This document is an excerpt from the EUR-Lex website
Document 32009R0880
Council Regulation (EC) No 880/2009 of 7 September 2009 concerning the implementation of the Agreement in the form of an Exchange of Letters between the European Community and Brazil pursuant to Article XXIV:6 and Article XXVIII of the General Agreement on Tariffs and Trade (GATT) 1994 relating to the modification of concessions in the schedules of the Republic of Bulgaria and Romania in the course of their accession to the European Union, amending and supplementing Annex I to Regulation (EEC) No 2658/87 on the tariff and statistical nomenclature and on the Common Customs Tariff
Regolament tal-Kunsill (KE) Nru 880/2009 tas- 7 ta’ Settembru 2009 dwar l-implimentazzjoni tal-Ftehim fil-forma ta’ Skambju ta’ Ittri bejn il-Komunità Ewropea u l-Brażil skont l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 relattivament għall-modifika ta’ konċessjonijiet fl-iskedi tar-Repubblika tal-Bulgarija u r-Rumanija matul l-adeżjoni tagħhom mal-Unjoni Ewropea, li jemenda u jissupplimenta l-Anness I tar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
Regolament tal-Kunsill (KE) Nru 880/2009 tas- 7 ta’ Settembru 2009 dwar l-implimentazzjoni tal-Ftehim fil-forma ta’ Skambju ta’ Ittri bejn il-Komunità Ewropea u l-Brażil skont l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 relattivament għall-modifika ta’ konċessjonijiet fl-iskedi tar-Repubblika tal-Bulgarija u r-Rumanija matul l-adeżjoni tagħhom mal-Unjoni Ewropea, li jemenda u jissupplimenta l-Anness I tar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
ĠU L 254, 26.9.2009, p. 1–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
26.9.2009 |
MT |
Il-Ġurnal Uffiċjali tal-Unjoni Ewropea |
L 254/1 |
REGOLAMENT TAL-KUNSILL (KE) Nru 880/2009
tas-7 ta’ Settembru 2009
dwar l-implimentazzjoni tal-Ftehim fil-forma ta’ Skambju ta’ Ittri bejn il-Komunità Ewropea u l-Brażil skont l-Artikolu XXIV:6 u l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994 relattivament għall-modifika ta’ konċessjonijiet fl-iskedi tar-Repubblika tal-Bulgarija u r-Rumanija matul l-adeżjoni tagħhom mal-Unjoni Ewropea, li jemenda u jissupplimenta l-Anness I tar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni
IL-KUNSILL TAL-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 133 tiegħu,
Wara li kkunsidra l-proposta mill-Kummissjoni,
Billi:
(1) |
Ir-Regolament tal-Kunsill (KEE) Nru 2658/87 (1) stabbilixxa nomenklatura għall-merkanzija, minn hawn ‘il quddiem “in-Nomenklatura Magħquda”, u stipula r-rati konvenzjonali tad-dazju tat-Tariffa Doganali Komuni. |
(2) |
Bid-Deċiżjoni tiegħu 2009/718/KE tas-7 ta’ Settembru 2009 (2) dwar il-konklużjoni ta’ Ftehim fil-forma ta’ Skambju ta’ Ittri bejn il-Komunità Ewropea u l-Brażil, il-Kunsill approva, f’isem il-Komunità, il-Ftehim imsemmi hawn fuq bil-ħsieb li jingħalqu n-negozjati mibdija skont l-Artikolu XXIV:6 tal-GATT 1994. |
(3) |
Skont l-Artikolu 153(3) tar-Regolament tal-Kunsill (KE) Nru 1234/2007 tat-22 Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (3), raffinaturi full-time fil-Komunità għandhom aċċess privileġġat għaz-zokkor għar-raffinar matul l-ewwel 3 xhur tas-sena kummerċjali 2009/2010, jiġifieri mill-1 ta’ Ottubru sal-31 ta’ Diċembru 2009. F’każ li dan ir-Regolament għandu japplika minn data wara l-1 ta’ Ottubru 2009 u sabiex tiġi garantita l-prijorità mogħtija lil raffinaturi full-time għas-sena kummerċjali 2009/2010, il-bidu tal-perijodu ta’ tliet xhur għandu jkun pospost sal-ewwel jum ta’ applikazzjoni ta’ dan ir-Regolament. |
(4) |
Ir-Regolament (KEE) Nru 2658/87 għandu għalhekk jiġi emendat u supplimentat kif meħtieġ, |
ADOTTA DAN IR-REGOLAMENT:
Artikolu 1
Fir-Regolament (KEE) Nru 2658/87, l-Anness 7 intitolat “Kwoti tariffarji tad-WTO li jridu jinfetħu mill-awtoritajiet kompetenti tal-Komunità”, tat-Taqsima III tal-Parti Tlieta tal-Anness I, il-kwoti bin-Numri ta’ Ordni 10, 14, 28, 31, 101 u 103 għandhom jiġu ssostitwiti bl-istess Numri ta’ Ordni li jidhru fl-Anness ma’ dan ir-Regolament.
