14.2.2009   

MT

Il-Ġurnal Uffiċjali tal-Unjoni Ewropea

L 44/5

(1)

L-Artikolu 10(1)(e) tar-Regolament (KE) Nru 1234/2007 jipprovdi għall-intervent pubbliku tal-butir.

(2)

Ir-Regolament tal-Kummissjoni (KE) Nru 105/2008 (2) stabbilixxa r-regoli dettaljati rigward l-intervent pubbliku tal-butir.

(3)

L-Artikolu 13(1)(c) b'rabta mal-Artikolu 18(2)(d) tar-Regolament (KE) Nru 1234/2007 jillimita l-intervent pubbliku tal-butir bi prezz fiss għal kwantità offruta ta’ 30 000 tunnellata għall-perjodu mill-1 ta’ Marzu sal-31 ta’ Awwissu.

(4)

Sabiex wieħed jikkonforma mal-limitu ta’ 30 000 tunnellata, huwa xieraq li jiġi pprovdut perjodu ta’ riflessjoni li matulu, qabel ma tittieħed deċiżjoni dwar l-offerti, ikunu jistgħu jittieħdu miżuri speċjali li japplikaw b’mod partikolari għall-offerti pendenti. Dawk il-miżuri jistgħu jikkonsistu fl-għeluq tal-intervent, l-applikazzjoni ta’ perċentwali tal-allokazzjoni u ċ-ċaħda tal-offerti pendenti. Huma jeħtieġu azzjoni minnufih u l-Kummissjoni għandha tkun tista’ tieħu l-miżuri neċessarji kollha mingħajr dewmien.

(5)

Ir-Regolament (KE) Nru 105/2008 għandu jiġi emendat skont dan.

(6)

Il-miżuri pprovduti f'dan ir-Regolament huma skont l-opinjoni tal-Kumitat tal-Ġestjoni tal-Organizzazzjoni Komuni tas-Swieq Agrikoli,

(1)

L-Artikolu 6 għandu jinbidel b’dan li ġej:

“Artikolu 6

Ix-xiri tal-butir b’90 % tal-prezz ta’ referenza skont l-Artikolu 18(1)(b) tar-Regolament (KE) Nru 1234/2007 għandu jsir skont id-dispożizzjonijiet ta’ din it-Taqsima.”

(2)

Fl-Artikolu 7(5) għandu jiżdied il-paragrafu li jmiss:

“Offerti sottomessi s-Sibt, il-Ħadd u fil-festi pubbliċi għandhom jitqiesu li l-entità kompetenti tkun irċevithom fl-ewwel ġurnata ta’ xogħol wara l-ġurnata li fiha jkunu ġew sottomessi.”

(3)

L-Artikolu 9 għandu jiġi emendat kif ġej:

(4)

L-Artikolu 12 għandu jinbidel b’dan li ġej:

“Artikolu 12

1.   Mhux iktar tard mis-14.00 (ħin ta' Brussell) ta' kull ġurnata ta’ xogħol, l-entità kompetenti għandha tinforma lill-Kummissjoni bil-kwantitajiet ta' butir liema, matul il-ġurnata ta’ xogħol ta' qabel, kienu s-suġġett ta' offerta għall-bejgħ skont l-Artikolu 7.

2.   Sabiex tikkonforma mal-limiti msemmijin fl-Artikolu 13(1)(c) tar-Regolament (KE) Nru 1234/2007, il-Kummissjoni għandha tiddeċiedi, mingħajr assistenza tal-Kumitat imsemmi fl-Artikolu 195(1) tal-istess Regolament:

B’deroga mill-Artikolu 7(6), bejjiegħ li huwa soġġett għal aċċettazzjoni mnaqqsa tal-offerta tiegħu kif imsemmi fil-punt (b) ta’ dan il-paragrafu, jista’ jiddeċiedi li jirtira l-offerta tiegħu fi żmien ħamest ijiem mill-pubblikazzjoni tar-regolament li jiffissa l-perċentwali ta’ tnaqqis.”

(5)

Fl-Artikolu 13, il-paragrafu 1 għandu jinbidel b'dan li ġej:

“1.   Meta l-Kummissjoni tiddeċiedi li, skont il-proċedura msemmija fl-Artikolu 195(2) tar-Regolament (KE) Nru 1234/2007, tibda tixtri butir permezz ta’ proċeduri ta' sejħiet għall-offerti skont l-Artikoli 13(3) u 18(2)(d) ta’ dak ir-Regolament, l-Artikolu 2 u l-Artikolu 3(1)(2)(4)(5) u (6) u l-Artikoli 4, 5, 9, 10 u 11 ta’ dan ir-Regolament għandhom japplikaw sakemm ma jkunx previst mod ieħor f’din it-Taqsima.”

(6)

Fl-Artikolu 16(2), l-ewwel subparagrafu għandu jinbidel b'dan li ġej:

“Fid-dawl tas-sejħiet għall-offerti riċevuti għal kull invit għal sejħa għall-offerti, il-Kummissjoni għandha tiffisa prezz massimu għax-xiri, skont il-proċedura msemmija fl-Artikolu 195(2) tar-Regolament (KE) Nru 1234/2007.”

(7)

Fl-Artikolu 18, għandu jiżdied il-paragrafu li ġej:

“2a.   L-ordnijiet ta’ kunsinna ma għandhomx jinħarġu għal kwantitajiet li ma kinux ġew innotifikati skont l-Artikolu 16(1).”

(8)

Fl-Artikolu 20, il-paragrafu 1 għandu jinbidel b'dan li ġej:

“1.   L-entità kompetenti għandha tagħżel il-maħżen imkessaħ disponibbli l-aktar qrib tal-post fejn jinħażen il-butir.

Madankollu, l-entità kompetenti tista’ tagħżel maħżen ieħor li jinsab f’distanza sa 350 km, sakemm l-għażla ta’ dak il-maħżen imkessaħ ma tirriżultax fi spejjeż addizjonali tal-ħażna.

L-entità kompetenti tista’ tagħżel maħżen imkessaħ li jinsab iktar ’il bogħod minn dik id-distanza jekk in-nefqa li tirriżulta, inkluż l-ispejjeż tal-ħażna u tat-trasport, tkun inqas. F'dak il-każ, l-entità kompetenti għandha tavża minnufih lill-Kummissjoni bl-għażla tagħha.”