14.6.2008   

MT

Il-Ġurnal Uffiċjali ta’ l-Unjoni Ewropea

L 156/24

(1)

Fil-qafas tar-Regolament (KEE) Nru 793/93 is-sustanzi li ġejjin kienu identifikati bħala sustanzi ta’ prijorità li jeħtieġu valutazzjoni skond ir-Regolamenti tal-Kummissjoni (KE) Nru 2268/95 (2) u (KE) Nru 143/97 (3) li jikkonċernaw rispettivament it-tieni u t-tielet lista ta’ sustanzi ta’ prijorità kif previst fir-Regolament (KEE) Nru 793/93

L-Istati Membri rapporteur maħtura skond dawk ir-Regolamenti temmew l-attivitajiet tal-valutazzjoni tar-riskju għall-bniedem u għall-ambjent għal dawk is-sustanzi skond ir-Regolament tal-Kummissjoni (KE) Nru 1488/94 tat-28 ta’ Ġunju 1994 li jistipula l-prinċipji għal studju dwar ir-riskji lill-bniedem u l-ambjent ta’ materjali eżistenti (4) skond ir-Regolament (KEE) Nru 793/93.

(2)

Il-Kumitat Xjentifiku dwar it-Tossiċità, l-Ekotossiċità u l-Ambjent (SCTEE) u l-Kumitat Xjentifiku dwar ir-Riskji għas-Saħħa u l-Ambjent (SCHER) kienu kkonsultati u ħarġu opinjonijiet dwar il-valutazzjonijiet ta’ riskju li saru mir-rapporteurs. L-opinjonijiet ġew ippubblikati fuq il-websajt tal-Kumitati Xjentifiċi.

(3)

Ir-riżultati tal-valutazzjoni tar-riskju u aktar riżultati ta’ l-istrateġiji biex ikunu limitati r-riskji huma stipulati fil-Komunikazzjoni tal-Kummissjoni korrispondenti (5).

(4)

Abbażi ta’ dik il-valutazzjoni, huwa xieraq li jkunu rakkomandati ċerti miżuri għat-tnaqqis tar-riskju għal ċerti sustanzi.

(5)

Il-miżuri għat-tnaqqis tar-riskju rakkomandati għall-ħaddiema għandhom ikunu kkunsidrati fi ħdan il-qafas tal-leġiżlazzjoni għall-protezzjoni tal-ħaddiema, meqjusa li tipprovdi qafas xieraq biex jiġu limitati r-riskji tas-sustanzi rilevanti sa fejn meħtieġ.

(6)

Il-miżuri għat-tnaqqis tar-riskju li għalihom tipprovdi din ir-rakkomandazzjoni huma skond l-opinjoni tal-Kumitat li twaqqaf skond l-Artikolu 15(1) tar-Regolament (KEE) Nru 793/93,

1.

L-emissjonijiet lokali tal-BBP fl-ambjent għandhom, fejn meħtieġ, ikunu kkontrollati minn regoli nazzjonali biex jiżguraw li ma jkun mistenni l-ebda riskju għall-ambjent.

2.

Għall-baċini tax-xmajjar fejn l-emissjonijiet tal-BBP jistgħu jikkawżaw riskju, l-Istat/i Membru/i rilevanti għandu/għandhom jistabbilixxi/u Standards ta’ Kwalità Ambjentali (EQS) u l-miżuri nazzjonali għat-tnaqqis tat-tniġġis biex jintlaħqu dawk l-EQS sa l-2015 għandhom jiġu inklużi fil-pjanijiet tal-ġestjoni tal-baċini tax-xmajjar skond id-dispożizzjonijiet tad-Direttiva 2000/60/KE tal-Parlament Ewropew u tal-Kunsill (6).

3.

Il-valutazzjoni tar-riskju identifikat sorsi oħra ta’ emissjonijiet tal-furfural (eż. kontaminazzjoni ewlenija mill-proċessi ta’ ppolpjar bis-sulfit użati fl-industrija tal-polpa u tal-karta), minbarra dawk mill-kimika prodotta jew impurtata. Il-ħtieġa biex jiġi kkunsidrat jekk hijiex meħtieġa ġestjoni tar-riskju addizzjonali tista’ tiġi kkunsidrata l-aħjar skond id-Direttiva 2008/1/KE tal-Parlament Ewropew u tal-Kunsill (7) u d-Direttiva 2000/60/KE, bl-użu tat-tagħrif fir-rapport komprensiv tal-valutazzjoni tar-riskju.

4.

L-awtoritajiet kompetenti fl-Istati Membri kkonċernati għandhom jistipulaw, fil-permessi maħruġa skond id-Direttiva tal-Kunsill 2008/1/KE, kundizzjonijiet, valuri ta’ limitu għall-emissjonijiet jew parametri ekwivalenti jew il-miżuri tekniċi dwar il-Furfural sabiex joperaw skond l-Aqwa Metodi Disponibbli (BAT), waqt li jikkunsidraw il-karatteristiċi tekniċi ta’ l-installazzjonijiet ikkonċernati, il-pożizzjoni ġeografika tagħhom u l-kundizzjonijiet ambjentali lokali.

5.

L-Istati Membri għandhom jimmonitorjaw bir-reqqa l-implimentazzjoni tal-BAT rigward il-Furfural u jirrapportaw kwalunkwe żvilupp importanti lill-Kummissjoni fil-qafas ta’ l-iskambju ta’ informazzjoni dwar il-BAT.

6.

L-emissjonijiet lokali tal-Furfural fl-ambjent għandhom, fejn meħtieġ, ikunu kkontrollati minn regoli nazzjonali biex jiżguraw li ma jkun mistenni l-ebda riskju għall-ambjent.

7.

L-impjegaturi li jużaw il-perborati tas-sodju għandhom jikkunsidraw kwalunkwe gwida speċifika għas-settur żviluppata fuq livell nazzjonali bbażata fuq il-gwida prattika u ta’ natura li ma torbotx, disponibbli mill-Kummissjoni kif stipulat fl-Artikolu 12(2) tad-Direttiva tal-Kunsill 98/24/KE (8).

8.

Din ir-Rakkomandazzjoni hija indirizzata lis-setturi kollha li jimpurtaw, jipproduċu, jittrasportaw, jaħżnu, jifformulaw fi preparazzjoni jew ipproċessar ieħor, jużaw, jarmu jew jirkurpraw is-sustanzi u lill-Istati Membri.