Artikolu 2
B’deroga mill-Artikolu 153(3) tar-Regolament tal-Kunsill (KE) Nru 1234/2007, għall-kwoti bin-Numri ta’ Ordni 101 u 103 kif stabbilit fl-Anness ma’ dan ir-Regolament, il-perijodu ta’ tliet xhur għas-sena kummerċjali 2009/2010 għandu jibda mill-1 ta’ Ottubru 2009, jew mill-ewwel jum tal-applikazzjoni ta’ dan ir-Regolament, skont liema data tiġi wara l-oħra.
Artikolu 3
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu japplika mill-1 ta’ Ottubru 2009.
Madankollu, jekk l-ittra ffirmata mill-Brażil msemmija fil-Ftehim fil-forma ta’ Skambju ta’ Ittri approvat bid-Deċiżjoni 2009/718/KE ma tiġix riċevuta qabel dik id-data, il-Kummissjoni għandha tippubblika avviż fis-serje C ta’Il-Ġurnal Uffiċjali tal-Unjoni Ewropea għal dak il-għan. F’dak il-każ, dan ir-Regolament għandu japplika mill-jum wara dak tal-pubblikazzjoni f’Il-Ġurnal Uffiċjali tal-Unjoni Ewropea tar-regoli dettaljati li jridu jiġu adottati mill-Kummissjoni għall-implimentazzjoni tal-kwoti ta’ tariffi msemmija fl-Artikolu 1 ta’ dan ir-Regolament skont l-Artikolu 2 tad-Deċiżjoni 2009/718/KE.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Settembru 2009.
Għall-Kunsill
Il-President
E. ERLANDSSON
(2) Ara paġna 104 ta' dan il-Ġurnal Uffiċjali.
(3) ĠU L 299, 16.11.2007, p. 1.
ANNESS
Minkejja r-regoli għall-interpretazzjoni tan-Nomenklatura Magħquda, it-test għad-deskrizzjoni tal-prodotti għandu jiġi kkunsidrat bħala li m’għandux iktar minn valur indikattiv, u l-konċessjonijiet għandhom jiġu ddeterminati, fi ħdan il-kuntest ta’ dan l-Anness, permezz tal-kopertura tal-kodiċi NM kif jeżistu fil-ħin tal-adozzjoni tar-Regolament preżenti. Fejn jiġu indikati l-kodiċijiet ex NM, il-konċessjonijiet għandhom ikunu ddeterminati mill-applikazzjoni tal-kodiċi NM u d-deskrizzjoni korrispondenti meħuda flimkien.
