This document is an excerpt from the EUR-Lex website
Document 32009D0170
2009/170/EC,Euratom: Decision of the Council of 16 February 2009 amending the Rules of Procedure of the Court of First Instance of the European Communities as regards the language arrangements applicable to appeals against decisions of the European Union Civil Service Tribunal
2009/170/KE,Euratom: Deċiżjoni tal-Kunsill tas- 16 ta’ Frar 2009 li temenda r-Regoli ta’ Proċedura tal-Qorti tal-Prim′Istanza tal-Komunitajiet Ewropej fir-rigward tas-sistema lingwistika applikabbli għall-appelli kontra d-deċiżjonijiet tat-Tribunal għas-Servizz Pubbliku tal-Unjoni Ewropea
2009/170/KE,Euratom: Deċiżjoni tal-Kunsill tas- 16 ta’ Frar 2009 li temenda r-Regoli ta’ Proċedura tal-Qorti tal-Prim′Istanza tal-Komunitajiet Ewropej fir-rigward tas-sistema lingwistika applikabbli għall-appelli kontra d-deċiżjonijiet tat-Tribunal għas-Servizz Pubbliku tal-Unjoni Ewropea
ĠU L 60, 4.3.2009, p. 3–4
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 01/07/2015; Impliċitament imħassar minn 32015Q0423(01)
|
4.3.2009 |
MT |
Il-Ġurnal Uffiċjali tal-Unjoni Ewropea |
L 60/3 |
DEĊIŻJONI TAL-KUNSILL
tas-16 ta’ Frar 2009
li temenda r-Regoli ta’ Proċedura tal-Qorti tal-Prim′Istanza tal-Komunitajiet Ewropej fir-rigward tas-sistema lingwistika applikabbli għall-appelli kontra d-deċiżjonijiet tat-Tribunal għas-Servizz Pubbliku tal-Unjoni Ewropea
(2009/170/KE, Euratom)
IL-KUNSILL TAL-UNJONI EWROPEA,
Wara li kkunsidra l-Artikolu 64 tal-Protokoll dwar l-Istatut tal-Qorti tal-Ġustizzja,
Konformement mal-proċedura prevista fl-Artikolu 245, it-tieni paragrafu, tat-Trattat li jistabbilixxi l-Komunità Ewropea u fl-Artikolu 160, it-tieni paragrafu, tat-Trattat li jistabbilixxi l-Komunità Ewropea għall-Enerġija Atomika,
Wara li kkunsidra t-talba tal-Qorti tal-Ġustizzja tal-24 ta’ Settembru 2008,
Wara li kkunsidra l-opinjoni tal-Parlament Ewropew tat-13 ta’ Jannar 2009,
Wara li kkunsidra l-opinjoni tal-Kummissjoni tat-18 ta’ Novembru 2008,
Billi fir-Regoli tal-Proċedura tal-Qorti tal-Prim′Istanza għandha tiġi speċifikata l-lingwa tal-kawża fil-każ ta’ appell minn deċiżjoni tat-Tribunal għas-Servizz Pubbliku, kif previst fl-Artikoli 9 u 10 tal-Anness għall-Protokoll dwar l-Istatut tal-Qorti tal-Ġustizzja,
IDDEĊIEDA KIF ĠEJ:
Artikolu 1
Ir-Regoli tal-Proċedura tal-Qorti tal-Prim′Istanza tal-Komunitajiet Ewropej tat-2 ta’ Mejju 1991 (ĠU L 136, 30.05.1991, p. 1, b'rettifika fil-ĠU L 317, 19.11.1991, p. 34), kif emendati fil-15 ta’ Settembru 1994 (ĠU L 249, 24.09.1994, p. 17), fis-17 ta’ Frar 1995 (ĠU L 44, 28.02.1995, p. 64), fis-6 ta’ Lulju 1995 (ĠU L 172, 22.07.1995, p. 3), fit-12 ta’ Marzu 1997 (ĠU L 103, 19.04.1997, p. 6, b'rettifika fil-ĠU L 351, 23.12.1997, p. 72), fis-17 ta’ Mejju 1999 (ĠU L 135, 29.05.1999, p. 92), fis-6 ta’ Diċembru 2000 (ĠU L 322, 19.12.2000, p. 4), fil-21 ta’ Mejju 2003 (ĠU L 147, 14.06.2003, p. 22), fid-19 ta’ April 2004 (ĠU L 132, 29.04.2004, p. 3), fil-21 ta’ April 2004 (ĠU L 127, 29.04.2004, p. 108), fit-12 ta’ Ottubru 2005 (ĠU L 298, 15.11.2005, p. 1), fit-18 ta’ Diċembru 2006 (ĠU L 386, 29.12.2006, p. 45) u fit-12 ta’ Ġunju 2008 (ĠU L 179, 08.07.2008, p. 12) qed jiġu emendati kif ġej:
Fit-“TITOLU 5: APPELLI KONTRA D-DEĊIŻJONIJIET TAT-TRIBUNAL GĦAS-SERVIZZ PUBBLIKU TAL-UNJONI EWROPEA”, qabel l-Artikolu 137, għandu jiddaħħal l-Artikolu 136a, li jaqra kif ġej:
“Artikolu 136a
Bla ħsara għad-dispożizzjonijiet tal-Artikolu 35(2)(b) u (c) u tar-raba’ subparagrafu tal-Artikolu 35(3) ta’ dawn ir-Regoli, fil-każ ta’ appell mid-deċiżjonijiet tat-Tribunal għas-Servizz Pubbliku taħt l-Artikoli 9 u 10 tal-Anness mal-Istatut tal-Qorti tal-Ġustizzja, il-lingwa tal-kawża għandha tkun dik tad-deċiżjoni tat-Tribunal għas-Servizz Pubbliku li tkun qiegħda tiġi appellata.”
Artikolu 2
Din id-Deċiżjoni għandha tidħol fis-seħħ fl-ewwel jum tat-tieni xahar wara l-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmula fi Brussell, 16 ta’ Frar 2009.
Għall-Kunsill
Il-President
O. LIŠKA