This document is an excerpt from the EUR-Lex website
Document 32007R1473
Commission Regulation (EC) No 1473/2007 of 13 December 2007 on a transitional measure relating to the treatment of the by-products of winemaking provided for in Council Regulation (EC) No 1493/1999 for the 2007/08 wine year in Bulgaria
Regolament tal-Kummissjoni (KE) Nru 1473/2007 tat- 13 ta’ Diċembru 2007 dwar miżura tranżitorja li tirrigwarda t-trattament ta' prodotti sekondarji tal-produzzjoni ta' l-inbid previst mir-Regolament tal-Kunsill (KE) Nru 1493/1999 għas-sena ta' l-inbid 2007/2008 fil-Bulgarija
Regolament tal-Kummissjoni (KE) Nru 1473/2007 tat- 13 ta’ Diċembru 2007 dwar miżura tranżitorja li tirrigwarda t-trattament ta' prodotti sekondarji tal-produzzjoni ta' l-inbid previst mir-Regolament tal-Kunsill (KE) Nru 1493/1999 għas-sena ta' l-inbid 2007/2008 fil-Bulgarija
ĠU L 329, 14.12.2007, p. 13–13
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/07/2008
|
14.12.2007 |
MT |
Il-Ġurnal Uffiċjali ta’ l-Unjoni Ewropea |
L 329/13 |
REGOLAMENT TAL-KUMMISSJONI (KE) Nru 1473/2007
tat-13 ta’ Diċembru 2007
dwar miżura tranżitorja li tirrigwarda t-trattament ta' prodotti sekondarji tal-produzzjoni ta' l-inbid previst mir-Regolament tal-Kunsill (KE) Nru 1493/1999 għas-sena ta' l-inbid 2007/2008 fil-Bulgarija
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat dwar l-Adeżjoni tal-Bulgarija u r-Rumanija,
Wara li kkunsidrat l-Att ta' Adeżjoni tal-Bulgarija u r-Rumanija, u partikolarment l-ewwel subparagrafu ta' l-Artikolu 41 tiegħu,
Billi:
|
(1) |
Skond l-Artikolu 27(3) tar-Regolament tal-Kunsill (KE) Nru 1493/1999 tas-17 ta’ Mejju 1999 dwar l-organizzazzjoni komuni tas-suq ta' l-inbid (1), il-persuni fiżiċi jew legali jew gruppi ta' persuni li jkunu għamlu l-inbid, jeħtiġilhom jikkonsenjaw għad-distillazzjoni l-prodotti sekondarji kollha ta' dik il-produzzjoni ta' l-inbid. Mill-adeżjoni tal-Bulgarija fl-1 ta’ Jannar 2007 mal-Komunità, dan l-obbligu japplika wkoll għall-produtturi ta' l-inbid f'dan l-Istat Membru, minkejja li din il-prattika mhijiex tradizzjonali fil-Bulgarija. |
|
(2) |
Ir-Regolament (KE) Nru 1623/2000 tal-Kummissjoni (2) jistipula r-regoli għall-applikazzjoni ta’ dan l-obbligu ta’ distillazzjoni, kif ukoll ċerti possibbiltajiet għal deroga fl-Artikolu 49 tiegħu. |
|
(3) |
Minkejja l-miżuri diġà meħudin mill-Bulgarija, jirriżulta li f'dan l-Istat Membru, il-kapaċità tad-distilleriji mhijiex biżżejjed biex jiġu distillati l-prodotti sekondarji kollha. Għaldaqstant, jeħtieġ li l-Bulgarija tkun permessa li teskludi ċerti kategoriji ta’ prodotturi mill-obbligu ta’ distillazzjoni tal-prodotti sekondarji tal-produzzjoni ta’ l-inbid. |
|
(4) |
Biex din id-deroga mogħtija lill-Bulgarija tapplika għas-sena kollha ta’ l-inbid, jeħtieġ li dan ir-Regolament japplika mill-1 ta’ Awwissu 2007. |
|
(5) |
Il-miżuri pprovduti f'dan ir-Regolament huma skond l-opinjoni tal-Kumitat ta' Ġestjoni għall-Inbid, |
ADOTTAT DAN IR-REGOLAMENT:
Artikolu 1
B'deroga mill-Artikolu 49(4)(a) tar-Regolament (KE) Nru 1623/2000, għas-sena tas-suq 2007/2008, il-Bulgarija tista' tipprovdi li l-produtturi li ma jaqbżux livell ta’ produzzjoni ta’ 7 500 hl, miksub minnhom stess fl-istallazzjonijiet individwali tagħhom, ikunu jistgħu jaqdu l-obbligu ta’ twassil tal-prodotti sekondarji għad-distillazzjoni permezz ta’ l-irtirar taħt kontroll ta’ dawn il-prodotti.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Għandu japplika mill-1 ta’ Awwissu 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 13 ta’ Diċembru 2007.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 179, 14.7.1999, p. 1. Ir-Regolament kif emendat l-aħħar bir-Regolament (KE) Nru 1234/2007 (ĠU L 299, 16.11.2007, p. 1).
(2) ĠU L 194, 31.7.2000, p. 45. Ir-Regolament kif emendat l-aħħar bir-Regolament (KE) Nru 923/2007 (ĠU L 201, 2.8.2007, p. 9).