29.6.2006   

MT

Il-Ġurnal Uffiċjali ta’ l-Unjoni Ewropea

122

(1)

Wara stedina uffiċjali mill-gvern tad-DRC bid-data tas-26 ta' April 2005, fit-2 ta' Mejju 2005 il-Kunsill adotta l-Azzjoni Konġunta 2005/355/PESK dwar il-missjoni ta' l-Unjoni Ewropea biex tipprovdi konsulenza u assistenza għar-riforma tas-settur tas-sigurtà fir-Repubblika Demokratika tal-Kongo (DRC) (1), imsejħa “EUSEC RD Congo”.

(2)

Il-missjoni EUSEC RD Congo timmira biex tipprovdi appoġġ prattiku għall-integrazzjoni ta’ l-armata Kongoliża u governanza tajba fil-qasam tas-sigurtà, inkluż fl-oqsma tal-kontroll u tal-ġesjtoni tal-budget u tal-finanzi, ta' l-istatus tal-professjoni militari, tat-taħriġ, ta' l-akkwist pubbliku, tal-kontabilità u tal-monitoraġġ finanzjarju. L-Artikolu 2 ta' l-Azzjoni Konġunta imsemmija jipprevedi li l-missjoni EUSEC RD Congo għandha tidentifika u tikkontribwixxi għall-iżvilupp ta' diversi proġetti u għażliet differenti li l-Unjoni Ewropea u/jew l-Istati Membri tagħha jistgħu jiddeċiedu li jappoġġjaw f'dan il-qasam.

(3)

Wara talba mill-Gvern Kongoliż bid-data tad-19 ta' Lulju 2005 għal appoġġ tekniku u loġistiku għall-modernizzazzjoni tas-sistema ta' ġestjoni tal-persunal u tal-finanzi tal-Forzi Armati tad-DRC, il-missjoni EUSEC RD Congo fasslet abbozz ta' programm ta' assistenza teknika maħsub biex, b'mod partikolari, jimmodernizza l-linja ta' ħlas tal-Ministeru tad-Difiża fid-DRC.

(4)

Is-Segretarju Ġenerali/Rappreżentant Għoli nnotifika lill-Gvern Kongoliż b'ittra datata il-11 ta' Novembru 2005 bl-intenzjoni ta' l-Unjoni Ewropea li tistabbilixxi proġett ta' assistenza teknika maħsub biex jimmodernizza l-imsemmija linja ta' ħlas.

(5)

Fil-21 ta' Novembru 2005, il-Kunsill approva l-kunċett ġenerali għall-istabbiliment ta’ proġett ta' assistenza teknika għall-modernizzazzjoni ta' l-imsemmija linja ta' ħlas. Il-proġett għandu jiġi stabbilit bħala entità distinta fi ħdan il-missjoni EUSEC RD Congo.

(6)

Il-proġett ta' linja ta' ħlas jaqa' taħt il-mandat u l-objettivi tal-missjoni EUSEC RD Congo, missjoni b'karattru ċivili, iżda, minħabba l-istruttura u r-regoli ta' implimentazzjoni tal-proġett kif ukoll in-numru tal-persunal u l-budget meħtieġ, jeħtieġ li tiġi emendata l-Azzjoni Konġunta 2005/355/PESK.

(7)

Jeħtieġ li Stati terzi jipparteċipaw fil-proġett b'mod konformi mal-linji gwida ġenerali definiti mill-Kunsill Ewropew.

(8)

Il-persunal li ser jiġi mibgħut fid-DRC fil-qafas tal-proġett għall-modernizzazzjoni tal-linja ta' ħlas ser ikun kopert mid-dispożizzjonijiet dwar l-istatut tal-persunal għall-persunal li diġà jinsab insedjat għall-missjoni EUSEC RD Congo.

