw aktar minn ± 5 fil-mija mill-valur medju. B’mod alternattiv, lampa tal-filament standard tista’ tintuża minflok, f’kull waħda mill-pożizzjonijiet individwali, operata bil-fluss ta’ referenza tagħha u bil-kejlijiet individwali f’kull pożizzjoni magħduda ma’ xulxin.

3.3. Għal kull lampa li tagħti sinjal bid-dawl għajr dawk mgħammra b’lampa(i) tal-filament, l-intensitajiet luminużi mkejla wara minuta u wara 30 minuta ta’ użu, għandhom ikunu konformi mar-rekwiżiti minimi u massimi. Id-distribuzzjoni tal-intensità luminuża wara minuta ta’ użu tista’ tiġi kkalkolata mid-distribuzzjoni ta’ intensità luminuża wara 30 minuta ta’ użu billi jiġi applikat ma’ kull punt tat-test il-proporzjon ta’ intensitajiet luminużi mkejla b’vultaġġ għoli (HV) wara minuta u wara 30 minuta ta’ użu.

ANNESS 5

KULUR ID-DAWL MITFUGĦ: KOORDINATI TA’ KROMATIĊITÀ

Biex jiġu ċċekkjati dawn il-karatteristiċi kolorimetriċi, għandu jintuża sors ta’ dawl b’temperatura ta’ kulur ta’ 2 854 K li jikkorrispondi mal-illuminant A tal-Kummissjoni Internazzjonali dwar l-Illuminazzjoni (CIE). Iżda, għal lampi mgħammra b’sorsi ta’ dawl li ma jistgħux jinbidlu (lampi tal-filament u oħrajn), il-karatteristiċi kolorimetriċi għandhom jiġu vverifikati mas-sorsi ta’ dawl preżenti fil-lampa, skont il-paragrafu 8.1 ta’ dan ir-Regolament.

ANNESS 6

Rekwiżiti minimi għall-konformità ta’ proċeduri ta’ kontroll ta’ produzzjoni

1. ĠENERALI

1.1. Ir-rekwiżiti ta’ konformità jitqiesu sodisfatti mil-lat mekkaniku u ġeometriku jekk id-differenzi ma jeċċedux id-devjazzjonijiet inevitabbli tal-manifattura koperti fir-rekwiziti ta’ dan ir-Regolament.

1.2. Fir-rigward tal-effiċjenza fotometrika, il-konformità ta’ lampi prodotti bil-massa ma għandhiex tkun ikkontestata jekk, meta tiġi ttestjata l-effiċjenza fotometrika ta’ kwalunkwe lampa magħżula b’mod każwali u mgħammra b’lampa tal-filament standard, jew meta l-lampi huma mgħammra b’sorsi ta’ dawl mhux sostitwibbli (lampi tal-filament jew oħrajn), u meta l-kejl kollu jsir fuq 6,75 V, 13,5 V jew 28,0 V, rispettivament:

1.2.1.

ebda valur imkejjel ma jiddevja b’mod mhux favorevoli b’aktar minn 20 fil-mija mill-valuri preskritti f’dan ir-Regolament.

1.2.2.

Jekk, fil-każ ta’ lampa mgħammra b’sors ta’ dawl sostitwibbli u jekk ir-riżultati tat-test deskritt hawn fuq ma jissodisfawx ir-rekwiżiti, it-testijiet fuq il-lampi għandhom jerġgħu jsiru permezz ta’ lampa oħra standard tal-filament.

1.3. Ikun hemm konformità mal-koordinati tal-kromatiċità meta l-lampa tkun mgħammra b’lampa standard tal-filament, jew għal lampi mgħammra b’sorsi ta’ dawl mhux sostitwibbli (lampi tal-filament jew oħrajn) meta l-karatteristiċi kolorimetriċi jiġu vverifikati mas-sors ta’ dawl li jinsab fil-lampa.

2. REKWIŻITI MINIMI GĦALL-VERIFIKA TAL-KONFORMITÀ MILL-MANIFATTUR

Għal kull tip ta’ lampa, id-detentur tal-marka tal-approvazazjoni għandu jwettaq tal-inqas it-testijiet li ġejjin, f’intervalli xierqa. It-testijiet għandhom jitwettqu skont id-dispożizzjonijiet ta’ dan ir-Regolament.

Jekk minn xi kampjuni jirriżulta li ma hemmx konformità fir-rigward tat-tip ta’ test ikkonċernat, iridu jerġgħu jittieħdu kampjuni oħrajn u jiġu ttestjati Il-manifattur għandu jieħu passi biex jiżgura l-konformità tal-produzzjoni kkonċernata.

2.1. In-natura tat-testijiet

It-testijiet ta’ konformità f’dan ir-Regolament għandhom ikopru l-karatteristiċi fotometriċi u kolorimetriċi.

2.2. Metodi użati fit-testijiet

2.2.1.