Fir-Regolament (KEE) Nru 2658/87 l-Anness 7 intitolat “Kwoti tariffarji tad-WTO li jridu jinfetħu mill-awtoritajiet kompetenti tal-Komunità”, tat-Taqsima III tal-Parti Tlieta tal-Anness I, il-kwoti bin-Numri ta’ Ordni 10, 14, 28, 31, 103 u 101 huma ssostitwiti b’dan li ġej:
“Nru ta’ Ordni |
Kodiċi NM |
Deskrizzjoni |
Kwantità tal-kwota |
Rata ta’ dazju (%) |
Termini u kundizzjonijiet oħrajn |
||||||||||||
1 |
2 |
3 |
4 |
5 |
6 |
||||||||||||
10 |
0201 30 00 , 0202 30 90 , 0206 10 95 , 0206 29 91 |
Laħam mingħajr għadam ta’ kwalità għolja ta’ bhejjem tal-ifrat, frisk, imkessaħ jew iffriżat, li joqgħod għal din it-tifsira: ‘Qatgħat magħżulin minn għoġġiela jew erieħ li kielu biss ħaxix tal-mergħat minn mindu waqfu jerdgħu. Il-karkassi għandhom jiġu kklassifikati bħala ‘B’ b’kisja tax-xaħam bin-numri ‘2’ jew ‘3’, skont il-klassifikazzjoni uffiċjali tal-karkassi taċ-ċanga stabbilita mill-Ministeru għall-Agrikoltura, il-Bhejjem u l-Provvista fil-Brażil (Ministério da Agricultura, Pecuaria e Abastecimento)’ |
10 000 t |
20 |
Pajjiż fornitur: Il-Brażil |
||||||||||||
14 |
0202 20 30 0202 30 10 0202 30 50 0202 30 90 0206 29 91 |
Kwarti ta’ quddiem ta’ bhejjem tal-ifrat mhux mifrudin jew mifrudin, iffriżati Kwarti ta’ quddiem, sħaħ jew maqsumin f’massimu ta’ ħames biċċiet, kull kwart jinsab fi blokk wieħed: kwarti “kumpensanti” f’żewġ blokki, li wieħed minnhom fih il-kwart ta’ quddiem, sħaħ jew maqsumin f’massimu ta’ ħames biċċiet, u l-oħra, il-kwart ta’ wara, ħlief il-flett, f’biċċa waħda “Crop”, qatgħat ta’ spalla u skapula u sidra Oħrajn Falda ħoxna u falda rqiqa, iffriżata |
63 703 t (għadam bħala piż) |
20 (*) 20 + 994,5 EUR/1 000 kg/net (**) 20 (*) 20 + 1 554,3 EUR/1 000 kg/net (**) 20 (*) 20 + 1 554,3 EUR/1 000 kg/net (**) 20 (*) 20 + 2 138,4 EUR/1 000 kg/net (**) 20 (*) 20 + 2 138,4 EUR/1 000 kg/net (**) |
Il-laħam importat għandu jkun użat għall-ipproċessar Il-kwantità tista’ skont id-dispożizzjonijiet Komunitarji tkun ikkonvertita fi kwantità ekwivalenti ta’ laħam ta’ kwalità għolja |
||||||||||||
28 |
0207 14 10 0207 14 50 0207 14 70 |
Qatgħat ta’ tjur tal-ispeċi Gallus domesticus, iffriżati:
|
18 000 t |
0 |
Allokata lill-pajjiżi fornituri kif ġej:
|
||||||||||||
31 |
0207 27 10 0207 27 20 0207 27 80 |
Qatgħat tad-dundjan, iffriżati
|
7 485 t |
0 |
Allokata lill-pajjiżi fornituri kif ġej:
|
||||||||||||
103 |
1701 11 10 |
Zokkor tal-kannamieli mhux raffinat, għall-irfinar |
310 124 t |
9,8 EUR/100 kg/net (***) |
Allokata lill-Brażil |
||||||||||||
101 |
1701 11 10 |
Zokkor tal-kannamieli mhux raffinat, għall-irfinar |
336 876 t |
9,8 EUR/100 kg/net (*) |
Ara wkoll in-Nota 2 addizzjonali mal-Kapitolu 17” |
(*) Meta l-laħam intiż għall-manifattura tal-ikel ippreservat li ma jkunx fih komponenti karatteristiċi apparti milli miċ-ċanga u l-ġelatina;
(**) Meta l-laħam intiż għall-manifattura ta’ prodotti ħlief għall-ikel ippreservat imsemmi hawn fuq
(***) Din ir-rata tapplika għal zokkor mhux raffinat bi produzzjoni ta’ 92 %
(*) Din ir-rata tapplika għal zokkor mhux raffinat bi produzzjoni ta’ 92 %