14.12.2007   

MT

Il-Ġurnal Uffiċjali ta’ l-Unjoni Ewropea

L 329/59

(1)

Wara t-tifqigħat reċenti tal-marda ta’ l-ilsien u d-dwiefer fil-Gran Brittanja, ġiet adottata d-Deċiżjoni tal-Kummissjoni 2007/554/KE tad-9 ta’ Awissu 2007 rigward ċerti miżuri ta’ protezzjoni kontra l-marda ta’ l-ilsien u d-dwiefer fir-Renju Unit (4) biex jissaħħu l-miżuri ta’ kontroll kontra l-marda ta’ l-ilsien u d-dwiefer meħudin minn dak l-Istat Membru fil-qafas tad-Direttiva 2003/85/KE.

(2)

Id-Deċiżjoni 2007/554/KE tistipula regoli applikabbli għad-dispaċċ miż-żoni ta’ riskju għoli, elenkati fl-Anness I, u ż-żoni ta' riskju baxx elenkati fl-Anness II, ta’ dik id-Deċiżjoni (“żoni ristretti”), fil-Gran Brittanja ta’ prodotti kkunsidrati sikuri li, jew ġew prodotti qabel ma daħlu fis-seħħ ir-restrizzjonijiet fir-Renju Unit, minn materja prima li nkisbet barra minn dawn iż-żoni ristretti, inkella sarilhom trattament li huwa ppruvat effettiv għall-inattivazzjoni tal-virus tal-marda possibbli ta’ l-ilsien u d-dwiefer.

(3)

Fid-Deċiżjoni 2007/664/KE, kif emendata bid-Deċiżjoni 2007/664/KE, il-Kummissjoni stipulat ir-regoli għad-dispaċċ ta’ ċerti kategoriji ta’ laħam minn ċerti żoni elenkati fl-Anness III tad-Deċiżjoni 2007/554/KE, kif emendata, fejn ma ġewx irreġistrati tifqigħat tal-marda ta’ l-ilsien u d-dwiefer għallinqas għal perjodu ta' 90 jum qabel il-qtil u li jikkonformaw ma’ ċerti kundizzjonijiet speċifikati.

(4)

Fuq il-bażi ta’ l-evoluzzjoni favorevoli tal-qagħda ta’ saħħet l-annimali fir-Renju Unit, u b’mod partikolari r-riżultati favorevoli tas-sorveljanza konkluża, huwa issa possibbli li jkunu esklużi ċerti żoni fil-Gran Brittanja mill-ambitu tad-Deċiżjoni 2007/554/KE u li tinżamm żona ta’ riskju baxx ta’ madwar 50 km madwar iż-żoni ta’ tifqigħat li l-unitajiet amministrattivi tagħhom għandhom ikunu mniżżla fl-Anness II ta’ din id-Deċiżjoni.

(5)

L-evoluzzjoni favorevoli tal-qagħda ta' saħħet l-annimali tippermetti wkoll li jitneħħew ċerti ħtiġijiet ta' ċertifikazzjoni għal prodotti li joriġinaw mill-annimali, bħal laħam, ħalib u prodotti sekondarji mill-annimali, billi prodotti bħal dawn mhumiex aktar taħt ir-restrizzjonijiet li jappartjenu għaż-żoni mniżżla fl-Anness I u għalhekk ma jaqawx aktar taħt status differenti ta' saħħa ta’ l-annimali.

(6)

Id-Deċiżjoni 2007/554/KE għandha għalhekk tiġi emendata skond dan.

(7)

Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali,

(1)

L-Artikolu 17 jinbidel b’dan li ġej:

“Din id-Deċiżjoni għandha tapplika sal-31 ta' Diċembru 2007.

Madankollu, il-projbizzjonijiet fuq id-dispaċċ stipulati fl-Artikoli 2, 3, 4, 5, 7 u 8 kif ukoll id-dispożizzjonijiet stipulati fl-Artikoli 9 u 11 marbuta ma’ dawn il-projbizzjonijiet u d-dispożizzjonijiet fl-Artikolu 14 m’għandhomx jibqgħu japplikaw.”

2.

L-Annessi huma sostitwiti bit-test fl-Anness ta' din id-Deċiżjoni.