Ġeneralment, it-testijiet għandhom jitwettqu skont il-metodi stabbiliti f’dan ir-Regolament.

2.2.2.

Fi kwalunkwe test tal-konformità mwettaq mill-manifattur, jistgħu jintużaw metodi ekwivalenti bil-kunsens tal-Awtorità Kompetenti responsabbli għat-testijiet tal-approvazzjoni. Hija r-responsabbiltà tal-manifattur li jipprova li l-metodi li juża huma ekwivalenti għal dawk li hemm stipulati fir-Regolament.

2.2.3.

L-applikazzjoni tal-paragrafi 2.2.1 u 2.2.2 teħtieġ kalibrar regolari tal-apparat tat-test u l-korrelazzjoni tiegħu ma’ kejl magħmul minn Awtorità Kompetenti.

2.2.4.

Fil-każijiet kollha l-metodi ta’ referenza għandhom ikunu dawk ta’ dan ir-Regolament, b’mod partikolari għall-fini ta’ verifika amministrattiva u ta’ teħid ta’ kampjuni.

2.3. Kif jittieħdu l-kampjuni

Il-kampjuni tal-lampi għandhom jintgħażlu b’mod każwali mill-produzzjoni ta’ grupp uniformi. Grupp uniformi jfisser sett ta’ lampi tal-istess tip, iddefinit skont il-metodi ta’ produzzjoni tal-manifattur.

Il-valutazzjoni għandha tkopri b’mod ġenerali produzzjoni f’serje minn fabbriki individwali. Madankollu, manifattur jista’ jiġbor flimkien dokumenti li jikkonċernaw l-istess tip minn bosta fabbriki, dment li dawn joperaw taħt l-istess sistema ta’ kwalità u ta’ ġestjoni ta’ kwalità.

2.4. Karatteristiċi fotometriċi mkejlin u nnotati

Il-lampa fil-kampjun għandu jsir kejl fotometriku fuqha għall-valuri minimi fil-punti elenkati fl-Anness 4 u l-koordinati ta’ kromatiċità meħtieġa.

2.5. Il-kriterji ta’ x’inhu aċċettabbli

Il-manifattur huwa responsabbli mit-twettiq ta’ studju statistiku tar-riżultati tat-test u biex jiddefinixxi, bi ftehim mal-Awtorità Kompetenti, il-kriterji li jirregolaw l-aċċettabilità tal-prodotti tiegħu sabiex ikunu sodisfatti l-ispeċifikazzjonijiet stabbiliti għall-verifika tal-konformità tal-prodotti fil-paragrafu 12.1 ta’ dan ir-Regolament.

Il-kriterji li jirregolaw l-aċċettabilità għandhom ikunu tali li, b’livell ta’ kunfidenza ta’ 95 fil-mija, il-probabbiltà minima ta’ suċċess f’kontroll għall-għarrieda skont l-Anness 7 (l-ewwel teħid tal-kampjuni) tkun ta’ 0,95.

ANNESS 7

REKWIŻITI MINIMI GĦAT-TEĦID TA’ KAMPJUNI MINN SPETTUR

1. ĠENERALI

1.1. Ir-rekwiżiti ta’ konformità għandhom jitqiesu sodisfatti mil-lat mekkaniku u ġeometriku, skont ir-rekwiżiti ta’ dan ir-Regolament, jekk ikun hemm, jekk id-differenzi ma jaqbżux id-devjazzjonijiet inevitabbli tal-manifattura.

1.2.1.

ebda valur imkejjel ma jiddevja b’mod mhux favorevoli b’aktar minn 20 fil-mija mill-valuri preskritti f’dan ir-Regolament.

1.2.2.

1.2.3.

Lampi b’difetti evidenti jitwarrbu.

2. L-EWWEL TEĦID TA’ KAMPJUNI

Fl-ewwel teħid ta’ kampjuni jintgħażlu erba’ lampi b’mod kawżali. L-ewwel kampjun ta’ tnejn jiġi mmarkat A, it-tieni kampjun ta’ tnejn jiġi mmarkat B.

2.1. Il-konformità ma tkunx ikkontestata

2.1.1.

Skont il-proċedura ta’ teħid ta’ kampjuni kif tidher fil-Figura 1 ta’ dan l-anness, il-konformità tal-lampi prodotti bil-massa ma għandhiex tiġi kkontestata jekk id-devjazzjoni tal-valuri mkejla tal-lampi fid-direzzjonijiet mhux favorevoli huma:

2.1.1.1.

kampjun A

A1:	lampa waħda	0 fil-mija
A1:	lampa waħda mhux aktar minn	20 fil-mija
A2:	żewġ lampi aktar minn	0 fil-mija
	iżda mhux aktar minn	20 fil-mija
	mur għall-kampjun B

2.1.1.2.

kampjun B

B1:

żewġ lampi

0 fil-mija

2.1.2.

jew, jekk il-kundizzjonijiet tal-paragrafu 1.2.1. għall-kampjun A jiġu sodisfatti.

