This document is an excerpt from the EUR-Lex website
Document 62023CN0078
Case C-78/23, Deutsche Lufthansa: Request for a preliminary ruling from the Amtsgericht Steinfurt (Germany) lodged on 14 February 2023 — UE v Deutsche Lufthansa AG
Kawża C-78/23, Deutsche Lufthansa: Talba għal deċiżjoni preliminari mressqa mill-Amtsgericht Steinfurt (il-Ġermanja) fl-14 ta’ Frar 2023 – UE vs Deutsche Lufthansa AG
Kawża C-78/23, Deutsche Lufthansa: Talba għal deċiżjoni preliminari mressqa mill-Amtsgericht Steinfurt (il-Ġermanja) fl-14 ta’ Frar 2023 – UE vs Deutsche Lufthansa AG
ĠU C 189, 30.5.2023, p. 11–11
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
|
30.5.2023 |
MT |
Il-Ġurnal Uffiċjali tal-Unjoni Ewropea |
C 189/11 |
Talba għal deċiżjoni preliminari mressqa mill-Amtsgericht Steinfurt (il-Ġermanja) fl-14 ta’ Frar 2023 – UE vs Deutsche Lufthansa AG
(Kawża C-78/23, Deutsche Lufthansa)
(2023/C 189/16)
Lingwa tal-kawża: il-Ġermaniż
Qorti tar-rinviju
Amtsgericht Steinfurt
Partijiet fil-kawża prinċipali
Rikorrent: UE
Konvenut: Deutsche Lufthansa AG
Domandi preliminari
Avviż ta’ bidla ta’ riżervazzjoni, bil-formulazzjoni riprodotta hawn isfel, u bil-lista sussegwenti tal-partijiet tat-titjira tal-vjaġġ bir-ritorn li huma miżmuma minn dawk indikati fil-konfermazzjoni tar-riżervazzjoni, jissodisfa l-kundizzjonijiet sostantivi ta’ “informati bil-kanċellazzjoni” fis-sens tal-Artikolu 5(1)(ċ) tar-Regolament (KE) Nru 261/2004 tal-Parlament Ewropew u tal-Kunsill tal-11 ta’ Frar 2004 li jistabbilixxi regoli komuni dwar il-kumpens u l-assistenza għal passiġġieri fil-każ li ma jitħallewx jitilgħu u ta’ kanċellazzjoni jew dewmien twil ta’ titjiriet, u li li jħassar ir-Regolament (KEE) Nru 295/91 (1)?
“Bidla tar-riżervazzjoni
[Isem tat-trasportatur tal-ajru] Numru ta’ riżervazzjoni: […]
(uri/ibdel ir-riżervazzjoni)
Għażiża klijenta, għażiż klijent,
Minħabba l-kriżi tal-coronavirus, huwa neċessarju li nkomplu nadattaw il-pjan ta’ titjira tagħna. Dan wassal ukoll għal bidla fir-riżervazzjoni tiegħek.
Ipprovajna nsibu l-aħjar konnessjoni possibbli għalik u nitolbuk, jekk jogħġbok, tivverifika l-bidla fir-riżervazzjoni tiegħek. It-titjiriet kollha tal-vjaġġ tiegħek li nżammu huma elenkati; it-titjiriet li ġew ikkanċellati ma ġewx riprodotti.”
(1) ĠU Edizzjoni Speċjali bil-Malti, Kapitolu 7, Vol. 8, p. 10.