—

tannulla d-Deċiżjoni ta’ Implimentazzjoni tal-Kunsill (PESK) 2022/881 tat-3 ta’ Ġunju 2022 li timplimenta d-Deċiżjoni 2012/642/PESK dwar miżuri restrittivi fid-dawl tas-sitwazzjoni fil-Belarussja u l-involviment tal-Belarussja fl-aggressjoni Russa kontra l-Ukrajna (1),

—

tannulla r-Regolament ta’ Implimentazzjoni tal-Kunsill (UE) 2022/876 tat-3 ta’ Ġunju 2022 li jimplimenta l-Artikolu 8a(1) tar-Regolament (KE) Nru 765/2006 dwar miżuri restrittivi fid-dawl tas-sitwazzjoni fil-Belarussja u l-involviment tal-Belarussja fl-aggressjoni Russa kontra l-Ukrajna (2) (iktar ’il quddiem l-“atti kkontestati”) sa fejn dawn japplikaw għar-rikorrent, u

—

tikkundanna lill-Kunsill għall-ispejjeż rispettivi tiegħu kif ukoll għall-ispejjeż sostnuti mir-rikorrent għall-preżentata ta’ dan ir-rikors.

1.

L-ewwel motiv ibbażat fuq il-ksur tad-drittijiet tad-difiża. L-ewwel, hija allegata insuffiċjenza ta’ motivazzjoni. Billi naqsu milli jistabbilixxu b’mod suffiċjentement ċar kif il-Kunsill ikkonkluda li l-kriterji sussidjarji fl-Artikoli 3(1)(b) u 4(1)(b) tad-Deċiżjoni tal-Kunsill 2012/642/PESK tal-15 ta’ Ottubru 2012 dwar miżuri restrittivi kontra l-Bjelorussja (3) japplikaw għar-rikorrent, l-atti kkontestati jiksru t-tieni paragrafu tal-Artikolu 296 TFUE. It-tieni, huwa allegat ksur tal-prinċipju ta’ responsabbiltà personali minħabba li billi naqsu milli jidentifikaw il-benefiċċju rċevut mir-reġim Bjelorussu, jew l-appoġġ ipprovdut lilu mir-rikorrent, l-atti kkontestati jiksru d-drittijiet fundamentali tar-rikorrent bi ksur tal-prinċipju ta’ responsabbiltà personali.

2.

It-tieni motiv ibbażat fuq żball manifest ta’ evalwazzjoni. L-ewwel, huwa allegat li ma ġiex issostanzjat benefiċċju mir-reġim ta’ Lukashenka jew appoġġ għal dan ir-reġim. L-atti kkontestati huma vvizzjati minn żball manifest ta’ evalwazzjoni peress li dawn ġew adottati fl-assenza ta’ prova suffiċjenti. It-tieni, huwa allegat li ma ġietx issostanzjata kondotta rilevanti ratione temporis. L-atti kkontestati huma punittivi biss, u għalhekk illegali, minħabba li l-prova insostenn tiżvela biss ċirkustanzi storiċi.

3.

It-tielet motiv ibbażat fuq indħil sproporzjonat fid-drittijiet fundamentali tar-rikorrent. L-għan tal-atti kkontestati ntlaħaq permezz ta’ miżuri leġiżlattivi oħra; għalhekk, huma jikkostitiwixxu ndħil sproporzjonat fid-drittijiet fundamentali tar-rikorrent.