2.2. Il-konformità tkun ikkontestata

2.2.1.

Skont il-proċedura tat-teħid tal-kampjuni kif tidher fil-Figura 1 ta’ dan l-anness, il-konformità tal-lampi prodotti bil-massa għandha tiġi kkontestata u l-manifattur jintalab iġib il-produzzjoni tiegħu b’mod li tissodisfa r-rekwiżiti (allinjament) jekk id-devjazzjonijiet tal-valuri mkejla tal-lampi huma:

2.2.1.1.

kampjun A

A3:	lampa waħda mhux aktar minn	20 fil-mija
	lampa waħda aktar minn	20 fil-mija
	iżda mhux aktar minn	30 fil-mija

2.2.1.2.

kampjun B

B2:	fil-każ ta’ A2
	lampa waħda aktar minn	0 fil-mija
	iżda mhux aktar minn	20 fil-mija
	lampa waħda mhux aktar minn	20 fil-mija
B3:	fil-każ ta’ A2
	lampa waħda	0 fil-mija
	lampa waħda aktar minn	20 fil-mija
	iżda mhux aktar minn	30 fil-mija

2.2.2.

jew, jekk il-kundizzjonijiet tal-paragrafu 1.2.2. għall-kampjun A mhumiex sodisfatti.

2.3. Approvazzjoni revokata

Il-konformità għandha tkun ikkontestata u jkun applikat il-paragrafu 13 jekk, skont il-proċedura ta’ teħid ta’ kampjuni fil-Figura 1 ta’ dan l-Anness, id-devjazzjonijiet tal-valuri mkejla tal-lampi huma:

2.3.1.

kampjun A

A4:	lampa waħda mhux aktar minn	20 fil-mija
A4:	lampa waħda aktar minn	30 fil-mija
A5:	żewġ lampi aktar minn	20 fil-mija

2.3.2.

kampjun B

B4:	fil-każ ta’ A2
	lampa waħda aktar minn	0 fil-mija
	iżda mhux aktar minn	20 fil-mija
	lampa waħda aktar minn	20 fil-mija
B5:	fil-każ ta’ A2
B5:	żewġ lampi aktar minn	20 fil-mija
B6:	fil-każ ta’ A2
	lampa waħda	0 fil-mija
	lampa waħda aktar minn	30 fil-mija

2.3.3.

jew, jekk il-kundizzjonijiet tal-paragrafu 1.2.2 għall-kampjun A u B mhumiex sodisfatti.

3. TEĦID TA’ KAMPJUNI RIPETUT

Fil-każ ta’ A3, B2, B3 jeħtieġ teħid ripetut ta’ kampjuni, it-tielet kampjun C ta’ żewġ lampi u r-raba’ kampjun D ta’ żewġ lampi, magħżula mill-istokk immanifatturat wara l-allinjament fi żmien xahrejn wara n-notifika.

3.1. Il-konformità ma tkunx ikkontestata

3.1.1.

Skont il-proċedura tat-teħid tal-kampjuni li tidher fil-Figura 1 ta’ dan l-anness, il-konformità tal-lampi prodotti bil-massa ma għandhiex tiġi kkontestata jekk id-devjazzjonijiet tal-valuri mkejla tal-lampi huma:

3.1.1.1.

kampjun C

C1:	lampa waħda	0 fil-mija
C1:	lampa waħda mhux aktar minn	20 fil-mija
C2:	żewġ lampi aktar minn	0 fil-mija
	iżda mhux aktar minn	20 fil-mija
	mur għall-kampjun D

3.1.1.2.

kampjun D

D1:	fil-każ ta’ C2
D1:	żewġ lampi	0 fil-mija

3.1.2.

jew, jekk il-kundizzjonijiet tal-paragrafu 1.2.2. għall-kampjun C jiġu sodisfatti.

3.2. Il-konformità tkun ikkontestata

3.2.1.

3.2.1.1.

kampjun D

D2:	fil-każ ta’ C2
	lampa waħda aktar minn	0 fil-mija
	iżda mhux aktar minn	20 fil-mija
	lampa waħda mhux aktar minn	20 fil-mija

3.2.1.2.

jew, jekk il-kundizzjonijiet tal-paragrafu 1.2.2 għall-kampjun C mhumiex sodisfatti.

3.3. Approvazzjoni revokata

3.3.1.

kampjun C

C3:	lampa waħda mhux aktar minn	20 fil-mija
C3:	lampa waħda aktar minn	20 fil-mija
C4:	żewġ lampi aktar minn	20 fil-mija

3.3.2.

kampjun D

D3:	fil-każ ta’ C2
	lampa waħda 0 jew aktar minn	0 fil-mija
	lampa waħda aktar minn	20 fil-mija

3.3.3.

jew, jekk il-kundizzjonijiet tal-paragrafu 1.2.2 għall-kampjuni C u D mhumiex sodisfatti.

Figura 1

Top

Choose the experimental features you want to try