Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 22009D0062

    Deċiżjoni tal-Kumitat Konġunt taż-ŻEE Nru 62/2009 tad- 29 ta’ Mejju 2009 li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim taż-ŻEE

    ĠU L 232, 3.9.2009, p. 18–18 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document In force

    ELI: http://data.europa.eu/eli/dec/2009/62(2)/oj

    3.9.2009   

    MT

    Il-Ġurnal Uffiċjali tal-Unjoni Ewropea

    L 232/18

    DEĊIŻJONI TAL-KUMITAT KONĠUNT TAŻ-ŻEE

    Nru 62/2009

    tad-29 ta’ Mejju 2009

    li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim taż-ŻEE

    IL-KUMITAT KONĠUNT TAŻ-ŻEE,

    Wara li kkunsidra l-Ftehim dwar iż-Żona Ekonomika Ewropea, kif emendat mill-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ ‘il-Ftehim’, u b'mod partikolari l-Artikolu 98 tiegħu,

    Billi:

    (1)

    L-Anness II tal-Ftehim kien emendat bid-Deċiżjoni tal-Kumitat Konġunt taż-ŻEE Nru 6/2009 tal-5 ta' Frar 2009 (1).

    (2)

    Id-Direttiva tal-Kummissjoni 2005/28/KE tat-8 ta' April 2005 li tistabbilixxi l-prinċipji u l-linji gwida dettaljati għall-prattika klinika tajba dwar prodotti mediċinali ta’ stħarriġ li jintużaw mill-bniedem, kif ukoll il-kriterji għall-awtorizzazzjoni għall-manifattura jew l-importazzjoni ta’ dawn il-prodotti (2) għandu jiġi inkorporat fil-Ftehim.

    (3)

    Ir-Regolament tal-Kummissjoni (KE) Nru 1277/2005 tas- 27 ta' Lulju 2005 li jistabbilixxi r-regoli li jimplimentaw ir-Regolament (KE) Nru. 273/2004 tal-Parlament Ewropew u tal-Kunsill dwar sustanzi prekursuri tad-droga u r-Regolament tal-Kunsill (KE) Nru 111/2005 li jfassal ir-regoli għas-sorveljanza tal-kummerċ bejn il-Komunità u pajjiżi terzi tas-sustanzi prekursuri tad-droga (3) għandu jiġi inkorporat fil-Ftehim.

    (4)

    Ir-Regolament tal-Kunsill (KE) Nru 1905/2005 tal-14 ta' Novembru 2005 li jemenda r-Regolament (KE) Nru 297/95 dwar ħlasijiet li għandhom jitħallsu lill-Aġenzija Ewropea tal-Mediċinali (4) għandu jiġi inkorporat fil-Ftehim.

    IDDEĊIEDA DAN LI ĠEJ:

    Artikolu 1

    Kapitolu XIII tal-Anness II għall-Ftehim għandu jiġi emendat kif ġej:

    1.

    L-inċiż li ġej għandu jiġi miżjud fil-punt 15h (ir-Regolament tal-Kunsill (KE) Nru 297/95):

    “—

    32005 R 1905: ir-Regolament tal-Kunsill (KE) Nru 1905/2005 tal-14 ta’ Novembru 2005 (ĠU L 304, 23.11.2005, p. 1).”

    2.

    Dan li ġej għandu jiddaħħal wara l-punt 15zd (Ir-Regolament tal-Kummissjoni (KE) Nru 507/2006):

    “15ze.

    32005 R 1277: Regolament tal-Kummissjoni (KE) Nru 1277/2005 tas-27 ta' Lulju 2005 li jistabbilixxi r-regoli li jimplimentaw għar-Regolament (KE) Nru. 273/2004 tal-Parlament Ewropew u tal-Kunsill dwar sustanzi prekursuri tad-droga u għar-Regolament tal-Kunsill (KE) Nru 111/2005 li jfassal ir-regoli għas-sorveljanza tal-kummerċ bejn il-Komunità u pajjiżi terzi tas-sustanzi prekursuri tad-droga (ĠU L 202, 3.8.2005, p. 7).

    Id-dispożizzjonijiet tar-Regolament għandhom, għall-iskop ta' dan il-ftehim, jinqraw bl-addattament li ġej:

    Ir-Regolament għandu japplika biss għall-Istati taż-ŻEE tal-EFTA fir-rigward tar-Regolament (KE) Nru 273/2004.

    15zf.

    32005 L 0028: Id-Direttiva tal-Kummissjoni 2005/28/KE tat-8 ta’ April 2005 li tistabbilixxi l-prinċipji u l-linji ta’ gwida dettaljati dwar il-prattika klinika tajba rigward il-mediċini sperimentali għall-użu tal-bniedem, kif ukoll l-eżiġenzi għall-għoti ta’ awtorizzazzjoni għall-produzzjoni u l-importazzjoni ta’ dawn il-mediċini (ĠU L 91, 9.4.2005, p. 13).”

    Artikolu 2

    It-testi tar-Regolamenti (KE) Nru 1277/2005 u 1905/2005 u d-Direttiva 2005/28/KE, fil-lingwa Iżlandiża u dik Norveġiża, li għandhom ikunu ppubblikati fis-Suppliment taż-ŻEE mal-Ġurnal Uffiċjali tal-Unjoni Ewropea, għandhom ikunu awtentiċi.

    Artikolu 3

    Din id-Deċiżjoni għandha tidħol fis-seħħ nhar it-30 ta' Mejju 2009, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE (*).

    Artikolu 4

    Din id-Deċiżjoni għandha tiġi ppubblikata fis-Sezzjoni taż-ŻEE u fis-Suppliment taż-ŻEE ta’ Il-Ġurnal Uffiċjali tal-Unjoni Ewropea.

    Magħmul fi Brussell, id-29 ta’ Mejju 2009.

    Għall-Kumitat Konġunt taż-ŻEE

    Il-President

    Alan SEATTER

    (1)  ĠU L 73, 19.3.2009, p. 39.

    (2)  ĠU L 91, 9.4.2005, p. 13.

    (3)  ĠU L 202, 3.8.2005, p. 7.

    (4)  ĠU L 304, 23.11.2005, p. 1.

    (*)  Ir-rekwiżiti kostituzzjonali huma indikati.

    Top