Ten dokument pochodzi ze strony internetowej EUR-Lex
Dokument 32008D0443
2008/443/EC: Commission Decision of 5 June 2008 on a financial contribution from the Community towards emergency measures to combat avian influenza in the Czech Republic in 2007 (notified under document number C(2008) 2350)
2008/443/KE: Deċiżjoni tal-Kummissjoni tal- 5 ta’ Ġunju 2008 dwar il-kontribut finanzjarju mill-Komunità għal miżuri ta' emerġenza għall-ġlieda kontra l-influwenza tat-tjur fir-Repubblika Ċeka fl-2007 (notifikata taħt id-dokument numru C(2008) 2350)
2008/443/KE: Deċiżjoni tal-Kummissjoni tal- 5 ta’ Ġunju 2008 dwar il-kontribut finanzjarju mill-Komunità għal miżuri ta' emerġenza għall-ġlieda kontra l-influwenza tat-tjur fir-Repubblika Ċeka fl-2007 (notifikata taħt id-dokument numru C(2008) 2350)
ĠU L 156, 14.6.2008, str. 17—17
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Obowiązujące
|
14.6.2008 |
MT |
Il-Ġurnal Uffiċjali ta’ l-Unjoni Ewropea |
L 156/17 |
DEĊIŻJONI TAL-KUMMISSJONI
tal-5 ta’ Ġunju 2008
dwar il-kontribut finanzjarju mill-Komunità għal miżuri ta' emerġenza għall-ġlieda kontra l-influwenza tat-tjur fir-Repubblika Ċeka fl-2007
(notifikata taħt id-dokument numru C(2008) 2350)
(It-test biċ-Ċek biss hu awtentiku)
(2008/443/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta' Ġunju 1990 dwar in-nefqa fil-qasam veterinarju (1), u partikolarment l-Artikoli 3(3) u 3a(1) tagħha,
Billi:
|
(1) |
Id-Deċiżjoni 90/424/KEE tistipula l-proċeduri li jirregolaw il-kontribuzzjoni finanzjarja tal-Komunità għal miżuri veterinarji speċifiċi, inklużi miżuri ta’ emerġenza. Skond l-Artikolu 3a ta’ dik id-Deċiżjoni, l-Istati Membri jistgħu jiksbu kontribuzzjoni finanzjarja għal spejjeż ta’ ċerti miżuri sabiex tinqered l-influwenza tat-tjur. |
|
(2) |
L-Artikolu 3a(3) tad-Deċiżjoni 90/424/KEE jistabbilixxi regoli dwar il-persentaġġ tan-nefqa li jġarrbu l-Istati Membri li jistgħu jkunu koperti mill-kontribuzzjoni finanzjarja tal-Komunità. |
|
(3) |
Ir-Regolament tal-Kummissjoni (KE) Nru 349/2005 tat-28 ta' Frar 2005, li jistabbilixxi r-regoli dwar il-finanzjament Komunitarju għal miżuri ta’ urġenza u għall-kampanja kontra ċertu mard ta’ l-annimali kif jissemma fid-Deċiżjoni tal-Kunsill 90/424/KEE (2), wara l-emenda tad-Deċiżjoni 90/424/KEE bid-Deċiżjoni tal-Kunsill 2006/53/KE (3) ma għadux ikopri l-influwenza tat-tjur. Għaldaqstant jeħtieġ li fid-Deċiżjoni preżenti jiġi espressament ipprovdut li l-għoti ta' kontribuzzjoni finanzjarja lir-Repubblika Ċeka hu suġġett għall-konformità ma' ċerti regoli stabbiliti f’dak ir-Regolament. |
|
(4) |
Fl-2007, fir-Repubblika Ċeka kien hemm tifqigħat ta’ l-influwenza tat-tjur. Il-preżenza ta’ din il-marda tirrappreżenta riskju serju għall-popolazzjoni tal-bhejjem tal-Komunità. Ir-Repubblika Ċeka ħadet il-miżuri, kif jissemma fl-Artikolu 3a(2) tad-Deċiżjoni 90/424/KEE, biex tiġġieled lil dawn it-tifqigħat. |
|
(5) |
Ir-Repubblika Ċeka ssodisfat bis-sħiħ l-obbligi tekniċi u amministrattivi tagħha kif stipulat fl-Artikoli 3(3) u 3a(2) tad-Deċiżjoni 90/424/KEE u l-Artikolu 6 tar-Regolament (KE) Nru 349/2005. |
|
(6) |
Ir-Repubblika Ċeka ressqet lill-Kummissjoni t-tagħrif dwar l-ispejjeż li ġarrbet fis-27 ta’ Lulju 2007, u kompliet tipprovdi t-tagħrif kollu meħtieġ dwar spejjeż ta' kumpens u n-nefqa operattiva. |
|
(7) |
Il-miżuri stipulati f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
Kontribuzzjoni finanzjarja mill-Komunità lir-Repubblika Ċeka
1. Kontribuzzjoni finanzjarja mill-Komunità tista' tingħata lir-Repubblika Ċeka għall-ispejjeż imġarrba minn dan l-Istat Membru fit-teħid tal-miżuri msemmija fl-Artikolu 3a(2) tad-Deċiżjoni 90/424/KEE fil-ġlieda kontra l-influwenza tat-tjur fl-2007.
2. Għall-finijiet ta' din id-Deċiżjoni, l-Artikoli 2 sa 5 u l-Artikoli 7 u 8 u l-Artikolu 9(2), (3) u (4) u l-Artikolu 10 tar-Regolament (KE) Nru 349/2005 għandhom japplikaw mutatis muntandis.
Artikolu 2
Destinatarju
Din id-Deċiżjoni hija indirizzata lir-Repubblika Ċeka.
Magħmula fi Brussell, 5 ta’ Ġunju 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 224, 18.8.1990, p. 19. Id-Deċiżjoni kif emendata l-aħħar bir-Regolament (KE) Nru 1791/2006 (ĠU L 363, 20.12.2006, p. 1).