(9)

Il-proġett ser jitwettaq fil-kuntest ta' sitwazzjoni li tista' tmur għall-agħar u li tista' tkun ta' ħsara għall-objettivi tal-Politika Estera u ta' Sigurtà Komuni kif stabbilit fl-Artikolu 11 tat-Trattat,

1)

Fl-Artikolu 2, għandu jiżdied il-paragrafu li ġej:

“Fil-qafas tal-mandat deskritt fl-ewwel paragrafu, għandu jiġi stabbilit fi ħdan il-missjoni, proġett ta' assistenza teknika għall-modernizzazzjoni tal-linja ta' ħlas tal-Ministeru tad-Difiża fid-DRC, minn issa 'l quddiem imsejjaħ ‘proġett ta' linja ta' ħlas’, sabiex jitwettqu l-kompiti, definiti fil-kunċett ġenerali għall-proġett.”

2)

Ma' l-Artikolu 3 għandu jiżdied il-punt li ġej:

.

3)

L-Artikolu 8a li ġej għandu jiġi inserit:

“Artikolu 8a

Parteċipazzjoni ta' Stati terzi fil-proġett ta' linja ta' ħlas

1.   Mingħajr preġudizzju għall-awtonomija tat-teħid ta' deċiżjonijiet ta' l-UE u tal-qafas istituzzjonali uniku tagħha, xi Stati terzi jistgħu jiġu mistiedna biex jagħtu kontribut għall-proġett ta' linja ta' ħlas, bil-ftehim li huma jħallsu l-ispejjeż tal-persunal issekondat minnhom, inklużi l-pagi, l-assikurazzjoni ta' ‘riskju għoli’, il-benefiċċji u l-ispejjeż ta' l-ivvjaġġar lejn u mid-DRC u li huma jikkontribwixxu kif xieraq għall-ispejjeż tal-funzjonament tal-proġett tal-linja tal-ħlas.

2.   L-Istati terzi li jagħtu kontribut lill-proġett tal-linja tal-ħlas għandhom ikollhom l-istess drittijiet u obbligi f'termini tal-ġestjoni ta' kuljum tal-proġett daqs l-Istati Membri ta' l-UE.

3.   Il-Kunsill jawtorizza lill-COPS biex jieħu d-deċiżjonijiet pertinenti dwar l-aċċettazzjoni tal-kontribuzzjonijiet proposti u biex joħloq Kumitat tal-Kontributuri.

4.   L-arranġamenti dettaljati dwar il-parteċipazzjoni ta' Stati terzi għandhom ikunu koperti minn ftehim konkluż b'mod konformi mal-proċedura stabbilita fl-Artikolu 24 tat-Trattat. Is-SĠ/RGħ, li għandu jassisti lill-Presidenza, jista' jinnegozja dawn l-arranġamenti f'isem din ta' l-aħħar. Jekk l-UE u Stat terz ikunu ikkonkludew ftehim li jistabbilixxi l-qafas għall-parteċipazzjoni ta' dan l-Istat terz f'xi operazzjonijiet ta' l-UE ta' maniġġar ta' kriżijiet, id-dispożizzjonijiet ta' dak il-ftehim għandhom japplikaw fil-kuntest tal-proġett tal-linja tal-ħlas.”

4)

L-Artikolu 9a li ġej għandu jiġi inserit:

“Artikolu 9a

Dispożizzjonijiet partikolari rigward il-finanzjament tal-proġett ta' linja ta' ħlas

1.   Għall-perijodu li jintemm fil-15 ta' Frar 2006, id-dispożizzjonijiet li ġejjin għandhom japplikaw:

2.   Għall-perijodu mill-16 ta' Frar sat-2 ta' Mejju 2006, in-nefqa operattiva marbuta mal-proġett ta' linja ta' ħlas għandha titħallas mill-budget ġenerali ta' l-Unjoni Ewropea skond id-dispożizzjonijiet li ġejjin:

(*)  ĠU L 63, 28.2.2004, p. 68. Deċiżjoni kif emendata l-aħħar bid-Deċiżjoni 2005/68/PESK (ĠU L 27, 29.1.2005, p. 59).”."

5)

L-Anness li ġej għandu jkun miżjud: