This document is an excerpt from the EUR-Lex website
Document 22009D0075
Decision of the EEA Joint Committee No 75/2009 of 29 May 2009 amending Protocol 31 to the EEA Agreement, on cooperation in specific fields outside the four freedoms
Deċiżjoni tal-Kumitat Konġunt taż-ŻEE Nru 75/2009 tad- 29 ta’ Mejju 2009 li temenda l-Protokoll 31 għall-Ftehim ŻEE dwar il-koperazzjoni f'oqsma speċifiċi lil hinn mill-erba' libertajiet
Deċiżjoni tal-Kumitat Konġunt taż-ŻEE Nru 75/2009 tad- 29 ta’ Mejju 2009 li temenda l-Protokoll 31 għall-Ftehim ŻEE dwar il-koperazzjoni f'oqsma speċifiċi lil hinn mill-erba' libertajiet
ĠU L 232, 3.9.2009, p. 39–39
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
3.9.2009 |
MT |
Il-Ġurnal Uffiċjali tal-Unjoni Ewropea |
L 232/39 |
DEĊIŻJONI TAL-KUMITAT KONĠUNT TAŻ-ŻEE
Nru 75/2009
tad-29 ta’ Mejju 2009
li temenda l-Protokoll 31 għall-Ftehim ŻEE dwar il-koperazzjoni f'oqsma speċifiċi lil hinn mill-erba' libertajiet
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat mill-Protokoll li jaġġusta l-Ftehim taż-Żona Ekonomika Ewropea, minn hawn ’il quddiem imsejjaħ “il-Ftehim”, u b'mod partikolari l-Artikoli 86 u 98 tiegħu,
Billi:
(1) |
Il-Protokoll 31, dwar il-koperazzjoni f'oqsma speċifiċi barra l-erba' libertajiet, għall-Ftehim kien emendat bid-Deċiżjoni tal-Kumitat Konġunt taż-ŻEE Nru 73/2006 tat-2 ta’ Ġunju 2006 (1). |
(2) |
Huwa xieraq li l-koperazzjoni tal-Partijiet Kontraenti tal-Ftehim tiġi estiża sabiex tinkludi d-Deċiżjoni Nru 1351/2008/KE tal-Parlament Ewropew u tal-Kunsill tas-16 ta' Diċembru 2008 li tistabbilixxi programm Komunitarju pluriennali dwar il-ħarsien tat-tfal li jużaw l-Internet u t-teknoloġiji l-oħrajn tal-komunikazzjoni (2). |
(3) |
Il-Protokoll 31 għall-Ftehim għandu għalhekk ikun emendat sabiex jippermetti li din il-koperazzjoni estiża sseħħ mill-1 ta' Jannar 2009 ’il quddiem, |
IDDEĊIEDA DAN LI ĠEJ:
Artikolu 1
L-inċiż li ġej għandu jiżdied fl-Artikolu 2(5) tal-Protokoll 31, dwar il-koperazzjoni f'oqsma speċifiċi barra l-erba' libertajiet, għall-Ftehim:
“— |
32008 D 1351: Deċiżjoni Nru 1351/2008/KE tal-Parlament Ewropew u tal-Kunsill tas- 16 ta’ Diċembru 2008 li tistabbilixxi programm Komunitarju pluriennali dwar il-ħarsien tat-tfal li jużaw l-Internet u t-teknoloġiji l-oħrajn tal-komunikazzjoni (ĠU L 348, 24.12.2008, p. 118).” |
Artikolu 2
Din id-Deċiżjoni għandha tidħol fis-seħħ fil-jum wara l-aħħar notifika lill-Kumitat Konġunt taż-ŻEE taħt l-Artikolu 103(1) tal-Ftehim (*).
Għandha tapplika mill-1 ta' Jannar 2009.
Artikolu 3
Din id-Deċiżjoni għandha tiġi ppublikata fis-Sezzjoni taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.
Magħmul fi Brussell, id-29 ta’ Mejju 2009.
Għall-Kumitat Konġunt taż-ŻEE
Il-President
Alan SEATTER
(1) ĠU L 245, 7.9.2006, p. 44.
(2) ĠU L 348, 24.12.2008, p. 118.
(*) Ma huma indikati l-ebda ħtiġijiet kostituzzjonali.