EUR-Lex Access to European Union law
This document is an excerpt from the EUR-Lex website
Document 32009D0710
2009/710/EC: Council Decision of 14 September 2009 amending Decision 1999/70/EC concerning the external auditors of the national central banks, as regards the external auditors of the Národná banka Slovenska
2009/710/KE: Deċiżjoni tal-Kunsill tal- 14 ta’ Settembru 2009 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni ta’ Národná banka Slovenska
2009/710/KE: Deċiżjoni tal-Kunsill tal- 14 ta’ Settembru 2009 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni ta’ Národná banka Slovenska
ĠU L 247, 19.9.2009, p. 10–11
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
19.9.2009 |
MT |
Il-Ġurnal Uffiċjali tal-Unjoni Ewropea |
L 247/10 |
DEĊIŻJONI TAL-KUNSILL
tal-14 ta’ Settembru 2009
li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni ta’ Národná banka Slovenska
(2009/710/KE)
IL-KUNSILL TAL-UNJONI EWROPEA,
Wara li kkunsidra l-Protokoll dwar l-Istatut tas-Sistema Ewropea tal-Banek Ċentrali u tal-Bank Ċentrali Ewropew anness mat-Trattat li jistabbilixxi l-Komunità Ewropea, u b’mod partikolari l-Artikolu 27.1 tiegħu,
Wara li kkunsidra r-Rakkomandazzjoni BĊE/2009/14 tal-Bank Ċentrali Ewropew tal-25 ta’ Ġunju 2009 lill-Kunsill tal-Unjoni Ewropea dwar l-awdituri esterni ta’ Národná banka Slovenska (1),
Billi:
(1) |
Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Eurosistema għandhom jiġu vverifikati minn awdituri esterni indipendenti maħtura fuq rakkomandazzjoni tal-Kunsill Governattiv tal-BĊE u approvati mill-Kunsill tal-Unjoni Ewropea. |
(2) |
Skont l-Artikolu 1 tad-Deċiżjoni tal-Kunsill 2008/608/KE tat-8 ta’ Lulju 2008 skont l-Artikolu 122(2) tat-Trattat dwar l-adozzjoni mis-Slovakkja tal-munita unika fl-1 ta’ Jannar 2009 (2), is-Slovakkja adottat il-munita unika fl-1 ta’ Jannar 2009. |
(3) |
Skont l-Artikolu 38 tal-Liġi dwar Národná banka Slovenska, mill-1 ta’ Jannar 2009 r-rapporti finanzjarji annwali ta’ Národná banka Slovenska għandhom ikunu verifikati f’konformità mal-Artikolu 27 tal-Istatut tas-Sistema Ewropea ta’ Banek Ċentrali u tal-Bank Ċentrali Ewropew. |
(4) |
Il-Kunsill Governattiv tal-BĊE rrakkomanda li l-Kunsill japprova lil Deloitte Audit s.r.o. bħala l-awdituri esterni ta’ Národná banka Slovenska għas-sena finanzjarja 2009. |
(5) |
Huwa xieraq li tiġi segwita r-rakkomandazzjoni tal-Kunsill Governattiv tal-BĊE u li tiġi emendata d-Deċiżjoni 1999/70/KE (3) kif meħtieġ, |
IDDEĊIEDA KIF ĠEJ:
Artikolu 1
Il-paragrafu li ġej għandu jiżdied mal-Artikolu 1 tad-Deċiżjoni 1999/70/KE:
“16. Deloitte Audit s.r.o. huma b’ dan approvati bħala l-awdituri esterni ta’ Národná banka Slovenska għas-sena finanzjarja 2009.”
Artikolu 2
Din id-Deċiżjoni għandha tiġi notifikata lill-BĊE.
Artikolu 3
Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.
Magħmul fi Brussell, l-14 ta’ Settembru 2009.
Għall-Kunsill
Il-President
C. MALMSTRÖM
(2) ĠU L 195, 24.7.2008, p. 24.
(3) ĠU L 22, 29.1.1999, p. 69.