62022TN0528

EUR-Lex

De toegang tot het recht van de Europese Unie

Dit document is overgenomen van EUR-Lex

EUROPA
EUR-Lex home
EUR-Lex - 62022TN0528 - NL

Help

Zoektips

Meer zoekopties nodig? Gebruik het Uitgebreid zoeken

Document 62022TN0528

Kawża T-528/22: Rikors ippreżentat fit-30 ta’ Awwissu 2022 – Belaruskali vs Il-Kunsill

ĠU C 389, 10.10.2022, blz. 21–22 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Publicatieblad

10.10.2022

Il-Ġurnal Uffiċjali tal-Unjoni Ewropea

C 389/21

Rikors ippreżentat fit-30 ta’ Awwissu 2022 – Belaruskali vs Il-Kunsill

(Kawża T-528/22)

(2022/C 389/24)

Lingwa tal-kawża: l-Ingliż

Partijiet

Rikorrent: Belaruskali AAT (Soligorsk, il-Bjelorussja) (rappreżentant: V. Ostrovskis, avukat)

Konvenut: Il-Kunsill tal-Unjoni Ewropea

Talbiet

Ir-rikorrenti titlob li l-Qorti Ġenerali jogħġobha:

—

tannulla d-Deċiżjoni ta’ Implimentazzjoni tal-Kunsill (PESK) 2022/881 tat-3 ta’ Ġunju 2022 li timplimenta d-Deċiżjoni 2012/642/PESK dwar miżuri restrittivi fid-dawl tas-sitwazzjoni fil-Belarussja u l-involviment tal-Belarussja fl-aggressjoni Russa kontra l-Ukrajna (1) sa fejn din tikkonċerna lir-rikorrenti;

—

tannulla r-Regolament ta’ Implimentazzjoni tal-Kunsill (UE) 2022/876 tat-3 ta’ Ġunju 2022 li jimplimenta l-Artikolu 8a(1) tar-Regolament (KE) Nru 765/2006 dwar miżuri restrittivi fid-dawl tas-sitwazzjoni fil-Belarussja u l-involviment tal-Belarussja fl-aggressjoni Russa kontra l-Ukrajna (2), sa fejn dan jikkonċerna lir-rikorrenti (iktar ’il quddiem, flimkien, l-“atti kkontestati”); u

—	tikkundanna lill-Kunsill għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka ħames motivi.

L-ewwel motiv ibbażat fuq ksur tal-prinċipju ta’ legalità.

—	L-atti kkontestati sa fejn jikkonċernaw lir-rikorrenti jiksru d-drittijiet fundamentali tal-bniedem.

—	L-atti kkontestati, sa fejn jikkonċernaw lir-rikorrenti, jiksru trattati internazzjonali.

—	L-atti kkontestati jiksru l-għanijiet stabbiliti mill-bażijiet legali tal-Unjoni Ewropea.

—	L-atti kkontestati, sa fejn dawn jikkonċernaw lir-rikorrenti, jiksru l-prinċipju li jeħtieġ li l-miżuri jkunu mmirati – huma jaffettwaw lill-popolazzjoni ċivili mhux biss fil-Bjelorussja, iżda madwar id-dinja.

—

L-atti kkontestati jiksru l-prinċipju ta’ ċertezza legali. Ir-raġunijiet għall-inklużjoni tar-rikorrenti jinkludu numru ta’ termini, li la huma ddefiniti fl-atti kkontestati u lanqas fil-ġurisprudenza. Fid-dawl ta’ dan, it-tifsira tagħhom ma hijiex ċara għar-rikorrenti, u hija ma tistax tifhimhom mingħajr ambigwità u tiddeċiedi kif għandha taġixxi fil-kuntest tal-miżuri meħuda kontriha mill-Kunsill.

It-tieni motiv ibbażat fuq żball manifest ta’ evalwazzjoni.

—	Il-Kunsill naqas milli juri l-mod kif ir-rikorrenti tibbenefika mir-reġim ta’ Lukashenka jew tappoġġjah. Għalhekk, il-Kunsill naqas milli jipprova li r-rikorrenti tibbenefika mir-reġim ta’ Lukashenka jew tappoġġjah.

—	Il-Kunsill naqas milli juri l-mod kif ir-rikorrenti hija responsabbli għar-repressjoni tas-soċjetà ċivili. Għalhekk, il-Kunsill naqas milli jipprova li r-rikorrenti hija responsabbli għar-repressjoni tas-soċjetà ċivili.

—	Il-biċċa l-kbira tal-provi prodotti mill-Kunsill ma humiex affidabbli, ma humiex preċiżi jew ma humiex relatati mar-rikorrenti jew mar-raġunijiet għall-inklużjoni.

3.	It-tielet motiv ibbażat fuq il-ksur tal-prinċipju ta’ nondiskriminazzjoni.

4.	Ir-raba’ motiv ibbażat fuq il-ksur tal-prinċipju ta’ proporzjonalità.

5.	Il-ħames motiv ibbażat fuq il-ksur tal-obbligu ta’ motivazzjoni.

(1) ĠU 2022, L 153, p. 77.

(2) ĠU 2022, L 153, p. 1.

Naar boven

Kies de experimentele functies die u wilt uitproberen